យុវជន គបម / GDP Youth Wing

04/06/2026

យើងយល់ឃើញថា យើងខ្លាំងបានលុះត្រាតែពលរដ្ឋចូលរួមជាមួយយើង។ ពលរដ្ឋគាំទ្រយើង យើងការពារផលប្រយោជន៍ជូនពលរដ្ឋ។ ពលរដ្ឋជ្រើសរើសយើង យើងអភិវឌ្ឍជូនពលរដ្ឋ។ នៅពលរដ្ឋផ្ដល់អំណាចឲ្យយើង យើងនឹងកម្ចាត់អំពើពុករលួយមុនគេ លុបបំបាត់បក្សពួកនិយម ដើម្បីផ្ដល់ឱកាសជូនអ្នកមានសមត្ថភាពពិតប្រាកដ និង អភិវឌ្ឍសេដ្ឋកិច្ចគ្រប់វិស័យក្នុងគោលបំណងបង្កើតការងារឲ្យបានច្រើនជូនពលរដ្ឋរបស់យើង។
#គណបក្សប្រជាធិបតេយ្យមូលដ្ឋាន
#យុវជនគបម

03/06/2026

យុវជន គបម យល់ថាសូម្បីតែកូនកម្មករ ឬ កូនកសិករ ក៏អាចចូលរួមដឹកនាំប្រទេសកម្ពុជា។ ប្រទេសនេះ មិនត្រូវមានអំណាចប្រមូលផ្តុំក្នុងដៃរបស់កូននរណាម្នាក់ឡើយ 🚫 តែផ្ទុយទៅវិញ អំណាចទាំងអស់ ជារបស់ប្រជាពលរដ្ឋខ្មែរគ្រប់រូប តាំងពីថ្ងៃដំបូង រហូតមកដល់សព្វថ្ងៃ។

តើអំណាចរបស់យើងនឹងអាចថយចុះឬទេនៅថ្ងៃអនាគត?

01/06/2026

ចូលរួមជួយសង្គម គឺជាការលះបង់ខ្ពស់ដើម្បីឆ្ពោះទៅកសាងមូលដ្ឋានមួយសុខដុមរមនា និងរីកចម្រើន។

នៅថ្ងៃទី៣១ ខែឧសភា ឆ្នាំ២០២៦ គណៈកម្មាធិការនាយក ដែលជាអង្គការកំពូលទី២របស់គណបក្ស បានរៀបចំកិច្ចប្រជុំរបស់ខ្លួន ដោយមានការចូលរួមពីប្រតិភូតំណាងសមាជិកមកពីថ្នាក់ក្រោមជាតិ ក្រុមយុវជន និងក្រុមប្រឹក្សាគោលនយោបាយរបស់គណបក្ស។

កិច្ចប្រជុំបានផ្តោតលើការវិវត្តន៍នៃស្ថានភាពនយោបាយកម្ពុជា បទបង្ហាញអំពីរបាយការណ៍ការងារ និងពិភាក្សាអំពីទិសដៅរបស់គណបក្សឆ្ពោះទៅកាន់ការបោះឆ្នោតខាងមុខនេះ។

#គណបក្សប្រជាធិបតេយ្យមូលដ្ឋាន
#គបម

29/05/2026

ទំព័រ Instagram របស់ យុវជន គបម / GDP Youth Wing ៖ https://www.instagram.com/gdpyouthwing?utm_source=qr&igsh=MTI2cms5ZDE5eXd5ag==

27/05/2026

នៅថ្ងៃទី២៦ ខែឧសភា ឆ្នាំ២០២៦ តំណាងស្ថាប័នយុវជន នៃគណបក្សប្រជាធិបតេយ្យមូលដ្ឋាន បានចូលរួមពិធីបិទបញ្ចប់កម្មវិធីអញ្ជើញអ្នកនយោបាយ និងសកម្មជនវ័យក្មេងកម្ពុជាទៅប្រទេសជប៉ុនលើកទី៨ ដែលប្រព្រឹត្តទៅក្នុងនិវេសនដ្ឋានរបស់ឯកអគ្គរាជទូតជប៉ុននៅកម្ពុជា។

ក្នុងឱកាសនេះ យុវជន គបម បានបន្តបង្ហាញការតាំងចិត្តក្នុងការពង្រឹងសិទ្ធិអំណាចយុវជន ឲ្យធ្វើនយោបាយគណបក្ស ដើម្បីធានាសេចក្តីថ្លៃថ្នូររបស់ខ្លួន និងធានាអធិបតេយ្យភាពរបស់ប្រទេសកម្ពុជា។ ក្នុងន័យនេះ ប្រទេសជប៉ុន គឺជាករណីសិក្សាមួយ ដែលយុវជនកម្ពុជាអាចដកស្រង់មេរៀនយកមកអនុវត្តក្នុងដំណើរជីវិតនយោបាយ ដើម្បីសម្រេចចក្ខុវិស័យដ៏ត្រឹមត្រូវ និងវែងឆ្ងាយមួយនេះ។

សូមគូសបញ្ជាក់ថា កម្មវិធីនេះមានគោលបំណងគាំទ្រការអភិវឌ្ឍតាមបែបលទ្ធិប្រជាធិបតេយ្យរបស់កម្ពុជា តាមរយៈការអញ្ជើញអ្នកនយោបាយ និងសកម្មជនវ័យក្មេងកម្ពុជាទៅប្រទេសជប៉ុន។ កម្មវិធីនេះ គឺជាឱកាសមួយដើម្បីសង្កេតមើលការអនុវត្តលទ្ធិប្រជាធិបតេយ្យពហុបក្សនៅប្រទេសជប៉ុន និងជម្រុញកិច្ចសន្ទនារវាងគណបក្សកាន់អំណាច គណបក្សប្រឆាំង និងភាគីពាក់ព័ន្ធផ្សេងៗទៀត។

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

26/05/2026

យើងចង់កសាងសង្គមនីតិរដ្ឋ អនុវត្តប្រជាធិបតេយ្យ!

២៦ ឧសភា ២០២៦ - សេចក្តីថ្លែងការណ៍ ស្តីពី ការស្វាគមន៍ចំពោះការលើកលែងទោស លោក កឹម សុខា និងការអំពាវនាវឱ្យមានការសន្ទនានយោបាយដើម្បីឯកភាពជាតិ។

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

25/05/2026

សូមអបអរសាទរ លោក កឹម សុខា ដែលត្រូវបានលើកលែងមូលទោស (ការឃុំខ្លួន) នៅថ្ងៃនេះ។ តាមការសង្កេតមើលជារួម រាស្ត្រចង់ឲ្យអ្នកនយោបាយផ្សះផ្សាគ្នា រួបរួមគ្នា សាមគ្គីគ្នា ដើម្បីឆ្ពោះទៅនីតិរដ្ឋ (គោរពច្បាប់) តែបញ្ហានេះវាមិនងាយដូចគារចង់បានទេ ក្រោមហេតុផលផ្សេងៗ។ តើគួរបន្តយន្តការដោះស្រាយដូចម្ដេចទៀត។ 25-5-26
#យុវជនគបម

22/05/2026

សូមស្តាប់ការចែករំលែក របស់លោក ចាន់ សុវណ្ណារិទ្ធ សមាជិក គបម ខេត្តសៀមរាប អំពីប្រភពថវិការបស់រដ្ឋបាលថ្នាក់ក្រោមជាតិឬរដ្ឋបាលមូលដ្ឋាន ដោយផ្អែកលើកបទពិសោន៍ដែលលោកបានចូលរួមការសិក្សាវគ្គ៣៖ អភិបាលកិច្ចនៅក្នុងសង្គមប្រជាធិបតេយ្យ នៃសាលា ខុនរ៉ាដអាដិនណៅអ៊ែរ សម្រាប់អ្នកនយោបាយវ័យក្មេង ជំនាន់ទី១៦ នៅប្រទេស ម៉ុងហ្គោលី។🇰🇭

#គណបក្សប្រជាធិបតេយ្យមូលដ្ឋាន
#គណបក្សប្រជាធិបតយ្យខេត្តសៀមរាប
#គបមសៀមរាប



#សាមគ្គីភាព
#អ្នកស្រលាញ់ប្រជាធិបតេយ្យ
#ប្រជាធិបតេយ្យពិតប្រាកដ
#រួមគ្នាដើម្បីអនាគតល្អ
#កម្លាំងសាមគ្គី
#សង្គមប្រកបដោយយុត្តិធម៌
#សម្លេងប្រជាជន

21/05/2026

យុវជន គបម / GDP Youth Wing មានមោទនភាពដែលបានរួមចំណែកក្នុងការរៀបចំសមាជនេះ រហូតទទួលបានការទទួលស្គាល់ជាផ្លូវការ។

ជយោព្រះរាជាណាចក្រកម្ពុជា ♥️🇰🇭

លទ្ធផលសមាជ! គណបក្សប្រជាធិបតេយ្យមូលដ្ឋានមានសេចក្តីរីករាយ សូមជម្រាបជូនសមាជិកគណបក្ស និងសាធារណជនមេត្តាជ្រាបថា ក្រសួងមហាផ្ទៃបានទទួលស្គាល់លទ្ធផលសមាជវិសាមញ្ញាថ្នាក់ជាតិរបស់ «គបម» ដែលបានប្រារព្ធធ្វើ កាលពីថ្ងៃទី២២ ខែមីនា ឆ្នាំ២០២៦កន្លងទៅនេះ។ សូមអានលិខិតខាងក្រោម សម្រាប់ខ្លឹមសារលំអិត។

គណបក្សប្រជាធិបតេយ្យមូលដ្ឋានប្តេជ្ញាចិត្ត អនុវត្តគោលការណ៍ប្រជាធិបតេយ្យផ្ទៃក្នុងពីក្រោមមកលើ សមាជិកមានភាពជាម្ចាស់ និងបណ្តុះបណ្ដាលអ្នកដឹកនាំបែបប្រជាធិបតេយ្យជាច្រើននៅតាមមូលដ្ឋាន និងតាមវិស័យ ក្នុងគោលបំណងរួមចំណែកកសាងសង្គមប្រជាធិបតេយ្យដ៏ពិតប្រាកដ និងល្អប្រពៃមួយ ដែលប្រជាពលរដ្ឋរស់នៅមានជីវិតថ្លៃថ្នូរ និងប្រទេសជាតិមានអធិបតេយ្យពេញលេញ។

#គណបក្សប្រជាធិបតេយ្យមូលដ្ឋាន #គបម #សាមគ្គីភាព #យុត្តិធម៌ #អហិង្សា #សៀវភៅបៃតង #កម្ពុជា

21/05/2026

យុវជន គបម សូមលើកទឹកចិត្តឲ្យយុវជនគ្រប់និន្នាការជជែកគ្នា សាមគ្គីគ្នា ប្រសើរជាងបែកបាក់ ឬពឹងផ្អែកបរទេសពេក។ ត្រូវមានភាពជាខ្លួនឯងឲ្យខ្លាំង ឲ្យរឹងមាំ ដើម្បីគោលដៅប្រជាធិបតេយ្យពិតប្រាកដ នីតិរដ្ឋ ពលរដ្ឋទទួលបានភាពថ្លៃថ្នូរ។