រដ្ឋបាលព្រៃឈើ Forestry Administration, Cambodia

រដ្ឋបាលព្រៃឈើ Forestry Administration, Cambodia អគ្គនាយកដ្ឋានព្រៃឈើនិងសត្វព្រៃ
General Directorate of Forestry and Wildlife

រដ្ឋបាលព្រៃឈើគឺជាអាជ្ញាធររដ្ឋាភិបាល ដែលចំណុះក្រោមក្រសួងកសិកម្ម រុក្ខាប្រមាញ់និងនេសាទក្នុងការ គ្រប់គ្រងព្រៃឈើ និងធនធានព្រៃឈើស្របតាមគោលនយោបាយវិស័យព្រៃឈើជាតិ ។ រដ្ឋបាលព្រៃឈើមានរចនាសម្ព័ន្ធគ្រប់គ្រង ចាត់តាំងមួយឯកភាពទូទាំងប្រទេស ជាខ្សែរយៈបណ្ដោយ ដែលបែង ចែកជាថ្នាក់កណ្ដាល អធិការដ្ឋាន ខណ្ឌ ផ្នែក និងសង្កាត់រដ្ឋបាលព្រៃឈើ ។

Forestry Administration (FA) is a government authority under the Mininstry of Agriculture Forestry and Fisheries (MAFF) in managing forests and forest resources according to the National Forestry Sector Policy and the Forestry Law. The Forestry Administration has a unique management and organization structure for the whole country in vertical line, which divided into central, inspectorate, cantonment, division, and triage forestry administration levels.

កាលថ្ងៃទី២៦ ខែសីហា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃ បានរៀបចំកិច្ចប្រជុំគណ:កម្មការតម្រង់ទិសគម្រោងស្ដីពី "Building...
28/08/2026

កាលថ្ងៃទី២៦ ខែសីហា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃ បានរៀបចំកិច្ចប្រជុំគណ:កម្មការតម្រង់ទិសគម្រោងស្ដីពី "Building Resilience Capacity on Community-based Forest Fire Management in Siem Reap Province-ITTO Project: PD 953/26 (F)" ក្រោមអធិបតីភាព លោក ឈាង ដានី អគ្គនាយករង តំណាងដ៏ខ្ពង់ខ្ពស់ ឯកឧត្ដម សួន សុវណ្ណ អគ្គនាយក នៃអគ្គនាយកដ្ឋានព្រៃឈើនិងសត្វព្រៃ។ កិច្ចប្រជុំនេះបានប្រព្រឹត្តទៅដោយមានការអញ្ជើញចូលរួមរបស់លោក Atsushi Yonezawa ប្រធានកុងស៊ុលជប៉ុនប្រចាំខេត្តសៀមរាប លោកបណ្ឌិត Tetra Yanuariadi ប្រធានគម្រោងផ្នែកពាណិជ្ជកម្ម និងឧស្សាហកម្ម នៃអង្គការឈើត្រូពិចអន្តរជាតិ ITTO ព្រមទាំងសមាសភាពមកពីអគ្គនាយកដ្ឋានព្រៃឈើនិងសត្វព្រៃ មន្ទីរកសិកម្ម រុក្ខាប្រមាញ់ និងនេសាទខេត្ដសៀមរាប និងខណ្ឌរដ្ឋបាលព្រៃឈើសៀមរាប សរុបចំនួន ២៣រូប ក្នុងគោលបំណងដើម្បី៖ ១) ពិនិត្យលទ្ធផលនៃការអនុវត្ដគម្រោង និង២) ប្រមូលធាតុចូលបន្ថែមពីអ្នកពាក់ព័ន្ធសម្រាប់អនុវត្តគម្រោងប្រកបដោយប្រសិទ្ធភាព។
គម្រោងបានជ្រើសរើសសហគមន៍ព្រៃឈើចំនួន៣ សម្រាប់អនុវត្ត រួមមាន៖ សហគមន៍ព្រៃឈើទទឹងថ្ងៃ ស្ថិតក្នុងស្រុកស្វាយលើ សហគមន៍ព្រៃឈើខ្លាចគល់ ស្ថិតក្នុងស្រុកវ៉ារិន និងសហគមន៍ព្រៃឈើអូរទឹកចេញ ស្ថិតក្នុងស្រុកស្រីស្នំ ខេត្តសៀមរាប និងសម្រេចបាននូវលទ្ធផលសំខាន់ៗ ដូចជា៖ ១) ស្រះទឹកចំនួន៣ ដែលស្រះនីមួយៗមានសមត្ថភាពរក្សាទុកទឹកចំនួន ១០ ០០០ម៉ែត្រគូប ២) កូនឈើសរុបចំនួន ៤២ ៤២៥ដើម (កូនព្រៃនិងឈើលូតលាស់លឿនចំនួន ៣៩ ៤២៥ដើម និងឈើហូបផ្លែចំនួន ៣ ០០០ដើម) និង ៣) បានដាំស្តារក្នុងព្រៃសហគមន៍លើផ្ទៃដីសរុបទំហំ ៤០ហិកតា។

កាលពីថ្ងៃទី២៥ ខែសីហា ឆ្នាំ២០២៦ ក្រុមការងារអនុវត្តគម្រោងស្តីពី "Building Resilience Capacity on Community-based Forest Fi...
28/08/2026

កាលពីថ្ងៃទី២៥ ខែសីហា ឆ្នាំ២០២៦ ក្រុមការងារអនុវត្តគម្រោងស្តីពី "Building Resilience Capacity on Community-based Forest Fire Management in Siem Reap Province-ITTO Project: PD 953/26 (F)" បានសហការជាមួយខណ្ឌរដ្ឋបាលព្រៃឈើសៀមរាប ដាំកូនឈើក្នុងស្រុក និងកូនឈើលូតលាស់លឿន សរុបប្រហែលចំនួន ៤ ៥០០ដើម និងចុះពិនិត្យស្រះទឹកទំហំ ៦០ម៉ែត្រ X ៤៥ម៉ែត្រ ជម្រៅ ៤ម៉ែត្រ ដែលគម្រោងបានផ្តល់ជូនដល់សហគមន៍ព្រៃឈើដើម្បីស្តុកទឹកសម្រាប់បំពេញតម្រូវការប្រើប្រាស់ក្នុងសហគមន៍ ស្ថិតនៅក្នុងព្រៃសហគមន៍ទទឺងថ្ងៃ ឃុំបឹងមាលា ស្រុកស្វាយលើ ខេត្តសៀមរាប។ កម្មវិធីនេះ មានការអញ្ជើញចូលរួមពីតំណាងអង្គការ ITTO លោកមេឃុំ ក្រុមប្រឹក្សាឃុំ កងកំលាំងប៉ុស្តិ៍ឃុំ មេភូមិ ប្រធាន គណៈកម្មការសហគមន៍ ប្រជាសហគមន៍ លោកគ្រូ អ្នកគ្រូ ព្រមទាំងសិស្សានុសិស្សទាំងអស់ស្ថិតនៅក្នុងឃុំបឹងមាលា សរុបមានចំនួន ១៨៧នាក់ ក្នុងនោះស្រី ៩៨នាក់។ សូមជម្រាបជូនថា “ការដាំស្តារព្រៃឈើឡើងវិញ គឺជាការបំផុសស្មារតីប្រជាពលរដ្ឋ ឲ្យចេះស្រឡាញ់ ចូលរួមដាំដុះ និងការពារព្រៃឈើ ដែលរួមចំណែកថែរក្សាតុល្យភាពប្រព័ន្ធមជ្ឈដ្ឋានព្រៃឈើធម្មជាតិ លើកកម្ពស់ជីវភាពសហគមន៍ និងបង្កើនសមត្ថភាពបន្សាំនឹងការប្រែប្រួលអាកាសធាតុ។”

កាលពីថ្ងៃទី២៤ ខែសីហា ឆ្នាំ២០២៦ ក្រុមការងារអនុវត្តគម្រោងស្តីពី "Building Resilience Capacity on Community-based Forest Fi...
27/08/2026

កាលពីថ្ងៃទី២៤ ខែសីហា ឆ្នាំ២០២៦ ក្រុមការងារអនុវត្តគម្រោងស្តីពី "Building Resilience Capacity on Community-based Forest Fire Management in Siem Reap Province-ITTO Project: PD 953/26 (F)" បានសហការជាមួយខណ្ឌរដ្ឋបាលព្រៃឈើសៀមរាប ដាំកូនឈើក្នុងស្រុក និងកូនឈើលូតលាស់លឿន សរុបចំនួន ១២.៩៩៦ដើម និងចុះពិនិត្យស្រះទឹកទំហំ ៥០ម៉ែត្រ X ៥០ម៉ែត្រ ជម្រៅ ៤ម៉ែត្រ ដែលគម្រោងបានផ្តល់ជូនដល់សហគមន៍ដើម្បីស្តុកទឹកសម្រាប់បំពេញតម្រូវការប្រើប្រាស់ក្នុងសហគមន៍ ស្ថិតនៅក្នុងព្រៃសហគមន៍ខ្នាចគល់ ភូមិវ៉ារិន ឃុំវ៉ារិន ស្រុកវ៉ារិន ខេត្តសៀមរាប។ កម្មវិធីនេះ មានការអញ្ជើញចូលរួមពីតំណាងស្ថានកុងស៊ុលជប៉ុនប្រចាំនៅខេត្តសៀមរាប អង្គការ ITTO លោកមេឃុំនិងក្រុមប្រឹក្សា មណ្ឌលសុខភាព កងកំលាំងប៉ុស្តិ៍ឃុំ មេភូមិ ប្រធានគណៈកម្មការសហគមន៍ ប្រជាសហគមន៍ លោកគ្រូ អ្នកគ្រូ ព្រមទាំងសិស្សានុសិស្សស្ថិតនៅក្នុងឃុំវ៉ារិន សរុបចំនួន ២២៥នាក់ ក្នុងនោះស្រី ១៦៨នាក់។ សមជម្រាបជូនថា “ការដាំស្តារព្រៃឈើឡើងវិញ គឺជាការបំផុសស្មារតីប្រជាពលរដ្ឋ ឲ្យចេះស្រឡាញ់ ចូលរួមដាំដុះ និងការពារព្រៃឈើ រួមចំណែកថែរក្សាតុល្យភាពប្រព័ន្ធមជ្ឈដ្ឋានព្រៃឈើធម្មជាតិ លើកកម្ពស់ជីវភាពសហគមន៍ និងបង្កើនសមត្ថភាពបន្សាំនឹងការប្រែប្រួលអាកាសធាតុ។”

នាព្រឹកថ្ងៃទី២០ ខែសីហា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃ បានរៀបចំពិធីចុះអនុស្សរណៈនៃការយោគយល់គ្នា រវាងអគ្គនាយកដ្ឋា...
20/08/2026

នាព្រឹកថ្ងៃទី២០ ខែសីហា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃ បានរៀបចំពិធីចុះអនុស្សរណៈនៃការយោគយល់គ្នា រវាងអគ្គនាយកដ្ឋានព្រៃឈើនិងសត្វព្រៃ និងអង្គការគាំពារសត្វព្រៃកម្ពុជា ក្រោមអធិបតីភាព ឯកឧត្តម សួន សុវណ្ណ អគ្គនាយក នៃអគ្គនាយកដ្ឋានព្រៃឈើនិងសត្វព្រៃ និងលោក ទ្រី ស៊ីថេង ប្រធានអង្គការគាំពារសត្វព្រៃកម្ពុជា ព្រមទាំងមានការអញ្ជើញចូលរួមពីថ្នាក់ដឹកនាំ និងមន្រ្ដីអគ្គនាយកដ្ឋានព្រៃឈើនិងសត្វព្រៃ និងតំណាងអង្គការគាំពារសត្វព្រៃកម្ពុជា។
កិច្ចសហប្រតិបត្តិការក្រោមអនុស្សរណៈនេះ មានគោលបំណងដើម្បី អភិរក្សសត្វព្រៃ គាំពារដល់សហគមន៍ព្រៃឈើ និងលើកកម្ពស់សុខុមាលភាពរបស់ប្រជាពលរដ្ឋតាមរយៈការបង្កើត​គម្រោងអេកូទេសចរណ៍ នៅក្នុងតំបន់សហគមន៍ព្រៃឈើប្រាំបីមុម និងសហគមន៍ព្រៃឈើផ្សេងទៀតតាមការព្រមព្រៀងរវាងភាគីទាំងពីរ។

នាថ្ងៃទី១៣ ខែសីហា ឆ្នាំ២០២៦ ក្រុមការងារនៃអគ្គនាយកដ្ឋានព្រៃឈើនិងសត្វព្រៃ បានជួបពិភាក្សាជាមួយលោកប្រធានមន្ទីររៀបចំដែនដី នគរ...
15/08/2026

នាថ្ងៃទី១៣ ខែសីហា ឆ្នាំ២០២៦ ក្រុមការងារនៃអគ្គនាយកដ្ឋានព្រៃឈើនិងសត្វព្រៃ បានជួបពិភាក្សាជាមួយលោកប្រធានមន្ទីររៀបចំដែនដី នគរូបនីយកម្ម សំណង់ និងសូរិយោដីខេត្តក្រចេះ ស្តីពីការរៀបចំចុះបញ្ជីដីព្រៃសហគមន៍ ក្រោមគម្រោងស្តីពីការបង្កើនភាពធន់ដល់សហគមន៍មូលដ្ឋានតាមរយៈការគ្រប់គ្រងព្រៃឈើប្រកបដោយនិរន្តរភាព និងកសិ-រុក្ខកម្ម ដែលនឹងអនុវត្តនៅក្នុងខេត្តក្រចេះ បាត់ដំបង និងកំពង់ធំ។ កិច្ចពិភាក្សានេះ មានគោលបំណងពិនិត្យលើនីតិវិធី បច្ចេកទេស និងការសម្របសម្រួលរវាងស្ថាប័នពាក់ព័ន្ធ ដើម្បីគាំទ្រដល់ដំណើរការចុះបញ្ជីដីព្រៃសហគមន៍ឱ្យមានភាពរលូន ត្រឹមត្រូវ និងមានប្រសិទ្ធភាព។
ទន្ទឹមនឹងនេះ ក្រុមការងារក៏បានពិភាក្សាជាមួយលោកនាយខណ្ឌរដ្ឋបាលព្រៃឈើក្រចេះ ដើម្បីរៀបចំក្រុមការងារអនុវត្តគម្រោងនៅមូលដ្ឋានផងដែរ។

នាថ្ងៃទី១១ ខែសីហា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃ បានរៀ់បចំសិក្ខាសាលាចាប់ផ្តើមអនុវត្តគម្រោងស្តីពី"ការបង្កើនភាពធ...
13/08/2026

នាថ្ងៃទី១១ ខែសីហា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃ បានរៀ់បចំសិក្ខាសាលាចាប់ផ្តើមអនុវត្តគម្រោងស្តីពី"ការបង្កើនភាពធន់ដល់សហគមន៍មូលដ្ឋានតាមរយៈការគ្រប់គ្រងព្រៃឈើប្រកបដោយនិរន្តរភាព និងកសិ-រុក្ខកម្ម នៅខេត្តក្រចេះ បាត់ដំបង និងខេត្តកំពង់ធំ" ដែលបានប្រព្រឹត្តទៅសណ្ឋាគារ ហ៊រ បុន្នី ស្ថិតនៅក្នងខេត្តក្រចេះ ក្រោមអធីបតីភាពលោក ហេង សុថា អភិបាលរងនៃគណៈអភិបាលខេត្តក្រចេះ និងមានការចូលរួមពីតំណាងមន្ទីរពាក់ព័ន្ធ រដ្ឋបាលស្រុក-ឃុំ សហគមន៍ព្រៃឈើគោលដៅ សរុបចំនួន ៦១រូប។ សិក្ខាសាលានេះ មានគោលបំណងផ្សព្វផ្សាយដល់អ្នកពាក់ព័ន្ធអំពីការចាប់ផ្តើមអនុវត្តគម្រោង និងផែនការសកម្មភាពរបស់គម្រោងសម្រាប់ឆ្នាំ២០២៦-២០៣០ ព្រមទាំងពិភាក្សាអំពីការងារអាទិភាពនៅតាមសហគមន៍ព្រៃឈើគោលដៅ។

នាថ្ងៃទី៦ ខែសីហា ឆ្នាំ២០២៦ នាយកដ្ឋានគ្រប់គ្រងអាជីវកម្មព្រៃដាំនិងចម្ការឈើឯកជន នៃអគ្គនាយកដ្ឋានព្រៃឈើនិងសត្វព្រៃ បានផ្តល់កូ...
06/08/2026

នាថ្ងៃទី៦ ខែសីហា ឆ្នាំ២០២៦ នាយកដ្ឋានគ្រប់គ្រងអាជីវកម្មព្រៃដាំនិងចម្ការឈើឯកជន នៃអគ្គនាយកដ្ឋានព្រៃឈើនិងសត្វព្រៃ បានផ្តល់កូនឈើសរុបចំនួន ៤៣០០ ដើម (ធ្នង់ ក្ងោក គិនីន ចន្ទក្រស្នា គ្រញូង បេង និងប្រេងខ្យល់) ជូនដល់សាលាស្រុកសាមគ្គីមានជ័យ ខេត្តកំពង់ឆ្នាំង ចំនួន១ ០០០ដេីម និងសាលាឃុំស្វាយចេក ស្រុកស្វាយចេក ខេត្តបន្ទាយមានជ័យ ​ចំនួន ៣ ៣០០ដេីម។
ការផ្តល់ជូនកូនឈើទាំងនេះ គឺដើម្បីយកទៅដាំប្រទាក់ក្រឡានៅតាមទីសាធារណៈ សាលារៀន វត្តអារាម និងអមសងខាងផ្លូវ សំដៅលើកកម្ពស់សោភណ្ឌភាព និងបង្កើតគម្របពណ៌បៃតងក្នុងមូលដ្ឋាន។

នាព្រឹកថ្ងៃទី៥ ខែសីហា ឆ្នាំ២០២៦ ឯកឧត្តម សួន សុវណ្ណ អគ្គនាយក នៃអគ្គនាយកដ្ឋានព្រៃឈើនិងសត្វព្រៃ និងសហការី បានទទួលជួបលោកបណ្ឌ...
06/08/2026

នាព្រឹកថ្ងៃទី៥ ខែសីហា ឆ្នាំ២០២៦ ឯកឧត្តម សួន សុវណ្ណ អគ្គនាយក នៃអគ្គនាយកដ្ឋានព្រៃឈើនិងសត្វព្រៃ និងសហការី បានទទួលជួបលោកបណ្ឌិត David Ganz នាយកប្រតិបត្តិមជ្ឈមណ្ឌលបណ្តុះបណ្តាលសហគមន៍ព្រៃឈើសម្រាប់តំបន់អាស៊ី-ប៉ាស៊ីហ្វិក (RECOFTC) ក្នុងគោលបំណង៖
-ដើម្បីរាយការណ៍ពីលទ្ធផលការងារសម្រេចបាន​អំពីកិច្ចសហប្រតិបត្តិការរវាងអគ្គនាយកដ្ឋានព្រៃឈើនិងសត្វព្រៃ និងអង្គការ RECOFTC កន្លងមក
-ស្នើសុំចុះអនុស្សរណៈនៃការយោគយល់គ្នា (MoU) ថ្មី ស្តីពីកិច្ចសហការដើម្បីគាំទ្រដល់ការអភិវឌ្ឍសហគមន៍ព្រៃឈើនៅកម្ពុជា រវាងអគ្គនាយកដ្ឋានព្រៃឈើនិងសត្វព្រៃ និងអង្គការ RECOFTC ដែលអនុស្សរណៈចាស់ នឹងត្រូវបញ្ចប់នៅខែឧសភា ឆ្នាំ២០២៧។

នាថ្ងៃទី២៣-២៦ ខែកក្កដា ឆ្នាំ២០២៦ ក្រុមការងារអនុវត្តគម្រោងស្តីពី "Building Resilience Capacity on Community-based Forest ...
27/07/2026

នាថ្ងៃទី២៣-២៦ ខែកក្កដា ឆ្នាំ២០២៦ ក្រុមការងារអនុវត្តគម្រោងស្តីពី "Building Resilience Capacity on Community-based Forest Fire Management in Siem Reap Province-ITTO Project: PD 953/26 (F)" បានសហការជាមួយខណ្ឌរដ្ឋបាលព្រៃឈើសៀមរាប ដាំកូនឈើប្រភេទក្នុងស្រុក និងកូនឈើលូតលាស់លឿន សរុបចំនួន ១៧.៦៩០ដើម នៅព្រៃសហគមន៍ទទឹងថ្ងៃ ស្ថិតក្នុងឃុំបឹងមាលា ស្រុកស្វាយលើ ខេត្តសៀមរាប ដែលជាការរួមចំណែកដល់ការបំផុសស្មារតីប្រជាពលរដ្ឋ ឱ្យចេះស្រឡាញ់ ចូលរួមដាំដុះ និងការពារព្រៃឈើ ថែរក្សាតុល្យភាពប្រព័ន្ធមជ្ឈដ្ឋានព្រៃឈើធម្មជាតិ លើកកម្ពស់ជីវភាពសហគមន៍ និងបង្កើនសមត្ថភាពបន្សាំនឹងការប្រែប្រួលអាកាសធាតុ។ កម្មវិធីនេះ មានការអញ្ជើញចូលរួមពីតំណាងភូមិ-ឃុំ ព្រះសង្ឃ សមាជិកសហគមន៍ ភ្ញៀវទេសចរណ៍បរទេស លោកគ្រូ អ្នកគ្រូ និងសិស្សានុសិស្ស សរុបចំនួន ២០៨នាក់/អង្គ ក្នុងនោះស្រ្ដី ចំនួន ១០៨នាក់។

កាលពីថ្ងៃទី២១ ខែកក្កដា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃសហការជាមួយ​រដ្ឋបាល​ស្រុក​សាមគ្គីមានជ័យ បានរៀបចំយុទ្ធនាការ...
23/07/2026

កាលពីថ្ងៃទី២១ ខែកក្កដា ឆ្នាំ២០២៦ អគ្គនាយកដ្ឋានព្រៃឈើនិងសត្វព្រៃសហការជាមួយ​រដ្ឋបាល​ស្រុក​សាមគ្គីមានជ័យ បានរៀបចំយុទ្ធនាការផ្សព្វផ្សាយស្ដីពី “ការដាំស្ដារព្រៃឈើឡើងវិញប្រកបដោយ​ភា​ពធន់​ទៅនឹងភ្លើង​ឆេះ​ព្រៃ” ស្ថិតក្នុងឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង​ ដោយ​មានការ​ចូលរួម​ពី លោក ច័ន្ទ ប៉ុណ្ណិកា និងលោក អ៊ីង ប៉ូលរតនៈ អគ្គនាយករង នៃអគ្គនាយកដ្ឋានព្រៃឈើ​និង​សត្វព្រៃ​ ជាតំណាង ឯកឧត្តម សួន សុវណ្ណ អគ្គនាយក នៃអគ្គនាយកដ្ឋានព្រៃឈើនិងសត្វព្រៃ ខណ្ឌរដ្ឋបាលព្រៃឈើកំពង់ឆ្នាំង រដ្ឋបាលស្រុកសាមគ្គីមានជ័យ អា​ជ្ញា​​​ធរ​​មូល​ដ្ឋាន តំណាងសហភាពសហព័ន្ធយុវជនកម្ពុជា ប្រជាពលរដ្ឋក្នុងស្រុក​សាមគ្គី​មាន​ជ័យ និង​សិ​ស្សានុសិស្ស​សរុ​ប ៣០០នាក់។ យុទ្ធនាការនេះ គឺជាសកម្មភាពមួយក្រោមគម្រោង “ការកសាង​សម​ត្ថ​ភាពលើការបង្កើន​ភាព​​ធន់ចំពោះភ្លើងឆេះព្រៃ និងការលើកកម្ពស់ជីវភាពរស់នៅរបស់​ប្រជា​ពលរដ្ឋមូលដ្ឋាន​ដោយ​ភ្ជាប់ទៅ​នឹង​​ទីផ្សារ” ដោយគាំទ្រថវិកាពីមូលនិធិកិច្ចសហប្រតិបត្តិការអាស៊ាន-សាធារណរដ្ឋកូរ៉េ (ASEAN-Kor​e​a Cooperation Fund) តាមរយៈអង្គការ AFoCO។

Address

#40, Norodom Boulevard, Sangkat Psarkandal 2, Khan Daunpenh
Phnom Penh

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 09:00 - 17:00
Sunday 09:00 - 17:00

Telephone

+85523214651

Website

Alerts

Be the first to know and let us send you an email when រដ្ឋបាលព្រៃឈើ Forestry Administration, Cambodia posts news and promotions. Your email address will not be used for any other purpose, and you can unsubscribe at any time.

Shortcuts

Share

Category