អាជ្ញាធរទន្លេសាប Tonle Sap Authority

អាជ្ញាធរទន្លេសាប Tonle Sap Authority ជាអង្គភាពថ្នាក់ជាតិ និងជាសេនាធិការផ្ទាល់ឱ្យរាជរដ្ឋាភិបាល

អាជ្ញាធរទន្លេសាប គឺជាអង្គភាពថ្នាក់ជាតិ និងជាសេនាធិការផ្ទាល់ឲ្យរាជរដ្ឋាភិបាល សម្រាប់សម្របសម្រួលក្នុងការគ្រប់គ្រង អភិរក្ស និងអភិវឌ្ឍន៍តំបន់ទន្លេសាប និងតំបន់ពាក់ព័ន្ធ ដែលត្រូវបានកំណត់នៅក្នុងព្រះរាជក្រឹត្យលេខ នស/រកត/0609/705 ចុះថ្ងៃទី 29 ខែមិថុនា ឆ្នាំ 2009 និងបានធ្វើការកែសម្រួលទៅលើមាត្រាមួយចំនួនស្របតាមព្រះរាជក្រឹត្យលេខ នស/រកត/0310/258 ចុះថ្ងៃទី 24 ខែមីនា ឆ្នាំ 2010 ស្តីពីការកែសម្រួលមាត្រា 3 មាត្រា 5 មាត្រា6 មាត្រា 9 មាត្រា 10 និងមាត្រា 12 នៃព្រះរាជក្រឹត្យលេខ នស/រកត/0609/705 ចុះថ្ងៃទី 29 ខែមិថុនា ឆ្នាំ 2009 ស្តីពីការបង្កើតអាជ្ញាធរទន្លេសាប ។
ជាមួយនឹងបេសកកម្មស្នូលខាងលើ អាជ្ញាធរទន្លេសាប ក៏ជាអង្គភាពដើរតួនាទីសិក្សាស្រាវជ្រាវ តាមដាន និងវាយតម្លៃអំពីសក្តានុពល សេដ្ឋកិច្ច សង្គមកិច្ច និងធនធានធម្មជាតិនៅតំបន់បឹងទន្លេសាប និងតំបន់ពាក់ព័ន្ធ ដើម្បីរៀបចំឡើងនូវផែនទីបង្ហាញផ្លូវ (ផែនការមេ) ទស្សនវិស័យ គោលនយោបាយ យុទ្ធសាស្រ្ត សម្រាប់ដាក់ជូនរាជរដ្ឋាភិបាល ពិនិត្យ និងសម្រេច ។

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី៣ ខែសីហា ឆ្នាំ២០២៦ ...
03/08/2026

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី៣ ខែសីហា ឆ្នាំ២០២៦


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

ក្រុមការងារការិយាល័យជីវៈចម្រុះ បានបន្តចុះសិក្សាស្រាវជ្រាវ តាមដាន វិភាគ និងវាយតម្លៃពីលក្ខណៈជីវសាស្រ្តធនធានជីវៈចម្រុះនៅតំប...
02/08/2026

ក្រុមការងារការិយាល័យជីវៈចម្រុះ បានបន្តចុះសិក្សាស្រាវជ្រាវ តាមដាន វិភាគ និងវាយតម្លៃពីលក្ខណៈជីវសាស្រ្តធនធានជីវៈចម្រុះនៅតំបន់បឹងទន្លេសាប ក្នុងខេត្តពោធិ៍សាត់ ខេត្តកំពង់ឆ្នាំង និងខេត្តកំពង់ធំ។

——————

នាថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ក្រុមការងារការិយាល័យជីវៈចម្រុះ នៃនាយកដ្ឋានធនធានធម្មជាតិ អាជ្ញាធរទន្លេសាប បានបន្តចុះសិក្សាស្រាវជ្រាវ តាមដាន វិភាគ និងវាយតម្លៃពីលក្ខណៈជីវសាស្រ្តធនធានជីវៈចម្រុះនៅតំបន់បឹងទន្លេសាប។ នៅក្នុងបេសកកម្មនេះ ក្រុមការងារបានផ្តោតសំខាន់លើសកម្មភាពស្នូលចំនួន ៣ រួមមាន៖
១. ការប្រមូលទិន្នន័យឧបករណ៍នេសាទ ដោយជួបសម្ភាសន៍ផ្ទាល់ជាមួយបងប្អូនប្រជានេសាទ ដើម្បីប្រមូលទិន្នន័យ និងព័ត៌មានលម្អិតអំពីការប្រើប្រាស់ប្រភេទឧបករណ៍នេសាទផ្សេងៗនៅក្នុងតំបន់សិក្សា
២. ការប្រមូលសំណាក និងកត់ត្រាបច្ចេកទេស ដោយចុះប្រមូលសំណាកប្រភេទត្រី និងធនធានជលផលផ្សេងៗ (ក្រៅពីត្រី) ព្រមទាំងធ្វើការកត់ត្រានូវកូអរដោនេទីតាំងនេសាទ (X, Y) និងវាស់ជម្រៅទឹកនៅតាមតំបន់នេសាទនីមួយៗ
៣. ការសិក្សាពីប្រភេទសត្វស្លាប ដោយធ្វើការសម្ភាសន៍ជាមួយអ្នកពាក់ព័ន្ធនៅតាមតំបន់អភិរក្សសត្វស្លាបក្នុងតំបន់សិក្សា ដើម្បីប្រមូលទិន្នន័យ និងព័ត៌មានជាក់ស្តែងទៅតាមប្រភេទសត្វស្លាបនីមួយៗ។

សូមជម្រាបជូនថា សកម្មភាពចុះសិក្សាស្រាវជ្រាវ តាមដាន វិភាគ និងវាយតម្លៃពីលក្ខណៈជីវសាស្រ្តធនធានជីវៈចម្រុះនេះ គឺជាសកម្មភាពអាទិភាពមួយ ក្នុងចំណោមសកម្មភាពសំខាន់ៗជាច្រើន ដែលត្រូវបានអនុម័តដាក់ឱ្យអនុវត្តនៅក្នុងផែនការសកម្មភាពប្រចាំឆ្នាំ២០២៦ របស់អាជ្ញាធរទន្លេសាប។
បេសកកម្មខាងលើនេះ ធ្វើឡើងក្នុងគោលបំណង៖
- តាមដាន និងវាយតម្លៃស្ថានភាពប្រភេទធនធានជលផល ទៅតាមប្រភេទឧបករណ៍នេសាទក្នុងតំបន់សិក្សា។
- ធ្វើបច្ចុប្បន្នភាពទិន្នន័យប្រភេទសត្វស្លាប ល្មូន និងថនិកសត្វ នៅក្នុងតំបន់សិក្សា ដើម្បីជាមូលដ្ឋានគ្រឹះក្នុងការគ្រប់គ្រង និងអភិរក្សប្រកបដោយចីរភាព ៕


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី២ ខែសីហា ឆ្នាំ២០២៦ ...
02/08/2026

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី២ ខែសីហា ឆ្នាំ២០២៦


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

លោក ណៅ ណាតា អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចុះសិក្សាស្រាវជ្រាវ តាមដានវាយតម្លៃពីបរិមាណផ...
01/08/2026

លោក ណៅ ណាតា អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស បានបន្តចុះសិក្សាស្រាវជ្រាវ តាមដានវាយតម្លៃពីបរិមាណផលចាប់ធនធានត្រី និងជីវចម្រុះគ្រប់ប្រភេទ ក្នុងខេត្តពោធិ៍សាត់។

--------------------

នាថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ លោក ណៅ ណាតា អនុប្រធាននាយកដ្ឋានត្រួតពិនិត្យការធ្វើអាជីវកម្ម និងអភិរក្ស នៃអាជ្ញាធរទន្លេសាប បានដឹកនាំក្រុមការងារការិយាល័យត្រួតពិនិត្យការធ្វើអាជីវកម្មលើធនធានធម្មជាតិ បន្តចុះសិក្សាស្រាវជ្រាវ តាមដានវាយតម្លៃពីបរិមាណផលចាប់ធនធានត្រី និងជីវចម្រុះគ្រប់ប្រភេទនៅភូមិទី១ ភូមិទី២ ភូមិទី៣ ភូមិទី៤ និងភូមិទី៥ ឃុំកំពង់លួង ស្រុកក្រគរ ខេត្តពោធិ៍សាត់។

ក្រុមការងារចុះសិក្សាមានគោលបំណងសំខាន់ៗដូចជា៖
- សិក្សាតាមដានបរិមាណផលចាប់ដែលធ្វើអាជីវកម្មនៅតាមច្រកឡើងត្រីសំខាន់ៗ និងធ្វើបច្ចុប្បន្នភាពកន្លែងបែងចែកផលនេសាទ
- សិក្សាតាមដានបរិមាណផលចាប់ប្រចាំថ្ងៃរបស់អ្នកនេសាទទៅតាមប្រភេទឧបករណ៍នេសាទសំខាន់ៗ
- សិក្សាចរន្ត និងតម្លៃទីផ្សារតាមតំបន់នីមួយៗ
- សិក្សាពីផលប៉ះពាល់ បញ្ហាប្រឈម និងស្វែងរកដំណោះស្រាយ

ការចុះសិក្សានេះ ក្រុមការងារបានចុះជួបជាមួយ ៖
១. អាជ្ញាធរដែនដី និងស្ថាប័នពាក់ព័ន្ធ
២. សម្ភាសន៍ជាមួយអ្នកនេសាទ
៣. សម្ភាសន៍ជាមួយអាជីវករទិញ-លក់ត្រី និងតាមដានតម្លៃទីផ្សារត្រី។

សូមជម្រាបជូនថា មុខរបរនេសាទត្រីពិតជាមានសារៈសំខាន់ខ្លាំងណាស់ចំពោះប្រជាពលរដ្ឋដែលរស់នៅឃុំកំពង់លួង ពីព្រោះជីវភាពរស់នៅប្រចាំថ្ងៃរបស់ប្រជាពលរដ្ឋក្នុងឃុំមានប្រមាណជា ៥០% ពឹងផ្អែកទៅលើមុខរបរនេសាទជាចម្បង ការនេសាទជួយផ្គត់ផ្គង់អាហារដល់គ្រួសារ បង្កើតប្រាក់ចំណូល និងការងារ ព្រមទាំងជួយដល់សេដ្ឋកិច្ចមូលដ្ឋានផងដែរ។ ដូច្នេះ ការគ្រប់គ្រងធនធានជលផលប្រកបដោយចីរភាព គឺត្រូវមានការចូលរួមពីសហគមន៍មូលដ្ឋាន អាជ្ញាធរដែនដី និងក្រសួង-ស្ថាប័នពាក់ព័ន្ធ គឺជាគន្លឹះសំខាន់បំផុតសម្រាប់ការពារធនធានជលផល និងធានាលើកស្ទួយកម្រិតជីវភាពរបស់ប្រជាពលរដ្ឋក្នុងរយៈពេលវែង៕


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

ក្រុមការងារបច្ចេកទេសការិយាល័យកសិកម្មចម្រុះ នៃនាយកដ្ឋានធនធានធម្មជាតិ របស់អាជ្ញាធរទន្លេសាប បន្តចុះសិក្សាស្រាវជ្រាវ តាមដាន ...
01/08/2026

ក្រុមការងារបច្ចេកទេសការិយាល័យកសិកម្មចម្រុះ នៃនាយកដ្ឋានធនធានធម្មជាតិ របស់អាជ្ញាធរទន្លេសាប បន្តចុះសិក្សាស្រាវជ្រាវ តាមដាន និងវាយតម្លៃ អំពីការប្រែប្រួលដីកសិកម្ម និងបម្រែបម្រួលរបបជលសាស្រ្ត ក្នុងតំបន់បឹងទន្លេសាប ស្ថិតក្នុងភូមិសាស្រ្តស្រុកកណ្តៀង ខេត្តពោធិ៍សាត់។

————————-

កាលពីថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ លោក ឡូញ ណារិន្ន ប្រធានការិយាល័យ និងក្រុមការងារបច្ចេកទេសការិយាល័យកសិកម្មចម្រុះ នៃនាយកដ្ឋានធនធានធម្មជាតិ របស់អាជ្ញាធរទន្លេសាប បានបន្តចុះសិក្សាស្រាវជ្រាវ តាមដាន និងវាយតម្លៃ អំពីការប្រែប្រួលដីកសិកម្ម និងបម្រែបម្រួលរបបជលសាស្រ្ត ក្នុងតំបន់បឹងទន្លេសាប ស្ថិតក្នុងភូមិសាស្រ្តស្រុកកណ្តៀង ខេត្តពោធិ៍សាត់។

សកម្មភាព នៃការចុះសិក្សាស្រាវជ្រាវ៖
- ជួបជាមួយអាជ្ញាធរមូលដ្ឋាន និងស្ថាប័នពាក់ព័ន្ធ ដើម្បីស្នើសុំទិន្នន័យស្ថិតប្រជាពលរដ្ឋ ការប្រើប្រាស់ដី កម្ពស់ទឹក ប្រព័ន្ធស្រោចស្រព និងរបាយការណ៍ពាក់ព័ន្ធផ្សេងៗ
- ចុះទៅទីតាំងបានពិនិត្យមើលតាមរយៈរូបភាពផ្កាយរណប ដើម្បីបញ្ជាក់បន្ថែមអំពីភាពត្រឹមត្រូវ នៃទីតាំង និងទំហំ
- ថតដ្រូន ដើម្បីយករូបភាពមកប្រៀបធៀបជាមួយរូបភាពផ្កាយរណប
- ប្រើប្រាស់កម្មវិធី Avenza mobile app ដើម្បីដំណើរការ នៃការចុះសិក្សាស្រាវជ្រាវ (ស្វែងរកទីតាំង ផ្លូវធ្វើដំណើរ និងពិនិត្យមើលផ្ទៃដីបឋម)។

សូមជម្រាបជូនថា សកម្មភាពចុះសិក្សាស្រាវជ្រាវ តាមដាន និងវាយតម្លៃ អំពីការប្រែប្រួលដីកសិកម្ម និងបម្រែបម្រួលរបបជលសាស្រ្ត ក្នុងតំបន់បឹងទន្លេសាប គឺជាសកម្មភាពមួយក្នុងចំណោមសកម្មភាពសំខាន់ៗជាច្រើនដែលត្រូវបានអនុម័តដាក់អនុវត្តនៅក្នុងផែនការសកម្មភាពប្រចាំឆ្នាំ២០២៦ របស់អាជ្ញាធរទន្លេសាប។

ដំណើរនៃការចុះបំពេញបេសកកម្មនេះ គឺមានគោលបំណង៖
១. សិក្សាស្រាវជ្រាវ និងវិភាគ អំពីបម្រែបម្រួលផ្ទៃដីកសិកម្ម និងបម្រែបម្រួលរបបជលសាស្រ្ត ក្រោមផ្លូវជាតិលេខ ៥ និងលេខ ៦ ក្នុងខេត្តទាំង ៦ ជុំវិញបឹងទន្លេសាប
២. ចុះសិក្សា តាមដាន និងផ្ទៀងផ្ទាត់ លើព័ត៌មាន-ទិន្នន័យ ដែលប្រមូលបាន
៣. ធ្វើបច្ចុប្បន្នភាព ទៅលើទិន្នន័យដែលប្រមូលបាន
៤. បង្កើតជាផែនទីគម្របដីកសិកម្ម ក្រោមផ្លូវជាតិលេខ ៥ និងលេខ ៦ ក្នុងខេត្តទាំង ៦ ជុំវិញបឹងទន្លេសាប
៥. ចងក្រងជារបាយការណ៍តាមដានការអនុវត្តសកម្មភាពត្រីមាស-ឆមាស-ប្រចាំឆ្នាំ និងរបាយការណ៍បច្ចេកទេស៕


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី១ ខែសីហា ឆ្នាំ២០២៦ ...
01/08/2026

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី១ ខែសីហា ឆ្នាំ២០២៦


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

នៅថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ឯកឧត្តម សរ គឹមសាន្ត អគ...
31/07/2026

នៅថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦ ឯកឧត្តម សរ គឹមសាន្ត អគ្គលេខាធិការអាជ្ញាធរទន្លេសាប បានដឹកនាំក្រុមការងារមន្ត្រីបច្ចេកទេសអាជ្ញាធរទន្លេសាប ដែលមានការចូលរួមពីអាជ្ញាធរដែនដីស្រុក ឃុំ ភូមិ សហគមន៍ មន្ទីរពាក់ព័ន្ធ និងកងកម្លាំង ប្រជុំផ្សព្វផ្សាយអំពីកិច្ចដំណើរការកំណត់និយាមកាសម្រាប់បោះបង្គោលព្រំតំបន់កាត់ឆ្វៀល ជំហានទី២ ស្ថិតនៅក្នុងភូមិសាស្ត្រស្រុកបាកាន និងផ្នែកខ្លះនៃស្រុកកណ្តៀងខេត្តពោធិ៍សាត់ ចំនួន ៦៥០បង្គោល បន្តពីជំហានទី១ ដែលបានបោះរួចចំនួន ៦៥០បង្គោល នៃផែនការសរុបដែលបានគ្រោងសម្រាប់ខេត្តពោធិ៍សាត់ក្នុងឆ្នាំ២០២៦ ចំនួន ១៣០០បង្គោល ។

ជាមួយគ្នានោះដែរ ក្រុមការងារក៏បានបន្តចុះអនុវត្តភារកិច្ច និងការណែនាំដ៏ខ្ពង់ខ្ពស់របស់ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ពិនិត្យមើលស្ថានភាពព្រៃលិចទឹកក្នុងតំបន់៣ បន្ទាត់ព្រំតំបន់៣ ដែលត្រូវការពារ និងទីតាំងដែលប្រជាពលរដ្ឋបានជីកកាយស្តារប្រឡាយនៅ ចន្លោះបង្គោលព្រំតំបន់៣ លេខ 439-440 សម្រាប់រក្សាទឹកស្រោចស្រប់ស្រែក្នុងតំបន់២ក្បែរនោះ ដែលរាជរដ្ឋាភិបាលបានកាត់ឆ្វៀលជូនកន្លងមក ។

ជារួម ទោះមានស្រែពលរដ្ឋលយចូលហួសព្រំខ្លះ តែសមត្ថកិច្ចពាក់ព័ន្ធ កងកម្លាំង អាជ្ញាធរដែនដី បានយកចិត្តទុកដាក់ទប់ស្កាត់ ការបន្តចូលបំពានព្រៃលិចទឹក ហើយប្រជាពលរដ្ឋមានការយល់ដឹង និងបានប្តេជ្ញាសហការចូលរួមការពារ ថែរក្សា អភិរក្សធនធានធម្មជាតិបឹងទន្លេសាបឱ្យមាននិរន្តរភាពសម្រាប់កូនចៅតជំនាន់ ៕


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី៣១ ខែកក្កដា ឆ្នាំ២០២៦ ...
31/07/2026

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី៣១ ខែកក្កដា ឆ្នាំ២០២៦


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី៣០ ខែកក្កដា ឆ្នាំ២០២៦ ...
30/07/2026

ស្ថានភាពកម្រិតទឹកស្ទឹងសំខាន់ៗទាំង១១ ជុំវិញបឹងទន្លេសាប ទន្លេសាប និងបឹងទន្លេសាប សម្រាប់ថ្ងៃទី៣០ ខែកក្កដា ឆ្នាំ២០២៦


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

ថ្ងៃចន្ទ ១៣កើត ដល់ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧-២៨ ខែកក្កដា ឆ្នាំ២០២៦ ដ...
29/07/2026

ថ្ងៃចន្ទ ១៣កើត ដល់ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧-២៨ ខែកក្កដា ឆ្នាំ២០២៦ ដោយទទួលបានការណែនាំ និងចង្អុលបង្ហាញដ៏ខ្ពង់ខ្ពស់របស់ ឯកឧត្តម ថោ ជេដ្ឋា រដ្ឋមន្រ្តីក្រសួងធនធានទឹក និងឧតុនិយម និងជាប្រធានអាជ្ញាធរទន្លេសាប ឯកឧត្តម ជា សុខនី អគ្គលេខាធិការរង តំណាងឱ្យឯកឧត្តម ហ៊ែល តូនី អនុប្រធានក្តាប់រួមអាជ្ញាធរទន្លេសាប និងជាប្រធានក្រុមការងារ បានដឹកនាំមន្ត្រីក្រុមការងារបច្ចេកទេសរបស់អគ្គលេខាធិការដ្ឋានអាជ្ញាធរទន្លេសាប បន្តចុះពិនិត្យទីតាំងដីដែលរងការទន្រ្ទាន ភ្លើងឆេះ និងផ្ទៃដីព្រៃរេចរឹល ដើម្បីផ្ទៀងផ្ទាត់ជាមួយផែនការដាំស្តារព្រៃលិចទឹក ស្ថិតក្នុងភូមិសាស្ត្រ ស្រុកជីក្រែង និងស្រុកសូទ្រនិគម ខេត្តសៀមរាប។ ការចុះពិនិត្យដល់ទីតាំងជាក់ស្តែងនេះមានកិច្ចសហការចូលរួមពីលោកអភិបាល អភិបាលរងនៃគណៈអភិបាលស្រុកទាំងពីរ តំណាងមន្ទីរធនធានទឹក និងឧតុនិយម តំណាងមន្ទីររៀបចំដែនដី នគរូបនីយកម្ម សំណង់ និងសុរិយោដី នាយសង្កាត់រដ្ឋបាលជលផល អង្គភាពជំនាញពាក់ព័ន្ធ លោកមេឃុំ ក្រុមប្រឹក្សាឃុំ នាយប៉ុស្តិ៍នគរបាលរដ្ឋបាល រួមជាមួយលោកមេភូមិដែលមានការពាក់ព័ន្ធ៕


============
Join Us:
គេហទំព័រ៖ https://tonlesap.gov.kh/
ហ្វេសប៊ុក៖https://www.facebook.com/TSA.MOWRAM
តេលេក្រាម៖ https://t.me/TonleSap_Authority/
យូធូប៖ https://www.youtube.com/
ទ្វីសធ័រ៖ https://twitter.com/tonle_sap

Address

#576, National Road No 2, Sangkat Chak Angre Krom, Khan Meanchey Phnom Penh
Phnom Penh
12353

Website

Alerts

Be the first to know and let us send you an email when អាជ្ញាធរទន្លេសាប Tonle Sap Authority posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to អាជ្ញាធរទន្លេសាប Tonle Sap Authority:

Shortcuts

Share

Category