មជ្ឈមណ្ឌលកីឡាកងយោធពលខេមរភូមិន្ទ

31/08/2026

សូមគោរពជូននូវសព្ទសាធុការពរជ័យសិរីមង្គល វិបុលសុខ មហាប្រសើរ ជូនពរចំពោះ ឯកឧត្ដម នាយឧត្ដមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ក្នុងឱកាសដ៏សិរីមង្គលថ្លៃថ្លានៃពិធីចម្រើនជន្មាយុគម្រប់៤៦ ឈានចូល៤៧ឆ្នាំ ដែលប្រព្រឹត្តទៅនៅថ្ងៃទី៣១ ខែសីហា ឆ្នាំ២០២៦ សូមទទួលបាននូវសុខភាពល្អបរិបូរណ៍ កម្លាំងមាំមួនខ្លាំងក្លា បញ្ញាញាណវាងវៃ ជន្មាយុយឺនយូរ ដើម្បីបន្តដឹកនាំមាតុភូមិកម្ពុជាមានសុខសន្តិភាព ស្ថិរភាព និងការអភិវឌ្ឍ កាន់តែរីកចម្រើន ។

#កម្ពុជាមាតុភូមិខ្ញុំ​ #ក្រសួងការពារជាតិ #មជ្ឈមណ្ឌល​កីឡា​កងយោធពលខេមរភូមិន្ទ

30/08/2026

29/08/2026

28/08/2026

ជួបគ្នាឆាប់ៗ✨ កីឡានាំមកនូវសន្តិភាព កីឡានាំមកនូវក្តីសង្ឃឹម🥰

ការប្រកួតបាល់ទាត់មិត្តភាពសប្បុរស នៃកម្មវិធី «បេះដូងសប្បុរសដើម្បីភូមិរង់ចាំ» ប្រកួតនៅកីឡដ្ឋានកងយោធពល ខេមរភូមិន្ទ
__________________________
📍នៅថ្ងៃសៅរ៍ ទី២៩ សីហា ២០២៦ | វេលាម៉ោង ៥៖៣០ នាទីល្ងាច

#មជ្ឈមណ្ឌល​កីឡា​កងយោធពលខេមរភូមិន្ទ

26/08/2026

នាព្រឹកថ្ងៃពុធ ១៣កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦
ឯកឧត្ដម ឧត្ដមសេនីយ៍ទោ ខូវ ឆាយ អគ្គលេខាធិការក្រុមប្រឹក្សាកីឡាកងយោធពលខេមរភូមិន្ទនិងជានាយកមជ្ឈមណ្ឌលកីឡាកងយោធពលខេមរភូមិន្ទ បានអញ្ជើញចូលរួមជាកិត្តិយសក្នុងពិធីជូនដំណើរកងវិស្វកម្មលេខ៨៦៤ ចូលរួមបំពេញបេសកកម្មរក្សាសន្តិភាព អង្គការសហប្រជាជាតិ នៅសាធារណរដ្ឋអាហ្វ្រិកកណ្តាល និងបំពាក់មេដាយជូន កងរាជអាវុធហត្ថលេខ៨៧២ និងកងកម្ទេចគ្រឿងផ្ទុះលេខ៩៨ទី៣ ដែលបានបំពេញ បេសកកម្មដោយជោគជ័យនៅសាធារណរដ្ឋស៊ូដង់ខាងត្បូង និងសាធារណរដ្ឋអាហ្វ្រិកកណ្តាល ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានគណៈកម្មាធិការជាតិ និងលោកស្រី Vladanka Andreeva អ្នកសម្របសម្រួលអង្គការសហប្រជាជាតិ ប្រចាំព្រះរាជាណាចក្រកម្ពុជា នៅសាលបាយ័ន ទីស្តីការក្រសួងការពារជាតិ។

#កម្ពុជា​ #ក្រសួងការពារជាតិ​ #មជ្ឈមណ្ឌល​កីឡា​កងយោធពលខេមរភូមិន្ទ

25/08/2026

នៅព្រឹក ថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦

ឯកឧត្ដម ឧត្ដមសេនីយ៍ទោ ខូវ ឆាយ អគ្គលេខាធិការក្រុមប្រឹក្សាកីឡាកងយោធពលខេមរភូមិន្ទនិងជានាយកមជ្ឈមណ្ឌលកីឡាកងយោធពលខេមរភូមិន្ទ បានអញ្ជើញដឹកនាំប្រជុំពិភាក្សារៀបចំផែនការចូលរួមការប្រកួតកីឡាកងទ័ពពិភពលោករដូវក្តៅលើកទី៨ ឆ្នាំ២០២៧ នៅសហរដ្ឋអាមេរិក និងត្រៀមលក្ខណៈចូលរួមការប្រកួតកីឡាជាតិលើកទី៥ ឆ្នាំ២០២៦ និងកីឡាជាតិជនពិការលើកទី៣ឆ្នាំ២០២៦ និង​ត្រៀមសហការការងារជាមួយសហភាពសហព័ន្ធយុវជនកម្ពុជា រៀបចំព្រឹត្តិការណ៍ ប្រកួតបាល់ទាត់ សប្បុរសធម៌ ដើម្បីអ្នកភូមិរងចាំ ដែលប្រព្រឹត្តទៅនៅថ្ងៃទី២៩ ខែសីហាខាងមុខនេះ​ ដោយមានការអញ្ជើញចូលរួមពីសំណាក់ ឯកឧត្តម លោកជំទាវ នាយករង នាយ នាយរង ការិយាល័យ និងនាយប្រភេទកីឡារបស់មជ្ឈមណ្ឌលកីឡាកងយោធពលខេមរភូមិន្ទ នៅសាលប្រជុំ មជ្ឈមណ្ឌលកីឡាកងយោធពលខេមរភូមិន្ទ ( ស្តាត ចាស់ )។

#កម្ពុជា​ #ក្រសួង​ការពារ​ជាតិ​ # មជ្ឈមណ្ឌល​កីឡា​កងយោធពលខេមរភូមិន្ទ

24/08/2026

ព្រឹកថ្ងៃចន្ទ ១១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦
ឯកឧត្តម ឧត្តមសេនីយ៍ទោ ខូវ ឆាយ អគ្គលេខាធិការប្រឹក្សាកីឡាកងយោធពលខេមរភូមិន្ទ​និង​ជា​នាយក​មជ្ឈមណ្ឌល​កីឡា​កងយោធពលខេមរភូមិន្ទ​ បានអញ្ជើញចូលរួម ពិធីបើកសិក្ខាសាលាដកពិសោធន៍ការងារសម្ព័ន្ធមេត្រីភាព រវាងអង្គភាពនៃកងយោធពលខេមរភូមិន្ទ ជាមួយស្ថាប័នអង្គភាពស៊ីវិល ឆ្នាំ២០២៥ ទិសយោធភូមិភាគទី៤ និងទី៥ ដែលបើកសិក្ខាសាលាបានប្រព្រឹត្តទៅក្រោមអធិបតីភាព ឯកឧត្តម នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទ នៅទីស្តីការក្រសួងការពារជាតិ ។

​ #​ក្រសួង​ការពារ​ជាតិ​ #មជ្ឈមណ្ឌល​កីឡា​កងយោធពលខេមរភូមិន្ទ

24/08/2026

សូម​ចូល​រួម​ អបអរសាទរ​ ជូន​ចំពោះ​ ប្រភេទ​កីឡា​ជឺជីតស៊ូ​កងយោធពលខេមរភូមិន្ទ​ ទទួល​បាន​មេដាយ​សរុប​ចំនួន​ ២២​គ្រឿង​ មេដាយមាស​ចំនួន​៣🥇គ្រឿង​ មេដាយប្រាក់​ចំនួន​ ៨🥈គ្រឿង​និង​មេដាយ​សំរឹទ្ធ​ចំនួន​ ១១🥉គ្រឿង​ ក្នុងព្រឹត្តិការណ៍ប្រកួតកីឡាជឺជីតស៊ូជ្រើសរើសជើងឯកអាស៊ីអាគ្នេយ៍លើកទី៥ (5th Southeast Asian Ju-Jitsu Regional Championship 2026)​ នៅខេត្តសៀមរាប ចាប់​ពី​ថ្ងៃទី២១ដល់២៣ ខែសីហា ឆ្នាំ២០២៦​។

#កម្ពុជាមាតុភូមិខ្ញុំ​ #ក្រសួង​ការពារ​ជាតិ​ #កងយោធពលខេមរភូមិន្ទ​ #មជ្ឈមណ្ឌល​កីឡា​កងយោធពលខេមរភូមិន្ទ

24/08/2026

នាយ​ទាហាន​ នាយទាហានរង​និង​ពលទាហាន​ មន្ត្រី​បច្ចេកទេស​ គ្រូបង្វឹក​ កីឡាករ​ កីឡាការិនី​ របស់​មជ្ឈមណ្ឌល​កីឡា​កងយោធពលខេមរភូមិន្ទ​ សូម​អបអរសាទរ​ ជូន​ចំពោះ​ ឯឧត្តមឧ​ ត្តមសេនីយ៍ទោ ខូវ ឆាយ ត្រូវបានតែងតាំងជាប្រធានសមាគមក្លិបបាល់ទាត់កងយោធពលខេមរភូមិន្ទ ចាប់ពីរដូវកាលនេះតទៅ ។

#ក្រសួង​ការពារ​ជាតិ​ #មជ្ឈមណ្ឌល​កីឡា​កងយោធពលខេមរភូមិន្ទ​
#យើងជាកងទ័ពរួមគ្នាប្រយុទ្ធដើម្បីជ័យជំនៈ

23/08/2026

អបអរសាទរ ជូន ចំពោះប្រភេទកីឡាវាយសីកងយោធពលខេមរភូមិន្ទ ទទួលបានមេដាយសរុប ចំនួន ៥ គ្រឿង មេដាយប្រាក់ ចំនួន​ ២🥈គ្រឿង និង មេដាយសំរឹទ្ធ​ចំនួន​ ៣🥉គ្រឿង ក្នុង ព្រឹត្តិការណ៍ ការ ប្រកួតកីឡាវាយសីជ្រើសរើសជើងឯកអាស៊ីអាគ្នេយ៍លើកទី៣ ដែលប្រព្រឹត្តទៅនៅថ្ងៃទី១៥ ដល់ថ្ងែទី២១ ខែសីហា ឆ្នាំ២០២៦ នៅពហុកីឡដ្ឋានជាតិមរតកតេជោ។

#កម្ពុជា #ក្រសួងការពារជាតិ #មជ្ឈមណ្ឌល កីឡា កងយោធពលខេមរភូមិន្ទ