ក្រសួងអធិការកិច្ច Ministry of Inspection

03/06/2026

ញត្តិគាំទ្ររបស់មន្ទីរអធិការកិច្ចរាជធានី-ខេត្ត ចំពោះចំណាត់ការរបស់រាជរដ្ឋាភិបាលកម្ពុជាក្នុងការដោះស្រាយបញ្ហាការទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ
————————————

03/06/2026

យើងខ្ញុំជាថ្នាក់ដឹកនាំ និងមន្រ្តីរាជការនៃក្រសួងអធិការកិច្ច សូមគោរពជូនពរ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ក្នុងឱកាសមហាជ័យមង្គលចម្រើនជន្មាយុគម្រប់ ៤៥ឆ្នាំ ឈានចូល ៤៦ឆ្នាំ។

សូមបួងសួងដល់វត្ថុស័ក្តិសិទ្ធិទាំងឡាយក្នុងលោក សូមតាមជួយបីបាច់ថែរក្សា ប្រទានពរជ័យ សិរីសួស្ដី ជ័យមង្គលគ្រប់ប្រការ គោរពជូនចំពោះ ឯកឧត្តមអភិសន្តិបណ្ឌិត និងលោកជំទាវ ព្រមទាំងក្រុមគ្រួសារ សូមប្រកបដោយពុទ្ធពរទាំងបួនប្រការគឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
————————————

03/06/2026

ឯកឧត្តម ប្រាក់ ផាន់ណារ៉ា រដ្ឋលេខាធិការ និងជាប្រធានក្រុមការងារទទួលបន្ទុកបច្ចុប្បន្នភាពរចនាសម្ព័ន្ធ និងជំរឿនមន្រ្តីជាក់ស្តែងនៅតាមរចនាសម្ព័ន្ធរបស់ក្រសួងអធិការកិច្ច និងឯកឧត្ដម អែវ ប៊ុនថុល រដ្ឋលេខាធិការ និងជាប្រធានក្រុមការងារធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្ដែងរបស់ក្រសួងមុខងារសាធារណៈ បានអញ្ជើញដឹកនាំកិច្ចប្រជុំស្តីពីការផ្ទៀងផ្ទាត់លើរបាយការណ៍បិទ នៃការធ្វើបច្ចុប្បន្នភាពរចនាសម្ព័ន្ធ និងជំរឿនមន្ត្រីជាក់ស្ដែងនៅតាមរចនាសម្ព័ន្ធរបស់ក្រសួងអធិការកិច្ច ដោយមានការចូលរួមពីថ្នាក់ដឹកនាំ និងសមាជិក សមាជិកានៃគណៈកម្មការជំរឿននៃក្រសួងទាំងពីរ នៅទីស្ដីការក្រសួងអធិការកិច្ច។

រាជធានីភ្នំពេញ៖ ថ្ងៃទី៣ ខែមិថុនា ឆ្នាំ២០២៦៕
————————————

03/06/2026

ឯកឧត្តម ណុប ចាន់ណារិន្ទ រដ្ឋលេខាធិការក្រសួងអធិការកិច្ច បានអញ្ជើញដឹកនាំកិច្ចប្រជុំដើម្បីពិនិត្យរបាយការណ៍វឌ្ឍនភាពការងារប្រចាំខែឧសភា និងទិសដៅការងារសម្រាប់ខែមិថុនា ព្រមទាំងពិនិត្យ និងពិភាក្សាលើផែនការសកម្មភាពការងារប្រចាំឆ្នាំ២០២៦របស់ នាយកដ្ឋានអធិការកិច្ចវិស័យរដ្ឋបាល ដោយមានការចូលរួមពីថ្នាក់ដឹកនាំ និងមន្រ្តីនៃនាយកដ្ឋាន នៅទីស្ដីការក្រសួង។

រាជធានីភ្នំពេញ៖ ថ្ងៃទី៣ ខែមិថុនា ឆ្នាំ២០២៦៕
————————————

03/06/2026

សារលិខិតរំលែកមរណទុក្ខ របស់ថ្នាក់ដឹកនាំ និងមន្ត្រីរាជការនៃក្រសួងអធិការកិច្ច ជូនចំពោះ លោកស្រី ដែង ឆៃណា ព្រមទាំងក្រុមគ្រួសារ ចំពោះមរណភាពរបស់ លោក សុខុម ពិសី អនុប្រធានមន្ទីរអធិការកិច្ចខេត្តបន្ទាយមានជ័យ ដែលត្រូវជាស្វាមីរបស់លោកស្រី៕
————————————

03/06/2026

ឯកឧត្តម សុខ សូកេន រដ្ឋមន្ត្រីក្រសួងអធិការកិច្ច បានអញ្ជើញចូលរួមក្នុង “ពិធីសម្ពោធអគារកម្ពស់៣ជាន់ សមិទ្ធផលនានា និងប្រគល់សញ្ញាបត្រគ្រូបង្រៀនកម្រិតមូលដ្ឋាន និងសញ្ញាបត្របរិញ្ញាបត្រអប់រំ ឯកទេសអប់រំកាយ ជូនដល់គរុសិស្ស គរុនិស្សិត នៃវិទ្យាស្ថានជាតិអប់រំកាយនិងកីឡា” ក្រោមអធិបតីភាពដ៏ខ្ពង់ខ្ពស់របស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

រាជធានីភ្នំពេញ៖ ថ្ងៃទី៣ ខែមិថុនា ឆ្នាំ២០២៦៕
—
H.E. SOK Soken, Minister of Inspection, attended the “Inauguration Ceremony of the Three-Storey Building and Other Achievements, and the Presentation of Diplomas to Basic Education Teacher Trainees and Bachelor of Education Graduates in Physical Education of the National Institute of Physical Education and Sport,” under the high presidency of Samdech Moha Borvor Thipadei HUN Manet, Prime Minister of the Kingdom of Cambodia.

Phnom Penh, 3 June 2026
————————————

03/06/2026

ឯកឧត្តម ហេង លឹមទ្រី រដ្ឋលេខាធិការក្រសួងអធិការកិច្ច បានអញ្ជើញដឹកនាំកិច្ចប្រជុំដើម្បីត្រួតពិនិត្យរបាយការណ៍លទ្ធផលការងារស្តីពីការអង្កេតស្រាវជ្រាវករណីបណ្តឹងរបស់ប្រជាពលរដ្ឋ ដោយមានការចូលរួមពីថ្នាក់ដឹកនាំ និងមន្រ្តីជំនាញ នៅទីស្ដីការក្រសួង។

រាជធានីភ្នំពេញ៖ ថ្ងៃទី៣ ខែមិថុនា ឆ្នាំ២០២៦៕
————————————

02/06/2026

ញត្តិគាំទ្ររបស់ក្រសួងអធិការកិច្ច ចំពោះចំណាត់ការរបស់រាជរដ្ឋាភិបាលកម្ពុជាក្នុងការដោះស្រាយបញ្ហាការទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ
————————————

02/06/2026

02/06/2026

ឯកឧត្តម ណុប ចាន់ណារិន្ទ រដ្ឋលេខាធិការ និងជាអ្នកនាំពាក្យក្រសួងអធិការកិច្ច បានអញ្ជើញចូលរួមក្នុង «យុទ្ធនាការលុបបំបាត់ព័ត៌មានក្លែងក្លាយ៖ ពង្រឹងកិច្ចខិតខំប្រឹងប្រែងប្រយុទ្ធប្រឆាំងព័ត៌មានបំភ្លៃ» ក្រោមប្រធានបទ៖ «Building a Trusted Mekong Information Space: Cooperation Against Fake News» ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅសណ្ឋាគារ Sun and Moon Riverside។

រាជធានីភ្នំពេញ៖ ថ្ងៃទី២ ខែមិថុនា ឆ្នាំ២០២៦៕
————————————