ក្រសួងយុត្តិធម៌ Ministry of Justice

ក្រសួងយុត្តិធម៌ Ministry of Justice Cambodian justice and rule of law ministry of justice works for justice and rule of law of Cambodia. With the equality and right .

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញដឹកនាំកិច្ចប្រជុំពិនិត្យពិភាក្សាលើឯកសារទស្សនាទ...
03/09/2026

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញដឹកនាំកិច្ចប្រជុំពិនិត្យពិភាក្សាលើឯកសារទស្សនាទានបណ្ណាល័យច្បាប់ឌីជីថលរបស់ក្រសួងយុត្តិធម៌
====================

នារសៀលថ្ងៃព្រហស្បតិ៍ ៦រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែកញ្ញា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញដឹកនាំកិច្ចប្រជុំពិនិត្យពិភាក្សាលើឯកសារទស្សនាទានបណ្ណាល័យច្បាប់ឌីជីថលរបស់ក្រសួងយុត្តិធម៌ នៅទីស្តីការក្រសួងយុត្តិធម៌។

ឯកសារទស្សនាទានបណ្ណាល័យច្បាប់ឌីជីថលរបស់ក្រសួងយុត្តិធម៌ ត្រូវបានរៀបចំឡើងដោយក្រុមមការងារបច្ចេកទេសដើម្បីអនុវត្តការងារជម្រុញឌីជីថលូបនីយកម្មរបស់ក្រសួងយុត្តិធម៌ ដើម្បីបង្កើតនិងដាក់ដំណើរការបណ្ណាល័យច្បាប់ឌីជីថលរបស់ក្រសួង ដែលជាកន្លែងប្រមូលផ្តុំ រក្សាទុក និងស្វែងរកឯកសារច្បាប់ ក្នុងគោលដៅលើកកម្ពស់ចំណេះដឹង ប្រសិទ្ធិភាព និងគុណភាពនៃការងារអប់រំផ្សព្វផ្សាយច្បាប់ ជូនដល់សាធារណជន មន្រ្តីអនុវត្តច្បាប់ និងអ្នកសិក្សាស្រាវជ្រាវផ្នែកច្បាប់ និងការធ្វើបរិវត្តកម្មឌីជីថលក្នុងវិស័យយុត្តិធម៌។

កិច្ចប្រជុំនេះ មានការអញ្ជើញចូលរួមពីថ្នាក់ដឹកនាំជារដ្ឋលេខាធិការ អនុរដ្ឋលេខាធិការនៃក្រសួងយុត្តិធម៌ រួមមាន ឯកឧត្តម អ៊ួង សុភារិន្ទ, ឯកឧត្តម ខាន់ វណ្ណៈ, ឯកឧត្តម ឯម ច័ន្ទមករា, ឯកឧត្តម ផេង សុខលាភ, និងអគ្គនាយក/អគ្គនាយករង, ប្រធាន/អនុប្រធាននាយកដ្ឋាន ព្រមទាំងមន្ត្រីនៃក្រសួងយុត្តិធម៌ សរុបប្រមាណ ២០រូប ។

ឯកឧត្តម ញាន វណ្ណៈ និង ឯកឧត្តម តាំង ស៊ុនឡាយ ជាសហប្រធាននៃក្រុមការងារបច្ចេកទេសទទួលបន្ទុករៀបចំការធ្វើវិសោធនកម្មក្រមនីតិវិធីរ...
03/09/2026

ឯកឧត្តម ញាន វណ្ណៈ និង ឯកឧត្តម តាំង ស៊ុនឡាយ ជាសហប្រធាននៃក្រុមការងារបច្ចេកទេសទទួលបន្ទុករៀបចំការធ្វើវិសោធនកម្មក្រមនីតិវិធីរដ្ឋប្បវេណី បានអញ្ជើញដឹកនាំកិច្ចប្រជុំ ដើម្បីពិនិត្យ និងពិភាក្សាលើការធ្វើវិសោធនកម្មក្រមនីតិវិធីរដ្ឋប្បវេណី
=====================

នៅទីស្តីការក្រសួងយុត្តិធម៌៖ នារសៀលថ្ងៃព្រហស្បតិ៍​ ៦រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០​ ត្រូវនឹងថ្ងៃទី៣ ​ខែកញ្ញា ឆ្នាំ២០២៦, ឯកឧត្តម ញាន វណ្ណៈ និង​ ឯកឧត្តម តាំង ស៊ុនឡាយ ជាសហប្រធាននៃក្រុមការងារបច្ចេកទេសទទួលបន្ទុករៀបចំការធ្វើវិសោធនកម្មក្រមនីតិវិធីរដ្ឋប្បវេណី បានអញ្ជើញដឹកនាំកិច្ចប្រជុំលើកទី៥៥​ របស់ក្រុមការងារបច្ចេកទេស ដោយមានការចូលរួមពីសំណាក់ឯកឧត្តមដែលជាអនុប្រធាន និងសមាជិក សមាជិកានៃក្រុមការងារ ព្រមទាំងជំនាញការជប៉ុននៃអង្គការចៃកា (JICA)។ កិច្ចប្រជុំនេះបានពិនិត្យ និងពិភាក្សាលើមាត្រា ៣០៧​ ដល់មាត្រា ៣១១ នៃក្រមនីតិវិធីរដ្ឋប្បវេណី។

ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ បានដឹកនាំកិច្ចប្រជុំពិភាក្សារលើសេចក្ដីព្រាងច្បាប់ស្ដីពីការរៀបចំ និងការប...
02/09/2026

ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ បានដឹកនាំកិច្ចប្រជុំពិភាក្សារលើសេចក្ដីព្រាងច្បាប់ស្ដីពីការរៀបចំ និងការប្រព្រឹត្តទៅនៃសាលាជម្រះក្ដីពាណិជ្ជកម្ម
=========================
នារសៀលថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦ វេលាម៉ោង ២:៣០នាទីរសៀល ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ និងជាប្រធានគណៈកម្មការរៀបចំដំណើរការតុលាការពាណិជ្ជកម្ម បានដឹកនាំកិច្ចប្រជុំ ដោយមានការរួមពីឯកឧត្តម លោកជំទាវ លោក លោកស្រី សមាជិក សមាជិកាក្រុមការងារ គណៈកម្មការរៀបចំដំណើរការតុលាការពាណិជ្ជកម្ម ដើម្បី ពិភាក្សារលើសេចក្ដីព្រាងច្បាប់ ស្ដីពីការរៀបចំ និងការប្រព្រឹត្តទៅនៃសាលាជម្រះក្ដីពាណិជ្ជកម្ម។

អ្នកនាំពាក្យក្រសួងយុត្តិធម៌ ឯកឧត្តម ឯម ច័ន្ទមករា អញ្ជើញចូលរួមកិច្ចប្រជុំពង្រឹងការងារផ្សព្វផ្សាយព័ត៌មាន និងគ្រប់គ្រងសាធារ...
01/09/2026

អ្នកនាំពាក្យក្រសួងយុត្តិធម៌ ឯកឧត្តម ឯម ច័ន្ទមករា អញ្ជើញចូលរួមកិច្ចប្រជុំពង្រឹងការងារផ្សព្វផ្សាយព័ត៌មាន និងគ្រប់គ្រងសាធារណមតិ ជាមួយមន្ត្រីនាំពាក្យ និងមន្ត្រីព័ត៌មាននៃក្រសួង ស្ថាប័ននានារបស់រាជរដ្ឋាភិបាល
=====================

(ភ្នំពេញ)៖ នៅរសៀលថ្ងៃអង្គារ៍ ទី១ ខែកញ្ញា ឆ្នាំ២០២៦ នេះ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្រ្តីក្រសួងយុត្តិធម៌ បានចាត់ឯកឧត្តម ឯម ច័ន្ទមករា រដ្ឋលេខាធិការ និងជាអ្នកនាំពាក្យក្រសួងយុត្តិធម៌ និងលោកជំទាវ ប៉ែន ផល្លីការ សមាជិកអ្នកនាំពាក្យក្រសួងយុត្តិធម៌ ចូលរួមកិច្ចប្រជុំពង្រឹងការងារផ្សព្វផ្សាយព័ត៌មាន និងគ្រប់គ្រងសាធារណមតិ ជាមួយមន្ត្រីនាំពាក្យ និងមន្ត្រីព័ត៌មាននៃក្រសួង ស្ថាប័ននានារបស់រាជរដ្ឋាភិបាលក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន នៅទីស្តីការក្រសួងព័ត៌មាន។ កិច្ចប្រជុំនេះ មានគោលបំណងពង្រឹងប្រសិទ្ធភាពការងារផ្សព្វផ្សាយព័ត៌មាន ការគ្រប់គ្រងព័ត៌មាន និងសាធារណមតិ ព្រមទាំងលើកកម្ពស់ប្រសិទ្ធភាពការងារនាំពាក្យ និងទំនាក់ទំនងរវាងរាជរដ្ឋាភិបាលជាមួយប្រជាពលរដ្ឋ ឱ្យកាន់តែមានប្រសិទ្ធភាព ទាន់ពេលវេលា និងមានសង្គតិភាព។

ឯកឧត្តម​ នេត្រ ភក្ត្រា រដ្ឋមន្ត្រីក្រសួងព័ត៌មាន បានគូសបញ្ជាក់ថា គោលដៅសំខាន់នៃកិច្ចប្រជុំនេះ គឺពង្រឹង «ជវភាពនៃប្រព័ន្ធតួអង្គតែមួយ» ក្នុងក្របខណ្ឌរាជរដ្ឋាភិបាល លើការងារគ្រប់គ្រងព័ត៌មាន និងសាធារណមតិ។ ការងារនេះទាមទារឱ្យក្រសួង ស្ថាប័ន និងអង្គភាពពាក់ព័ន្ធទាំងអស់ បង្កើនកិច្ចសហការ និងការសម្របសម្រួលឱ្យកាន់តែមានប្រសិទ្ធភាព ដើម្បីសម្រេចបាននូវលទ្ធផលរួម ស្របតាមទិសដៅ និងគោលនយោបាយរបស់រាជរដ្ឋាភិបាល។ ឯកឧត្តម នេត្រ ភក្ត្រា ក៏បានលើកឡើងពីសារៈសំខាន់នៃការធ្វើទំនើបកម្មវិស័យព័ត៌មាន និងការរួមបញ្ចូលគ្នារវាងប្រព័ន្ធផ្សព្វផ្សាយបែបប្រពៃណី និងប្រព័ន្ធផ្សព្វផ្សាយឌីជីថល ដើម្បីពង្រីកសមត្ថភាពក្នុងការផលិត និងផ្សព្វផ្សាយព័ត៌មាន ឱ្យស្របតាមការវិវត្តនៃបច្ចេកវិទ្យា និងតម្រូវការរបស់សាធារណជន។

ជាមួយគ្នានេះ ឯកឧត្តមរដ្ឋមន្ត្រីបានរំឭកឡើងវិញនូវអនុសាសន៍ណែនាំរបស់ សម្ដេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ពាក់ព័ន្ធនឹងការងារគ្រប់គ្រងព័ត៌មាន ដោយត្រូវបន្តជំរុញ និងលើកកម្ពស់ការផលិត និងផ្សព្វផ្សាយមាតិកាអំពីគោលនយោបាយ កម្មវិធី សកម្មភាព និងសមិទ្ធផលរបស់រាជរដ្ឋាភិបាលលើគ្រប់វិស័យ ឱ្យកាន់តែសកម្ម ទូលំទូលាយ ទាន់ពេលវេលា និងមានប្រសិទ្ធភាព ជាពិសេសត្រូវយកចិត្តទុកដាក់លើការផ្សព្វផ្សាយសមិទ្ធផលជាក់ស្ដែងនៅតាមមូលដ្ឋាន ដែលកំពុងផ្តល់ផលប្រយោជន៍ដោយផ្ទាល់ដល់ប្រជាពលរដ្ឋ។

ឯកឧត្តមរដ្ឋមន្ត្រីក៏បានណែនាំឱ្យបង្កើនស្មារតីបុរេសកម្ម ការទទួលខុសត្រូវ និងភាពម្ចាស់ការក្នុងការតាមដាន ប្រមូល ចងក្រង ផលិត និងផ្សព្វផ្សាយព័ត៌មាន ដោយប្រកាន់ខ្ជាប់នូវស្មារតី «២៤ម៉ោងក្នុងមួយថ្ងៃ ៧ថ្ងៃក្នុងមួយសប្ដាហ៍» ដើម្បីធានាថា ព័ត៌មានដែលមានភាពត្រឹមត្រូវ ប្រភពច្បាស់លាស់ និងទាន់ពេលវេលា ត្រូវបានផ្សព្វផ្សាយទៅកាន់សាធារណជនយ៉ាងឆាប់រហ័ស និងមានប្រសិទ្ធភាព។ លើសពីនេះ ឯកឧត្តមរដ្ឋមន្ដ្រីបានជំរុញឱ្យប្រើប្រាស់ឱ្យអស់សក្តានុពល និងពង្រឹងប្រសិទ្ធភាពនៃប្រព័ន្ធផ្សព្វផ្សាយជាតិ និងថ្នាលឌីជីថលនានា ជាពិសេសទូរទស្សន៍ជាតិកម្ពុជា ឱ្យដើរតួនាទីកាន់តែសកម្ម និងក្លាយជាស្នូលសំខាន់មួយក្នុងការផ្សព្វផ្សាយព័ត៌មានជូនសាធារណជន។

ជាចុងក្រោយ ឯកឧត្តម នេត្រ ភក្ត្រា បានសង្កត់ធ្ងន់ថា ការងារព័ត៌មានក្នុងសម័យឌីជីថល ត្រូវការការផ្លាស់ប្តូរទស្សនៈ និងរបៀបធ្វើការឱ្យស្របទៅនឹងតម្រូវការជាក់ស្តែង ដោយផ្លាស់ប្តូរពីការផ្សព្វផ្សាយព័ត៌មានតែប៉ុណ្ណោះ ទៅជាដំណើរការការងារដែលមានលក្ខណៈជាប្រព័ន្ធ ចាប់ពីការស្តាប់ ការយល់ ការសម្រេច ការផ្សព្វផ្សាយ ការទទួលមតិយោបល់ ការឆ្លើយតប ការវាស់វែងលទ្ធផល និងការកែលម្អជាបន្តបន្ទាប់។

ឯកឧត្តមរដ្ឋមន្ត្រីបានបញ្ជាក់ថា ការអនុវត្តបែបនេះ នឹងរួមចំណែកធ្វើឱ្យការងារព័ត៌មានកាន់តែមានប្រសិទ្ធភាព ឆ្លើយតបបានទាន់ពេលវេលា មានសង្គតិភាព និងកាន់តែជិតស្និទ្ធជាមួយតម្រូវការ និងការចាប់អារម្មណ៍របស់សាធារណជន ព្រមទាំងរួមចំណែកពង្រឹងការយល់ដឹងរបស់ប្រជាពលរដ្ឋអំពីគោលនយោបាយ សកម្មភាព និងសមិទ្ធផលរបស់រាជរដ្ឋាភិបាល៕

ឯកឧត្តមឧបនាយករដ្ឋមន្ត្រី កើត រិទ្ធ និងសហការី អញ្ជើញសួរសុខទុក្ខឯកឧត្តមបណ្ឌិត សាយ បូរី ដែលកំពុងសម្រាកព្យាបាលជំងឺនៅមន្ទីរពេ...
01/09/2026

ឯកឧត្តមឧបនាយករដ្ឋមន្ត្រី កើត រិទ្ធ និងសហការី អញ្ជើញសួរសុខទុក្ខឯកឧត្តមបណ្ឌិត សាយ បូរី ដែលកំពុងសម្រាកព្យាបាលជំងឺនៅមន្ទីរពេទ្យកាល់ម៉ែត្រ
====================

នាព្រឹកថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ រួមជាមួយឯកឧត្តម លី ច័ន្ទតុលា រដ្ឋលេខាធិការទីស្តីការគណៈរដ្ឋមន្ត្រី និងជាអតីតប្រធានគណៈមេធាវីនៃព្រះរាជាណាចក្រកម្ពុជា ឯកឧត្តម សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា ឯកឧត្តម ឃាង សេង អនុប្រធានអង្គភាពប្រឆាំងអំពើពុករលួយ ព្រមទាំងសហការី បានអញ្ជើញសួរសុខទុក្ខឯកឧត្តមបណ្ឌិត សាយ បូរី ដែលកំពុងសម្រាកព្យាបាលជំងឺ នៅមន្ទីរពេទ្យកាល់ម៉ែត្រ ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។

ក្នុងឱកាសនោះ ឯកឧត្តមឧបនាយករដ្ឋមន្ត្រី បានសាកសួរដោយយកចិត្តទុកដាក់អំពីស្ថានភាពសុខភាព និងដំណើរការព្យាបាលរបស់ឯកឧត្តមបណ្ឌិត សាយ បូរី ព្រមទាំងបានសម្តែងនូវក្តីនឹករឭក និងផ្តល់កម្លាំងចិត្តដ៏កក់ក្តៅជូនឯកឧត្តមបណ្ឌិត និងក្រុមគ្រួសារ។

ជាមួយគ្នានេះ ឯកឧត្តមឧបនាយករដ្ឋមន្ត្រី និងគណៈប្រតិភូអមដំណើរ បានជូនពរឯកឧត្តមបណ្ឌិត សាយ បូរី សូមឆាប់បានជាសះស្បើយ មានកម្លាំងកាយមាំមួន កម្លាំងចិត្តរឹងមាំ និងមានសុខភាពល្អប្រសើរឡើងវិញក្នុងពេលឆាប់ៗខាងមុខ។

ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ អញ្ជើញដឹកនាំកិច្ចប្រជុំពិនិត្យលើវឌ្ឍនភាពនៃការរៀបចំអភិវឌ្ឍន៍ប្រព័...
01/09/2026

ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ អញ្ជើញដឹកនាំកិច្ចប្រជុំពិនិត្យលើវឌ្ឍនភាពនៃការរៀបចំអភិវឌ្ឍន៍ប្រព័ន្ធព្រឹត្តិបត្រថ្កោលទោសឌីជីថលដំណាក់កាលទី៣ ជំហានទី១
=====================

រាជធានីភ្នំពេញ, នៅព្រឹកថ្ងៃអង្គារ៍ ទី០១ ខែកញ្ញា ឆ្នាំ២០២៦ នាទីស្តីការក្រសួងយុត្តិធម៌ ឯកឧត្តមបណ្ឌិត គឹម សន្តិភាព រដ្ឋលេខាធិការក្រសួងយុត្តិធម៌ បានអញ្ជើញដឹកនាំកិច្ចប្រជុំពិនិត្យលើវឌ្ឍនភាពនៃការរៀបចំអភិវឌ្ឍន៍ប្រព័ន្ធព្រឹត្តិបត្រថ្កោលទោសឌីជីថលដំណាក់កាលទី៣ ជំហានទី១ ជាមួយថ្នាក់ដឹកនាំ និងមន្រ្តីជំនាញពាក់ព័ន្ធ។

ការរៀបចំអភិវឌ្ឍន៍ប្រព័ន្ធព្រឹត្តិបត្រថ្កោលទោសឌីជីថលដំណាក់កាលទី៣ ជំហានទី១ រៀបចំឡើងតាមការសម្រេចដ៏ខ្ពង់ខ្ពស់របស់ឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ដែលគ្រោងនឹងបញ្ចប់នៅមុនដំណាច់ខែកញ្ញានេះ ក្នុងគោលបំណងដើម្បីតភ្ជាប់រវាងប្រព័ន្ធព្រឹត្តបត្រថ្កោលទោសឌីជីថល ជាមួយថ្នាលផ្លាស់ប្តូរទិន្នន័យកម្ពុជា(CamDX) ផ្តល់ភាពងាយស្រួលដល់វិស័យធុរកិច្ចអាចស្នើសុំព្រឹត្តបត្រថ្កោលទោសនេះតាមរយៈថ្នាលផ្លាស់ប្តូរទិន្នន័យកម្ពុជា(CamDX)ផង និងដើម្បីឆ្លើយតបទៅនឹងកំណើននៃតម្រូវការស្នើសុំព្រឹត្តិបត្រថ្កោលទោសពីក្រសួងស្ថាប័ន និងប្រជាពលរដ្ឋផងដែរ។

ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ និងជាប្រធានគណៈកម្មការរៀបចំដំណើរការតុលាការពាណិជ្ជកម្ម បានដឹកនាំកិច្ចប្រ...
01/09/2026

ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ និងជាប្រធានគណៈកម្មការរៀបចំដំណើរការតុលាការពាណិជ្ជកម្ម បានដឹកនាំកិច្ចប្រជុំពិភាក្សា ជាមួយតំណាងធនាគារអភិវឌ្ឍន៏អាស៊ី(ADB)
====================

នារសៀលថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ ឯកឧត្តម ជីវ សុងហាក់ រដ្ឋលេខាធិការក្រសួងយុត្តិធម៌ និងជាប្រធានគណៈកម្មការរៀបចំដំណើរការតុលាការពាណិជ្ជកម្ម បានដឹកនាំកិច្ចប្រជុំពិភាក្សា ជាមួយតំណាងធនាគារអភិវឌ្ឍន៏អាស៊ី(ADB) គឺលោក Sion L. Morton សេដ្ឋវិទូផ្នែកសាធារណៈជាន់ខ្ពស់ និង សហការីផ្សេងទៀតមកពីទីស្នាក់ការកណ្តាលរបស់ ADB និងបេសកកម្មប្រចាំនៅកម្ពុជា ដើម្បីពិភាក្សាអំពី Trade and Competitiveness Program, Subprogram 3។

ព្រឹត្តបត្រ ច្បាប់និងយុត្តិធម៌ លេខ៤បោះពុម្ពផ្សាយដោយក្រសួងយុត្តិធម៌PDF File : https://t.me/mojcambodianews/88750—————————...
01/09/2026

ព្រឹត្តបត្រ ច្បាប់និងយុត្តិធម៌ លេខ៤
បោះពុម្ពផ្សាយដោយក្រសួងយុត្តិធម៌
PDF File : https://t.me/mojcambodianews/88750
———————————-
ក្រសួងយុត្តិធម៌ បានរៀបចំឱ្យមាននូវព្រឹត្តិបត្រច្បាប់ និងយុត្តិធម៌នេះឡើង ដើម្បីជាការចូលរួមចំណែកយ៉ាងសំខាន់ក្នុងការលើកកម្ពស់ការងារស្រាវជ្រាវ ការបណ្តុះបណ្តាល និងការពង្រឹងសមត្ថភាពធនធានមនុស្សក្នុងវិស័យច្បាប់ និងយុត្តិធម៌នៅកម្ពុជា។

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញចូលរួមកិច្ចប្រជុំស្តីពីកិច្ចដំណើរការប្រឡងប្រជែ...
31/08/2026

ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការនៃក្រសួងយុត្តិធម៌ បានអញ្ជើញចូលរួមកិច្ចប្រជុំស្តីពីកិច្ចដំណើរការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ ចំនួន ១៥ កន្លែង
====================

នៅរសៀលថ្ងៃចន្ទ ៣រោច ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋលេខាធិការប្រចាំការក្រសួងយុត្តិធម៌ បានអញ្ជើញចូលរួមកិច្ចប្រជុំស្តីពីការរៀបចំដំណើរការប្រឡងប្រជែងជ្រើសរើសមន្ត្រីរាជការឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ នៅសាលាភូមិន្ទរដ្ឋបាល ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ។កិច្ចប្រជុំនេះរៀបចំឡើងក្នុងគោលបំណងពិនិត្យ និងពិភាក្សាលើកិច្ចដំណើរការ និងការរៀបចំការប្រឡងប្រជែងជ្រើសរើសមន្ត្រីរាជការចូលបម្រើការងារក្នុងក្របខ័ណ្ឌក្រសួងយុត្តិធម៌ ចំនួន ១៥ កន្លែង ប្រភេទក្របខ័ណ្ឌ ក ដែលមានបេក្ខជនពេញសិទ្ធិប្រឡងសរុបចំនួន ៥៦៦ នាក់។ ការប្រឡងនេះ នឹងប្រព្រឹត្តទៅនៅថ្ងៃទី១៤ ខែកញ្ញា ឆ្នាំ២០២៦ មានរយៈពេលពេញមួយថ្ងៃ។
កិច្ចប្រជុំនេះ មានការអញ្ជើញចូលរួមពីថ្នាក់ដឹកនាំក្រសួងយុត្តិធម៌រួមមាន៖ ឯកឧត្តម ខាន់ វណ្ណៈ រដ្ឋលេខាធិការ ឯកឧត្តម កើត សេកាណូ អគ្គលេខាធិការ ឯកឧត្តម ផូវ សំភី អគ្គនាយក
ព្រមទាំង ឯកឧត្តម លោកជំទាវ តំណាងក្រសួង និងស្ថាប័នពាក់ព័ន្ធជាច្រើនរូបទៀត។ បន្ថែមពីនេះ អង្គប្រជុំក៏បានពិនិត្យ និងពិភាក្សាលើការជ្រើសរើសមន្ត្រីផ្អែកលើកិច្ចព្រមព្រៀងការងារ ឱ្យចូលបម្រើការងារនៅក្រសួងផែនការ ចំនួន ១៦ កន្លែង ផងដែរ។

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ផ្ញើសាររំលែកមរណទុក្ខជូន លោកជំទាវ អគ្គមហាឧបាសិកាពុទ្ធសាសនូ...
31/08/2026

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ផ្ញើសាររំលែកមរណទុក្ខជូន លោកជំទាវ អគ្គមហាឧបាសិកាពុទ្ធសាសនូបត្ថម្ភក៍ សុខ កែវ សិរីធម្មសុខាភិរ័តន៍ និងក្រុមគ្រួសារ ចំពោះមរណភាពរបស់ ឯកឧត្តមបណ្ឌិតសភាចារ្យ ច័ន្ទ សារុន តំណាងរាស្ត្រមណ្ឌលខេត្តតាកែវ

Address

Sothearos
Phnom Penh
12000

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+85523216322

Website

Alerts

Be the first to know and let us send you an email when ក្រសួងយុត្តិធម៌ Ministry of Justice posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to ក្រសួងយុត្តិធម៌ Ministry of Justice:

Shortcuts

Share

Category