10/08/2026
"ប្រវត្តិសាស្ត្រខ្មែរដែលពលរដ្ឋខ្មែរម្នាក់ៗគួរចេះ ដើម្បីថែរក្សា និងការពារទឹកដីខ្មែរ"
ប្រវត្តិសាស្ត្រខ្មែរមានហូរហែពីសម័យបុរេប្រវត្តិ សម័យមុនអង្គរ សម័យអង្គរ សម័យក្រោយអង្គរ សម័យលង្វែក សម័យអាណានិគមបារាំង សម័យជម្លោះភូមិសាស្រ្តនយោបាយ និងសម័យអន្តរកាលអង្គការសហ ប្រជាជាតិ។
អ្វីដែលនឹងលើកមកបង្ហាញនៅទីនេះនឹងលើកតែប្រវត្តិសាស្រ្តសម័យជម្លោះភូមិសាស្ត្រនយោបាយ និងសម័យអន្តរកាលដែលជាប់ពាក់ព័ន្ធខ្លាំងចំពោះកម្ពុជានាពេលបច្ចុប្បន្ន នាសតវត្សរ៍ទី២១នេះ។
អ្វីទៅ #សង្គ្រាមភូមិសាស្ត្រនយោបាយ ?
១~ សង្គ្រាមភូមិសាស្ត្រនយោបាយលើកទី១ (១៩៤៧-១៩៥៤) រវាងបារាំង &ចលនាកុម្មុយនីស្តឥណ្ឌូចិន បង្កើត&ដឹកនាំដោយយួន÷ សង្គ្រាមនេះនាំឲ្យកម្ពុជាត្រូវបានហែកហួរ បំបែកបំបាក់ ញុះញង់&វិទ្ធង្សនានូវរដ្ឋបាលដឹកនាំជាតិខ្មែរ &ប្រជាពលរដ្ឋខ្មែរក្នុងទឹកដីកម្ពុជាកណ្ដាល និងកាត់ផ្ដាច់កម្ពុជាក្រោមចេញពីកម្ពុជាកណ្ដាល ដោយសន្និសីទហ្សឺណែវ ថ្ងៃទី ២១ កក្កដា ១៩៥៤។
២~ សង្គ្រាមឥណ្ឌូចិនលើកទី២(១៩៥៥-១៩៧៣) រវាងសហរដ្ឋអាមេរិក និងចលនាកុម្មុយនីស្តឥណ្ឌូចិន÷ សង្គ្រាមលើកនេះ គឺកម្ទេចចោលទាំងស្រុងនូវហេដ្ឋា រចនាសម្ព័ន្ធដឹកនាំជាតិខ្មែរឲ្យរលាយរាបដល់ដីតែម្ដង ពិសេសក្រោយ ១៨ មីនា ១៩៧០ ការប្ដូររបបស្ដេចទៅជារបបសាធារណៈរដ្ឋ នាំឲ្យយួនមានលេសលើកទ័ពចូលកម្ពុជយ៉ាងពេញទំហឹង ទាំងយួនត្បូង និងយួនជើងថាដេញចក្រព័ទ្ធអាមេរិចកាំង ដែលប្លុកកុម្មុនីស្តឥណ្ឌូចិន និងសហភាពសូវៀតចូលមកយ៉ាងជ្រៅក្នុងនយោបាយ ខ្មែរ។
៣~ សង្គ្រាមឥណ្ឌូចិនលើកទី៣(១៩៧៣-១៩៩១) រវាងចិន អាមេរិច អាស៊ាន ជាមួយចលនាកុម្មុយនីស្តឥណ្ឌូចិន &សូវៀត÷ សង្គ្រាមលើកនេះគឺលេបយកខ្មែរក្រោម &ខ្មែរកណ្ដាលទាំងមូលទាំងស្រុង។
ខ្មែរក្រោមត្រូវបានលេបយក ថ្ងៃ ៣០ មេសា ១៩៧៥ និងវាយខ្មែរកណ្ដាលបានថ្ងៃ ៧ មករា ១៩៧៩ រហូតមាន #កិច្ចព្រមព្រៀងសន្តិភាពទីក្រុងប៉ារីស៍ ទើបខ្មែរងើបរួច។
អ្វីទៅ #ដំណាក់កាលអន្តរកាលដោយអង្គការសហ ប្រជាជាតិ ?
~ ដកកងកម្លាំង បុគ្គលិកយោធា ទីប្រឹក្សាយោធា និងភស្ដុភារយោធាបរទេសគ្រប់ប្រភេទទាំងអស់ពីកម្ពុជា និងធានាមិនឲ្យវិលត្រលប់មកវិញជាដាច់ខាត ដោយត្រួតពិនិត្យ តាមដាន ស៊ើបអង្កេត និងបញ្ចាក់ពីសហប្រជាជាតិ។
~ ការរៀបចំមាតុភូមិនិវត្តន៍នៃជនភៀសខ្លួន និងជនផ្លាស់ប្ដូរទីកន្លែងកម្ពុជា និងការដោះលែងឈ្លើយសឹក និងជនស៊ីវិលជាប់ឃុំឃាំងដោយប្រព័ន្ធសហប្រជាជាតិ។
~ រំលាយរដ្ឋបាលស៊ីវិលរបស់គ្រប់ភាគីខ្មែរ រៀបចំបង្កើតរដ្ឋាភិបាលកម្ពុជាថ្មីមួយដោយរដ្ឋធម្មនុញ្ញកម្ពុជាកើតចេញពីការបោះឆ្នោតដោយសេរី និងត្រឹមត្រូវ ដែលរៀបចំនិងដឹកនាំដោយអង្គការសហប្រជាជាតិ។
~ ការផ្ទេរដោយសណ្ដាប់ធ្នាប់នៃដំណាក់កាលអន្តរកាលឲ្យទៅរដ្ឋាភិបាលកម្ពុជាថ្មីមួយដែលកើតចេញពីការបោះឆ្នោតដោយសេរី &ត្រឹមត្រូវ។
ដូចនេះ ប្រវត្តិសាស្ត្រខ្មែរដ៏សំខាន់ទាំងពីរនេះ មានសារៈសំខាន់ណាស់សម្រាប់ខ្មែរក្នុងការថែរក្សា និងការពារទឹកដី÷
~ ពលរដ្ឋខ្មែរបានយល់ពីឧបាយកលទាំងឡាយរបស់មេដឹកនាំដែលជាបិសាចកៅអី បិសាចទ្រព្យ បិសាចបក្សពួក និងបរទេសឈ្លានពាន។
~ ពលរដ្ឋខ្មែរអាចបន្តស្នាដៃ និងវីរភាពរបស់ដូនតាដែលបានកសាងទុកប្រកបដោយប្រសិទ្ធភាព។
~ ពលរដ្ឋខ្មែរមានត្រីវិស័យច្បាស់លាស់ដែលចារិកក្នុងបណ្ដាគោលការណ៍ និងខ្លឹមសារក្នុងកិច្ចព្រមព្រៀងសន្តិភាពទីក្រុងប៉ារីស៍។
~ ពលរដ្ឋស្រលាញ់ជាតិ ចេះចូលរួមយ៉ាងសកម្មក្នុងជីវភាពនយោបាយ សេដ្ឋកិច្ច សង្គមកិច្ច វប្បធម៌ បូរណភាព អធិបតេយ្យភាព ឯករាជ្យ អព្យាក្រឹត ឯកភាពជាតិ និងសន្តិសុខ សន្តិភាព និងសិទ្ធិសេរីភាព។
