ឧត្តមសេនីយ៍ឯក សាយ ម៉េងឈាង Pol Lieutenant General Say Mengchheang

04/06/2026

04/06/2026

03/06/2026

អនុក្រឹត្យ​ ស្ដីពីសេវាអត្តសញ្ញាណកម្មដែលមិនតម្រូវឱ្យបង់កម្រៃសេវា​ និងតម្រូវឱ្យបង់កម្រៃសេវា​។

👉មាត្រា៦-
ទម្រង់ បែបបទ នីតិវិធី និងលក្ខខណ្ឌនៃការផ្តល់សេវាសាធារណៈអត្តសញ្ញាណកម្ម និងការប្រមូល ចំណូលទៅតាមប្រភេទសេវានីមួយៗ ត្រូវអនុវត្តតាមប្រកាសរបស់រដ្ឋមន្ត្រីក្រសួងមហាផ្ទៃ។

ការបង់កម្រៃសេវាសាធារណៈលើការងារអត្តសញ្ញាណកម្ម ត្រូវអនុវត្តតាមតម្លៃសេវាសាធារណៈដែល កំណត់ដោយប្រកាសអន្តរក្រសួងរវាងរដ្ឋមន្ត្រីក្រសួងមហាផ្ទៃ និងរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។

👉មាត្រា៧-
រាល់លិខិតបទដ្ឋានគតិយុត្តពាក់ព័ន្ធនឹងការបង់កម្រៃសេវាសាធារណៈលើការងារអត្តសញ្ញាណកម្ម
ដែលនៅជាធរមាន ត្រូវបន្តអនុវត្តរហូតដល់មានលិខិតបទដ្ឋានគតិយុត្តថ្មី មកជំនួស។

03/06/2026

ក្រោយចុះបញ្ជីកំណើតកូននៅសាលាឃុំសង្កាត់ រួច សូមលោកអ្នកកុំភ្លេចទៅចុះបញ្ចូលឈ្មោះកូនបន្ថែមក្នុងសៀវភៅស្នាក់នៅ និងសៀវភៅគ្រួសារឱ្យកូនផង នៅប៉ុស្តិ៍នគរបាលរដ្ឋបាលឃុំសង្កាត់ដែលលោកអ្នករស់នៅ។

02/06/2026

លិខិតបញ្ជាក់អត្តសញ្ញាណបុគ្គល មានសុពលភាព៦ខែ អាចប្រើប្រាស់ដូចអត្តសញ្ញាណបណ្ណសញ្ជាតិខ្មែរ (ករណីអត្តសញ្ញាណបណ្ណសញ្ជាតិខ្មែរផុតសុពលភាព ក៏អាចស្នើសុំបាន) ក្នុងគោលបំណងផ្សេងៗ ដូចជាការចុះឈ្មោះចូលរៀន ការបំពេញបែបបទចូលបម្រើការងារ ធ្វើលិខិតឆ្លងដែន ការចុះបញ្ជីអចលនវត្ថុ ការចុះបញ្ជីយានយន្ត ការបើកគណនីធនាគារ ការចុះបញ្ជីពាណិជ្ជកម្ម ការចុះកិច្ចសន្យា ឬការប្រើប្រាស់សេវារដ្ឋបាលផ្សេងទៀត។

រយៈពេលទទួលបានមិនលើសពី ៣ ទៅ៥ថ្ងៃ ។

សាមីខ្លួន ឬសាច់ញាតិ អាចអញ្ជើញមកស្នើសុំផ្តល់ លិខិតបញ្ជាក់អត្តសញ្ញាណបុគ្គល សម្រាប់ប្រើប្រាស់ នៅអគ្គនាយកដ្ឋានអត្តសញ្ញាណកម្ម រៀងរាល់ម៉ោងធ្វើការ ចាប់ពីថ្ងៃចន្ទ ដល់ថ្ងៃសុក្រ។

សម្រាប់ព័ត៌មានបន្ថែម សូមទំនាក់ទំនងទូរសព្ទ ០១៦ ៨៣១ ៨៥៩។ សូមអរគុណ

01/06/2026

ដំណោះស្រាយ ករណីបាត់អត្តសញ្ញាណបណ្ណសញ្ជាតិខ្មែរ

១.សាមីខ្លួនត្រូវដាក់ពាក្យបណ្តឹងបាត់និង ពាក្យស្នើសុំទុតិយតា (ស្នើសុំបោះពុម្ពឡើងវិញ) នៅប៉ុស្តិ៍នគរបាលរដ្ឋបាលទីលំនៅអចិន្ត្រៃយ៍ ឬនៅអគ្គនាយកដ្ឋានអត្តសញ្ញាណកម្ម មុខបុរីប៉េងហួតបឹងស្នោ ដោយភ្ជាប់ជាមួយអត្តសញ្ញាណបណ្ណសញ្ជាតិខ្មែរ ថតចម្លង (បើមាន)។

ករណីមិនចាំលេខអត្តសញ្ញាណបណ្ណដែលបាត់ សូមភ្ជាប់បន្ថែមសេចក្តីចម្លងសំបុត្រកំណើត និងសៀវភៅស្នាក់នៅឬសៀវភៅគ្រួសារ។

២. ទីតាំងដែលត្រូវយកពាក្យ​បណ្តឹងបាត់ និងពាក្យស្នើសុំទុតិយតា មកដាក់ស្នេីសុំបោះពុម្ពអត្តសញ្ញាណបណ្ណឡើងវិញបាននៅទីតាំងណាមួយដូចខាងក្រោម :

-ប៉ុស្តិនគរបាលរដ្ឋបាលឃុំ សង្កាត់នៃទីលំនៅអចិន្ត្រៃយ៍
-អធិការដ្ឋាននគរបាលក្រុង​ ស្រុក​ ខណ្ឌនៃទីលំនៅអចិន្ត្រៃយ៍
-ស្នងការដ្ឋាននគរបាលរាជធានី​ ខេត្តនៃទីលំនៅអចិន្ត្រៃយ៍
-ទីស្នាក់ការផ្តល់អត្តសញ្ញាណបណ្ណផ្សារអុីអន២សែនសុខ ឬអ៉ីអន៣ មានជ័យ
-នាយកដ្ឋានអត្តសញ្ញាណបណ្ណសញ្ជាតិខ្មែរ​ ដែលមានទីតាំងនៅ​ ភូមិតាង៉ូវក្រោម​ សង្កាត់និរោធ​ ខណ្ឌច្បារអំពៅ រាជធានីភ្នំពេញ។

៣.រយ:ពេលទទួលបានគឺ ២១ថ្ងៃនៃថ្ងៃធ្វើការ។

សម្រាប់ព័ត៌មានបន្ថែម សូមលោកអ្នក Download កម្មវិធី GDI eServices ដើម្បីមើល ឬសាកសួរព័ត៌មាន ឬទំនាក់ទំនងលេខ ១២៧១ / ០១៧ ៨៩៨ ៩១៥ រៀងរាល់ថ្ងៃចន្ទ ដល់ថ្ងៃសុក្រ ក្នុងម៉ោងធ្វើការ។ មន្ត្រីជំនាញរង់ចាំទទួល ផ្តល់ព័ត៌មាន និងដោះស្រាយជូន។ សូមអរគុណ

#អត្តសញ្ញាណបណ្ណសញ្ជាតិខ្មែរ
#អត្តសញ្ញាណកម្ម
#ឧត្តមសេនីយ៍ឯកសាយម៉េងឈាង
#អគ្គនាយកដ្ឋានអត្តសញ្ញាណកម្ម

01/06/2026

ប្រសិនបើលោកអ្នកមានចម្ងល់ សំណួរ ឬបញ្ហាទាក់ទងនឹងការងារអត្តសញ្ញាណកម្ម សូមទាក់ទងមកមន្ត្រីជំនាញតាមរយៈលេខ 1271 ឬ Telegram 017 898 915 រៀងរាល់ម៉ោងធ្វើការពីថ្ងៃចន្ទ ដល់សុក្រ។ សូមអរគុណ