មជ្ឈមណ្ឌលផលិតភាពជាតិនៃកម្ពុជា National Productivity Centre of Cambodia NPCC

02/09/2026

តាមរយ:មជ្ឈមណ្ឌលផលិតភាពជាតិ នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍សិក្ខាកាមកម្ពុជាចំនួន ២រូប រួមមាន៖ ១. លោក ម៉ាត់ អាល់ពី នាយកអង្គការ អ្នកអភិវឌ្ឍន៍ សហគមន៍ និង ២. លោក ឈួន មនោរម្យ អ្នកគ្រប់គ្រងក្រុមហ៊ុន Bayon Heritage Holding Group Co., Ltd. ចូលរួមសិក្ខាសាលាស្តីពីកសិកម្មគ្មានការបំភាយឧស្ម័នផ្ទះកញ្ចក់ និងបច្ចេកវិទ្យាចក្រា( Workshop on Agricultural Net-zero and Circular Technology) កាលពីថ្ងៃទី១-៤ ខែកញ្ញា ឆ្នាំ២០២៦ នៅទីក្រុង Chiayi នៃកោះតៃវ៉ាន់

24/08/2026

សិក្ខាកាមចំនួន១២រូប ៖ ១. លោក ស៊ាន រិទ្ធី ប្រធាននាយកដ្ឋាន នៃNISTI ២. លោក ពៅ វណ្ណា អនុប្រធានមន្ទីរឧវបនខេត្តកំពង់ធំ ៣. លោកស្រី ហ៊ាង ង៉ិចហ៊ង អនុប្រធាននាយកដ្ឋាននៃNISTI ៤. លោក ហួត ម៉េងហុង អនុប្រធានការិយាល័យនៃNPCC ៥. លោក លី សុភាព អនុប្រធាននាយកដ្ឋាននៃក្រសួងការងារ និងបណ្តុះបណ្តាលវិជ្ជាជីវៈ ៦. លោកបណ្ឌិត ម៉ា ប៊ុនសេងរិទ្ធី សាកលវិទ្យាធិការរងនៃសាកលវិទ្យាល័យ ឯកទេស នៃកម្ពុជា (CUS) ៧. លោកបណ្ឌិត ហៃ ចាន់ថុល សាស្រ្តាចារ្យ នៃសាកលវិទ្យាល័យបញ្ញាសាស្រ្តកម្ពុជា ៨. លោក ម៉ួង ដារ៉ាវី ម្ចាស់ស្ថានីយទឹកស្អាតដារ៉ាពេជ្រមុនី ៩. លោកស្រី នូ សេងលី ម្ចាស់ ស្ថានីយទឹកស្អាតដូនកែវ ១០.លោកស្រី រិត សុភា អ្នកគ្រប់គ្រងផ្នែកលក់ នៃក្រុមហ៊ុន Inva Real Estate Investment & Valuation ១១. លោក ចាប សុធា សហស្ថាបនិក និងជាអ្នកគ្រប់គ្រង ផ្នែកព័ត៌មានវិទ្យានៃក្រុមហ៊ុន -0+ Consulting និង ១២. នាងខ្ញុំ លី ចាន់ថុល ប្រធានការិយាល័យនៃ NPCC បានចូលរួមសន្និសីទស្ដីពី
KLEMS លើកទី ៧ ឆ្នាំ ២០២៦ (The 7th Asia KLEMS Conference 2026) ដែលប្រព្រឹត្តទៅចាប់ពីថ្ងៃទី២០-២១ ខែសីហា ឆ្នាំ២០២៦ នៅទីក្រុង កូឡាឡាំពួរ ប្រទេសម៉ាទ្បេស៊ី ដោយមានសិក្ខាកាមចូលរួម១៥០ នាក់មកពីបណ្ដាប្រទេសដែលជាសមាជិកAPO ។

គោលបំណងនៃសន្និសីទនេះ គឺកាត់បន្ថយគម្លាតផលិតភាព លើកកម្ពស់សមត្ថភាពប្រកួតប្រជែង និងជំរុញកំណើនសេដ្ឋកិច្ចប្រកបដោយចីរភាពនៅតំបន់អាស៊ី តាមរយៈការកសាងសមត្ថភាព ផ្លាស់ប្តូរចំណេះដឹង និងពង្រឹងកិច្ចសហប្រតិបត្តិការតំបន់លើក្របខ័ណ្ឌ KLEMS។

អាស្រ័យដូចបានគោរពជូនខាងលើ សូមឯកឧត្តមរដ្ឋមន្ត្រី និងថ្នាក់ដឹកនាំមេត្តាជ្រាប និងទទួលនូវការគោរពដ៏ខ្ពង់ខ្ពស់។

17/08/2026

នាថ្ងៃទី០៥-០៦ ខែសីហា ឆ្នាំ២០២៦ មជ្ឈមណ្ឌលផលិតភាពជាតិ (NPCC) នៃអគ្គនាយកដ្ឋានឧស្សាហកម្ម បានរៀបចំកម្មវិធីបណ្តុះបណ្តាលស្តីពី «ស៥» ក្រោមកម្មវិធីពានរង្វាន់សមិទ្ធផលផលិតភាព«ស៥» ប្រចាំឆ្នាំ២០២៦ ជូនដល់សិក្ខាកាមចំនួន២២រូប មកពី១១រោងចក្រ សហគ្រាស សិប្បកម្ម នៅទីស្តីការក្រសួង និងបានចុះទស្សនកិច្ចក្រុមហ៊ុនលីលី ដើម្បីទទួលបានបទពិសោធន៍ដោយផ្ទាល់។
វគ្គនេះ មានគោលបំណងណែនាំអង្គភាពចូលរួមទាំងអស់ យល់ដឹងអំពីទិដ្ឋភាពទូទៅនៃផលិតភាព និងស៥ ក៏ដូចជាការចុះអង្កេតផ្ទាល់នៅក្រុមហ៊ុន ដើម្បីចាប់ផ្តើមទទួលការប្រឹក្សាយោបល់ និងការចុះសវនកម្ម។

12/08/2026

នៅថ្ងៃទី១១ ខែសីហា ឆ្នាំ២០២៦ មជ្ឈមណ្ឌលផលិតភាពជាតិ នៃអគ្គនាយកដ្ឋានឧស្សាហកម្ម សហការជាមួយមន្ទីរឧ.វ.ប.ន ខេត្តតាកែវ បានរៀបចំសិក្ខាសាលាស្តីពី «ការលើកកម្ពស់ផលិតភាព នៅក្នុងបរិបទថ្មី» ក្រោមអធិបតីភាព ឯកឧត្តម យា ប៊ុនណា អនុរដ្ឋលេខាធិការ និងលោក យង់ សុវឌ្ឍនា អភិបាលរងខេត្តតាកែវ អមដោយ លោក អ៊ុំ សេរីវុទ្ធ ប្រធាន​មជ្ឈមណ្ឌលផលិតភាពជាតិ លោក វិញ ច័ន្ទមករា និងលោកស្រី ហង់ ស៊ីថន អនុប្រធានមន្ទីរឧ.វ.ប.នខេត្តតាកែវ និងលោក អ៊ុន សុភាព អនុប្រធានមន្ទីរពាណិជ្ជកម្មខេត្តតាកែវ ដែលមានសិក្ខាកាមចូលរួមមកពីស្ថានប័នពាក់ពន្ធ រោងចក្រសហគ្រាស សិប្បកម្ម សេវាកម្ម អាជីវករ និងនិស្សិតសរុបចំនួន ៩១នាក់។

គោលបំណងនៃសិក្ខាសាលា គឺផ្សព្វផ្សាយ និងជំរុញការយល់ដឹងពីផលិតភាពឱ្យកាន់តែមានវិសាលភាពទៅដល់សហគ្រាសធុនតូច និងមធ្យម និងសិប្បកម្ម នៅទូទាំងប្រទេស ដើម្បីពង្រឹងសមត្ថភាពផលិតកម្មនិងអាជីវកម្មឱ្យកាន់តែមានការវិវឌ្ឍឈានឡើងប្រកបដោយចីរភាព។

លទ្ធផលនៃសិក្ខាសាលានេះ៖
​សិក្ខាកាមបានទទួលនូវការបញ្ជ្រាបការយល់ដឹងអំពីឧបករណ៍ដំបូងនៃផលិតភាព ក្នុងការពង្រឹងសមត្ថភាពបុគ្គលិក និងបង្កើនប្រសិទ្ធភាពការងារនៅក្នុងដំណើរការផលិតកម្ម ឫប្រតិបត្តិការងារ។

11/08/2026

មជ្ឈមណ្ឌលផលិតភាពជាតិ (National Productivity Center of Cambodia-MISTI) នឹងរៀបចំវគ្គបណ្តុះបណ្តាលអំពី "ភាពជាអ្នកដឹកនាំប្រតិបត្តិសម្រាប់អាជីវកម្ម (Executive Leadership for business) នៅថ្ងៃទី ២៥ ខែសីហា ឆ្នាំ២០២៦ នៅទីស្តីការក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។ សូមលោក លោកស្រីដែលចាប់អារម្មណ៍ ចុះឈ្មោះតាមរយៈតំណភ្ជាប់ខាងក្រោមៈ https://forms.gle/ZpVvo6DN67TZ774o8

08/08/2026

06/08/2026

https://www.facebook.com/share/v/1E3V1115Lp/

06/08/2026

នាថ្ងៃទី០៤ ខែសីហា ឆ្នាំ២០២៦ នៅសណ្ឋាគារ Fairfield by Marriot ក្រុមការងារអនុវត្តន៍គម្រោង(KSP 2025-2026) ខាងភាគីកូរ៉េ បានសហការជាមួយក្រុមការងារក្រសួង MISTI បានចូលរួមរៀបចំកិច្ចប្រជុំកម្រិតខ្ពស់ និងសិក្ខាសាលាបិទគម្រោងស្តីពី របាយការណ៍ប្រព្រឹត្តកម្មកាកសំណល់ ឧស្សាហកម្មផ្អែកលើឌីជីថល ក្រោមអធិបតីភាព ឯកឧត្តមបណ្ឌិត ទឹង ស៊ីនី រដ្ឋលេខាធិការ នៃក្រសួង ឧ.វ.ប.ន អមដោយ ឯកឧត្តម វ៉ែន គៀហាក់ អនុរដ្ឋលេខាធិការ ឯកឧត្តម ផែ ច័ន្ទត្រាវុធ អគ្គនាយកនៃអគ្គនាយកដ្ឋានឧស្សាហកម្ម ឯកឧត្តម ហេង អៀង ទីប្រឹក្សាក្រសួង ឯកឧត្តម ឡេង គឹមស្រុង អគ្គលេខាធិការរងនៃក្រសួងបរិស្ថាន លោកអ៊ូច ម៉ានី លោកស្រីទេព រ៉ានី អគ្គនាយករងឧស្សាហកម្ម លោក អ៊ុំ សេរីវុទ្ធ ប្រធានNPCC លោកបណ្ឌិត សេង ទូច ប្រធាននាយកដ្ឋាន STI លោក លិ លុច អនុប្រធាននាយកដ្ឋាន ISC លោក ភុំ មានពិទូរ្យ ប្រធានការិយាល័យនៃនាយកដ្ឋានបច្ចេកទេស និងក្រុមការងារនៃអគ្គនាយកដ្ឋានឧស្សាហកម្ម និងអគ្គនាយកដ្ឋានពាក់ព័ន្ធនៃ MISTI។

ចំណៃកភាគីកូរ៉េ ដឹកនាំដោយ H.E. Kim Chang-Yong ឯកអគ្គរដ្ឋទូតនៃសាធារណៈកូរ៉េប្រចាំនៅកម្ពុជា
Dr. Jae-Cheon You (Senior Advisor of KSP 2025-2026) និងអមដោយក្រុមការងារ និងជំនាញការកូរ៉េ។ សិក្ខាកាមដែលចូលរួមចំនួន៤០ នាក់ មកពីវិស័យរដ្ឋ និងឯកជនពាក់ព័ន្ធ។

គោលបំណង ដើម្បីរាយការណ៍ស្ថានភាព និងលទ្ធផល នៃប្រព័ន្ធគ្រប់គ្រងកាកសំណល់ឧស្សាហកម្ម ផ្អែកលើឌីជីថល នៅកម្ពុជា ពីការអនុវត្តគម្រោងរយៈពេលជិត១ ឆ្នាំ ដែលបានបញ្ចប់ដោយរលូន និងការផ្តល់អនុសាសន៍ដើម្បីអភិវឌ្ឍន៍ប្រព័ន្ធនេះអោយដំណើរការនៅកម្ពុជា និងពិភាក្សាលើកិច្ចសហប្រតិបត្តិការជាមួយក្រសួង និងស្ថាប័នពាក់ព័ន្ធដើម្បីជំរុញការអនុវត្តប្រព័ន្ធគ្រប់គ្រងកាកសំណល់ឧស្សាហកម្ម ផ្អែកលើឌីជីថល នៅកម្ពុជា នាពេលខាងមុខ។

05/08/2026

https://www.facebook.com/share/p/1M4ow85uKi/?mibextid=wwXIfr