នាយកដ្ឋានអភិវឌ្ឍន៍វារីវប្បកម្ម Aquaculture Cambodia

23/05/2026

នារសៀលថ្ងៃទី២២ ខែឧសភា ឆ្នាំ២០២៦ លោក យន់ ដារិទ្ធ ប្រធាននាយកដ្ឋានអភិវឌ្ឍន៍វារីវប្បកម្ម នៃអគ្គនាយកដ្ឋានជលផលនិងសហការី បានអមដំណើរប្រតិភូដែលដឹកនាំដោយ ឯកឧត្តម ប៉ែន ធីរុង្គ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងឯកឧត្តម សៀក ឡេង អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ចុះពិនិត្យការចិញ្ចឹមបង្កងរបស់កសិករ នៅឃុំអូរសារាយ ស្រុកត្រាំកក់ ខេត្តតាកែវ។

គួរបញ្ជាក់ផងដែរថា កសិករកំពុងពង្រីកការចិញ្ចឹមបង្កងពីមួយស្រះទៅច្រើនស្រះ នេះបានបង្ហាញយ៉ាងច្បាស់ថា ការចិញ្ចឹមបង្កងទឹកសាបពិតជាអាចបង្កើតចំណូលនិងលើកកម្ពស់ជីវភាពគ្រួសារបានយ៉ាងមានប្រសិទ្ធភាព។ កសិករមិនត្រឹមតែពង្រីកការចិញ្ចឹមរបស់ខ្លួនប៉ុណ្ណោះទេ ប៉ុន្តែថែមទាំងលើកទឹកចិត្តកូនរបស់គាត់ឱ្យចាប់ផ្តើមចិញ្ចឹមបង្កងផងដែរ។ នេះជាការឆ្លុះបញ្ចាំងឱ្យឃើញថា ការចិញ្ចឹមបង្កងកំពុងក្លាយជាមុខរបរដែលមានសក្តានុពលខ្ពស់ និងអាចចូលរួមចំណែកក្នុងការបង្កើនសេដ្ឋកិច្ចគ្រួសារ និងសហគមន៍បានយ៉ាងពិតប្រាកដ។ 🦐

22/05/2026

ចាប់ពីថ្ងៃទី 20-22 ខែឧសភា ឆ្នាំ2026 លោក យន់ ដារិទ្ធ ប្រធាននាយកដ្ឋានអភិវឌ្ឍន៍វារីវប្បកម្ម នៃអគ្គនាយកដ្ឋានជលផលនិងសហការី សហការជាមួយក្រុមមន្ត្រីបច្ចេកទេសនៃមជ្ឈមណ្ឌលស្រាវជ្រាវនិងអភិវឌ្ឍន៍វារីវប្បកម្មសមុទ្រ និងក្រុមទីប្រឹក្សាបច្ចេកទេសវារីវប្បកម្មគ្រែងឈាម គ្រំចំពុះទា និងអយស្ទ័រ ចុះប្រមូលទិន្នន័យមូលដ្ឋាននិងវាយតម្លៃសក្តានុពលសម្រាប់ការធ្វើវារីវប្បកម្មមិនប្រើចំណីនៅសហគមន៍នេសាទព្រែកខ្សាច់ និងជ្រោយប្រស់ខេត្តកោះកុង ក្រោមគម្រោងជលផលសមុទ្រនិងតំបន់ឆ្នេរប្រកបដោយចីរភាព SCMF

14/05/2026

សូមព្រះបរមរាជានុញ្ញាតសម្តែងនូវព្រះពរជ័យ សិរីវឌ្ឍនា បវរមហាប្រសើរថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងព្រះរាជវរោកាសជយោភិរម្យ នៃព្រះរាជពិធីបុណ្យចម្រើនព្រះជន្មគម្រប់ ៧៣ ព្រះវស្សា យាងចូល ៧៤ ព្រះវស្សា។

សូមក្រាបថ្វាយបង្គំថ្វាយនូវព្រះសព្វសាធុការពរជ័យ បវរមហាប្រសើរគ្រប់ប្រការ ប្រកបដោយកតញ្ញូកតវេទិតាធម៌យ៉ាងជ្រាលជ្រៅស្មោះស្ម័គ្របំផុត៕

11/05/2026

11/05/2026