What are the opening hours?

Monday 07:30 - 17:00 Tuesday 07:30 - 17:00 Wednesday 07:30 - 17:00 Thursday 07:30 - 17:00 Friday 07:30 - 17:00

អគ្គនាយកដ្ឋានយុវជន Directorate General of Youth, Administration Building (4 Floor), Ministry of Education, Youth and Sport, Street 380 BKK1, Phnom Penh (2026)

Q: What is the address?

Administration Building (4 Floor), Ministry Of Education, Youth And Sport, Street 380 BKK1

01/09/2026

ការប្រារព្ធទិវាយុវជនអន្តរជាតិ និងខួបលើកទី២០ នៃការបង្កើតក្រុមប្រឹក្សាយោបល់យុវជនអង្គការសហប្រជាជាតិ (UNYAP)

រាជធានីភ្នំពេញ៖ នារសៀលថ្ងៃទី៣០ ខែសីហា ឆ្នាំ២០២៦ ឯកឧត្តម ចឹក លីម តំណាងដ៏ខ្ពង់ខ្ពស់ លោកជំទាវ ស្រូយ សុជាតិ អគ្គលេខាធិការ នៃក្រុមប្រឹក្សាជាតិកម្ពុជាដើម្បីអភិវឌ្ឍយុវជន និងជាអគ្គនាយកយុវជន នៃក្រសួងអប់រំ យុវជន និងកីឡា បានអញ្ជើញចូលរួមជាគណៈអធិបតីជាមួយលោកស្រី វ៉្លាដាន់កា អាន់ឌ្រេវ៉ា អ្នកសម្របសម្រួលអង្គការសហប្រជាជាតិប្រចាំនៅកម្ពុជា ក្នុងពិធីអបអរសាទរ ទិវាយុវជនអន្តរជាតិ និងខួបលើកទី២០ នៃការបង្កើតក្រុមប្រឹក្សាយោបល់យុវជនអង្គការសហប្រជាជាតិ (UNYAP) ដែលព្រឹត្តិការណ៍នេះមានការគាំទ្រពីសំណាក់ទីភ្នាក់ងារអង្គការសហប្រជាជាតិប្រចាំកម្ពុជា និងមានអ្នកចូលរួមប្រមាណជាង ៣០០នាក់ រួមមានតំណាងទីភ្នាក់ងារអង្គការសហប្រជាជាតិប្រចាំកម្ពុជា អង្គការដៃគូអភិវឌ្ឍជាតិនិងអន្តរជាតិ អង្គការសង្គមស៊ីវិល បណ្ដាញយុវជន សិស្សានុសិស្ស និងយុវជនពីខេត្តរតនគិរី និងសហគមន៍ផ្សេងៗ។

កម្មវិធីនេះប្រព្រឹត្តទៅក្រោមប្រធានបទសកល «បរិបទខុសគ្នា ក្តីប្រាថ្នាតែមួយ» និងមូលបទ «២០ឆ្នាំនៃសំឡេងយុវជន៖ ពីសកម្មភាពក្នុងស្រុក ទៅជាផលវិជ្ជមានកម្រិតសកល» ជាវេទិកាដ៏មានសារៈសំខាន់សម្រាប់យុវជនកម្ពុជា ក្នុងការបញ្ចេញមតិ ចែករំលែកបទពិសោធន៍ ចូលរួមក្នុងកិច្ចសន្ទនា និងរួមចំណែកក្នុងការកសាងសង្គម និងអនាគតប្រទេសជាតិ ដែលមានគោលបំណងផ្ដោតសំខាន់ទៅលើ៖
- ការអបអរសាទរទិវាយុវជនអន្តរជាតិ
- ការចាក់បញ្ចាំងសាច់រឿងការងារស្ម័គ្ររបស់យុវជន
- ការលើកកម្ពស់ការទទួលស្គាល់សមិទ្ធផលនៃការងារស្ម័គ្រចិត្តរបស់យុវជននៅក្នុងក្រុមប្រឹក្សាយោបល់យុវជនអង្គការសហប្រជាជាតិ
- វេទិកាពិភាក្សាពីវាគ្មិនជំនាញ។

ឆ្លៀតក្នុងឱកាសដ៏មានអត្ថន័យនោះ ឯកឧត្តមបានផ្ដល់អនុសាសន៍ល្អៗ និងជំរុញដល់យុវជនកម្ពុជាបន្តអភិវឌ្ឍចំណេះដឹង ជំនាញឌីជីថល ជំនាញទំនាក់ទំនង ការគិតវិភាគ ភាពជាអ្នកដឹកនាំ និងស្មារតីស្រឡាញ់ជាតិ ដើម្បីរួមចំណែកកសាងគ្រួសារ សហគមន៍ និងប្រទេសជាតិឱ្យកាន់តែរីកចម្រើន។ ហើយការផ្លាស់ប្តូរដ៏ធំក្នុងសង្គមជាតិ អាចចាប់ផ្តើមពីគំនិតតូចមួយ សកម្មភាពស្ម័គ្រចិត្តមួយ ឬការចូលរួមរបស់យុវជនម្នាក់នៅក្នុងសហគមន៍។

បន្ថែមពីនោះ ឯកឧត្ដមក៏បានអំពាវនាវឱ្យបន្តកិច្ចសហការល្អរវាងយុវជន ស្ថាប័នរដ្ឋ អង្គការសហប្រជាជាតិ អង្គការសង្គមស៊ីវិល វិស័យឯកជន និងដៃគូពាក់ព័ន្ធ ចូលរួមបង្កើតបរិយាកាសមួយដែលយុវជនគ្រប់រូបមានឱកាសបញ្ចេញសំឡេង ទទួលបានឱកាស និងចូលរួមយ៉ាងពេញលេញក្នុងការកសាងអនាគតប្រទេសជាតិ។

៣០ សីហា ២០២៦ | រាជធានីភ្នំពេញ

-ថ្នាលឌីជីថល និងបណ្ដាញសង្គមយុវជន
https://linktr.ee/dgy.moeys.gov.kh

31/08/2026

កម្មវិធី «វេទិកាយុវទិវា» វគ្គផ្តាច់ព្រ័ត្រ ឆ្នាំ២០២៦ - ការលើកកម្ពស់គំនិតផ្តួចផ្តើមយុវជននៅក្នុងនវានុវត្តន៍ចក្រា និងឌីជីថល

រាជធានីភ្នំពេញ៖ នាព្រឹកថ្ងៃទី៣០ ខែសីហា ឆ្នាំ២០២៦ សមាគមនិស្សិតវិទ្យាសាស្ត្រសេដ្ឋកិច្ច និងពាណិជ្ជកម្មអន្តរជាតិនៅកម្ពុជា (AIESEC in Cambodia) សហការជាមួយ ក្រសួងអបរំ យុវជន និងកីឡា និងកម្មវិធីអភិវឌ្ឍន៍សហប្រជាជាតិប្រចាំកម្ពុជា UNDP Cambodia បានរៀបចំកម្មវិធី «វេទិកាយុវទិវា ២០២៦» (Youth Day Forum 2026) ក្រោមមូលបទ «ការលើកកម្ពស់គំនិតផ្តួចផ្តើមយុវជននៅក្នុងនវានុវត្តន៍ចក្រា និងឌីជីថល» ក្រោមអធិបតីភាព លោកជំទាវ ស្រូយ សុជាតិ អគ្គលេខាធិការ នៃក្រុមប្រឹក្សាជាតិកម្ពុជាដើម្បីអភិវឌ្ឍយុវជន និងជាអគ្គនាយកយុវជន តំណាងដ៏ខ្ពង់ខ្ពស់ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្តីក្រសួងអប់រំ យុវជន និងកីឡា ដោយមានការចូលរួមពីតំណាងស្ថាប័ន ដៃគូសហការ វាគ្មិន និងយុវជនជាច្រើនរូប។

លោកជំទាវ ស្រូយ សុជាតិ បានផ្តល់អនុសាសន៍គន្លឹះចំនួន ៣ ដល់យុវជន៖
⁃ នវានុវត្តន៍ដែលមានតម្លៃ មិនមែនស្ថិតនៅត្រឹមភាពថ្មី ឬភាពទំនើបនៃផលិតផលនោះទេ ប៉ុន្តែស្ថិតនៅលើសមត្ថភាពក្នុងការឆ្លើយតបទៅនឹងបញ្ហាពិត និងតម្រូវការពិតរបស់ប្រជាជន សហគមន៍ និងសង្គមជាតិ។ ដូច្នេះ យុវជនគួរចាប់ផ្តើមពីការសង្កេត ឈ្វេងយល់ និងកំណត់បញ្ហាឱ្យបានច្បាស់ មុននឹងស្វែងរកដំណោះស្រាយ។
⁃ យុវជនគួរប្រើប្រាស់ បញ្ញាសប្បនិម្មិត(AI) ជាឧបករណ៍សម្រាប់ការរៀនសូត្រ និងពង្រឹងសមត្ថភាព ប្រើបច្ចេកវិទ្យាឌីជីថលដើម្បីបង្កើតការងារ និងឱកាសថ្មីៗ ដើម្បីស្វែងរកដំណោះស្រាយចំពោះបញ្ហានានា និងប្រើប្រាស់បណ្តាញសង្គមដើម្បីចែករំលែកអ្វីដែលមានប្រយោជន៍ដល់សង្គម។
⁃ ការចាប់ផ្តើមមិនចាំបាច់រង់ចាំរហូតដល់មានធនធាន គ្រប់គ្រាន់ បច្ចេកវិទ្យាល្អឥតខ្ចោះ ឬមានលក្ខខណ្ឌល្អគ្រប់យ៉ាងនោះទេ។ យុវជនអាចចាប់ផ្តើមពីចំណេះដឹង ជំនាញ ឧបករណ៍ និងឱកាសដែលខ្លួនមាននៅពេលនេះ ហើយបន្តរៀន បន្តសាកល្បង បន្តកែលម្អ និងបន្តអភិវឌ្ឍខ្លួនជាប្រចាំ «ចាប់ផ្តើមតូច គិតឱ្យឆ្ងាយ និងធ្វើជាបន្តបន្ទាប់»។

បន្ថែមពីនោះលោកជំទាវបានជំរុញ និងលើកទឹកចិត្តដល់ប្អូនៗយុវជន សូមកុំត្រឡប់ទៅផ្ទះជាមួយត្រឹមតែរូបថតថ្មីៗ ប៉ុន្តែគួរត្រឡប់ទៅជាមួយ សំណួរថ្មី គំនិតថ្មី ជំនាញថ្មី ទំនាក់ទំនងថ្មី និងការប្តេជ្ញាចិត្តថ្មី ក្នុងការចាប់ផ្តើមធ្វើអ្វីមួយដែលមានន័យ និងមានតម្លៃសម្រាប់ខ្លួនឯង សហគមន៍ និងប្រទេសជាតិ។ ប្រទេសជាតិមិនត្រូវការយុវជនដែលចេះត្រឹមតែមើលឃើញពីបញ្ហាប៉ុណ្ណោះទេ ប៉ុន្តែត្រូវការយុវជនដែល ហ៊ានសួរ ហ៊ានគិត ហ៊ានសាកល្បង និងហ៊ានបង្កើតដំណោះស្រាយ។

សូមជម្រាបថា កម្មវិធីវេទិកាយុវទិវាផ្តួចផ្តើមរៀបចំឡើងក្នុងគោលបំណង លើកកម្ពស់តួនាទីដ៏សំខាន់របស់យុវជន តាមរយៈការបណ្តុះបណ្តាល កិច្ចពិភាក្សា និងការប្រកួតជជែកដេញដោល ដើម្បីបង្កើនសមត្ថភាពយុវជនក្នុងការបញ្ចេញមតិ ស្វែងរកដំណោះស្រាយ និងបង្កើតគំនិតផ្តួចផ្តើមថ្មីៗ ជាពិសេសពាក់ព័ន្ធនឹងនវានុវត្តន៍ចក្រា និងបរិវត្តកម្មឌីជីថល សំដៅលើកកម្ពស់ការយល់ដឹង ការប្រើប្រាស់បច្ចេកវិទ្យាប្រកបដោយការទទួលខុសត្រូវ និងការចូលរួមរបស់យុវជនក្នុងការឆ្លើយតបទៅនឹងបញ្ហា និងការផ្លាស់ប្តូរនានានៅក្នុងសង្គមបច្ចុប្បន្ន៕

៣០ សីហា ២០២៦ | រាជធានីភ្នំពេញ

-ថ្នាលឌីជីថល និងបណ្ដាញសង្គមយុវជន
https://linktr.ee/dgy.moeys.gov.kh

29/08/2026

ការអនុវត្តគម្រោងកម្មវិធីការស្ម័គ្រចិត្តដើម្បីសហគមន៍ខ្ញុំ (VMC) នៅក្នុងខេត្តរតនគិរី - ដឹកនាំដោយយុវជន អនុវត្តដោយយុវជន ដើម្បីសហគមន៍របស់អ្នកគ្រប់គ្នា

រតនគិរី៖ នាព្រឹកថ្ងៃទី២៨ ខែសីហា ឆ្នាំ២០២៦ លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន និងក្រុមការងារ បានអញ្ជើញចុះទស្សនកិច្ចសិក្សា ឈ្វេងយល់ និងជំរុញការអនុវត្តគម្រោងកម្មវិធីការស្ម័គ្រចិត្តដើម្បីសហគមន៍ខ្ញុំ (VMC) នៅក្នុងខេត្តរតនគិរី ដោយមានការអញ្ជើញចូលរួមពីសំណាក់ថ្នាក់ដឹកនាំមន្ទីរអប់រំ យុវជន និងកីឡា លោកនាយកសាលា លោកគ្រូ អ្នកគ្រូ យុវជនកាយរឹទ្ធិ យុវជនកាកបាតក្រហម និងសិស្សានុសិស្សជាច្រើនរូប។

ក្នុងឱកាសនោះ លោកជំទាវអគ្គនាយក និងក្រុមការងារ បានស្ដាប់ការធ្វើបទបង្ហាញរបស់យុវជនមកពីវិទ្យាល័យចំនួន៣រួមមាន៖ វិទ្យាល័យ អន្តេវាសិកដ្ឋានក្រុងបានលុង វិទ្យាល័យ ហ៊ុន សែន ភូមិ វិទ្យាល័យ សម្តេចឪ សម្តេចម៉ែ ដោយផ្តោតលើការពិនិត្យវឌ្ឍនភាព ឈ្វេងយល់ពីលទ្ធផល និងបញ្ហាប្រឈម ព្រមទាំងពង្រឹងការអនុវត្តកម្មវិធីយុវជន តាមរយៈការអនុវត្តគម្រោងកម្មវិធីការស្ម័គ្រចិត្តដើម្បីសហគមន៍ខ្ញុំ (VMC), ក្រុមប្រឹក្សាយុវជនកម្ពុជា និងក្រុមប្រឹក្សាកុមារកម្ពុជា ដែលសុទ្ធសឹងជាយន្តការសំខាន់ក្នុងការបង្កើតឱកាសឱ្យយុវជន និងកុមារ ចូលរួមដោយផ្ទាល់ក្នុងការអភិវឌ្ឍសមត្ថភាព ភាពជាអ្នកដឹកនាំ ការងារជាក្រុម ការទទួលខុសត្រូវ និងការចូលរួមដោះស្រាយបញ្ហានៅក្នុងសាលារៀន សហគមន៍ និងជាពិសេសដើម្បីជាសក្ខីភាពសម្រាប់ការអនុវត្តគម្រោងឱ្យកាន់តែមានប្រសិទ្ធភាព និងឆ្លុះបញ្ចាំងពីតម្រូវការពិតប្រាកដរបស់សហគមន៍។

សូមជម្រាបជូនថា កម្មវិធីការស្ម័គ្រចិត្តដើម្បីសហគមន៍ខ្ញុំ ហៅកាត់ថា "ស.ស.ខ" ត្រូវបានបង្កើតឡើងក្នុងគោលបំណងបង្កើនការយល់ដឹងពីសារៈសំខាន់នៃការងារស្ម័គ្រចិត្ត ជួយលើកកម្ពស់សកម្មភាពស្ម័គ្រចិត្តនៅតាមសហគមន៍ និងផ្ដល់ឱកាសដល់យុវជនក្នុងការផ្លាស់ប្ដូរមតិយោបល់ ចែករំលែកបទពិសោធ ឧត្តមានុវត្តន៍ ភាពជាអ្នកដឹកនាំ កិច្ចសហការក្រុម ព្រមទាំងភាពច្នៃប្រឌិត និងនវានុវត្តន៍ពាក់ព័ន្ធនឹងការងារស្ម័គ្រចិត្ត។

គម្រោងសហគមន៍របស់យុវជនស្ម័គ្រចិត្តរាជធានី-ខេត្ត ផ្ដោតសំខាន់លើវិស័យធំៗចំនួន ៨ រួមមាន៖ អប់រំ សុខាភិបាល សេវារដ្ឋបាល ទេសចរណ៍ កសិកម្ម បរិស្ថាន សហគ្រិនភាព និងឧស្សាហកម្ម៤.០។ យុវជនស្ម័គ្រចិត្តរាជធានី-ខេត្ត ដោយមានការសម្របសម្រួលពីមន្ត្រីទទួលបន្ទុក និងការប្រឹក្សាយោបល់ជាមួយអ្នកស្ម័គ្រចិត្តបង្គោលរាជធានី-ខេត្ត សហគមន៍ មន្ត្រីជំនាញ និងអាជ្ញាធរមូលដ្ឋាន នឹងធ្វើការជ្រើសរើសវិស័យណាមួយដែលជាបញ្ហា ឬតម្រូវការអាទិភាពរបស់សហគមន៍៕

-ថ្នាលឌីជីថល និងបណ្ដាញសង្គមយុវជន
https://linktr.ee/dgy.moeys.gov.kh

29/08/2026

សិក្ខាសាលា «ផ្សព្វផ្សាយពីការប្រឹក្សាការងារ សេវាកម្មប្រឹក្សា និងព័ត៌មានសម្រាប់យុវជន» នៅខេត្តរតនគិរី

រតនគិរី៖ នាព្រឹកថ្ងៃទី២៨ ខែសីហា ឆ្នាំ២០២៦ ក្រសួងអប់រំ យុវជន និងកីឡា សហការជាមួយអគ្គលេខាធិការដ្ឋាន ក្រុមប្រឹក្សាជាតិកម្ពុជាដើម្បីអភិវឌ្ឍយុវជន (ក.ជ.យ.) និងស្ថាប័នពាក់ព័ន្ធ បានរៀបចំសិក្ខាសាលា «ផ្សព្វផ្សាយពីការប្រឹក្សាការងារ សេវាកម្មប្រឹក្សា និងព័ត៌មានសម្រាប់យុវជន» នៅខេត្តរតនគិរី ក្រោមអធិបតីភាព លោកជំទាវ ស្រូយ សុជាតិ អគ្គនាយកយុវជន និងជាអគ្គលេខាធិការ នៃអគ្គលេខាធិការដ្ឋាន ក.ជ.យ. ដោយមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញនៃអគ្គនាយកដ្ឋានយុវជន តំណាងមន្ទីរអប់រំ យុវជន និងកីឡា ខេត្តរតនគិរី គណៈគ្រប់គ្រងសាលា លោកគ្រូ អ្នកគ្រូ ព្រមទាំងសិស្សានុសិស្ស និងអ្នកពាក់ព័ន្ធជាច្រើនរូប។

ក្នុងឱកាសនេះ លោកជំទាវ ស្រូយ សុជាតិ អគ្គនាយកយុវជន បានមានប្រសាសន៍ថា ក្នុងបរិបទនៃការវិវត្តយ៉ាងឆាប់រហ័សនៃសេដ្ឋកិច្ច សង្គម និងបច្ចេកវិទ្យា ការអភិវឌ្ឍធនធានមនុស្សប្រកបដោយចំណេះដឹង ជំនាញ សមត្ថភាព និងគុណតម្លៃល្អ គឺជាកត្តាសំខាន់សម្រាប់លើកកម្ពស់ផលិតភាព និងភាពប្រកួតប្រជែងរបស់កម្ពុជា។

លោកជំទាវបានគូសបញ្ជាក់ថា យុវជននាពេលបច្ចុប្បន្ន មិនត្រឹមតែត្រូវមានចំណេះដឹងផ្នែកវិជ្ជាជីវៈ និងភាសាបរទេសប៉ុណ្ណោះទេ ប៉ុន្តែត្រូវបន្តពង្រឹង ជំនាញឌីជីថល បច្ចេកវិទ្យា បញ្ញាសិប្បនិម្មិត (AI) STEM ការគិតវិភាគ ការដោះស្រាយបញ្ហា ការច្នៃប្រឌិត ការទំនាក់ទំនង និងសហគ្រិនភាព ដើម្បីអាចសម្របខ្លួនទៅនឹងការផ្លាស់ប្តូរនៃទីផ្សារការងារ និងបរិបទនៃបដិវត្តឧស្សាហកម្មទី៤។

ជាមួយគ្នានេះ លោកជំទាវបានលើកទឹកចិត្តឱ្យយុវជនមាន ផែនការសិក្សា និងផែនការអាជីពច្បាស់លាស់ ស្វែងយល់ពីតម្រូវការទីផ្សារការងារ ស្គាល់ពីឱកាសអភិវឌ្ឍខ្លួន និងចេះប្រើប្រាស់បច្ចេកវិទ្យាឌីជីថលប្រកបដោយការទទួលខុសត្រូវ សុវត្ថិភាព និងសីលធម៌។ ជាពិសេស ការរៀនសូត្រពេញមួយជីវិត (Lifelong Learning) នឹងជួយឱ្យយុវជនអាចបន្តអភិវឌ្ឍសមត្ថភាព និងឆ្លើយតបទៅនឹងជំនាញថ្មីៗដែលកំពុងកើតមាន។

លោកជំទាវអគ្គនាយក ក៏បានជំរុញ និងលើកទឹកចិត្តដល់សិស្សានុសិស្ស និងសិក្ខាកាមទាំងអស់ ឱ្យយកចិត្តទុកដាក់ស្តាប់ កត់ត្រា និងចូលរួមសួរឆ្លើយជាមួយវាគ្មិន ដើម្បីទទួលបានចំណេះដឹង និងព័ត៌មានជាក់ស្តែងពាក់ព័ន្ធនឹងការសិក្សា ការជ្រើសរើសជំនាញ ឱកាសការងារ និងការរៀបចំផែនការអនាគត។ ចំណេះដឹងដែលទទួលបានពីសិក្ខាសាលានេះ អាចក្លាយជាមូលដ្ឋានសម្រាប់យុវជនក្នុងការសម្រេចចិត្តបានកាន់តែត្រឹមត្រូវ និងមានទំនុកចិត្តលើដំណើរអប់រំ និងអាជីពរបស់ខ្លួន។

ជាចុងក្រោយ លោកជំទាវអគ្គនាយក បានកោតសរសើរ និងថ្លែងអំណរគុណចំពោះ អគ្គលេខាធិការដ្ឋាន ក.ជ.យ. មន្ទីរអប់រំ យុវជន និងកីឡាខេត្តរតនគិរី គណៈគ្រប់គ្រងសាលា លោកគ្រូ អ្នកគ្រូ សិស្សានុសិស្ស និងក្រុមការងារពាក់ព័ន្ធទាំងអស់ ដែលបានសហការ និងចូលរួមយ៉ាងសកម្មក្នុងការរៀបចំសិក្ខាសាលាដ៏មានសារៈសំខាន់នេះឱ្យប្រព្រឹត្តទៅដោយជោគជ័យ៕

-ថ្នាលឌីជីថល និងបណ្ដាញសង្គមយុវជន
https://linktr.ee/dgy.moeys.gov.kh

២៨ សីហា ២០២៦ | ខេត្តរតនគិរី

29/08/2026

ដំណើរឈ្វេងយល់ និងជំរុញការអនុវត្តកម្មវិធីយុវជន នៅតាមវិទ្យាល័យនានា ក្នុងខេត្តមណ្ឌលគិរី

មណ្ឌលគិរី៖ នារសៀលថ្ងៃទី២៧ ខែសីហា ឆ្នាំ២០២៦ លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន និងក្រុមការងារ បានអញ្ជើញចុះទស្សនកិច្ចសិក្សា ឈវេងយល់ និងជំរុញការអនុវត្តកម្មវិធីយុវជននៅតាមវិទ្យាល័យនានា ក្នុងខេត្តមណ្ឌលគិរី។ ក្នុងឱកាសនោះ លោកជំទាវអគ្គនាយក និងក្រុមការងារ បានជួបសំណេះសំណាលជាមួយថ្នាក់ដឹកនាំមន្ទីរអ.យ.ក ទទួលបន្ទុកការងារយុវជន លោកគ្រូ អ្នកគ្រូ និងយុវជន ដើម្បីឈ្វេងយល់អំពីសកម្មភាពដែលបានអនុវត្ត ការចូលរួមរបស់យុវជន ការគាំទ្រពីសាលារៀន និងសហគមន៍ ព្រមទាំងតម្រូវការចាំបាច់នានា ដើម្បីបន្តពង្រឹង និងពង្រីកកម្មវិធីយុវជនឱ្យកាន់តែមានប្រសិទ្ធភាព និងឆ្លើយតបទៅនឹងបរិបទជាក់ស្តែងនៅមូលដ្ឋាន។

ដំណើរទស្សនកិច្ចនេះ បានប្រព្រឹត្តទៅនៅ វិទ្យាល័យមធ្យមបច្ចេកទេស និងវិទ្យាល័យ ហ៊ុន សែន កោះញែក ដោយផ្តោតលើការពិនិត្យវឌ្ឍនភាព ឈ្វេងយល់ពីលទ្ធផល និងបញ្ហាប្រឈម ព្រមទាំងពង្រឹងការអនុវត្តកម្មវិធីយុវជន តាមរយៈការអនុវត្តគម្រោងកម្មវិធីការស្ម័គ្រចិត្តដើម្បីសហគមន៍ខ្ញុំ (VMC), ក្រុមប្រឹក្សាយុវជនកម្ពុជា និងក្រុមប្រឹក្សាកុមារកម្ពុជា ដែលសុទ្ធសឹងជាយន្តការសំខាន់ក្នុងការបង្កើតឱកាសឱ្យយុវជន និងកុមារ ចូលរួមដោយផ្ទាល់ក្នុងការអភិវឌ្ឍសមត្ថភាព ភាពជាអ្នកដឹកនាំ ការងារជាក្រុម ការទទួលខុសត្រូវ និងការចូលរួមដោះស្រាយបញ្ហានៅក្នុងសាលារៀន និងសហគមន៍។

សូមជម្រាបជូនថា កម្មវិធីការស្ម័គ្រចិត្តដើម្បីសហគមន៍ខ្ញុំ (VMC) គឺជាយន្តការមួយដែលត្រូវបានបង្កើតឡើងដើម្បីអភិវឌ្ឍសមត្ថភាពយុវជន សហគមន៍ និងស្ថាប័ន តាមរយៈការងារស្ម័គ្រចិត្ត។ កម្មវិធីនេះជ្រើសរើសយុវជនស្ម័គ្រចិត្តពីទូទាំងប្រទេស ដើម្បីមកទទួលការបណ្ដុះបណ្ដាលលើជំនាញគ្រប់គ្រងគម្រោង ជំនាញទន់ ជំនាញរឹង បច្ចេកវិទ្យាឌីជីថល និងជំនាញបច្ចេកទេសផ្សេងៗទៀត។ ក្រោយពីបញ្ចប់ការបណ្ដុះបណ្ដាល យុវជននឹងប្រើប្រាស់ចំណេះដឹងទាំងនេះដើម្បីកំណត់បញ្ហា ឬតម្រូវការរបស់សហគមន៍ រួចសរសេរសំណើគម្រោង និងអនុវត្តផ្ទាល់ដើម្បីចូលរួមដោះស្រាយបញ្ហាទាំងនោះ។ ដំណើរការនេះមិនត្រឹមតែជាការរៀនសូត្រតាមរយៈការអនុវត្តជាក់ស្ដែងសម្រាប់យុវជនប៉ុណ្ណោះទេ ថែមទាំងជួយពង្រឹងសមត្ថភាពស្ថាប័ន តាមរយៈការដោះស្រាយបញ្ហា ក៏ដូចជាការពង្រឹងភាពជាអ្នកដឹកនាំ និងការគ្រប់គ្រងយុវជនស្ម័គ្រចិត្តផងដែរ៕

-ថ្នាលឌីជីថល និងបណ្ដាញសង្គមយុវជន
https://linktr.ee/dgy.moeys.gov.kh

២៧ សីហា ២០២៦ | ខេត្តមណ្ឌលគិរី

29/08/2026

សិក្ខាសាលា «ផ្សព្វផ្សាយពីការប្រឹក្សាការងារ សេវាកម្មប្រឹក្សា និងព័ត៌មានសម្រាប់យុវជន» នៅខេត្តមណ្ឌលគិរី

មណ្ឌលគិរី៖ នាព្រឹកថ្ងៃទី២៧ ខែសីហា ឆ្នាំ២០២៦ ក្រសួងអប់រំ យុវជន និងកីឡា សហការជាមួយអគ្គលេខាធិការដ្ឋាន ក្រុមប្រឹក្សាជាតិកម្ពុជាដើម្បីអភិវឌ្ឍយុវជន (ក.ជ.យ.) បានរៀបចំសិក្ខាសាលា «ផ្សព្វផ្សាយពីការប្រឹក្សាការងារ សេវាកម្មប្រឹក្សា និងព័ត៌មានសម្រាប់យុវជន» នៅខេត្តមណ្ឌលគិរី ក្នុងគោលបំណងពង្រឹងការយល់ដឹងរបស់យុវជនអំពីការសិក្សា ការជ្រើសរើសអាជីព និងឱកាសការងារ ក្រោមអធិបតីភាព លោកជំទាវ ស្រូយ សុជាតិ អគ្គនាយកយុវជន និងជាអគ្គលេខាធិការ នៃអគ្គលេខាធិការដ្ឋាន ក.ជ.យ. ដោយមានការចូលរួមពីមន្ទីរអប់រំ យុវជន និងកីឡា គណៈគ្រប់គ្រងសាលារៀន គ្រូបង្រៀន និងយុវជន ព្រមទាំងភាគីពាក់ព័ន្ធ។

សិក្ខាសាលានេះបានផ្តោតលើការផ្តល់ព័ត៌មាន និងបទពិសោធន៍ជាក់ស្តែងដែលអាចជួយឱ្យយុវជនយល់កាន់តែច្បាស់អំពីសមត្ថភាពរបស់ខ្លួន ចំណង់ចំណូលចិត្ត និងជម្រើសសិក្សា ព្រមទាំងទំនាក់ទំនងរវាងជំនាញដែលខ្លួនមាន ជាមួយនឹងតម្រូវការនៃទីផ្សារការងារ។ ក្នុងបរិបទឆ្នាំ២០២៦ ដែលបច្ចេកវិទ្យាឌីជីថល និងបញ្ញាសិប្បនិម្មិតកំពុងមានឥទ្ធិពលកាន់តែខ្លាំងលើការសិក្សា និងពិភពការងារ យុវជនត្រូវការមិនត្រឹមតែចំណេះដឹងទូទៅប៉ុណ្ណោះទេ ប៉ុន្តែត្រូវមានសមត្ថភាពរៀនសូត្រជាបន្តបន្ទាប់ ចេះប្រើប្រាស់បច្ចេកវិទ្យាដោយមានការទទួលខុសត្រូវ មានការគិតវិភាគ ការដោះស្រាយបញ្ហា ការទំនាក់ទំនង និងការសម្របខ្លួនទៅនឹងបរិយាកាសការងារដែលកំពុងផ្លាស់ប្តូរ។

ជាមួយគ្នានេះ ការប្រឹក្សាអាជីព និងការទទួលបានព័ត៌មានត្រឹមត្រូវ គឺជាមូលដ្ឋានសំខាន់សម្រាប់ជួយយុវជនធ្វើសេចក្តីសម្រេចចិត្តដោយមានព័ត៌មានគ្រប់គ្រាន់។ តាមរយៈការចែករំលែកក្នុងសិក្ខាសាលា យុវជនអាចស្វែងយល់ពីផ្លូវសិក្សា ឱកាសអភិវឌ្ឍជំនាញ ការត្រៀមខ្លួនសម្រាប់ការងារ និងលទ្ធភាពបង្កើតឱកាសសម្រាប់ខ្លួនឯងនាពេលអនាគត។

លើសពីនេះ សិក្ខាសាលាក៏ជាវេទិកាមួយសម្រាប់ជំរុញឱ្យយុវជនចូលរួមស្វែងរកព័ត៌មានដោយខ្លួនឯង ប្រើប្រាស់ប្រភពព័ត៌មានដែលមានភាពជឿទុកចិត្ត និងទទួលបានការណែនាំពីអ្នកជំនាញ ដើម្បីកាត់បន្ថយការសម្រេចចិត្តខុសក្នុងការជ្រើសរើសមុខជំនាញ និងអាជីព។

លោកជំទាវអគ្គលេខាធិការ ក.ជ.យ. បានបន្តលើកទឹកចិត្តឱ្យយុវជនយកចំណេះដឹង និងព័ត៌មានដែលទទួលបានពីសិក្ខាសាលាទៅអនុវត្តក្នុងការរៀបចំផែនការសិក្សា ផែនការអាជីព និងការអភិវឌ្ឍសមត្ថភាពផ្ទាល់ខ្លួន។ ជាពិសេស យុវជនគួរតែបន្តស្វែងយល់ពីជំនាញថ្មីៗ និងឱកាសការងារដែលកំពុងកើតមានក្នុងសេដ្ឋកិច្ចឌីជីថល។

សកម្មភាពនេះក៏ជាផ្នែកមួយនៃការចូលរួមបង្កើតបរិយាកាសគាំទ្រដល់យុវជន ឱ្យអាចទទួលបានព័ត៌មានដែលមានគុណភាព និងសេវាប្រឹក្សាដែលឆ្លើយតបទៅនឹងតម្រូវការជាក់ស្តែង ដើម្បីពង្រឹងសមត្ថភាពរបស់យុវជនក្នុងការចូលរួមចំណែកដល់ការអភិវឌ្ឍសង្គម និងសេដ្ឋកិច្ចកម្ពុជា៕

២៧ សីហា ២០២៦ | ខេត្តមណ្ឌលគិរី

-ថ្នាលឌីជីថល និងបណ្ដាញសង្គមយុវជន
https://linktr.ee/dgy.moeys.gov.kh

28/08/2026

វីដេអូ៖ សកម្មភាព លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន អមដំណើរឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា អញ្ជើញទស្សនកិច្ចពិនិត្យវឌ្ឍនភាពកម្មវិធីផ្ដល់អាហារតាមសាលារៀន និងសំណេះសំណាលជាមួយបុគ្គលិកអប់រំនៃសាលារៀនបណ្ដោះអាសន្ន ក្រោមគម្រោង LASED III (Land Allocation for Social and Economic Development Project III) និងសហគមន៍នៃជំរំសុវត្ថិភាពចុងកាល់ និងវត្តបាត់ថ្កៅ ក្នុងខេត្តឧត្តរមានជ័យ។

-ថ្នាលឌីជីថល និងបណ្ដាញសង្គមយុវជន៖
https://linktr.ee/dgy.moeys.gov.kh

27/08/2026

កម្មវិធី «អំណានសៀវភៅល្បីៗ» វគ្គផ្តាច់ព្រ័ត្រ ឆ្នាំ២០២៦ - អំណាន បង្កើតចំណេះដឹង បណ្តុះគំនិត និងអនាគត

រាជធានីភ្នំពេញ៖ នារសៀលថ្ងៃទី២៥ ខែសីហា ឆ្នាំ២០២៦ វិទ្យាល័យព្រែកលាប បានរៀបចំកម្មវិធី «អំណានសៀវភៅល្បីៗ» វគ្គផ្តាច់ព្រ័ត្រ ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់ លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន ដោយមានការចូលរួមពីគណៈគ្រប់គ្រង លោកគ្រូ អ្នកគ្រូ ប្អូនៗបេក្ខជន និងសិស្សានុសិស្សយ៉ាងច្រើនកុះករ។

កម្មវិធីនេះរៀបចំឡើងក្នុងគោលបំណងលើកកម្ពស់វប្បធម៌នៃការអាន និងជំរុញឱ្យសិស្សានុសិស្សចូលរួមអានសៀវភៅជាប្រចាំ ដើម្បីបង្កើនចំណេះដឹង ពង្រីកទស្សនៈ បណ្តុះគំនិតច្នៃប្រឌិត និងអភិវឌ្ឍសមត្ថភាពរបស់ខ្លួន។

ស្ថិតក្នុងឱកាសដ៏មានតម្លៃនោះ លោកជំទាវ ស្រូយ សុជាតិ បានមានប្រសាសន៍លើកឡើងពីសារៈសំខាន់នៃការអានសៀវភៅ ក្នុងការពង្រីកចំណេះដឹង បង្កើនសមត្ថភាពគិត ពង្រីកទស្សនៈ និងបណ្តុះគំនិតល្អៗសម្រាប់យុវជន។ ការអានគឺជាមធ្យោបាយសំខាន់មួយដែលជួយឱ្យសិស្សានុសិស្សអភិវឌ្ឍសមត្ថភាពរៀនសូត្រ និងត្រៀមខ្លួនក្លាយជាពលរដ្ឋដែលមានចំណេះដឹង និងការទទួលខុសត្រូវចំពោះសង្គម។

ជាមួយគ្នានេះ លោកជំទាវបានផ្តាំផ្ញើដល់ប្អូនៗសិស្សានុសិស្សទាំងអស់ ឱ្យបន្តបណ្តុះទម្លាប់អានសៀវភៅជាប្រចាំ ជ្រើសរើសអានសៀវភៅដែលមានខ្លឹមសារល្អ និងយកចំណេះដឹងដែលទទួលបានពីការអានទៅអនុវត្តក្នុងការសិក្សា និងជីវិតប្រចាំថ្ងៃ។ លោកជំទាវក៏បានលើកទឹកចិត្តឱ្យប្អូនៗបន្តខិតខំរៀនសូត្រ ស្វែងរកចំណេះដឹងថ្មីៗ និងចែករំលែកចំណេះដឹងទៅកាន់មិត្តភក្តិ និងអ្នកនៅជុំវិញខ្លួន ដើម្បីរួមគ្នាលើកកម្ពស់វប្បធម៌នៃការអាននៅក្នុងសាលារៀន និងសង្គម។

«អានថ្ងៃនេះ បង្កើតចំណេះដឹងសម្រាប់ថ្ងៃស្អែក! រួមគ្នាបណ្តុះវប្បធម៌នៃការអាន ដើម្បីអនាគតកម្ពុជា!»

-ថ្នាលឌីជីថល និងបណ្ដាញសង្គមយុវជន៖
https://linktr.ee/dgy.moeys.gov.kh

២៥ សីហា ២០២៦ | រាជធានីភ្នំពេញ

#អំណានសៀវភៅល្អៗ #វប្បធម៌នៃការអាន # វិទ្យាល័យព្រែកលាប #អគ្គនាយកដ្ឋានយុវជន #យុវជនកម្ពុជា

25/08/2026

លោកជំទាវ ស្រូយ សុជាតិ អគ្គនាយក នៃអគ្គនាយកដ្ឋានយុវជន ក្រសួងអប់រំ យុវជន និងកីឡា នឹងអញ្ជើញជាអធិបតីក្នុងកម្មវិធី វេទិកាយុវទិវា ២០២៦ នាថ្ងៃទី៣០ ខែសីហា ឆ្នាំ២០២៦ ខាងមុខនេះ នៅ FACTORY Phnom Penh។

នៅក្នុងឱកាសនេះផងដែរ លោកជំទាវនឹងអញ្ជើញថ្លែងសន្ទរកថាគន្លឹះ ក្រោមប្រធានបទ «ការលើកកម្ពស់គំនិតផ្តួចផ្តើមយុវជននៅក្នុងនវានុវត្តន៍ចក្រា និងឌីជីថល» ដែលជាការឆ្លុះបញ្ចាំងយ៉ាងច្បាស់ពីការប្តេជ្ញាចិត្តក្នុងការអភិវឌ្ឍសមត្ថភាពយុវជនកម្ពុជា។

🗓️ កាលបរិច្ឆេទ: ៣០ សីហា ២០២៦
⏰ ចាប់ពីម៉ោង: ៨:០០ព្រឹក – ៦:០០ល្ងាច
🏛️ ទីតាំង: Factory Phnom Penh

Register now: 📌 https://forms.gle/q9KpsA3qc4UkYiBaA

23/08/2026

កិច្ចប្រជុំរដ្ឋមន្ត្រីទទួលបន្ទុកការងារយុវជនអាស៊ាន លើកទី១៤ (SOMY XIV) និង កិច្ចប្រជុំរដ្ឋមន្ត្រីទទួលបន្ទុកការងារយុវជនអាស៊ានបូកបី លើកទី១០ (10th SOMY+3)

នាថ្ងៃទី២១ ខែសីហា ឆ្នាំ២០២៦ ឯកឧត្តម សេរី ជំនះ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានដឹកនាំគណៈប្រតិភូកម្ពុជាចូលរួមកិច្ចប្រជុំរដ្ឋមន្ត្រីទទួលបន្ទុកការងារយុវជនអាស៊ាន លើកទី១៤ និងកិច្ចប្រជុំរដ្ឋមន្ត្រីទទួលបន្ទុកការងារយុវជនអាស៊ានបូកបី លើកទី១០ តាមប្រព័ន្ធអនឡាញ រៀបចំដោយប្រទេសហ្វីលីពីនដែលជាម្ចាស់ផ្ទះប្តូរវេន្ត។

កិច្ចប្រជុំរដ្ឋមន្ត្រីទទួលបន្ទុកយុវជនអាស៊ាន លើកទី១៤ (AMMY XIV) ផ្តោតសំខាន់លើការពង្រឹងកិច្ចសហប្រតិបត្តិការយុវជន និងការកំណត់ទិសដៅអភិវឌ្ឍយុវជនសម្រាប់ទសវត្សរ៍ខាងមុខ។ ក្នុងនោះ រដ្ឋមន្ត្រីយុវជនអាស៊ាន បានពិភាក្សា និងអនុម័ត
(១) ផែនការការងារអាស៊ានស្តីពីយុវជន ឆ្នាំ២០២៦–២០៣០
(២) សេចក្តីប្រកាសអាស៊ានស្តីពីការពង្រឹងការអភិវឌ្ឍយុវជន ដើម្បីសហគមន៍អាស៊ានដែលមានភាពធន់ នវានុវត្តន៍ ភាពស្វាហាប់ និងបរិយាបន្ន៖ រួមគ្នាឆ្ពោះទៅរកអនាគត
(៣) សេចក្តីថ្លែងការណ៍យុវជនអាស៊ានស្តីពីភាពធន់ផ្នែកឌីជីថល (ASEAN Youth Statement on Digital Resilience)
(៤) សេចក្តីថ្លែងការណ៍រួមនៃ កិច្ចប្រជុំរដ្ឋមន្ត្រីទទួលបន្ទុកយុវជនអាស៊ាន លើកទី១៤ (AMMY XIV)។

ជាមួយគ្នានេះ ឯកឧត្តមរដ្ឋេខាធិការ បានឡើងថ្លែងបទអន្តរាគមន៍ក្នុងនាមកម្ពុជា ដោយលើកឡើងថា «អនាគតរបស់អាស៊ាន មិនអាចកាត់ផ្តាច់ចេញពីអនាគតរបស់យុវជនបានឡើយ។ ជាមួយនឹងចំនួនយុវជនជាង ៦០% នៃប្រជាជនក្នុងតំបន់ដែលមានអាយុក្រោម ៣៥ ឆ្នាំ យើងត្រូវធានាថា យុវជនមិនត្រឹមតែត្រៀមខ្លួនសម្រាប់អនាគតប៉ុណ្ណោះទេ ប៉ុន្តែត្រូវមានសមត្ថភាព ឱកាស និងសំឡេង ដើម្បីចូលរួមកំណត់អនាគតនោះផងដែរ។ កម្ពុជាបន្តផ្តល់អាទិភាពដល់ការអភិវឌ្ឍមូលធនមនុស្ស, អក្ខរកម្មឌីជីថល, STEM, TVET, សហគ្រិនភាព និងនវានុវត្តន៍ ព្រមទាំងការអភិវឌ្ឍការគិតវិភាគ ភាពច្នៃប្រឌិត ភាពជាអ្នកដឹកនាំ និងសមត្ថភាពដោះស្រាយបញ្ហា។ បទពិសោធន៍របស់យើងបង្ហាញថា ការអភិវឌ្ឍយុវជនមានប្រសិទ្ធភាព នៅពេលដែល ជំនាញ ឱកាស និងភាពជាអ្នកដឹកនាំ ត្រូវបានភ្ជាប់ជាមួយគ្នា ដើម្បីឱ្យយុវជនក្លាយជាកម្លាំងស្នូលក្នុងការកសាងសហគមន៍អាស៊ានដែលមានភាពធន់ នវានុវត្តន៍ ស្វាហាប់ និងបរិយាបន្ន។

បន្ទាប់មក នារសៀលថ្ងៃដដែល ឯកឧត្តមរដ្ឋលេខាធិការបានបន្តដឹកនាំក្រុមការងារចូលរួមកិច្ចប្រជុំរដ្ឋមន្ត្រីទទួលបន្ទុកការងារយុវជនអាស៊ានបូកបី លើកទី១០ (10th AMMY+3) ដោយផ្តោតលើការបន្តពង្រឹងកិច្ចសហប្រតិបត្តិការរវាងអាស៊ាន និងប្រទេសដៃគូបូកបី គឺ សាធារណរដ្ឋប្រជាមានិតចិន ជប៉ុន និងសាធារណរដ្ឋកូរ៉េ។ កិច្ចប្រជុំបានអនុម័តលើសេចក្តីថ្លែងការណ៍រួមនៃ កិច្ចប្រជុំរដ្ឋមន្ត្រីទទួលបន្ទុកយុវជនអាស៊ានបូកបី លើកទី១០ (10th AMMY+3)។

កិច្ចប្រជុំនេះ ផ្តោតលើការចែករំលែកទស្សនៈ និងបទពិសោធន៍របស់រដ្ឋមន្ត្រីយុវជន ព្រមទាំងពិចារណា អនុម័តលើសេចក្តីថ្លែងការណ៍រួមនៃកិច្ចប្រជុំ AMMY+3 លើកទី១០ ដើម្បីបន្តជំរុញកិច្ចសហប្រតិបត្តិការយុវជនក្នុងក្របខណ្ឌអាស៊ានបូកបី។

កិច្ចប្រជុំទាំងនេះ ជាវេទិកាដ៏សំខាន់សម្រាប់បង្ហាញទស្សនៈ និងអាទិភាពរបស់កម្ពុជាចំពោះការអភិវឌ្ឍយុវជន ព្រមទាំងចូលរួមចំណែកក្នុងការកំណត់ទិសដៅរួមរបស់អាស៊ាន ដើម្បីធានាថា យុវជនត្រូវបានផ្តល់ឱកាស សមត្ថភាព និងវេទិកាចាំបាច់ ដើម្បីក្លាយជាកម្លាំងចលករសម្រាប់ការផ្លាស់ប្តូរ និងការកសាងសហគមន៍អាស៊ាននាពេលអនាគត។

២១ សីហា ២០២៦ | អនឡាញ

-ថ្នាលឌីជីថល និងបណ្ដាញសង្គមយុវជន៖
https://linktr.ee/dgy.moeys.gov.kh

អគ្គនាយកដ្ឋានយុវជន Directorate General of Youth

01/09/2026

31/08/2026

29/08/2026

29/08/2026

29/08/2026

29/08/2026

28/08/2026

27/08/2026

25/08/2026

23/08/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	07:30 - 17:00
Tuesday	07:30 - 17:00
Wednesday	07:30 - 17:00
Thursday	07:30 - 17:00
Friday	07:30 - 17:00