What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

https://members.ccc.org.kh/, http://www.ccc.org.kh/

សភាពាណិជ្ជកម្មកម្ពុជា Cambodia Chamber of Commerce, Building No. 7D, Russian Boulevard, Sangkat Tek Laok 1, Khan Toul Kok, Phnom Penh (2026)

04/09/2026

ជួបគ្នាថ្ងៃស្អែក!
សូមអញ្ញើញទៅប៉ះផ្ទាល់ សាកផ្ទាល់ សួរផ្ទាល់ពីរថយន្តអគ្គីសនីស៊េរីថ្មី RELY EV E8

RELY EV E8 — ដំណោះស្រាយថ្មី ល្អឥតខ្ចោះសម្រាប់អាជីវកម្មសម័យទំនើប និងជាជម្រើសឆ្លាតវៃសម្រាប់គ្រួសារ!
——
បណ្តាញទំនាក់ទំនងសង្គមរបស់សភាពាណិជ្ជកម្មកម្ពុជា៖
🌐 Facebook
🌐Website
🌐Telegram
📌សម្រាប់ព័ត៌មានផ្សព្វផ្សាយ សូមទំនាក់ទំនងនាយកដ្ឋានប្រព័ន្ធផ្សព្វផ្សាយឌីជីថលនៃសភាពាណិជ្ជកម្មកម្ពុជា៖
📞ទូរស័ព្ទលេខ៖017 794 305 / 077 727 548

04/09/2026

កិច្ចសម្ភាសផ្តាច់មុខរបស់ទូរទស្សន៍ CNC ជាមួយ អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា លើ ប្រធានបទ៖ ដោះស្រាយការលំបាករបស់វិស័យឯកជនទាក់ទងនឹងអំពើពុករលួយ។

នៅក្នុងឱកាសនោះ អ្នកឧកញ៉ា លឹម ហេង បានអំពាវនាវដល់អាជីវករ ធុរជន ម្ចាស់ក្រុមហ៊ុន និងវិនិយោគិនបញ្ជូនពាក្យបណ្តឹងមកសភាពាណិជ្ជកម្មកម្ពុជា ដើម្បីបន្តប្រគល់ជូនអង្គភាពប្រឆាំងអំពើពុករលួយចាត់ការតាមផ្លូវច្បាប់។
----------------
-តេឡេក្រាមសភាពាណិជ្ជកម្មកម្ពុជា៖ https://t.me/CCCofCambodia
📌 ព័ត៌មានសម្រាប់ក្លាយជាសមាជិកសភាពាណិជ្ជកម្មកម្ពុជា:
📞 ទូរស័ព្ទ: 023 880 795 / 023 880 086
✉️ អ៊ីម៉ែល: [email protected]

04/09/2026

ពិធីប្រកាសដាក់ឱ្យអនុវត្តជាផ្លូវការនូវ "កម្មវិធីអន្តរាគមន៍គ្រប់ជ្រុងជ្រោយឆ្លើយតបនឹងសភាពការណ៍ពហុវិបត្តិ"
Official Launching Ceremony ''The Comprehensive Intervention Program in Response to The Multi-Crises".
———
(រាជធានីភ្នំពេញ)៖ នៅព្រឹកថ្ងៃសុក្រ ទី៤ ខែកញ្ញា ឆ្នាំ២០២៦ វេលាម៉ោង ០៩:០០នាទី នៅសណ្ឋារគារ សុខាភ្នំពេញ, ឧកញ៉ាបណ្ឌិត តាន់ មុនីវណ្ណ អនុប្រធានសភាពាណិជ្ជកម្មកម្ពុជា និងជាប្រធានក្រុមលេខាធិការដ្ឋានសម្របសម្រួលក្រុមការងារផ្នែកឯកជនសម្រាប់យន្តការវេទិការាជរដ្ឋាភិបាល-ផ្នែកឯកជន តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជនសម្រាប់យន្តការវេទិការាជរដ្ឋាភិបាល-ផ្នែកឯកជន គ.ស.ឯ.រ.ជ បានអញ្ជើញចូលរួមក្នុងពិធីប្រកាសដាក់ឱ្យអនុវត្តជាផ្លូវការនូវ "កម្មវិធីអន្តរាគមន៍គ្រប់ជ្រុងជ្រោយ ឆ្លើយតបនឹងសភាពការណ៍ពហុវិបត្តិ ក្នុងគោលដៅបង្កើតមុខរបរ និងការងារ, ធានាលំនឹងជីវភាពប្រជាជន និងពង្រឹងភាពធន់នៃសេដ្ឋកិច្ច និងសង្គមកម្ពុជាសម្រាប់រយៈពេលខ្លី និងមធ្យមខាងមុខ" ឬហៅកាត់ខ្លីថា "កម្មវិធីអន្តរាគមន៍គ្រប់ជ្រុងជ្រោយឆ្លើយតបនឹងសភាពការណ៍ពហុវិបត្តិ" ក្រោមអធិបតីភាពរបស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ តំណាងដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃ ព្រះរាជាណាចក្រកម្ពុជា។

ពិធីនេះក៏មានការចូលរួមផងដែរពីសំណាក់តំណាងក្រសួង ស្ថាប័នពាក់ព័ន្ធនៃរាជរដ្ឋាភិបាលកម្ពុជា, តំណាងអង្គទូត, ដៃគូអភិវឌ្ឍន៍, តំណាងគ្រឹះស្ថាន សមាគមឯកជន, ភ្ញៀវជាតិ និងអន្តរជាតិជាច្រើនទៀតផងដែរ។

ពិធីនេះមានគោលបំណងដើម្បីផ្សព្វផ្សាយ និងដាក់ឱ្យអនុវត្តជាផ្លូវការនៃកម្មវិធីអន្តរាគមន៍គ្រប់ជ្រុងជ្រោយឆ្លើយតបនឹងសភាពការណ៍ពហុវិបត្តិ ដែលត្រូវបានអនុម័តដ៏ខ្ពង់ខ្ពស់ពី សម្តេចធិបតីនាយករដ្ឋមន្ត្រី កាលពីថ្ងៃទី៣ ខែកក្កដា ឆ្នាំ២០២៦ កន្លងទៅនេះ។

សូមជម្រាបជូនថា កម្មវិធីអន្តរាគមន៍គ្រប់ជ្រុងជ្រោយឆ្លើយតបនឹងសភាពការណ៍ពហុវិបត្តិដែលត្រូវបានដាក់ឱ្យអនុវត្តជាផ្លូវការនេះ ត្រូវបានរៀបចំឡើងក្នុងស្មារតីរក្សាលំនឹងជីវភាពប្រជាជន និងអាជីវកម្ម, ទ្រទ្រង់កំណើនសេដ្ឋកិច្ច និងពង្រឹងភាពធន់ទៅនឹងវិបត្តិថាមពល ព្រមទាំងបង្កើតការងារ និងជ្រោមជ្រែងការងើបឡើងវិញនៃធរុកិច្ច ដែលកម្មវិធីនេះត្រូវបានកំណត់គោលដៅចំនួន ៤ សំខាន់ៗដូចជា៖
ទី១. រក្សាលំនឹងជីវភាពរបស់ក្រុមប្រជាជនគោលដៅ តួយ៉ាង ប្រជាជនក្រីក្រ, គ្រួសារងាយរងហានិភ័យ, កសិករ ពលករទេសន្តរប្រវេសន៍ និងគ្រួសារភៀសសឹក និងអ្នកប្រកបរបររត់រ៉ឺម៉កកង់បី ជាដើម
ទី២. លើកកម្ពស់សហគ្រាសខ្នាតមីក្រូ, តូច និងមធ្យម (MSMEs) ទាំងក្នុង និងក្រៅប្រព័ន្ធ ដែលជាកម្លាំងចលករចម្បងជំរុញកំណើនសេដ្ឋកិច្ចជាតិ,
ទី៣. លើកកម្ពស់ការអភិវឌ្ឍជំនាញ, បង្កើតមុខរបរ និងពង្រីកឱកាសការងារ តាមរយៈ កម្មវិធីបណ្តុះបណ្តាលជំនាញដែលឆ្លើយតបនឹងតម្រូវការទីផ្សារ និងកម្មវិធីបង្កើតការងារនៅមូលដ្ឋាន, និង
ទី៤. ពង្រឹងការគ្រប់គ្រង និងជំរុញការធ្វើអន្តរកម្ម ព្រមទាំងការបំប្លែងថាមពល ដើម្បីពង្រឹងភាពធន់ និងសមត្ថភាពឆ្លើយតបចំពោះវិបត្តិថាមពលជាយថាហេតុនាពេលអនាគត។

កម្មវិធីនេះ មិនមែនជាការដាក់ចេញវិធានការថ្មីទាំងស្រុងនោះទេ; ប៉ុន្តែ, ជាការប្រមូលផ្តុំ, កែសម្រួល ឬពង្រីកវិធានការដែលមានស្រាប់ និងបន្ថែមវិធានការថ្មីៗតាមការចាំបាច់ ដើម្បីឱ្យការឆ្លើយតបរបស់ រាជរដ្ឋាភិបាលកាន់តែគ្រប់ជ្រុងជ្រោយ ទាន់ពេលវេលា និងចំគោលដៅ ។

សូមជម្រាបបន្ថែមថា កម្មវិធីអន្តរាគមន៍គ្រប់ជ្រុងជ្រោយនេះត្រូវបានបែងចែកចេញជាកញ្ចប់អន្តរាគមន៍ចំនួន ៣ រួមមាន៖
- កញ្ចប់អន្តរាគមន៍ទី១ ដែលមានវិធានការសរុបចំនួន ១៥ វិធានការ ក្នុងការរក្សាលំនឹងជីវភាព ដោយផ្សារភ្ជាប់នឹងការបង្កើតការងារ
- កញ្ចប់អន្តរាគមន៍ទី២ ដែលមានវិធានការសរុបចំនួន ៤ វិធានការ ក្នុងការផ្តល់ការបណ្តុះបណ្តាលជំនាញ បច្ចេកទេស និងវិជ្ជាជីវៈ ដោយផ្សារភ្ជាប់នឹងការបង្កើតការងារ និង
- កញ្ចប់អន្តរាគមន៍ទី៣ ដែលមានវិធានការសរុបចំនួន ៨ វិធានការ ក្នុងការគ្រប់គ្រង ការធ្វើអន្តរកម្ម និងការបំប្លែងថាមពល។
វិធានការទាំងនេះ នឹងត្រូវអនុវត្តក្នុងពេលដំណាលគ្នា ចាប់ពីឆមាសទី២ ឆ្នាំ២០២៦ នេះតទៅ រហូតដល់កាលបរិច្ឆេទកំណត់ជាក់ស្តែងដែលបានកំណត់សម្រាប់វិធានការនីមួយៗ លើកលែងតែ វិធានការមួយចំនួនដែលមានចរិតចូលរួមកសាងភាពធន់សង្គម-សេដ្ឋកិច្ចកម្ពុជាសម្រាប់រយៈពេលមធ្យម និងវែង។

ពិធីនេះបានបញ្ចប់នៅថ្ងៃ ខែ ឆ្នាំដដែល នៅវេលាម៉ោង ១២:០០ នាទីថ្ងៃត្រង់ ក្រោមបរិយាកាសយោគយល់គ្នា និងលទ្ធផលជាផ្លែផ្កា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
#សភាពាណិជ្ជកម្មកម្ពុជា

04/09/2026

គណៈប្រតិភូសភាពាណិជ្ជកម្មកម្ពុជា បំពេញទស្សនកិច្ចពាណិជ្ជកម្មទៅកាន់ទីក្រុងមែលប៊ន និងស៊ីដនី ប្រទេសអូស្ត្រាលី ប្រកបដោយភាពជោគជ័យ.................................................................

ដោយទទួលបានការអនុញ្ញាតពី អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង ចំនួន14រូប ទៅបំពេញទស្សនកិច្ចពាណិជ្ជកម្មនៅទីក្រុងមែលប៊ន និងទីក្រុងស៊ីដនី ប្រទេសអូស្ត្រាលី ចាប់ពីថ្ងៃទី២៩ ខែសីហា ដល់ថ្ងៃទី៣ ខែកញ្ញា ឆ្នាំ២០២៦។ នៅក្នុងដំណើរទស្សនកិច្ចនេះ មានការចូលរួមពីប្រធានសភាពាណិជ្ជកម្មខេត្តមណ្ឌលគិរី សមាជិក សមាជិកា សភាពាណិជ្ជកម្មខេត្តបាត់ដំបង សភាពាណិជ្ជកម្មខេត្តរតនគិរី សភាពាណិជ្ជកម្មរាជធានីភ្នំពេញ និងក្រុមការងារនៃនាយកដ្ឋានទំនាក់ទំនងសភាពាណិជ្ជកម្មខេត្ត-ក្រុង។

គណៈប្រតិភូសភាពាណិជ្ជកម្មកម្ពុជា បានអញ្ជើញចូលរួមពិព័រណ៍ម្ហូបអាហារអូស្ត្រាលី(Fine Food Australia 2026) នៅទីក្រុងមែលប៊ន ប្រទេសអូស្ត្រាលី ដែលជាពិព័រណ៍ឈានមុខគេមួយក្នុងវិស័យម្ហូបអាហារ និងកសិឧស្សាហកម្ម។ ព្រឹត្តិការណ៍នេះមានការចូលរួមពីអាជីវកម្ម និងម៉ាកផលិតផលមកពីប្រទេសជាច្រើនជុំវិញពិភពលោក។ ជាពិសេស បានបង្ហាញនូវផលិតផល បច្ចេកវិទ្យា ឧបករណ៍ និងដំណោះស្រាយថ្មីៗជាច្រើនក្នុងវិស័យម្ហូបអាហារ និងបដិសណ្ឋារកិច្ច។

គណៈប្រតិភូសភាពាណិជ្ជកម្មកម្ពុជា ក៏បានអញ្ជើញចូលរួមកិច្ចពិភាក្សាការងារ និងស្វែងយល់បន្ថែមអំពីកិច្ចសហប្រតិបត្តិការលើវិស័យពាណិជ្ជកម្ម និងវិនិយោគ ជាមួយការិយាល័យតំណាងសភាពាណិជ្ជកម្មកម្ពុជាប្រចាំទីក្រុងមែលប៊ន សភាពាណិជ្ជកម្ម និងឧស្សាហកម្មរដ្ឋវិចតូរៀ និងតំណាងសភាពាណិជ្ជកម្មកម្ពុជាប្រចាំទីក្រុងស៊ីដនី ប្រទេសអូស្ត្រាលី។ ការជួបពិភាក្សាខាងលើ គឺជាឱកាសដ៏មានតម្លៃក្នុងការពង្រឹងបណ្តាញទំនាក់ទំនងអន្តរជាតិ ស្វែងរកដៃគូសហការថ្មីៗ និងបង្កើតមូលដ្ឋានសម្រាប់កិច្ចសហប្រតិបត្តិការនាពេលអនាគត ជាពិសេសស្វែងយល់ពី សក្តានុពលទីផ្សារ ឱកាសវិនិយោគ ការពង្រីកទំនាក់ទំនងអាជីវកម្ម និងការតភ្ជាប់វិស័យឯកជនរវាងកម្ពុជា និងអូស្ត្រាលី ដែលអាចរួមចំណែកដល់ការជំរុញ ពាណិជ្ជកម្ម ការវិនិយោគ និងទំនាក់ទំនងធុរកិច្ច។

បន្ថែមពីនេះ គណៈប្រតិភូសភាពាណិជ្ជកម្មកម្ពុជាក៏បានទស្សនកិច្ចនៅក្រុមហ៊ុន LUUS COMMERCIAL CATERING EQUIPMENT ដែលជាក្រុមហ៊ុនមានឯកទេសក្នុងការរចនា និងផលិត ឧបករណ៍ និងគ្រឿងបរិក្ខារផ្ទះបាយពាណិជ្ជកម្ម សម្រាប់វិស័យភោជនីយដ្ឋាន សណ្ឋាគារ និងបដិសណ្ឋារកិច្ច ដែលមានមូលដ្ឋានផលិតកម្មនៅទីក្រុងមែលប៊ន។ ក្រុមហ៊ុននេះផ្តោតលើការផលិតឧបករណ៍ និងគ្រឿងបរិក្ខារដែលមានគុណភាពខ្ពស់ ប្រសិទ្ធភាព និងភាពធន់ ស្របតាមតម្រូវការរបស់ផ្ទះបាយពាណិជ្ជកម្មទំនើប រួមមាន ឧបករណ៍ចម្អិនអាហារប្រើហ្គាស ឧបករណ៍ចម្អិនអាហារបែបអាស៊ី ម៉ាស៊ីនចៀន ឧបករណ៍ដុត ឧបករណ៍ចម្អិនម្ហូប និងចង្ក្រានពាណិជ្ជកម្ម ដែលត្រូវបានរចនាឡើងសម្រាប់ការប្រើប្រាស់ក្នុងផ្ទះបាយដែលមានតម្រូវការខ្ពស់។

តាមរយៈសកម្មភាពនៃដំណើរទស្សនកិច្ចខាងលើនេះ គឺជាសក្ខីភាពនៃការប្តេជ្ញាចិត្ត និងទិសដៅដ៏មុតមាំរបស់សភាពាណិជ្ជកម្មកម្ពុជា ក្រោមការដឹកនាំរបស់ អ្នកឧកញ៉ា គិត ម៉េង ជាប្រធាន ដែលតែងតែជំរុញឱ្យមានកិច្ចសហការយ៉ាងជិតស្និទ្ធជាមួយដៃគូ និងស្ថាប័នអន្តរជាតិ ក្នុងការបន្តពង្រឹងទំនាក់ទំនងលើវិស័យធុរកិច្ច ពាណិជ្ជកម្ម និងការវិនិយោគ ជាមួយបណ្តាប្រទេសនានា និងដើម្បីឱ្យសមាជិក សមាជិកា ដែលស្ថិតក្នុងវិស័យម្ហូបអាហារ និងបដិសណ្ឋារកិច្ច ទទួលបានបទពិសោធន៍ និងចំណេះដឹងបន្ថែមទៀតដែលអាចយកទៅអភិវឌ្ឍន៍ក្នុងអាជីវកម្មប្រកបដោយភាពជោគជ័យ និងក្នុងការពង្រីកភាពជាដៃគូក្រៅប្រទេស ជំរុញការផ្លាស់ប្តូរវិនិយោគ និងលើកកម្ពស់កិច្ចសហប្រតិបត្តិការអន្ដរជាតិ៕

រូបភាព និងអត្ថបទ៖ នាយកដ្ឋានទំនាក់ទំនងសភាពាណិជ្ជកម្មខេត្ត-ក្រុង

03/09/2026

ជំនួបពិភាក្សារវាងសភាពាណិជ្ជកម្មកម្ពុជា និង ស្ថានទូតនៃសាធារណរដ្ឋរវ៉ាន់ដា

រាជធានីភ្នំពេញ៖ នាព្រឹកថ្ងៃព្រហស្បតិ៍ ៦រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែកញ្ញា ឆ្នាំ២០២៦ ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា បានទទួលជួបពិភាក្សាការងារជាមួយ ឯកឧត្តម បាគូរ៉ាមុតសា នគូប៊ីតូ ម៉ានហ្ស៊ី (Bakuramutsa NKUBITO MANZI) ឯកអគ្គរដ្ឋទូតនៃសាធារណរដ្ឋរវ៉ាន់ដា ប្រចាំកម្ពុជា ដែលមាននិវេសនដ្ឋាននៅទីក្រុងសេអ៊ូល ក្នុងឱកាសដែលឯកឧត្តមបំពេញទស្សនកិច្ចការងារនៅព្រះរាជាណាចក្រកម្ពុជា។

ឯកឧត្តមឯកអគ្គរដ្ឋទូត បានថ្លែងអំណរគុណចំពោះ ឯកឧត្តមឧកញ៉ា អគ្គនាយកសភាពាណិជ្ជកម្មកម្ពុជាដែលបានចំណាយពេលវេលាដ៏មានតម្លៃសម្រាប់ជួបពិភាក្សាការងារ។ ឯកឧត្តមបានថ្លែងថា នេះគឺជាលើកទីបីហើយដែលឯកឧត្តមបានមកកម្ពុជា ហើយឯកឧត្តមបានសង្កេតឃើញនូវការអភិវឌ្ឍយ៉ាងឆាប់រហ័សរបស់កម្ពុជាលើផ្នែកសំណង់ ហេដ្ឋារចនាសម្ព័ន្ធ និងសេដ្ឋកិច្ច។ ឯកឧត្តមក៏បានរំលេចផងដែរថាគោលបំណងនៃកិច្ចពិភាក្សាថ្ងៃនេះគឺបន្តពង្រឹង និងជំរុញកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងវិនិយោគ រវាងព្រះរាជាណាចក្រកម្ពុជា និងសាធារណរដ្ឋរវ៉ាន់ដា ឱ្យកាន់តែមានភាពស៊ីជម្រៅ និងឈានទៅមុខមួយកម្រិតទៀត។ ដូចនេះ ឯកឧត្តមឯកអគ្គរដ្ឋទូតបានស្នើរសុំការរៀបចំចុះអនុស្សរណៈនៃការយោគយល់គ្នា (MoU) រវាងសភាពាណិជ្ជកម្មរបស់ប្រទេសទាំងពីរនាពេលកិច្ចប្រជុំកំពូលហ្វ្រង់កូហ្វូនីខាងមុខ ដើម្បីបង្កើតជាកិច្ចសហប្រតិបត្តិការផ្លូវការក្នុងវិស័យ កសិឧស្សាហកម្ម វាយនភណ្ឌ ស្រូវ និង អចលនទ្រព្យ។ ឆ្លៀតក្នុងឱកាសនេះផងដែរ ឯកឧត្តមឯកអគ្គរដ្ឋទូត ក៏បានសម្តែងនូវការអបអរសាទរចំពោះប្រទេសកម្ពុជាដែលធ្វើជាម្ចាស់ផ្ទះសម្រាប់កិច្ចប្រជុំកំពូលនេះផងដែរ ហើយឯកឧត្តមក៏មានជំនឿចិត្តប្រទេសកម្ពុជាគឺពោរពេញទៅដោយសមត្ថភាពក្នុងនាមជាម្ចាស់ផ្ទះ។ជាចុងក្រោយ ឯកឧត្តមក៏បានអញ្ជើញ ឯកឧត្តមឧកញ៉ា អគ្គនាយក ដឹកនាំប្រតិភូធុរកិច្ចនៃសភាពាណិជ្ជកម្មកម្ពុជា ទៅបំពេញទស្សនកិច្ចនៅសាធារណរដ្ឋរវ៉ាន់ដា តាមរយៈការរៀបចំជាបេសកកម្មពាណិជ្ជកម្ម (Trade Mission) នាពេលអនាគតផងដែរ។

ជាកិច្ចឆ្លើយតប ឯកឧត្តមឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជាបានសម្តែងការស្វាគមន៍យ៉ាងកក់ក្តៅ និងថ្លែងអំណរគុណដល់
ឯកឧត្តមឯកអគ្គរដ្ឋទូតដែលបានអញ្ជើញមកប្រទេសកម្ពុជាជាលើកទីបី។
ឯកឧត្តមឧកញ៉ា អគ្គនាយកបានសម្តែងនូវការគាំទ្រយ៉ាងពេញទំហឹងចំពោះការចុះអនុស្សរណៈនៃការយោគយល់គ្នា (MoU)រវាងសភាពាណិជ្ជកម្មទាំងពីរដោយកិច្ចសហប្រតិបត្តិការនេះនឹងនាំមកនូវប្រយោជន៍វិជ្ជមានសម្រាប់កម្ពុជាចូលទៅក្នុងទីផ្សារអាហ្រ្វិកតាមរយៈសាធារណរដ្ឋរវ៉ាន់ដា ហើយសាធារណរដ្ឋរវ៉ាន់ដា ក៏អាចចូលមកទីផ្សារអាស៊ានតាមរយៈកម្ពុជាផងដែរ។ ឯកឧត្តមឧកញ៉ា អគ្គនាយក បានបញ្ជាក់ថាសភាពាណិជ្ជកម្មកម្ពុជារីករាយក្នុងការសហការយ៉ាងជិតស្និទ្ធជាមួយសាធារណរដ្ឋរវ៉ាន់ដា ដើម្បីរៀបចំការងារទាំងអស់នេះឱ្យលេចចេញជាផ្លែផ្កា សំដៅជំរុញទំហំពាណិជ្ជកម្ម និងកំណើនសេដ្ឋកិច្ចនៃប្រទេសទាំងពីរ។

03/09/2026

សភាពាណិជ្ជកម្មកម្ពុជា និង សភាពាណិជ្ជកម្មកូរ៉េនៅកម្ពុជា ចុះអនុស្សរណៈនៃការយោគយល់គ្នា ដើម្បីជំរុញធុរកិច្ចនិងវិនិយោគ

រាជធានីភ្នំពេញ៖ នាព្រឹកថ្ងៃព្រហស្បតិ៍ ៦រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃ ទី៣ ខែកញ្ញា ឆ្នាំ២០២៦ សភាពាណិជ្ជកម្មកម្ពុជា និងសភាពាណិជ្ជកម្មកូរ៉េនៅកម្ពុជា បានចុះអនុស្សរណៈនៃការយោគយល់គ្នា ដើម្បីបង្កើតក្របខ័ណ្ឌជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគរវាងសាធារណរដ្ឋកូរ៉េ និងព្រះរាជាណាចក្រកម្ពុជា។ អនុស្សរណៈនៃការយោគយល់នេះ ត្រូវបានចុះហត្ថលេខាដោយ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា និង លោក គីម សឹង ស៊ូ (Kim Seong Su) ប្រធានសភាពាណិជ្ជកម្មកូរ៉េនៅកម្ពុជា (KOCHAM) និងប្រព្រឹត្តទៅក្រោមអតិបតីភាពរបស់ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃ អគ្គនាយកដ្ឋានពន្ធដារ និងមានការអញ្ជើញចូលរួមពីអនុប្រធាន និង សមាជិកនៃសភាពាណិជ្ជកម្មទាំងពីរផងដែរ។

ថ្លែងក្នុងឱកាសនៃពិធីចុះអនុស្សរណៈនៃការយោគយល់គ្នានេះ អ្នកឧកញ៉ា គិត ម៉េង បានគូសបញ្ជាក់ថា កម្ពុជាមានបរិយាកាសធុរកិច្ចល្អប្រសើរ និងមានស្ថិរភាពម៉ាក្រូសេដ្ឋកិច្ចដែលអំណោយផលសម្រាប់វិនិយោគិន និងមានគោលនយោបាយលើកទឹកចិត្ត និង គាំទ្រធុរកិច្ចរបស់រាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ អ្នកឧកញ៉ា គិត ម៉េង សង្កត់ធ្ងន់ថា អនុស្សរណៈនៃការយោគយល់គ្នានេះ គឺជាដំណាក់កាលដ៏សំខាន់មួយឈានឆ្ពោះទៅរកកិច្ចសហប្រតិបត្តិការដ៏ រឹងមាំរវាងសភាពាណិជ្ជកម្មទាំងពីរ ដែលត្រូវបានរៀបចំឡើងដើម្បីការពារ និងទាក់ទាញការវិនិយោគពីកូរ៉េ។

លោក គីម សឹង ស៊ូ បានគូសបញ្ជាក់ពីសារៈសំខាន់ជាយុទ្ធសាស្ត្រនៃអនុស្សរណៈយោគយល់នេះ និងចាត់ទុកជាព្រឹត្តិការណ៍ប្រវត្តិសាស្ត្រក្នុងទំនាក់ទំនងរវាងសភាពាណិជ្ជកម្មកូរ៉េនៅកម្ពុជា និងសភាពាណិជ្ជកម្មកម្ពុជា។ អនុស្សរណៈនេះ មិនត្រឹមតែជួយទាក់ទាញវិនិយោគិនកូរ៉េប៉ុណ្ណោះទេ ថែមទាំងជួយការពារការវិនិយោគដែលមានស្រាប់ផងដែរ។

អនុស្សរណៈនៃការយោគយល់គ្នានេះ បង្កើតក្របខ័ណ្ឌប្រតិបត្តិកាសំខាន់ៗរួមមាន៖ ការចែករំលែកទិន្នន័យពាណិជ្ជកម្ម ព័ត៌មានបច្ចុប្បន្នភាពបទប្បញ្ញត្តិ គោលនយោបាយសេដ្ឋកិច្ច ការផ្គូផ្គងធុរកិច្ច ការរៀបចំទស្សនកិច្ចពាណិជ្ជកម្ម វេទិកាធុរកិច្ច ការដោះស្រាយបញ្ហាប្រឈម និងការជួយគាំទ្រគ្នាទៅវិញទៅមក។

Cambodia Chamber of Commerce (CCC) and Korean Chamber of Commerce in Cambodia (KOCHAM) Sign MoU to Boost Business and Investment

Phnom Penh: On Thursday morning of September 3, 2026, Cambodia Chamber of Commerce (CCC) and Korean Chamber of Commerce in Cambodia (KOCHAM) signed Memorandum of Understanding (MoU) to establish a framework for promoting economic, business, and investment cooperation between the Republic of Korea and the Kingdom of Cambodia. The MoU was signed by Neak Oknha Kith Meng, President of CCC and Chair of the ASEAN Business Advisory Council Cambodia, and Mr. Kim Seong Su, Chairman of Korean Chamber of Commerce in Cambodia (KOCHAM). The signing ceremony was presided over by H.E. Kong Vibol, Minister Attached to the Prime Minister and Royal Government Delegate in charge as Director General of the General Department of Taxation, with the participation of Vice-presidents and Members of both Chambers of Commerce.

Speaking at the MoU signing ceremony, Neak Oknha Kith Meng highlighted that Cambodia offers good business environment, favorable macroeconomic stability for investors, and pro-business incentive policies implemented by the Royal Government under the wise leadership of Samdech Moha Borvor Thipadei Hun Manet, Prime Minister of the Kingdom of Cambodia. Neak Oknha Kith Meng emphasized that this MoU marks a significant milestone toward robust cooperation between the two chambers, designed to protect and attract Korean investment.

Mr. Kim Seong Su underscored the strategic importance of the MoU, considering it a historic event in the relations between KOCHAM and CCC. This memorandum will not only help attract Korean investors but also safeguard existing investments.

The MoU establishes key operational frameworks, including the sharing of trade data, updates on regulatory and economic policy information, business matching, the organization of trade missions and business forums, the resolution of challenges, and mutual support.

02/09/2026

កិច្ចប្រជុំក្រុមការងារផ្នែកឯកជន ក្រុម "ឈ” "ផ្នែកស្រូវ អង្ករ" នៃវេទិការាជរដ្ឋាភិបាល-ផ្នែកឯកជន
Private sector working group meeting, group "I" "Paddy and Rice" of the Government-Private Sector Forum.
———
(រាជធានីភ្នំពេញ)៖ នៅរសៀលថ្ងៃពុធ ទី២ ខែកញ្ញា ឆ្នាំ២០២៦ វេលាម៉ោង ១៤:០០នាទី នៅអគ្គនាយកដ្ឋានសភាពាណិជ្ជកម្មកម្ពុជា មានរៀបចំកិច្ចប្រជុំក្រុមការងារផ្នែកឯកជន ក្រុម "ឈ” "ផ្នែកស្រូវ អង្ករ" វេទិការាជរដ្ឋាភិបាល-ផ្នែកឯកជន ដែលដឹកនាំដោយ ឧកញ៉ា ចាន់ សុឃាំង សហប្រធានក្រុមការងារ "ឈ" ផ្នែកឯកជន។
កិច្ចប្រជុំនេះក៏មានការចូលរួមផងដែរពីសំណាក់ ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា និងវត្តមានអនុសហប្រធានក្រុមការងារ "ឈ" ផ្នែកឯកជន, ក្រុមការងារសហព័ន្ធស្រូវអង្ករ, តំណាងសមាគមកសិកម្មទំនើប, តំណាងរោងម៉ាស៊ីនកិនស្រូវឯកជន និងសមាជិក សមាជិកានៃក្រុមការងារ "ឈ" ផ្នែកឯកជនមួយចំនួនទៀតផងដែរ។

កិច្ចប្រជុំនេះមានគោលបំណងដើម្បីពិគ្រោះ ពិនិត្យ ពិភាក្សា និងលើកឡើងនូវបញ្ហាប្រឈម ដែលជាកង្វល់របស់ផ្នែកឯកជនក្នុងវិស័យស្រូវ និងអង្ករ ដើម្បីដាក់ស្នើសុំដំណោះស្រាយពីសំណាក់ដៃគូ គឺក្រសួងកសិកម្ម រុក្ខាប្រមាញ់ និងនេសាទ នាពេលខាងមុខនេះ។

ជាលទ្ធផលកិច្ចប្រជុំបានបន្តដំណើរការពិនិត្យ ពិភាក្សាទៅលើបញ្ហាប្រឈមរបស់ផ្នែកឯកជនរួមមាន÷ ១, ការបង្កើតស្តង់ដារស្រូវអង្ករ, ២, បញ្ហាប្រព័ន្ធធារាសាស្រ្ត, ៣, បញ្ហាថាមពលពន្លឺព្រះអាទិត្យ (សឡា) បម្រើឱ្យវិស័យស្រូវអង្ករ, ៤, បញ្ហានៃការផ្តល់ជូនពូជស្រូវ, ៥ បញ្ហាពន្ធនាំចូលសម្រាប់គ្រឿងចក្រកសិកម្ម, ៦, បញ្ហានៃការធ្វើរបាយការណ៍ហិរញ្ញវត្ថុ រួមនិងបញ្ហាប្រឈមមួយចំនួនទៀតផងដែរ។

កិច្ចប្រជុំនេះបានបញ្ចប់នៅថ្ងៃខែឆ្នាំដដែល វេលាម៉ោង ១៦:២០នាទីល្ងាច ក្នុងបរិយាកាសរីករា និងយោគយល់គ្នា។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
#សភាពាណិជ្ជកម្មកម្ពុជា

02/09/2026

គណៈប្រតិភូសភាពាណិជ្ជកម្មកម្ពុជា ជួបពិភាក្សាការងារជាមួយការិយាល័យតំណាងសភាពាណិជ្ជកម្មកម្ពុជាប្រចាំទីក្រុងស៊ីដនី ដើម្បីពង្រឹងទំនាក់ទំនងធុរកិច្ច និងពាណិជ្ជកម្មកម្ពុជា-អូស្ត្រាលី

ស៊ីដនី៖ នាព្រឹកថ្ងៃទី០២ ខែកញ្ញា ឆ្នាំ២០២៦ គណៈប្រតិភូសភាពាណិជ្ជកម្មកម្ពុជា ដឹកនាំដោយ អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង អមដំណើរដោយ លោក វឿង ប្រយុទ្ធ ប្រធានសភាពាណិជ្ជកម្មខេត្តមណ្ឌលគិរី ឯកឧត្តមបណ្ឌិត អោម សេងបូរ៉ា សមាជិកទីប្រឹក្សាសភាពាណិជ្ជកម្មរាជធានីភ្នំពេញ ព្រមទាំងសមាជិក សមាជិកា សភាពាណិជ្ជកម្មខេត្តរតនគិរី និងខេត្តបាត់ដំបង បានអញ្ជើញជួបពិភាក្សាការងារជាមួយ លោក ឃុន សែន ប្រធានការិយាល័យតំណាងសភាពាណិជ្ជកម្មកម្ពុជាប្រចាំទីក្រុងស៊ីដនី ព្រមទាំងបងប្អូនអាជីវករ និងសហគមន៍ធុរកិច្ចកម្ពុជានៅប្រទេសអូស្ត្រាលី។

ជំនួបនេះមានគោលបំណងពង្រឹងកិច្ចសហប្រតិបត្តិការ និងទំនាក់ទំនងរវាងសភាពាណិជ្ជកម្មកម្ពុជា និងការិយាល័យតំណាងសភាពាណិជ្ជកម្មកម្ពុជានៅទីក្រុងស៊ីដនី ព្រមទាំងស្វែងរកឱកាសថ្មីៗសម្រាប់ជំរុញ ពាណិជ្ជកម្ម ការវិនិយោគ និងការតភ្ជាប់វិស័យឯកជន រវាងកម្ពុជា និងអូស្ត្រាលី។

ក្នុងជំនួប ភាគីទាំងពីរបានផ្លាស់ប្តូរយោបល់ និងបទពិសោធន៍អំពីស្ថានភាពធុរកិច្ច និងសក្តានុពលទីផ្សារអូស្ត្រាលី ព្រមទាំងពិភាក្សាអំពីឱកាសសម្រាប់សហគ្រាស និងអ្នកធុរកិច្ចកម្ពុជា ក្នុងការពង្រីកទីផ្សារ បង្កើនបណ្តាញអាជីវកម្ម និងស្វែងរកដៃគូពាណិជ្ជកម្ម និងវិនិយោគ។

ក្នុងឱកាសនោះ អ្នកឧកញ៉ា ភួ វាសនា បានពាំនាំការផ្តាំផ្ញើសួរសុខទុក្ខពីសំណាក់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងបានបញ្ជាក់ពីសារៈសំខាន់នៃការិយាល័យតំណាងសភាពាណិជ្ជកម្មកម្ពុជានៅក្រៅប្រទេស ក្នុងការពង្រីកបណ្តាញទំនាក់ទំនងអន្តរជាតិ និងបង្កើតឱកាសថ្មីៗសម្រាប់វិស័យឯកជនកម្ពុជា។

ជាមួយគ្នានេះ អ្នកឧកញ៉ា បានលើកឡើងពីសារៈសំខាន់នៃការបន្តពង្រឹងទំនាក់ទំនងជាមួយសហគមន៍ធុរកិច្ចកម្ពុជានៅអូស្ត្រាលី ដែលអាចរួមចំណែកក្នុងការផ្សព្វផ្សាយផលិតផលកម្ពុជា ជំរុញការតភ្ជាប់សហគ្រាស និងបង្កើតឱកាសពាណិជ្ជកម្ម និងវិនិយោគរវាងប្រទេសទាំងពីរ។

ជំនួបនេះក៏ជាឱកាសសម្រាប់ប្រមូលមតិ និងស្វែងយល់ពីតម្រូវការ បញ្ហាប្រឈម និងសក្តានុពលរបស់សហគមន៍ធុរកិច្ចកម្ពុជានៅអូស្ត្រាលី ដើម្បីបន្តស្វែងរកកិច្ចសហការដែលអាចគាំទ្រដល់ការរីកចម្រើនរបស់វិស័យឯកជន និងការពង្រីកអាជីវកម្មកម្ពុជាទៅកាន់ទីផ្សារអន្តរជាតិ។

តាមរយៈកិច្ចសហការរវាង សភាពាណិជ្ជកម្មកម្ពុជា ការិយាល័យតំណាងសភាពាណិជ្ជកម្មកម្ពុជាប្រចាំទីក្រុងស៊ីដនី និងសហគមន៍ធុរកិច្ចកម្ពុជា-អូស្ត្រាលី រំពឹងថានឹងរួមចំណែកបង្កើនការតភ្ជាប់ធុរកិច្ច ពង្រីកឱកាសទីផ្សារ ជំរុញពាណិជ្ជកម្ម និងទាក់ទាញការវិនិយោគ ព្រមទាំងពង្រឹងទំនាក់ទំនងសេដ្ឋកិច្ច និងធុរកិច្ចរវាងកម្ពុជា និងអូស្ត្រាលីឱ្យកាន់តែស៊ីជម្រៅ។

រូបភាព និងអត្ថបទ៖ នាយកដ្ឋានទំនាក់ទំនងសភាពាណិជ្ជកម្មខេត្ត-ក្រុង

02/09/2026

កិច្ចប្រជុំពិគ្រោះយោបល់លើ "សេចក្តីព្រាងប្រកាសស្តីពីការកំណត់គុណវុឌ្ឍិសហគ្រាស ក្រុមហ៊ុន រោងចក្រក្នុងការទទួលស្គាស់ជំនាញកម្មករ និយោជិត និងបុគ្គលិក"
Discussion meeting on "Draft Prakas on determining the qualifications of enterprises, companies, and factories for the recognition of the skills of workers, employees and staff".
———
(រាជធានីភ្នំពេញ)៖ នៅព្រឹកថ្ងៃពុធ ទី២ ខែកញ្ញា ឆ្នាំ២០២៦ វេលាម៉ោង ០៩:០០នាទី នៅសណ្ឋារគារ ហ៊ីម៉ាវ៉ារីភ្នំពេញ, ឯកឧត្តមវេជ្ជបណ្ឌិត ជិន សំណាង សមាជិកជ្រើសតាំងសភាពាណិជ្ជកម្មកម្ពុជា បានអញ្ជើញចូលរួមក្នុងកិច្ចប្រជុំពិគ្រោះយោបល់លើ "សេចក្តីព្រាងប្រកាសស្តីពីការកំណត់គុណវុឌ្ឍិ
សហគ្រាស ក្រុមហ៊ុន រោងចក្រក្នុងការទទួលស្គាស់ជំនាញកម្មករ និយោជិត និងបុគ្គលិក" ក្រោម អធិបតីភាពរបស់ លោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការ នៃក្រសួងការងារ និងបណ្តុះបណ្តាលវិជ្ជាជីវៈ។
កិច្ចប្រជុំពិភាក្សានេះក៏មានការចូលរួមផងដែរពីសំណាក់តំណាងក្រសួង ស្ថាប័នពាក់ព័ន្ធ, តំណាងគ្រឹះស្ថាន សមាគម និងក្រុមហ៊ុនឯកជន, តំណាងនិយោជក និងអ្នកពាក់ព័ន្ធសរុបប្រមាណ ៨៥រូប។

កិច្ចប្រជុំពិភាក្សានេះមានគោលបំណងដើម្បីពិគ្រោះយោបល់ជាមួយនឹងភាគីពាក់ព័ន្ធ សមាគម និង និយោជក ដើម្បីផ្សព្វផ្សាយខ្លឹមសារនៃសេចក្តីព្រាងប្រកាសនេះ និងប្រមូលមតិយោបល់ និងអនុសាសន៍ សម្រាប់កែលម្អឯកសារ មុននឹងដាក់ឱ្យអនុវត្តជាផ្លូវការ។

សូមជម្រាបជូនថា ក្រសួងការងារ និងបណ្តុះបណ្តាលវិជ្ជាជីវៈ បានរៀបចំនូវសេចក្តីព្រាងប្រកាសទាក់ទង នឹង នីតិវិធីស្តង់ដាប្រតិបត្តិការ (Standard Operating Procedure – S0P) នេះ ដើម្បីធ្វើជាឯកសារ ណែនាំផ្លូវការសម្រាប់សហគ្រាស ក្រុមហ៊ុន រោងចក្រ ដែលមានបំណងចូលរួមក្នុងការវាយតម្លៃសមត្ថភាព ទទួលស្គាល់ជំនាញរបស់កម្មករនិយោជិត និងបុគ្គលិកតាមបទពិសោធការងារពិតប្រាកដ។ ការបង្កើត ប្រព័ន្ធនេះមានគោលបំណងលើកកម្ពស់តម្លៃជំនាញរបស់កម្មករ បង្កើនឱកាសអាជីព និងជួយឱ្យសហ គ្រាស អាចគ្រប់គ្រងធនធានមនុស្សយ៉ាងប្រសើរឡើង។

នីតិវិធីស្តង់ដាប្រតិបត្តិការនេះ មានគោលបំណងសំខាន់ៗដូចខាងក្រោម៖
១. បង្កើតស្តង់ដាប្រតិបត្តិការ ដើម្បីណែនាំដល់សហគ្រាស ក្រុមហ៊ុន រោងចក្រ ក្នុងការចូលរួមសហការ វាយតម្លៃសមត្ថភាពទទួលស្គាល់ជំនាញកម្មករនិយោជិត និងបុគ្គលិក ឱ្យបានត្រឹមត្រូវ ស្របតាមគោល
នយោបាយរបស់រាជរដ្ឋាភិបាល។
២. លើកកម្ពស់គុណភាពធនធានមនុស្ស តាមការទទួលស្គាល់ជំនាញ និងបទពិសោធការងារជាក់ស្តែង របស់កម្មករនិយោជិត និងបុគ្គលិក។
៣. ជំរុញឱ្យមានការរៀនសូត្រពេញមួយជីវិត ដោយផ្តល់ឱកាសស្មើគ្នា ដល់កម្មករនិយោជិត និងបុគ្គលិក ដែលមានបទពិសោធប៉ុន្តែមិនមានសញ្ញាបត្រផ្លូវការ។
៤. លើកកម្ពស់ប្រសិទ្ធភាពផលិតកម្ម និងភាពប្រកួតប្រជែង របស់សហគ្រាស ក្រុមហ៊ុន រោងចក្រ តាមរយៈ ការអភិវឌ្ឍ និងគ្រប់គ្រងជំនាញរបស់កម្មករនិយោជិត និងបុគ្គលិកយ៉ាងមានប្រសិទ្ធភាព។
៥. ជំរុញការចូលរួមពីវិស័យឯកជន ក្នុងការអភិវឌ្ឍធនធានមនុស្ស និងគាំទ្រគោលនយោបាយអភិវឌ្ឍន៍ សេដ្ឋកិច្ចជាតិ។
————
ព័ត៌មានបន្ថែម សូមទំនាក់ទំនងមកតាមរយៈ [email protected]
#សភាពាណិជ្ជកម្មកម្ពុជា

02/09/2026

*សេចក្តីប្រកាសព័ត៌មានអំពីសមាជិកថ្មីរបស់សភាពាណិជ្ជកម្មកម្ពុជាក្នុងឆ្នាំ "២០២៦"*

សភាពាណិជ្ជកម្មកម្ពុជា មានកិត្តិយស សូមស្វាគមន៍យ៉ាងកក់ក្តៅចំពោះវត្តមាន សមាជិកថ្មី គឺ លោកស្រី ខៀវ រ័ត្នធីតា នាយិកាពាណិជ្ជកម្ម ក្រុមហ៊ុន ថេឡឹនធីត & រីឡាយអេប៊ល ខ្មែរ ខនសាល់ធីង ឯ.ក
សម្រាប់ព័ត៌មានបន្ថែម សូមទំនាក់ទំនងមកសភាពាណិជ្ជកម្មកម្ពុជា តាមរយៈលេខទូរស័ព្ទ៖ ០២៣ ៨៨០ ៧៩៥ ឫសារអេឡិចត្រូនិច៖ [email protected]

សភាពាណិជ្ជកម្មកម្ពុជា សមាជិកប្រចាំខែ កញ្ញា
-----------------------
*Cambodia Chamber of Commerce's New Member Announcement "2026"*
Cambodia Chamber of Commerce (CCC) is honored to warmly welcome our new member Mrs. KHIEV RATHIDA Commercial Director of TALENTED & RELIABLE KHMER CONSULTING CO., LTD.
For more details, please kindly contact us via H/P: (+855) 23 880 795 or Email: [email protected]

——-
-តេឡេក្រាមសភាពាណិជ្ជកម្មកម្ពុជា៖ https://t.me/CCCofCambodia
📌 ព័ត៌មានសម្រាប់ក្លាយជាសមាជិកសភាពាណិជ្ជកម្មកម្ពុជា:
📞 ទូរស័ព្ទ: 023 880 795 / 023 880 086
✉️ អ៊ីម៉ែល: [email protected]

សភាពាណិជ្ជកម្មកម្ពុជា Cambodia Chamber of Commerce

04/09/2026

04/09/2026

04/09/2026

04/09/2026

03/09/2026

03/09/2026

02/09/2026

02/09/2026

02/09/2026

02/09/2026

Address

Opening Hours

Telephone

Website

Alerts

Contact The Organization

Shortcuts

Share

Category

Listing takedown request

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00