នាយកដ្ឋានអង្គរក្ស - Bodyguard Department

21/08/2026

#នាយកដ្ឋានអង្គរក្ស៖ នារសៀលថ្ងៃសុក្រ ៨កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២១ ខែសីហា ឆ្នាំ២០២៦

ដោយទទួលបានការអនុញ្ញាតដ៍ខ្ពង់ខ្ពស់ពី​ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ, ឯកឧត្ដម ឧត្ដមសេនីយ៍ឯក យឹម លាង អគ្គស្នងការរងនគរបាលជាតិ​ ទទួលដឹកនាំនាយកដ្ឋានអង្គរក្ស និង​ ឯកឧត្ដម LI Xiangming តំណាងស្ថានទូត នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា បានអញ្ជើញជាសហអធិបតីក្នុងពិធីបិទវគ្គនៅនឹងកន្លែង បណ្តុះបណ្តាលជំនាញការពារឥស្សរជនសំខាន់ៗ និងសន្តិសុខព្រឹត្តិការណ៍ធំៗ សម្រាប់ក្រសួងមហាផ្ទៃ ឆ្នាំ២០២៦ ជូនដល់សិក្ខាកាមកងកម្លាំងនគរបាលជាតិ នៃនាយកដ្ឋានអង្គរក្ស ដែលបង្ហាត់បង្រៀនដោយ លោកសាស្ត្រាចារ្យ, សាស្ត្រាចារ្យរង និងក្រុមគ្រូជំនាញ ដែលអញ្ចើញមកពីសកលវិទ្យាល័យនគរបាលប្រជាជនចិន។

ពិធីនេះក៍មានការអញ្ចើញចូលរួមពីសំណាក់ លោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស និងលោក-លោកស្រី អនុប្រធាននាយកដ្ឋាន លោកនាយការិយាល័យ-លោកប្រធានអង្គភាព គ្រូបង្គោល និងសិក្ខាកាម ចំណុះនាយកដ្ឋានអង្គរក្ស ប្រមាណចំនួន ៩០​ រូប។

13/08/2026

#នាយកដ្ឋានអង្គរក្ស៖ ថ្ងៃព្រហស្បតិ៍ ១៥រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែសីហា ឆ្នាំ២០២៦
សកម្មភាពមន្ត្រីនគរបាលជាតិ នៃនាយកដ្ឋានអង្គរក្ស កំពុងសិក្សាវគ្គនៅនឹងកន្លែងបណ្ដុះបណ្ដាលជំនាញការការពារឥស្សរជនសំខាន់ៗ និងសន្តិសុខព្រឹត្តការណ៍សំខាន់ៗ ដែលបង្រៀនដោយសាស្ត្រាចារ្យ នឹងគ្រូជំនាញ មកពីសកលវិទ្យាល័យនគរបាលប្រជាជនចិន នៅទីលានហ្វឹកហាត់អង្គភាពអន្តរាគមន៍។

10/08/2026

#នាយកដ្ឋានអង្គរក្ស៖ នារសៀលថ្ងៃចន្ទ ១២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១០ ខែសីហា ឆ្នាំ២០២៦
ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ, ឯកឧត្ដម ឧត្ដមសេនីយ៍ឯក យឹម លាង អគ្គស្នងការរងនគរបាលជាតិ​ ទទួលដឹកនាំនាយកដ្ឋានអង្គរក្ស និងឯកឧត្ដម LI Xiangming តំណាងស្ថានទូត នៃសាធារណរដ្ឋប្រជាមានិតចិន ប្រចាំប្រទេសកម្ពុជា បានអញ្ជើញជាសហធិបតីក្នុងពិធីបើកវគ្គនៅនឹងកន្លែង បណ្តុះបណ្តាលជំនាញការពារឥស្សរជនសំខាន់ៗ និងសន្តិសុខព្រឹត្តិការណ៍ធំៗ សម្រាប់ក្រសួងមហាផ្ទៃ ឆ្នាំ២០២៦ ជូនដល់សិក្ខាកាមកងកម្លាំងនគរបាលជាតិ នៃនាយកដ្ឋានអង្គរក្ស។
ពិធីនេះក៍មានការអញ្ចើញចូលរួមពីសំណាក់៖
-លោកសាស្ត្រាចារ្យ AN Xiaoli ព្រឹទ្ធបុរសផ្នែកការសិក្សា នៃសកលវិទ្យាល័យនគរបាលប្រជាជនចិន ព្រមទាំងសាស្ត្រាចារ្យរង និងក្រុមគ្រូជំនាញចំនួន ០៩ រូប
-លោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស និងលោក-លោកស្រី អនុប្រធាននាយកដ្ឋាន លោកនាយការិយាល័យ-លោកប្រធានអង្គភាព គ្រូបង្គោល និងសិក្ខាកាម ចំណុះនាយកដ្ឋានអង្គរក្ស ចំនួន ៦៥នាក់។

31/07/2026

#នាយកដ្ឋានអង្គរក្ស ថ្ងៃសុក្រ ២រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣១ ខែកក្កដា ឆ្នាំ២០២៦
ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងជាប្រធានអនុគណៈកម្មការទី៤ (សន្តិសុខ សណ្តាប់ធ្នាប់ និងសង្រ្គោះ) នៃកិច្ចប្រជុំកំពូលហ្រ្វង់កូហ្វូនីលើកទី២០, ឯកឧត្ដម ឧត្ដមសេនីយ៏ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស នឹងលោក ឧត្ដមសេនីយ៏ឯក ជុំ សាវុឌ្ឍ ប្រធាននាយកដ្ឋានអង្គរក្ស បានអញ្ចើញចុះត្រួតពិនិត្យសកម្មភាពហ្វឹកហាត់សមក្បួនហែរអមទ្រង់ទ្រាយធំ (លើកទី៤) ដោយបានចេញដំណើរពីវិថីសម្ដេចសុធារស នៅម៉ោង១៣:៥០នាទី ទៅដល់ព្រលានយន្តហោះអន្តរជាតិតេជោនៅម៉ោង១៤:២០ នាទី និងចេញពីព្រលានយន្តហោះអន្តរជាតិតេជោនៅម៉ោង ១៤ :៤០ នាទីដោយបំបែកក្បួនហែអមជា៣ក្បួន៖
ក្បួនទី១: ទៅដល់សណ្ឋាគារសូហ្វីតែល(SOFITEL)នៅម៉ោង ១៥:០៨នាទី។
ក្បួនទី២: ទៅដល់សណ្ឋាគាររ៉ូសវូឌ(ROSEWOOD) នៅម៉ោង១៥:១២នាទី ។
ក្បួនទី៣: ទៅដល់សណ្ឋាគារឡឺរ៉ូយ៉ាល(LE ROYAL)នៅម៉ោង១៥:១៣នាទី។
ក្រោយពីក្បួនទាំង៣ចូលដល់សណ្ឋាគាររួចរាល់ ក្បួនហែអមនីមួយៗ នឹងបន្តដំណើរទៅកាន់CCIC និងត្រឡប់មកដល់នាយកដ្ឋានអង្គរក្សវិញនៅវេលាម៉ោង ១៦:០២ នាទី ដោយសុវត្ថិភាព ។

30/07/2026

#នាយកដ្ឋានអង្គរក្ស : នារសៀលថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦
ឯកឧត្ដម ឧត្ដមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស អញ្ជើញជាតំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងជាប្រធានអនុគណៈកម្មការទី៤ (សន្តិសុខ សណ្តាប់ធ្នាប់ និងសង្រ្គោះ) នៃកិច្ចប្រជុំកំពូលហ្រ្វង់កូហ្វូនីលើកទី២០ និងលោកឧត្ដមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស អញ្ជើញចូលរួមកិច្ចប្រជុំលើកទី៦ នៃគណៈកម្មការជាតិរៀបចំកិច្ចប្រជុំកំពូលហ្រ្វង់កូហ្វូនីលើកទី២០ ដើម្បីត្រួតពិនិត្យបច្ចុប្បន្នភាពការងារត្រៀមរៀបចំកិច្ចប្រជុំកំពូលហ្វ្រង់កូហ្វូនីលើកទី២០ ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់ ឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងជាប្រធានគណៈកម្មការជាតិរៀបចំកិច្ចប្រជុំកំពូលហ្រ្វង់កូហ្វូនីលើកទី២០ ឆ្នាំ២០២៦ នៅទីស្តីការក្រសួងការបរទេស និងសហប្រតិបត្តិការអន្តរជាតិ។

30/07/2026

28/07/2026

#នាយកដ្ឋានអង្គរក្ស៖ ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦
សកម្មភាពមន្ត្រីនគរបាលជាតិ នៃនាយកដ្ឋានអង្គរក្ស កំពុងសិក្សាវគ្គបណ្ដុះបណ្ដាលស្ដីពី"អង្គរក្សការពារឥស្សរជនជាន់ខ្ពស់" ដែលបង្រៀនដោយគ្រូជំនាញការពារផ្ទាល់ មកពីសហព័ន្ធអូស្ត្រាលី នៅបណ្ឌិត្យសភានគរបាលកម្ពុជា។

28/07/2026

#នាយកដ្ឋានអង្គរក្ស៖ ថ្ងៃអង្គារ ១៤កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៨ ខែកក្កដា ឆ្នាំ២០២៦
សកម្មភាពហ្វឹកហាត់លើមេរៀនបច្ចេកទេសប្រើប្រាស់អាវុធខ្លី នឹងអាវុធវែង (AK47) របស់សិក្ខាកាម នៃវគ្គបណ្ដុះបណ្ដាលនៅនឹងកន្លែង ជំនាញការពារថ្នាក់ដឹកនាំជាន់ខ្ពស់ជាតិ-អន្តរជាតិ ក្នុងបរិវេណនាយកដ្ឋានអង្គរក្ស។

27/07/2026

#នាយកដ្ឋានអង្គរក្ស៖ នាព្រឹកថ្ងៃចន្ទ ១៣កើត ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៧ ខែកក្កដា ឆ្នាំ២០២៦
ថ្នាក់ដឹកនាំ និងមន្ដ្រីនគរបាលជាតិ តាមបណ្ដាការិយាល័យ-អង្គភាព​ នៃនាយកដ្ឋានអង្គរក្ស បានប្រជុំជួរគោរពទង់ជាតិ នៃព្រះរាជាណាចក្រកម្ពុជា ដើម្បីពង្រឹងវិន័យរបស់កងកម្លាំង និងផ្សព្វផ្សាយគោលការណ៍ថ្មីៗរបស់ថ្នាក់ដឹកនាំទៅដល់មន្រ្ដីក្រោមឱវាទ។

23/07/2026

#នាយកដ្ឋានអង្គរក្ស ថ្ងៃពុធ ៨កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែកក្កដា ឆ្នាំ២០២៦
អនុវត្តតាមគោលការណ៍ណែនាំរបស់ ឯកឧត្ដម ឧត្តមសេនីយ៍ឯក យឹម លាង អគ្គស្នងការរងនគរបាលជាតិ ទទួលដឹកនាំនាយកដ្ឋានអង្គរក្ស លោកឧត្តមសេនីយ៍ឯក ជុំ សាវុឌ្ឍ ប្រធាននាយកដ្ឋានអង្គរក្ស បានចាត់លោកស្រីឧត្ដមសេនីយ៍ទោ មុំ សាឃន អនុប្រធាននាយកដ្ឋានអង្គរក្ស ព្រមទាំងលោកនាយការិយាល័យបុគ្គលិក លោកប្រធានអង្គភាពការពារព្រឹទ្ធសភា និងសហការី ជាតំណាងនាយកដ្ឋានអង្គរក្ស ចូលរួមគោរពវិញ្ញាណក្ខន្ធសពលោក វរសេនីយ៍ទោ ម៉ន សុខា មន្ត្រីអង្គភាពការពារព្រឹទ្ធសភា នៃនាយកដ្ឋានអង្គរក្ស ដែលបានទទួលមរណភាពនៅវេលាម៉ោង ១៥:៣០នាទី ថ្ងៃទី២០ ខែកក្កដា ឆ្នាំ២០២៦ ដោយរោគាពាធ ក្នុងជន្មាយុ ៥៦ឆ្នាំ នៅផ្ទះលេខ២១ ភូមិមិត្តភាព សង្កាត់ព្រែកឯង ខណ្ឌច្បារអំពៅ រាជធានីភ្នំពេញ៕