រដ្ឋបាលសង្កាត់អូរបែកក្អម

04/09/2026

📍តើប្រជាពលរដ្ឋខ្មែរអាចស្នើសុំផ្តល់អត្តសញ្ញាណបណ្ណសញ្ជាតិខ្មែរដំបូង និងស្នើសុំផ្ដល់អត្តសញ្ញាណបណ្ណសញ្ជាតិខ្មែរទុតិយតា ( បន្តសុពលភាព បាត់បង់ ខូចខាត និងកែតម្រូវ) នៅទីកន្លែងណាខ្លះ ?

📍ចុះប្រសិនបើប្រជាពលរដ្ឋខ្មែរ ដែលបានចំណាកស្រុក តើអាចស្នើសុំផ្ដល់អត្តសញ្ញាណបណ្ណសញ្ជាតិខ្មែរដំបូង និងស្នើសុំផ្ដល់អត្តសញ្ញាណបណ្ណសញ្ជាតិខ្មែរទុតិយតា ( បន្តសុពលភាព បាត់បង់ និងខូចខាត ) នៅទីកន្លែងណាខ្លះ ?

👉 ឯកសារភ្ជាប់សម្រាប់ស្នើសុំអត្តសញ្ញាណបណ្ណសញ្ជាតិខ្មែរដំបូងរួមមាន ៖
- សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត និង
- សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ ។

👉 ឯកសារភ្ជាប់សម្រាប់ស្នើសុំអត្តសញ្ញាណបណ្ណសញ្ជាតិខ្មែរទុតិយតា (ក្នុងករណីអស់សុពលភាព) រួមមាន ៖
- អត្តសញ្ញាណបណ្ណសញ្ជាតិខ្មែរដែលអស់សុពលភាព ឬមានសុពលភាពតិចជាង ១៨០ថ្ងៃ (៦ខែ)
- សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ ( ក្នុងករណីផ្លាស់ប្តូរលំនៅឋានអចិន្រ្តៃយ៍ថ្មី ) ។

04/09/2026

04/09/2026

04/09/2026

សកម្មភាពកាលពីរសៀលថ្ងៃទី០២ ខែ កញ្ញា ឆ្នាំ២០២៦ សមាជិកក្រុមការងារសមាគមអតីតយុទ្ធជន និងនិវត្ដជនកម្ពុជាខណ្ឌសែនសុខ អមដំណើរចូលរួមដោយលោក យឹម រ័ត្ន ចៅសង្កាត់អូរបែកក្អម បានចុះសួរសុខទុក្ខ និងនាំយកលិខិតចូលរួមមរណទុក្ខរបស់សមាគមអតីតយុទ្ធជន និងនិវត្ដជនកម្ពុជា និងថវិកាចំនួន 4,000,000រៀល ដើម្បីប្រគល់ជូនក្រុមគ្រួសារសពសមាគមអតីតយុទ្ធជន និង និវត្ដជនកម្ពុជា ដែលបានទទួលមរណភាព ស្ថិតនៅក្នុង ភូមិអូរបែកក្អម សង្កាត់អូរបែកក្អម ខណ្ឌសែនសុខ រាជធានីភ្នំពេញ

#រដ្ឋបាលសង្កាត់អូរបែកក្អម #រដ្ឋបាលខណ្ឌសែនសុខ #រាជធានីភ្នំពេញ

03/09/2026

នៅរសៀលថ្ងៃទី០៣ ខែកញ្ញា ឆ្នាំ២០២៦ លោកស្រី អ៊ូ សុីណាត ចៅសង្កាត់រងទី១ តំណាងឱ្យ លោក យឹម រ័ត្ន ចៅសង្កាត់អូរបែកក្អម រួមដំណើរជាមួយលោកស្រី ផៅ មួយលីន អ.ក.ន.ក.សង្កាត់ បានអញ្ជើញចុះសួរសុខទុក្ខលោក សំ សុីថា មេភូមិទ្រុងមាន់ ដែរកំពុងតែសម្រាកព្យាបាលជំងឺនៅផ្ទះ។
ក្នុងឱកាសសាកសួរសុខទុក្ខនេះ លោកស្រីក៏បាននាំយកអង្ករចំនួន ២៥ គីឡូក្រាម និង ថវិកាចំនួន ២០០,០០០រៀល ជូនដល់លោកផងដែរ៕
​
#រដ្ឋបាលសង្កាត់អូរបែកក្អម #រដ្ឋបាលខណ្ឌសែនសុខ

02/09/2026

មណ្ឌលសុខភាពទឹកថ្លា ចុះបាញ់ថ្នាំមូសការពារជំងឺគ្រុនឈាម ក្នុងភូមិអូរបែកក្អម និងភូមិអ័រគីដេ!
​ក្រោមការយកចិត្តទុកដាក់ និងការចង្អុលបង្ហាញពីសំណាក់លោកអភិបាលខណ្ឌសែនសុខ ក៏ដូចជារដ្ឋបាលសង្កាត់អូរបែកក្អម នៅរសៀលថ្ងៃនេះ ក្រុមការងារបច្ចេកទេសមណ្ឌលសុខភាពទឹកថ្លា បានចុះអនុវត្តវិធានការបាញ់ថ្នាំកម្ចាត់សត្វមូស និងជម្រកមូសខ្លាជាក់ស្តែងនៅក្នុងភូមិអូរបែកក្អម និងភូមិអ័រគីដេ សង្កាត់អូរបែកក្អម ដើម្បីបង្ការ ទប់ស្កាត់ការរីករាលដាលជំងឺគ្រុនឈាម និងការពារសុខុមាលភាពជូនបងប្អូនប្រជាពលរដ្ឋក្នុងមូលដ្ឋាន។
​អាជ្ញាធរសូមអំពាវនាវដល់បងប្អូនប្រជាពលរដ្ឋទាំងអស់ មេត្តាចូលរួមសម្អាតអនាម័យបរិស្ថានជុំវិញគេហដ្ឋាន និងលុបបំបាត់ប្រភពដង្កូវទឹកទាំងអស់គ្នា! 🌿🛡️👨‍⚕️
​ #រដ្ឋបាលខណ្ឌសែនសុខ #រដ្ឋបាលសង្កាត់អូរបែកក្អម #មណ្ឌលសុខភាពទឹកថ្លា #ភូមិអូរបែកក្អម #ភូមិអ័រគីដេ #ទប់ស្កាត់ជំងឺគ្រុនឈាម

02/09/2026

សកម្មភាពគណៈកម្មការចាប់ផ្ដើមបើកដំណើរការចែកពាក្យ និងទទួលពាក្យសម្រាប់ការប្រឡងជ្រើសរើសសមាសភាពក្រុមចុះឈ្មោះបោះឆ្នោត (ក.ច.ប) សម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៦ នាព្រឹកថ្ងៃទី២ ខែកញ្ញា ឆ្នាំ២០២៦ ទីតាំងសាលាសង្កាត់អូរបែកក្អម

02/09/2026

នៅរសៀលថ្ងៃពុធ ៥រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែកញ្ញា ឆ្នាំ២០២៦ លោក យឹម​ រ័ត្ន​ ចៅសង្កាត់អូរបែកក្អម​ បានឧបត្ថម្ភដល់កងកម្លាំង ប្រជាការពារសង្កាត់ចំនួន​៦នាក់​ ក្នុង​១នាក់​ ទទួលបាន​ អង្ករ២៥គីឡូក្រាម​ ដើម្បី៖
• លើកទឹកចិត្ត: ផ្តល់កម្លាំងចិត្តដល់ក្រុមការងារប្រជាការពារ ដែលបានខិតខំប្រឹងប្រែងរក្សាសន្តិសុខ សណ្តាប់ធ្នាប់ ចរាចរណ៍តាមដងផ្លូវកកស្ទះជាប្រចាំ និងជួយកិច្ចការងារសង្គមផ្សេងៗនៅក្នុងមូលដ្ឋាន។

#រដ្ឋបាលសង្កាត់អូរបែកក្អម