មន្ទីរអប់រំ យុវជន និងកីឡា រាជធានីភ្នំពេញ

25/02/2026

#សេចក្តីបំភ្លឺ ក្រសួងអប់រំ យុវជន និងកីឡា សូមជម្រាបជូន សាធារណជន មេត្តាជ្រាបថា៖ ថ្មីៗនេះ ជនអគតិមួយ ចំនួនបានកែច្នៃ ដោយបញ្ចូលខ្លឹមសារសំឡេងជាភាសាខ្មែរ និងបង្ហោះវីដេអូដែលមានប្រភពពីបរទេស ធ្វើឱ្យមាន ការភ័ន្តច្រឡំនូវសកម្មភាពហិង្សាទៅលើក្មេងស្រីនៅក្នុងថ្នាក់រៀនថាជា សកម្មភាពកើតឡើងនៅក្នុងសាលារៀន នៅប្រទេសកម្ពុជា។

27/01/2026

26/01/2026

នាព្រឹកថ្ងៃទី២៦ ខែមករា ឆ្នាំ២០២៦ មន្ទីរអប់រំ យុវជន និងកីឡារាជធានីភ្នំពេញ បានរៀបចំពិធី បើក សន្និបាតការងារអប់រំ យុវជន និងកីឡារាជធានីភ្នំពេញ ឆ្នាំសិក្សា២០២៤-២០២៥ និងលើកទិសដៅការងារឆ្នាំសិក្សា២០២៥-២០២៦ ក្រោមអធិបតីភាព ឯកឧត្តម ជា ជាតិ អនុរដ្ឋលេខាធិការក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និង លោកស្រី សក់ ចន្តារី នាយិការងរដ្ឋបាលរាជធានីភ្នំពេញ តំណាងឯកឧត្តម ឃួង ស្រេង អភិបាលនៃគណៈអភិបាលរាជធានីភ្នពេញ ។ សន្និបាតអប់រំនេះមានជាសមាជិក- សមាជិកាអញ្ជើញចូលរួមសរុបចំនួន ៥៦៩នាក់។

ថ្លែងក្នុងពិធី បើក សន្និបាតអប់រំ យុវជន និងកីឡារាជធានីភ្នំពេញ ឯកឧត្តមប្រធានគណៈអធិបតី បានផ្ដល់អនុសាសន៍ គន្លឹះ ១០ចំណុច ពាក់ព័ន្ធការងារគ្រប់គ្រង ដឹកនាំ ការជំរុញអនុវិស័យទាំង៦ ការចូលរួមប្រឡងប្រណាំង សាលារៀនគំរូ នាយកល្អ គ្រូបង្រៀនល្អ និងលើកកម្ពស់បរិស្ថានស្អាត សេវាល្អ នៅតាមគ្រឹះស្ថានសិក្សា។

28/12/2025

លោក សោម សុផល្លា អនុប្រធានមន្ទីរ តំណាងដ៏ខ្ពង់ខ្ពស់ លោក ហែម ស៊ីណារ៉េត ប្រធានមន្ទីរអប់រំយុវជន និងកីឡា រាជធានីភ្នំពេញ ជូនលិខិតថ្លៃងអំណរគុណ ចំពោះក្រុមហ៊ុន DRSB Express ដែលបានចូលរួមផ្តល់រថយន្តសម្រាប់ដឹកជញ្ជូន សម្ភារប្រើប្រាស់ គ្រឿងឧបភោគបរិភោគ ពីមន្ទីរអប់រំ យុវជន និងកីឡារាជធានីភ្នំពេញ ទៅកាន់សាលាខេត្តឧត្តរមានជ័យ ជូនដល់ដល់វីរកងទ័ពជួរមុខ និងប្រជាពលរដ្ឋភៀសសឹក ក្នុងអំឡុងពេលសង្គ្រាមឈ្លានពានពីប្រទេសថៃ ។

សូមប្រសិទ្ធពរ បវរសួស្តី មហាប្រសើរ និងទទួលបាននូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបី ឃ្លៀងឃ្លាតឡើយ។

19/12/2025

19/12/2025

11/12/2025

ក្នុងស្មារតីចែករំលែក ដើម្បីចូលរួមលើកទឹកចិត្តដល់វីរៈកងទ័ពជួរមុខកម្ពុជា ដែលបាននឹងកំពុងខិតខំតស៊ូការពារបន្ទាត់ព្រំដែនកម្ពុជា យ៉ាងអង់អាចក្លាហាន មុះមុត ប្រឆាំងនឹងសត្រូវឈ្លានពាន ប្រកបដោយស្មារតីស្នេហាជាតិមាតុភូមិ សូម លោកគ្រូ អ្នកគ្រូ មេត្តាចូលរួមផ្ដល់អំណោយជាថវិកា ស្បៀងអាហារ គ្រឿងឧបភោគបរិភោគ សម្ភារៈប្រើប្រាស់នានា ព្រមទាំងថ្នាំពេទ្យ តាមលទ្ធភាព និងសទ្ធាជ្រះថ្លា ដូចមានក្នុងលិខិតនេះ។