https://rcaf-peacekeepers.blogspot.com/

កងកម្លាំងរក្សាសន្តិភាព ជូនពិភពលោក, Phnom Penh (2026)

17/03/2023

ព្រះករុណា ព្រះបាទ សម្តេចព្រះ បរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានចេញព្រះរាជក្រឹត្យដំឡើងឋានន្តរស័ក្តិថ្នាក់ នាយឧត្តមសេនីយ៍ ដល់ ឯកឧត្តមបណ្ឌិត ហ៊ុន ម៉ាណែត។

24/10/2022

ពិធីជូនដំណើរកងកម្លាំងមួកខៀវកម្ពុជាចំនួន៣កង ចេញបំពេញបេសកកម្មរក្សាសន្តិភាព អ.ស.ប. នៅសាធារណរដ្ឋម៉ាលី MINUSMA និង សាធារណរដ្ឋស៊ូដង់ខាងត្បូង UNMISS

នាព្រឹកថ្ងៃទី២៤ ខែតុលា ឆ្នាំ២០២២ នៅសាលាហ្វឹកហ្វឺនកងកម្លាំងរក្សាសន្តិភាពពហុជាតិ(PKO) មានការរៀបចំពិធីជូនដំណើរកងកម្លាំងមួកខៀវកម្ពុជា ចេញទៅបំពេញបេសកកម្មរក្សាសន្តិភាព អ.ស.ប. នៅសាធារណរដ្ឋម៉ាលី MINUSMA និង សាធារណរដ្ឋស៊ូដង់ខាងត្បូង UNMISS ដែលមានវត្តមានដ៏ខ្ពង់ខ្ពស់ ឯកឧត្តម ឧបនាយករដ្ឋមន្រ្តី ប្រាក់ សុខុន រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងជាប្រធានគណៈកម្មាធិការជាតិ និង ឯកឧត្តម សាដា អ៊ូម៉ា អាឡាម (Sardar Umar Alam) អ្នកសម្របសម្រួលស្តីទីរបស់ អង្គការសហប្រជាជាតិ ប្រចាំកម្ពុជា រួមទាំងឯកឧត្តមនាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព។

បើតាមឯកឧត្តម នាយឧត្តមសេនីយ៍ សែម សុវណ្ណនី កម្ពុជា នឹងបញ្ជូនកងកម្លាំងវិស្វកម្មព្រលានយន្តហោះលេខ៧២៩ និងកងកម្ទេចគ្រាប់មិនទាន់ផ្ទុះលេខ៨២៨ ចេញបំពេញបេសកកម្មរក្សាសន្តិភាព អ.ស.ប នៅសាធារណររដ្ឋម៉ាលី MINUSMA។ ទន្ទឹមនោះ ក៏មានការបញ្ជូនកងអនុសេនាធំ រាជអាវុធហត្ថលេខ១៧១ ទៅកាន់បេសកកម្មនៅសាធារណរដ្ឋស៊ូដង់ខាងត្បូង UNMISS ផងដែរ។

ឯកឧត្តម នាយឧត្តមសេនីយ៍ បានបញ្ជាក់បន្ថែមថា កម្លាំងទាំង៣កងនេះ មានចំនួនសរុប៣៤៦នាក់ មកពីកងឯកភាពនៃយោធពលខេមរភូមិន្ទ ដោយបានទទួលការហ្វឹកហ្វឺនលើជំនាញវិជ្ជាជីវៈប្រកបដោយគុណភាព ពីគ្រូបង្គោលកម្ពុជា មន្រ្តី UNMAS សាធារណរដ្ឋបារាំង និងបណ្តាប្រទេសជាមិត្ត ដើម្បីប្រសិទ្ធភាព និងប្រសិទ្ធផលដូចបណ្តាកងមុនៗដែរ។ ការចូលរួមរបស់នារីក្នុងកងរាជអាវុធហត្ថមានចំនួន ៣៣នាក់ ស្មើនឹង ៤៧,១៤%។ រីឯកងកម្ទេចគ្រឿងផ្ទុះមានចំនួន ១៨នាក់ ស្មើនឹង ១២,៨% និងក្នុងវិស្វកម្មព្រលានយន្តហោះមានចំនួន ១៦នាក់ ស្មើនឹង ១២,៨%។

ជាមួយគ្នានេះដែរ ឯកឧត្តម សាដា អ៊ូម៉ា អាឡាម (Sardar Umar Alam) បានថ្លែងអំណរគុណយ៉ាងជ្រាលជ្រៅចំពោះ រាជរដ្ឋាភិបាល កងកម្លាំងមួកខៀវកម្ពុជា និងប្រជាជនកម្ពុជា ដែលបានលះបង់សម្រាប់សុខសន្តិភាពក្នុងពិភពលោក។ ឯកឧត្តម ក៏បានលើកទឹកចិត្តឱ្យរដ្ឋាភិបាលបន្តលើកកម្ពស់ "របៀបវារៈស្តីពីស្រ្តី សន្តិភាព និងសន្តិសុខ ដ្បិតកងកម្លាំងរក្សាសន្តិភាពស្រ្តី ដើរតួជាគំរូផ្នែកសមភាពយេនឌ័រ និងបំផុសគំនិតក្មេងស្រីជុំវិញពិភពលោក ចូលរួមគំនិតក្នុងការផ្តួចផ្តើមកសាងសន្តិភាពក្នុងប្រទេសឬក្រៅប្រទេស។

ឆ្លៀតក្នុងឱកាសនេះផងដែរ ឯកឧត្តម ឧបនាយករដ្ឋមន្រ្តី ប្រាក់ សុខុន បានថ្លែងអរគុណ និងវាយតម្លៃខ្ពស់ចំពោះចំណាប់អារម្ភណ៍របស់ឯកឧត្តម Alam Sardar Umar អ្នកសម្រប-សម្រួលស្តីទីរបស់អង្គការសហប្រជាជាតិប្រចាំប្រទេសកម្ពុជា។ ឯកឧត្តម ឧបនាយករដ្ឋមន្រ្តី ក៏បានអបអរសាទរ ទិវាអង្គការសហប្រជា-ជាតិ ថ្ងៃទី២៤តុលា ដែលជាថ្ងៃរំលឹកប្រចាំឆ្នាំនៃការបង្កើត ជាផ្លូវការនៃអង្គការសហប្រជាជាតិ នៅថ្ងៃទី២៤ ខែតុលា ឆ្នាំ១៩៤៥ ដែល មានធម្មនុញ្ញរបស់ខ្លួន ចែងថា "លះបង់ ដើម្បីធ្វើឱ្យប្រជាជនពិភពលោកស្គាល់ពីគោលបំណង និងសមិទ្ធិផល របស់អង្គការសហ ប្រជាជាតិ និងដើម្បីទទួលបានការគាំទ្រ នូវការងារដែល អ.ស.ប បាននឹងកំពុងធ្វើសម្រាប់ប្រជាជន ទាំងមូល"។

ឯកឧត្តម ឧបនាយករដ្ឋមន្រ្តី ក៏បានពាំនាំការសួរ សុខទុក្ខ និងសេចក្តីនឹករឮកពីសម្តេចតេជោ នាយករដ្ឋ-មន្រ្តី ជូនដល់នាយទាហាន នាយទាហានរង និងពលទាហាន ដែលជានិច្ចកាល សម្តេច តែងតែផ្តាំផ្ញើ។ ឯកឧត្តម ឧបនាយករដ្ឋមន្រ្តី ប្រាក់ សុខុន ក៏មិនភ្លេចអនុសាសន៍ណែនាំ «ទៅគ្រប់ មកគ្រប់» របស់សម្តេច ពិជ័យសេនា ទៀ បាញ់ ឧបនាយករដ្ឋមន្រ្តី ក្រសួងការពារជាតិ និងណែនាំឲ្យកម្លាំងទាំងអស់ ត្រូវចេះរួបរួម ស្រឡាញ់គ្នា សាមគ្គី ឯកភាព គ្នាជាធ្លុងមួយ និងត្រូវចេះ ជួយគ្នាទៅវិញទៅមក ឲ្យសម្រេចបានភារកិច្ចរៀងៗខ្លួន និងភារកិច្ចរបស់ក្រុម។

គួរបញ្ជាក់ផងដែរថា ឆ្នាំនេះ គឺជាខួបលើកទី១៦ គិតចាប់ពីឆ្នាំ២០០៦ ដែលកម្ពុជាបានបញ្ជូនកងកម្លាំងចូលរួមបេសកកម្មរក្សាសន្តិភាពរបស់ អ.ស.ប ក្រោយពីកម្លាំងរក្សាសន្តិភាពរបស់ អ.ស.ប ហៅកាត់ថា UNTAC បានដកចេញពីកម្ពុជានាឆ្នាំ១៩៩៣។ មកដល់ពេលនេះ កម្លាំងកម្ពុជាមានចំនួនសរុប ៨៣០២នាក់ ក្នុងនោះមាននារីចំនួន៥៨០។ កងកម្លាំងមួកខៀវកម្ពុជា បានចេញបំពេញបេសកកម្មចំនួន១១ ក្នុងប្រទេសចំនួន៩ មានជាអាទិ៍ សាធារណរដ្ឋស៊ូដង់ ស៊ូដង់ខាងត្បូង ឆាដ អាហ្វ្រិកកណ្តាល លីបង់ ម៉ាលី ស៊ីរី សាយប្រឺស និងយេមែន។ បច្ចុប្បន្ន កម្លាំងកម្ពុជា កំពុងបំពេញបេសកកម្មនៅប្រទេសចំនួន៤ រួមមាន សាធារណរដ្ឋស៊ូដង់ខាងត្បូង លីបង់ អាហ្វ្រិកកណ្តាល និងម៉ាលី ៕

15/09/2022

នៅព្រឹកថ្ងៃទី១៥ ខែកញ្ញា ឆ្នាំ២០២២ នៅមជ្ឈមណ្ឌលជាតិរក្សាសន្តិភាព ( NPMEC ) បានបើកកិច្ចប្រជុំការងារប្រុងប្រៀបរៀបចំបញ្ជូនកងកម្លាំងកម្ទេចគ្រឿងផ្ទុះ ( EOD ) ថ្មីចំនួន១០១ នាក់ ទៅចូលរួមបំពេញបេសកកម្មសន្តិភាព ក្រោមឆត្រអង្គការសហប្រជាជាតិនៅសាធារណរដ្ឋអាហ្វ្រិកកណ្តាលនាពេលខាងមុខ ក្រោមអធិបតីភាពឯកឧត្តម នាយឧត្ដមសេនីយ៍ សែម សុវណ្ណនី អនុប្រធានគណៈកម្មាធិការជាតិ និងជាអគ្គនាយកមជ្ឈមណ្ឌលជាតិ គ្រប់គ្រងកងកម្លាំងរក្សាសន្តិភាព បោសសំអាតមីន និងកាកសំណល់សង្គ្រាម ។

ក្នុងកិច្ចប្រជុំនោះដែរក៏មានវត្តមានឯកឧត្តម លោកជំទាវ អគ្គនាយករង នាយក នាយកដ្ឋាន និងប្រធានជំនាញ និងនាយទាហាន នាយទាហានរងតាមបណ្តាកងនៃមជ្ឈមណ្ឌលជាតិជាច្រើនរូបបានចូលរួម ។

កិច្ចប្រជុំនេះបានលើកឡើងពីសម្ភារៈ គ្រឿងបំពាក់ និងបញ្ហាប្រឈមនានា របស់កងកម្ទេចគ្រឿងផ្ទុះ (EOD )ថ្មី និង របៀបថែទាំគ្រឿងសម្ភារៈ បំពាក់ របស់កងមុនចេញបំពេញបេសកកម្មនៅសាធារណរដ្ឋអាហ្វិកកណ្តាលនាចុងឆ្នាំនេះផងដែរ ៕

14/09/2022

កម្ពុជានឹងធ្វើការបញ្ជូនកងកម្លាំងប្ដូរវេនជិត៣០០នាក់ទៅចូលរួមបំពេញបេសកកម្មរក្សាសន្តិភាពរបស់អង្គការសហប្រជាជាតិ នៅសាធារណរដ្ឋម៉ាលីក្នុងអំទ្បុងខែតុលា ឆ្នាំ២០២២ ខាងមុខនេះ

នេះជាលើកទី៩ហើយដែលមជ្ឈមណ្ឌលជាតិបញ្ចូនកងទ័ពមួកខៀវកម្ពុជាទៅចូលរួមចំណែករក្សាសន្តិភាព ក្នុងនាមការងារមនុស្សធម៌ជូនប្រជាពលរដ្ឋនៃសាធារណរដ្ឋម៉ាលីដែលជាប្រទេសស្ថិតក្នុងស្ថានភាពអសន្ដិសុខ។ដោយប្រទេសនេះមានរយៈចម្ងាយ ១១៥៤៧គីឡូម៉ែត្រពីព្រះរាជាណាចក្រកម្ពុជា។

ក្រោមការដឹកនាំ និងទំនាក់ទំនងសម្របសម្រួលរបស់ឯកឧត្តម នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិរក្សាសន្តិភាព កាលពីថ្ងៃទី៣ ខែកញ្ញា ឆ្នាំ២០២២ ឯកឧត្តមបានចូលជួបសម្តែងការគួសម និងពិភាក្សាការងារជាមួយ ឯកឧត្តម Atul Khare អគ្គលេខាធិការរងអង្គការសហប្រជាជាតិ ទទួលបន្ទុកផ្នែកគាំទ្របេសកកម្ម នៅការិយាល័យកណ្តាលអង្គការសហប្រជាជាតិ នាទីក្រុងញូវយ៉ក សហរដ្ឋអាមេរិក។
ក្នុងជំនួបនោះ ឯកឧត្តម សែម សុវណ្ណនី បានជម្រាបទៅ ឯកឧត្តម Atul Khare ថាការតាំងចិត្តរបស់ប្រមុខរាជរដ្ឋាភិបាលកម្ពុជា គឺបន្តការចូលរួមបេសកកម្មរក្សាសន្តិភាព អង្គការសហប្រជាជាតិ បន្តបង្កើនការចូលរួមរបស់រក្សាសន្តិភាព ក្នុងគ្រប់តំបន់បេសកកម្ម ដែលកម្ពុជាឈរជើង ទាំងនាយទាហានសេនាធិការ និងសង្កេតការណ៍យោធា។ ជាមួយគ្នាកម្ពុជាបានត្រៀមជាស្រេចកងស្ពាន សម្រាប់បេសកកម្មនៅសាធារណរដ្ឋអាហ្វ្រិកកណ្តាល។

ក្នុងឱកាសពិភាក្សាការងារនេះ ឯកឧត្តម អគ្គនាយកមជ្ឈមណ្ឌលជាតិ បានសំណូមពរទៅឯកឧត្តម អគ្គលេខាធិការរងUN ស្នើសុំពន្លឿនការចល័តកម្លាំងអាវុធហត្ថបន្ថែមចំនួន៤៦នាក់ ទៅកាន់តំបន់បេសកកម្មនៅសាធារណរដ្ឋស៊ូដង់ខាងត្បូង ដោយMOU បានធ្វើឡើងកាលពីខែធ្នូ ឆ្នាំ២០១៧មក។ និងការចល័តកងកម្ទេចគ្រឿងផ្ទុះទៅកាន់សាធារណរដ្ឋអាហ្វ្រិកកណ្តាល និងបញ្ជូនមធ្យោបាយគ្រឿងបំពាក់បន្ថែមសម្រាប់កម្លាំងEOD នៅសាធារណរដ្ឋម៉ាលី។ និងសំណើសុំសម្រួលប្រាក់ឧបត្ថម្ភគោលនយោបាយ អង្គការសហប្រជាជាតិ ដល់យោធិន ដែលរងរបួសដោយសារគ្រាប់មីននៅសាធារណរដ្ឋលីបង់ និងស្នើសុំបន្ថែមប៉ុស្តិ៍នាយទាហានសេនាធិការនៅសាធារណរដ្ឋលីបង់ ម៉ាលី និងទីបញ្ជាការអង្គការសហប្រជាជាតិនៅទីក្រុងញូវយ៉ក។

ឆ្លើយតបរបស់អគ្គលេខាធិការរងអង្គការសហប្រជាជាតិ ទទួលបន្ទុកផ្នែកគាំទ្របេសកកម្ម ឯកឧត្តម Atul Khare បានអះអាងថា នាវាដឹកសម្ភារគ្រឿងបំពាក់ សម្រាប់កងកម្ទេចគ្រាប់(EOD) ដែលជាកងថ្មីត្រូវទៅចូលរួមបំពេញបេសកកម្មអង្គការសហប្រជាជាតិ នៅសាធារណរដ្ឋអាហ្វ្រិកកណ្តាល នឹងដឹកចេញពីកម្ពុជាអំឡុងថ្ងៃទី២០ ខែកញ្ញា ឆ្នាំ២០២២នេះ។
ឯកឧត្តម អគ្គលេខាធិការរងUN បានលើកឡើងថា ចំពោះកងកម្លាំងEODទាំង១០១នាក់ នឹងបញ្ជូនចេញនៅក្នងខែធ្នូ ឆ្នាំ២០២២ ទៅកាន់ទីក្រុងបាំងគីនៃសាធារណរដ្ឋអាហ្វ្រិកកណ្ដាល។

ឯកឧត្តម Atul Khare អគ្គលេខាធិការរងUN បានអបអរសាទរកម្ពុជា ដែលគិតត្រឹមថ្ងៃទី៣ ខែកញ្ញា ឆ្នាំ២០២២ បានទទួលលំដាប់លេខរៀងទី២៨ លើ១៩៣ប្រទេសជាសមាជិក អ.ស.ប និងក្នុងចំណោម១២០ប្រទេសបរិច្ចាគកងកម្លាំង។ ឯកឧត្តម Atul Khare រួមទាំង ឯកឧត្តម នាយឧត្តមសេនីយ៍ Birame Diop ទីប្រឹក្សាយោធា អសប ក៏បានអបអរសាទរកម្ពុជា ដែលបានចល័តកម្លាំងនារីដល់ទៅ១៥,២% លើសការរំពឹងទុករបស់ អសប ថែមទៀតផង។ ផ្អែកតាមយុទ្ធសាស្ត្រសមភាពយែនឌ័ររបស់ អសប ប្រទេសបរិច្ចាគកងកម្លាំងទាំងអស់ នឹងកំណត់ឱ្យចល័តកម្លាំងនារីជានាយទាហានសេនាធិការដល់ទៅ២៥% និងក្នុងកងឱ្យបានដល់ទៅ១៥% នាឆ្នាំ២០២៨។ ដោយឡែកកម្ពុជាបានសម្រេចនូវគោលការណ៍នេះត្រឹមឆ្នាំ២០២២។ ក្នុងន័យនេះទីប្រឹក្សាយោធាក៏បានស្នើឱ្យកម្ពុជាធ្វើការចែករំលែកបទពិសោធន៍ជាមួយបណ្តាប្រទេសនានានូវវិធានការអនុវត្តដ៏មានប្រសិទ្ធភាពនេះ។

11/09/2022

ម៉ាលី៖ ថ្ងៃទី១០ ខែកញ្ញា ឆ្នាំ២០២២
ពិធីបំពាក់មេដាយ ជូនកងកម្ទេចគ្រាប់មិនទាន់ផ្ទុះលេខ២៨៨ ក្នុងបេសកកម្មរក្សាសន្តិភាព របស់អង្គការសហប្រជាជាតិ នៅសាធារណៈរដ្ឋម៉ាលី-MINUSMA។
ពិធីនេះប្រារព្ធទ្បើងក្រោមអធិបតីភាពដ៏ខ្ពង់ខ្ពស់ ឯកឧត្តម មេបញ្ជាការយោធភូមិភាគខាងកើត នៃបេសកកម្ម MINUSMA និងភ្ញៀវកិត្តិយសជាតិ អន្តរជាតិ ជាច្រើនរូបបានចូលរួម។
មេបញ្ជាការ នាយទាហាន នាយទាហានរងក្នុងកងកម្ទេចគ្រាប់មិនទាន់ផ្ទុះលេខ២៨៨ ចំនួន១៤៤រូប និងនាយទាហានសេនាធិការនៃទីបញ្ជាការយោធភូមិភាគខាងកើតចំនួន០៩រូបផ្សេងទៀត ក៏បានចូលរួមទទួលមេដាយនៃបេសកកម្មរក្សាសន្តិភាពរបស់ខ្លួន នៅក្នុងពិធីនេះដែរ។
កងកម្ទេចគ្រាប់មិនទាន់ផ្ទុះលេខ២៨៨ បានមកដល់តំបន់បេសកម្មនៅថ្ងៃទី២ ខែតុលា ឆ្នាំ២០២១ និងត្រៀមបញ្ចប់បេសកកម្មរយៈពេល១ឆ្នាំរបស់ខ្លួនធ្វើមាតុភូមិនិវត្តន៍នៅកំទ្បុងខែតុលា ឆ្នាំ២០២២ ខាងមុខផងដែរ។
#កងកម្ទេចគ្រាប់មិនទាន់ផ្ទុះលេខ២៨៨

10/09/2022

លីបង់, បន្ទាយកម្ពុជាUNP7-3: រសៀលថ្ងៃសុក្រ ១៤កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ៩ ខែកញ្ញា ឆ្នាំ ២០២២

ពិធីមំពាក់មេដាយ អ.ស.ប ជូនដល់កងអនុសេនាធំវិស្វកម្មពហុជំនាញលេខ៨២៩ កំពុងបំពេញបេសកកម្មរក្សាសន្តិភាពនៅសាធារណរដ្ឋលីបង់(UNIFIL) ដែលមានកម្លាំងសរុបចំនួន ១៨០រូប ត្រូវបាន អ.ស.ប បំពាក់មេដាយជូន បន្ទាប់ពីបានបំពេញភារកិច្ចរបស់ខ្លួន ជាកងកម្លាំងមនុស្សធម៌ក្រោមឆត្រ័ អ.ស.ប រយៈពេល១ឆ្នាំ លើផ្នែកបោសសំអាតមីន និងវិស្វកម្ម បានយ៉ាងល្អ ប្រកបដោយជោគជ័យ។
ពិធីនេះត្រូវបានផ្ដល់កិត្តិយសបំពាក់ដោយផ្ទាល់ពីសំណាក់ លោកឧត្តមសេនីយ៍ទោ AROLDO LÁZARO អគ្គមេបញ្ជាការប្រចាំតំបន់បេសកកម្ម UNIFIL និងមានការអញ្ជើញចូលរួមពីមន្ត្រីជាន់ខ្ពស់របស់ UNIFIL នាយទាហានគាំទ្រថ្នាក់ជាតិរបស់កម្ពុជា មន្ត្រីយោធារបស់ប្រទេសលីបង់ មន្ត្រីតាមការិយាល័យជំនាញ មេបញ្ជាការតាមបណ្តាអង្គភាពរក្សាសន្តិភាពរបស់ UNIFIL ជាច្រើនរូបទៀត ព្រមទាំងមានការសំដែងផ្ទាំងទស្សនីយភាព របាំជូនពរ និងរបាំនេសាទ ផងដែរ៕

08/09/2022

សាធារណរដ្ឋ ស៊ូដង់ខាងត្បូង
ថ្ងៃព្រហស្បតិ៍ ១៣ កើត ខែភទ្របទ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ០៨ ខែ កញ្ញា ឆ្នាំ ២០២២
Thursday, September 08, 2022

សកម្មភាព ប្រតិបត្តិការ ប្រចាំសប្តាហ៍ ទី៤២
- ល្បាតដោយរថយន្តក្នុងទីក្រុង និងព្រលានអន្តរជាតិ Juba ដើម្បីត្រួតពិនិត្យការរក្សាគម្លាតសុវត្ថិភាព និងទីតាំងហាមឃាត់មិនឱ្យមានវត្តមានបុគ្គលិក UNMISS
- ល្បាតដោយថ្មើរជើងក្នុងបន្ទាយ UNMISS តាមកន្លែងធ្វើចត្តាឡីស័ក ភោជនីយដ្ឋាន ទីផ្សារនានា និងតាមព្រលាន MOVCON ដើម្បីពង្រឹងការរក្សាគម្លាតសុវត្ថិភាព ២ម៉ែត្រ
- ល្បាតដោយរថយន្តដើម្បីត្រួតពិនិត្យសណ្តាប់ធ្នាប់ការចតរថយន្ត, អ្នកយាមតាមប៉ុស្តិ៍ និងអ្នកដំណើរមិនអនុញ្ញាតឱ្យរួមដំណើរក្នុងរថយន្ដUN
- សម្រួលចរាចរណ៍នៅព្រលានយន្ដហោះ អ.ស.ប នៅ Tomping-Juba
- ត្រួតពិនិត្យល្បឿនរថយន្តក្នុងបន្ទាយ អ.ស.ប
- ត្រួតពិនិត្យប័ណ្ណសំគាល់ខ្លួន ប័ណ្ណបើកបរ ការពាក់ខ្សែក្រវាត់របស់អ្នកបើកបរ និងអ្នករួមដំណើរនៅច្រកទា្វរបនា្ទយ
- ប្រចាំការរងចាំឆ្លើយតបរាល់សភាពការណ៍នានាក្នុងតំបន់បេសកកម្ម ។

#ផ្គត់ផ្គង់ទឹកស្អាតសម្រាប់បរិភោគដល់បន្ទាយយូអ៉ិននៅទីក្រុងជូប៉ា #បានចំនួន #ពី១១០០០លីត្រក្នុងមួយថ្ងៃ

16/07/2022

ញញឹមខ្លះ សប្បាយខ្លះ ការងារក៏ជោគជ័យតាមហ្នឹងដែរ...

#យោធិននារីរក្សាសន្ដិភាពកម្ពុជា🇰🇭
#អង្គការសហប្រជាជាតិ🇺🇳
#សាធារណរដ្ឋអាហ្វ្រិកកណ្ដាល🇨🇫

14/07/2022

ព្យុះខ្សាច់ស្រុកម៉ាលី

🇺🇳
🇰🇭

12/07/2022

ការបង្ហាញទឹកចិត្ត និងកាយវិការមនុស្សធម៌របស់កងកម្លាំងមួកខៀវកម្ពុជាក្នុងតំបន់បេសកកម្មរក្សាសន្តិភាព ក្រោមការដឹកនាំពីនាយឧត្តមសេនីយ៍ អគ្គនាយកមជ្ឈមណ្ឌលជាតិ។

22/05/2022

ចូលរួមបោះឆ្នោតទាំងអស់គ្នា នៅថ្ងៃទី៥ ខែមិថុនា ឆ្នាំ២០២២ អាណត្តិទី៥ របស់ក្រុមប្រឹក្សា ឃុំ សង្កាត់ និងសូមបោះឆ្នោតជូនគណបក្សប្រជាជនកម្ពុជា។

05/05/2022

សាធារណរដ្ឋ ស៊ូដង់ខាងត្បូង
ថ្ងៃសៅរ៍ ១៤រោច ខែចេត្រ ឆ្នាំខាល ចត្វាស័ក ព.ស ២៥៦៥ ត្រូវនឹងថ្ងៃទី ៣០ ខែមេសា ឆ្នាំ២០២២

កងអនុសេនាធំ រាជអាវុធហត្ថ លេខ ៧៣៩ ដឹកនាំដោយ លោកវរសេនីយ៍ឯក ទេស សីហា មេបញ្ជាការកង បានរៀបចំនិងធ្វើកម្មវិធីមនុស្សធម៌ ដោយចែកជូននូវសម្ភារៈសិក្សា ស្បៀងអាហារ និងសម្ភារៈប្រើប្រាស់មួយចំនួន ដែលជាអំណោយដ៏ខ្ពង់ខ្ពស់របស់រាជរដ្ឋាភិបាលកម្ពុជា ជូនដល់មណ្ឌលកុមារកំព្រា St. Clare Orphanage Centre ដែលកំពុងជួបការខ្វះខាត ។ ក្នុងនោះក៏មានការចូលរួមពីសំណាក់មន្រ្តីសាម៉ីប្រទេស, មេបញ្ជាការប្រចាំតំបន់ជូប៉ា, មន្រ្តី អ.ស.ប រួមទាំងមន្រ្តីសេនាធិការ និងសង្កេតការកម្ពុជា ផងដែរ ។

The Donation of Cambodia Government to Children at St. Claire Orphanage Center in South Sudan on Saturday 30th April 2022. During this program, we provide lessons, sharing food and enjoy fun activity with the children. With this little contribution we hope to make their standard of living better, for the children joys and to build a greater future.

កងកម្លាំងរក្សាសន្តិភាព ជូនពិភពលោក

17/03/2023

24/10/2022

15/09/2022

14/09/2022

11/09/2022

10/09/2022

08/09/2022

16/07/2022

14/07/2022

12/07/2022

22/05/2022

05/05/2022

Address

Telephone

Website

Alerts

Contact The Organization

Shortcuts

Share

Category