Ros Vanna, St, 374, Phnom Penh (2026)

30/05/2026

ព្រឹកថ្ងៃទី២៨ ខែឧសភា ឆ្នាំ២០២៦
ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញទទួលជំនួបសម្ដែងការគួរសមជាមួយនិងអង្គការ Global Green Growth Institute (GGGI) នៅសាលប្រជុំទីស្ដីការក្រសួងសាធារណការ និងដឹកជញ្ជូន។

កិច្ចជំនួបនេះមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ រួមជាមួយនិងក្រុមការងារអង្គការ Global Green Growth Institute (GGGI)ផងដែរ។

គោលបំណងនៃកិច្ចជំនួបនេះ គឺដើម្បីណែនាំខ្លួន លោកស្រី Nathalie Andre, Country representative in Cambodia ជាផ្លូវការ និងពិភាក្សាអំពីការចូលរួមក្នុងកម្មវិធីនានាដែលកំពុងដំណើរការរបស់ GGGI ក៏ដូចជាស្វែងរកវិស័យសក្តានុពលសម្រាប់កិច្ចសហប្រតិបត្តិការ ក្នុងការលើកកម្ពស់កំណើនបៃតងនៅក្នុងប្រទេសកម្ពុជានាពេលអនាគតផងដែរ។

27/05/2026

ព្រឹកថ្ងៃទី២៦ ខែឧសភា ឆ្នាំ២០២៦
ឯកឧត្តម រស់ វណ្ណា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តម ប៉េង ពោធិ៍នា រដ្ឋមន្ត្រី ក្រសួងសាធារណការ និងដឹកជញ្ជូន បានអញ្ជើញដឹកនាំក្រុមការងាររៀបចំលិខិតបទដ្ឋានគតិយុត្តក្នុងក្របខ័ណ្ឌច្បាប់ស្តីពីប្រព័ន្ធទឹកកខ្វក់ ចូលរួមកិច្ចប្រជុំជំនាញបច្ចេកទេសលើ សេចក្តីព្រាងអនុក្រឹត្យ ស្តីពី លក្ខខណ្ឌនិងនីតិវិធីនៃការផ្ដល់លិខិតអនុញ្ញាត ឫអាជ្ញាបណ្ណប្រកបអាជីវកម្មប្រព័ន្ធទឹកកខ្វក់ ក្រោមអធិបតីភាព ឯកឧត្តម លីវ សុវណ្ណា អនុប្រធាន និងជាប្រធានក្រុមទី៤នៃក្រុមប្រឹក្សាអ្នកច្បាប់ និងឯកឧត្តម នៅ បោនន័រ អនុប្រធាន និងជាប្រធានក្រុមទី១នៃក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ នៅអគារភាតរភាព ទីស្តីការគណៈរដ្ឋមន្ត្រី។

កិច្ចប្រជុំនេះមានការអញ្ជើញចូលរួមពី ក្រុមការងាររៀបចំលិខិតបទដ្ឋានគតិយុត្តក្នុងក្របខ័ណ្ឌច្បាប់ស្តីពីប្រព័ន្ធទឹកកខ្វក់ នៃក្រសួងសាធារណការ និងដឹកជញ្ជូន ជាក្រសួងសាមីដែលជាម្ចាស់ឯកសារ និងជាម្ចាស់សំណើ, ឯកឧត្តម-លោកជំទាវ លោក លោកស្រី ក្រុមការងារក្រុមប្រឹក្សាអ្នកច្បាប់ និងក្រុមការងារក្រុមប្រឹក្សាសេដ្ឋកិច្ច សង្គមកិច្ច និងវប្បធម៌ នៃទីស្តីការគណៈរដ្ឋមន្ត្រី សរុបសមាសភាពចូលរួមកិច្ចប្រជុំចំនួន ៥០រូប។

គោលបំណងនៃកិច្ចប្រជុំនេះ គឺដើម្បីពិនិត្យ ពិភាក្សា ក្នុងកម្រឹតជំនាញបច្ចេកទេស ពាក់ព័ន្ធនឹងខ្លឹមសារសេចក្តីព្រាងអនុក្រឹត្យ ស្តីពី លក្ខខណ្ឌនិងនីតិវិធីនៃការផ្ដល់លិខិតអនុញ្ញាត ឫអាជ្ញាបណ្ណប្រកបអាជីវកម្មប្រព័ន្ធទឹកកខ្វក់ ។

យោងតាមស្មារតីអង្គប្រជុំ ក្រុមការងាររៀបចំលិខិតបទដ្ឋានគតិយុត្តក្នុងក្របខ័ណ្ឌច្បាប់ស្តីពីប្រព័ន្ធទឹកកខ្វក់ នៃក្រសួងសាធារណការ និងដឹកជញ្ជូន នឹងរៀបចំសេចក្ដីព្រៀងអនុក្រឹតស្ដីពីការបែងចែកតួនាទីភារកិច្ចសម្ថកិច្ចអភិវឌ្ឍន៍ប្រព័ន្ធទឹកកខ្វក់ អោយសមស្របតាមមាត្រា៤ នៃច្បាប់ស្ដីពីប្រព័ន្ធទឹកកខ្វក់ និងធ្វើការត្រួតពិនិត្យ លើខ្លឹមសារសេចក្តីព្រាងអនុក្រឹត្យ ស្តីពី លក្ខខណ្ឌនិងនីតិវិធីនៃការផ្ដល់លិខិតអនុញ្ញាត ឫអាជ្ញាបណ្ណប្រកបអាជីវកម្មប្រព័ន្ធទឹកកខ្វក់ ឱ្យមានលក្ខណៈគ្រប់ជ្រុងជ្រោយបន្ថែមទៀត ដើម្បីស្នើរៀបចំកិច្ចប្រជុំជំនាញបច្ចេកទេស ពិនិត្យ និងផ្ដល់យោបល់ នៅពេលខាងមុខបន្តទៀត។

17/05/2026

ព្រឹកថ្ងៃទី១៥ខែឧសភា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំពិភាក្សាការងារនៅសាលប្រជុំ ទីស្តីការក្រសួង។

ក្នុងកិច្ចប្រជុំនេះក៏មានការអញ្ជើញចូលរួមពី ៖ ឯកឧត្តមរដ្ឋលេខាធិការ ឯកឧត្តមអនុរដ្ឋលេខាធិការ ឯកឧត្តមអគ្គនាយក អគ្គនាយករង ថ្នាក់ដឹកនាំនិងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ និងតំណាងមន្ទីរខេត្តពាក់ព័ន្ធ។

គោលបំណងនៃកិច្ចប្រជុំនេះគឺ ដើម្បីពិនិត្យ និងពិភាក្សាអំពីការរៀបចំកសាងផែនការសកម្មភាព សម្រាប់ការងារប្រតិបត្តិការ និងការថែទាំ (O & M) ស្ថានីយប្រព្រឹត្តកម្មទឹកកខ្វក់។

16/05/2026

ព្រឹកថ្ងៃទី១៤ខែឧសភាឆ្នាំ២០២៦ឯកឧត្តម រស់ វណ្ណា ទិប្រឹក្សាសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា រដ្ឋលេខាធិការក្រសួងសាធារណការនិងដឹកជញ្ជូន អនុប្រធានទី១ក្រុមការងាររាជរដ្ឋាភិបាលចុះស្រុកអង្គស្នួល ខេត្តកណ្តាល បានអញ្ជើញចូលរួមអមឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេសនិងសហប្រតិបត្តិការអន្តរជាតិនិងជាប្រធានក្រុមការងាររាជរដ្ឋាភិបាលចុះស្រុកអង្គស្នួល រួមនិងឯកឧត្តម វ៉ាង វិនពីន ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋប្រជាមាននិតចិនប្រចាំព្រះរាជាណាចក្រកម្ពុជា ព្រមទាំង ឯកឧត្តម លោកជំទាវ លោកអភិបាល អភិបាលរង និងមន្ត្រីស្រុក ដើម្បីអញ្ជើញជាអធិបតីសម្ពោធសមិទ្ធផលនានា នៅសាលាបឋមសិក្សារំចេកនិងសាលាមង្គលបុរី សាលាមតេ្តយ្យសហគមន៍ អង្គថ្មរួមទាំងក្នុងភូមិត្រពាំងទួល ភូមិព្រៃផ្ចឹកទី២ ស្ថិតនៅឃុំសំរោងលើស្រុកអង្គស្នួល ខេត្តកណ្តាល ដែលជាជំនួយរបស់ស្ថានទូតចិនប្រចាំកម្ពុជា។

09/05/2026

ព្រឹកថ្ងៃទី៧ខែឧសភា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងអភិវឌ្ឍន៍ប្រព័ន្ធប្រព្រឹត្តកម្មទឹកកខ្វក់នៅក្នុងក្រុងតាខ្មៅ បានអញ្ជើញដឹកនាំក្រុមការងារអនុវត្តគម្រោង ចុះពិនិត្យការងារនៅក្នុងក្រុងតាខ្មៅ ខេត្តកណ្តាល។

ក្នុងដំណើរបំពេញបេសកកម្មនេះក៏មានការអញ្ជើញចូលរួមពី ៖
ប្រធានគ្រប់គ្រងគម្រោង សមាជិក-សមាជិកាគម្រោង តំណាងក្រសួងសេដ្ឋកិច្ចនិងហិរញ្ញវត្ថុ តំណាងមន្ទីរសាធារណការ និងដឹកជញ្ជូនខេត្តកណ្តាល និងមន្ត្រីជំនាញ ក្រុមការងារទីប្រឹក្សាគម្រោង Consultant Dohwa-Seoyoung Joint Venture ក្រុមការងារក្រុមហ៊ុនសាងសង់ Joint Venture of KUMHO-TECHCROSS តំណាងEDCF និងមានការចូលរួមពីភាគីពាក់ព័ន្ធមួយចំនួនផងដែរ។

គោលបំណងនៃដំណើរបេសកកម្មនេះគឺ ដើម្បីចុះត្រួតពិនិត្យការងារតាមការដ្ឋាន និងប្រជុំពិភាក្សាអំពីវឌ្ឍនភាពការងារប្រចាំខែមេសា នៃគម្រោងអភិវឌ្ឍន៍ប្រព័ន្ធប្រព្រឹត្តកម្មទឹកកខ្វក់នៅក្នុងក្រុងតាខ្មៅ ខេត្តកណ្តាល ក្រោមហិរញ្ញប្បទាន ដោយមូលនិធិសម្រាប់កិច្ចសហប្រតិបត្តិការអភិវឌ្ឍន៍សេដ្ឋកិច្ច របស់ធនាគារអាហរ័ណ-នីហរ័ណនៃសាធារណរដ្ឋកូរ៉េ។

08/05/2026

ព្រឹកថ្ងៃទី០៦ ខែឧសភា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងការពន្លឿនការផ្គត់ផ្គង់ទឹកស្អាត និងអនាម័យ(WASAC) បានអញ្ជើញដឹកនាំកិច្ចប្រជុំពិភាក្សាការងារជាមួយតំណាងក្រុមហ៊ុនទីប្រឹក្សាបច្ចេកទេសSAMAN នៅសាលប្រជុំទីស្តីការក្រសួង។

កិច្ចប្រជុំនេះក៏មានការអញ្ជើញចូលរួមពី ឯកឧត្តមអនុរដ្ឋលេខាធិការ សមាជិក សមាជិកាគម្រោង តំណាងមន្ទីរសាធារណការខេត្តគោលដៅទាំង៣ (ខេត្តបាត់ដំបង ខេត្តពោធិ៍សាត់ និងខេត្តកណ្តាល) និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់។

គោលបំណងនៃកិច្ចប្រជុំនេះគឺ ដើម្បីចូលរួមពិនិត្យ និងពិភាក្សាទៅលើរបាយការណ៍ Inception Report នៃគម្រោងការពន្លឿនការផ្គត់ផ្គង់ទឹកស្អាត និងអនាម័យ(WASAC) ក្រោមឥណទានសម្បទានរបស់ធនាគារពិភពលោក(WB) ដែលរបាយការណ៍នេះរៀបចំដោយតំណាងក្រុមហ៊ុនទីប្រឹក្សាបច្ចេកទេស SAMAN។

04/05/2026

ចាប់ពីថ្ងៃទី២៧ដល់ថ្ងៃទី៣០ខែមេសា ឆ្នាំ២០២៦
ឯកឧត្តម រស់ វណ្ណា រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំប្រតិភូក្រសួងចូលរួមទស្សនកិច្ចក្នុងពិធីខួបទី៣០ឆ្នាំ នៃក្រុមហ៊ុន LINGZHI EQUIPMENT ក្នុងទីក្រុងYixin ខេត្ត Jiangsu ប្រទេសចិន។

ក្នុងដំណើរទស្សនកិច្ចនេះក៏មានការអញ្ជើញចូលរួមពី ឯកឧត្តមបណ្ឌិត លី ធុជ ទេសរដ្ឋមន្រ្តី និងជាប្រធានគណៈកម្មាធិការជាតិសេដ្ឋកិច្ចនិងសង្គមសម្រាប់តំបន់អាស៊ីនិងប៉ាស៊ីហ្វិក (NC-ESCAP), ឯកឧត្តមអនុរដ្ឋលេខាធិការ លោកស្រីអគ្គនាយករង នៃអគ្គនាយកដ្ឋានប្រព័ន្ធចម្រោះទឹកកខ្វក់ និងឯកឧត្តមប្រតិភូតំណាងក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ផងដែរ។

គោលបំណងនៃការទស្សនកិច្ចនេះ គឺដើម្បីចូលរួមអបអរសាទរពិធីខួបទី៣០ឆ្នាំ នៃក្រុមហ៊ុន LINGZHI EQUIPMENT និង
ស្វែងយល់អំពីឧបករណ៍សម្ភារៈ សម្រាប់ប្រើប្រាស់ក្នុងវិស័យទឹកស្អាតនិងទឹកកខ្វក់ និងស្វែងរកឱកាសសម្រាប់កិច្ចសហប្រតិបត្តិការជាមួយប្រទេសចិនផងដែរ។

27/04/2026

ថ្ងៃទី២៤ ខែមេសា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងធ្វើឱ្យប្រសើរឡើងនូវការគ្រប់គ្រងសំរាម សំណល់រឹង និងផ្លាស្ទិកនៅប្រទេសកម្ពុជា បានអញ្ជើញជាអធិបតីក្នុងសិក្ខាសាលានៅសណ្ឋាគារអ៊ែមប៊ឺ អង្គរវីឡា&ស៉្បា ក្រុងសៀមរាប ខេត្តសៀមរាប។

សិក្ខាសាលានេះក៏មានការអញ្ជើញចូលរួមពី ៖
លោកប្រធានគ្រប់គ្រងគម្រោង តំណាងក្រសួងសេដ្ឋកិច្ចនិងហិរញ្ញវត្ថុ តំណាងក្រសួងមហាផ្ទៃ តំណាងក្រសួងបរិស្ថាន តំណាងមន្ទីរសាធារណការ និងដឹកជញ្ជូនខេត្តគោលដៅទាំងបី គឺ ខេត្តសៀមរាប ខេត្តកំពង់ស្ពឺ និងខេត្តកណ្តាល រួមទាំងសមាជិក សមាជិកាគម្រោងផងដែរ។

គោលបំណងនៃសិក្ខាសាលានេះគឺ ដើម្បីធ្វើការបណ្តុះបណ្តាលស្តីពីការណែនាំអំពីក្របខ័ណ្ឌ និងការវាយតម្លៃហេតុប៉ះពាល់បរិស្ថានសង្គម និងសមភាពយេនឌ័រ។

23/04/2026

ព្រឹកថ្ងៃទី២២ ខែមេសា ឆ្នាំ២០២៦
ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំលើសេចក្តីព្រាងប្រកាសអន្តរក្រសួងស្តីពី បែបបទនិងនីតិវិធីនៃការរៀបចំបញ្ចូលកម្រៃសេវាប្រើប្រាស់ប្រព័ន្ធលូទៅក្នុងវិក្កយបត្រទឹកស្អាត នៅសាលប្រជុំទីស្តីការក្រសួងសាធារណការ និងដឹកជញ្ជូន។

កិច្ចប្រជុំនេះក៏មានការអញ្ជើញចូលរួមពី ឯកឧត្តម ស៊ឹម ស៊ីថា រដ្ឋលេខាធិការ និងមន្ត្រីបច្ចេកទេស នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍, ឯកឧត្តមអនុរដ្ឋលេខាធិការ លោក - លោកស្រី អគ្គនាយករង លោកប្រធាននាយកដ្ឋាន និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់, លោកអគ្គនាយករង លោកប្រធាននាយកដ្ឋាននីតិកម្ម និងក្រុមការងាររៀបចំលិខិតបទដ្ឋានគតិយុត្តក្នុងក្របខ័ណ្ឌច្បាប់ស្តីពីប្រព័ន្ធទឹកកខ្វក់។

គោលបំណងនៃកិច្ចប្រជុំនេះ គឺដើម្បីត្រួតពិនិត្យ និងពិភាក្សាលើខ្លឹមសារ សេចក្តីព្រាងប្រកាសអន្តរក្រសួងស្តីពី បែបបទនិងនីតិវិធីនៃការរៀបចំបញ្ចូលកម្រៃសេវាប្រើប្រាស់ប្រព័ន្ធលូទៅក្នុងវិក្កយបត្រទឹកស្អាត។
គួរបញ្ជាក់ផងដែរថាឯកឧត្តមតំណាងក្រសួងទាំងពីរ បានយល់ស្របទៅលើសេចក្តីព្រាងប្រកាសអន្តរក្រសួងនេះចប់ជាស្ថាពរ និងស្នើក្រុមការងាររៀបចំសេចក្តីព្រាងប្រកាសអន្តរក្រសួងនេះដើម្បីដាក់ជូនថ្នាក់ដឹកក្រសួងទាំងពីរពិនិត្យ និងចុះហត្ថលេខា។

22/04/2026

ព្រឹកថ្ងៃទី២០ ខែមេសា ឆ្នាំ២០២៦ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញដឹកនាំកិច្ចប្រជុំជាមួយក្រុមការងារ K-OPT របស់វិទ្យាស្ថាន AgroParisTech ដែលដឹកនាំដោយលោក Jean Antoine FABY
(Director of the AgroParisTech)។

កិច្ចប្រជុំនេះក៏មានការអញ្ជើញចូលរួមពី ៖
លោកអគ្គនាយករង លោកប្រធាន-អនុប្រធាននាយកដ្ឋាន និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់។

គោលបំណងនៃកិច្ចប្រជុំនេះគឺ ដើម្បីទទួលស្វាគមន៍ក្រុមសិក្ខាកាមនៃកម្មវិធីអនុបណ្ឌិតប្រតិបត្តិលើកទី10 "ទឹកសម្រាប់ទាំងអស់គ្នា" ដែលសិក្ខាកាមទាំងអស់បានអញ្ជើញមកពី២៤ប្រទេស(Africa, Asia and Eurasia) ក្នុងនោះក៏មានសិក្ខាកាមដែលមកពីអគ្គនាយកដ្ឋានប្រព័ន្ធចម្រោះទឹកកខ្វក់ផងដែរ។

Ros Vanna

30/05/2026

27/05/2026

17/05/2026

16/05/2026

09/05/2026

08/05/2026

04/05/2026

27/04/2026

23/04/2026

22/04/2026

Address

Telephone

Website

Alerts

Contact The Organization

Shortcuts

Share