ព័ត៌មានមុខងារសាធារណៈ

ព័ត៌មានមុខងារសាធារណៈ ចែករំលែកព័ត៌មាន និង ចំណេះដឹង

គណៈកម្មការរៀបចំការប្រឡងប្រជែង សូមជូនដំណឹងដល់បេក្ខជនដែលត្រូវចូលរួមប្រឡងប្រជែងជ្រើសរើសមន្ត្រីផ្អែកលើកិច្ចព្រមព្រៀងការងារ ឱ...
06/09/2026

គណៈកម្មការរៀបចំការប្រឡងប្រជែង សូមជូនដំណឹងដល់បេក្ខជនដែលត្រូវចូលរួមប្រឡងប្រជែងជ្រើសរើសមន្ត្រីផ្អែកលើកិច្ចព្រមព្រៀងការងារ ឱ្យចូលបម្រើការងារនៅវិទ្យាស្ថានជាតិស្ថិតិ នៃក្រសួងផែនការ ជ្រាបថា ការប្រឡងប្រជែងនឹងចាប់ផ្តើមនាវេលាម៉ោង ១៣:០០នាទី ថ្ងៃទី១៤ ខែកញ្ញា ឆ្នាំ២០២៦ នៅមណ្ឌលប្រឡងសាលាភូមិន្ទរដ្ឋបាល https://maps.app.goo.gl/7K4XoWDsbzoHQtm26?g_st=atm

✅ បេក្ខជនត្រូវមកដល់មណ្ឌលប្រឡងមុន ១ម៉ោង (ម៉ោង ១២:០០នាទី)។ សូមបេក្ខជនទាំងអស់ អានសេចក្តីជូនដំណឹងដោយយកចិត្តទុកដាក់ និងចូលរួមអនុវត្តឱ្យបានម៉ឺងម៉ាត់ តាមសេចក្តីជូនដំណឹងរបស់គណៈកម្មការប្រឡងប្រជែង។

ដើម្បីទទួលបានព័ត៌មានអំពីបញ្ជីឈ្មោះ លេខតុ លេខបន្ទប់ និងព័ត៌មានផ្សេងៗ សូមតាមដានបណ្តាញផ្សព្វផ្សាយផ្លូវការនានារបស់ក្រសួងមុខងារសាធារណៈ តាមតំណមានជូនភ្ជាប់ខាងក្រោម៖

📱បណ្តាញផ្សព្វផ្សាយឈ្មោះ «ក្រសួងមុខងារសាធារណៈ»
១.Telegram (https://t.me/mcsgovkh)
២.Facebook (https://www.facebook.com/CivilServiceCambodia)

📱បណ្តាញផ្សព្វផ្សាយឈ្មោះ «ព័ត៌មានមុខងារសាធារណៈ»
១.Telegram (https://t.me/CivilServiceNews31)
២.Facebook (https://www.facebook.com/Civil.Service.New

តំណាងឯកឧត្តមឧបនាយករដ្ឋមន្ត្រី ហ៊ុន ម៉ានី ទទួលជួបសំណេះសំណាល និងផ្តល់អនុសាសន៍គន្លឹះដល់និស្សិតជ័យលាភីអាហារូបករណ៍ទៅសិក្សានៅស...
06/09/2026

តំណាងឯកឧត្តមឧបនាយករដ្ឋមន្ត្រី ហ៊ុន ម៉ានី ទទួលជួបសំណេះសំណាល និងផ្តល់អនុសាសន៍គន្លឹះដល់និស្សិតជ័យលាភីអាហារូបករណ៍ទៅសិក្សានៅសហព័ន្ធរុស្ស៊ី

06/09/2026

សូមថ្លែងអំណរគុណបងៗ កងរាជអាវុធហត្ថរាជធានីភ្នំពេញ ដែលបានចូលរួមវេចខ្ចប់អំណោយក្នុងថ្ងៃនេះ សម្រាប់បងប្អូនភូមិរង់ចាំ🫶❤️

ជួបគ្នាឆាប់ៗ ថ្ងៃទី១២-១៣ ខែកញ្ញាខាងមុខនេះ😘

ថ្នាក់ដឹកនាំក្រសួងមុខងារសាធារណៈ ទទួលជួប និងផ្តល់អនុសាសន៍ជូនដល់និស្សិតកម្ពុជា ដែលជាជ័យលាភីអាហារូបករណ៍រាជរដ្ឋាភិបាលចិន ជប៉...
06/09/2026

ថ្នាក់ដឹកនាំក្រសួងមុខងារសាធារណៈ ទទួលជួប និងផ្តល់អនុសាសន៍ជូនដល់និស្សិតកម្ពុជា ដែលជាជ័យលាភីអាហារូបករណ៍រាជរដ្ឋាភិបាលចិន ជប៉ុន និងបារាំង

ឯកឧត្តមឧបនាយករដ្ឋមន្រ្តី ហ៊ុន ម៉ានី៖ «ថ្នាលបាយ័ន» ជាផ្នែកដ៏សំខាន់មួយជួយជំរុញប្រសិទ្ធភាពការងាររបស់ «បណ្តាញអគ្គលេខាធិការ» ...
05/09/2026

ឯកឧត្តមឧបនាយករដ្ឋមន្រ្តី ហ៊ុន ម៉ានី៖ «ថ្នាលបាយ័ន» ជាផ្នែកដ៏សំខាន់មួយជួយជំរុញប្រសិទ្ធភាពការងាររបស់ «បណ្តាញអគ្គលេខាធិការ» សម្រាប់ការគ្រប់គ្រង និងបញ្ជូន-ទទួលឯកសាររបស់ក្រសួង ស្ថាប័ន ជាពិសេសបង្កើនប្រសិទ្ធភាពនៃចរន្តឯកសារដូចជាលិខិតអញ្ជើញជាដើម

ថ្លែងប្រសាសន៍បើកពិធីប្រកាសជាផ្លូវការបណ្តាញអគ្គលេខាធិការ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ បានលើកឡើងថា ឆ្ពោះទៅរកការកែទម្រង់រដ្ឋបាលសាធារណៈទំនើប ក្រសួងមុខងារសាធារណៈ និងក្រសួងប្រៃសណីយ៍និងទូរគមនាគមន៍ បានរួមសហការគ្នាយ៉ាងជិតស្និតស្អិតរមួតធ្វើការជំរុញបរិវត្តកម្មឌីជីថលរដ្ឋបាលសាធារណៈ តាមរយៈការបង្កើតថ្នាលឌីជីថលថ្មីមួយ «ថ្នាលបាយ័ន» និងនិយាមនីតិប្រតិបត្តិសម្រាប់ការគ្រប់គ្រង និងបញ្ជូន-ទទួលឯកសាររបស់ក្រសួង ស្ថាប័ន ឱ្យកាន់តែមានភាពរហ័ស តម្លាភាព និងប្រសិទ្ធភាពខ្ពស់។

ផ្អែកតាមរយៈរបាយការណ៍របស់ ឯកឧត្តម យក់ ប៊ុនណា នៅក្នុងក្របខ័ណ្ឌការងាររបស់បណ្តាញអគ្គលេខាធិការក្រសួង ស្ថាប័ន ចំណុះអង្គការនីតិប្រតិបត្តិ បានរៀបចំវគ្គបណ្តុះបណ្តាលស្តីពីការប្រើប្រាស់ «ថ្នាលបាយ័ន» ដែលជាថ្នាលឌីជីថលសម្រាប់បញ្ជូន-ទទួលឯកសារ ដោយចាប់ផ្តើមពីលិខិតអញ្ជើញ។ ជាមួយគ្នានេះ ដើម្បីធានានូវប្រសិទ្ធភាពនៃការចូលរួមអនុវត្តថ្នាលថ្មីនេះ ដែលនឹងត្រូវដាក់ឱ្យអនុវត្តសាកល្បងនាពេលខាងមុខ ក្រសួងមុខងារសាធារណៈ និងក្រសួងប្រៃសណីយ៍និងទូរគមនាគមន៍ បានរៀបចំវគ្គបណ្តុះបណ្តាលចំនួន ៤លើក ដែលមានសិក្ខាកាមជាថ្នាក់ដឹកនាំ និងមន្រ្តីជំនាញទទួលបន្ទុកសេវារដ្ឋបាលរបស់ក្រសួង ស្ថាប័ន ចំនួន២៨ សរុបប្រមាណ ៣២៧រូប បានចូលរួមវគ្គបណ្តុះបណ្តាល ដោយទទួលបានចំណេះដឹង បទពិសោធ រួមទាំងការអនុវត្តសាកល្បងដោយផ្ទាល់ និងបានត្រៀមខ្លួនរួចជាស្រេចក្នុងដំណើរការការអនុវត្តជាក់ស្តែងឆាប់ៗខាងមុខ។

ឯកឧត្តមឧបនាយករដ្ឋមន្រ្តី បានសង្កត់ធ្ងន់ថា «ថ្នាលបាយ័ន» ត្រូវបានរចនាឡើងប្រកបដោយភាពសាមញ្ញ ងាយស្រួលប្រើប្រាស់ និងមានសុវត្ថិភាពខ្ពស់ ដែលនឹងដើរតួជាបណ្តាញតភ្ជាប់ការងាររវាងអគ្គលេខាធិការដ្ឋាននៃក្រសួង-ស្ថាប័ននានា ឱ្យប្រទាក់ក្រឡាគ្នា កាត់បន្ថយពេលវេលា និងកសាងទំនុកចិត្តខ្ពស់លើការគ្រប់គ្រងឯកសារ។ ការដាក់ឱ្យប្រើប្រាស់ថ្នាលបាយ័ននេះ គឺបានឆ្លុះបញ្ចាំងយ៉ាងច្បាស់ពីឆន្ទៈមោះមុត និងការប្តេជ្ញាចិត្តយ៉ាងមុតស្រួចរបស់រាជរដ្ឋាភិបាលកម្ពុជា ក្នុងការជំរុញបរិវត្តកម្មឌីជីថលនៅគ្រប់សរសៃឈាមនៃរដ្ឋបាលសាធារណៈ។

ក្រសួងមុខងារសាធារណៈ ដាក់ចេញវិធានការសំខាន់ៗ ៤ចំណុច ដល់រដ្ឋបាលថ្នាក់ក្រោមជាតិ ក្នុងការវាយតម្លៃ និងគ្រប់គ្រងមន្ត្រីផ្អែកលើក...
05/09/2026

ក្រសួងមុខងារសាធារណៈ ដាក់ចេញវិធានការសំខាន់ៗ ៤ចំណុច ដល់រដ្ឋបាលថ្នាក់ក្រោមជាតិ ក្នុងការវាយតម្លៃ និងគ្រប់គ្រងមន្ត្រីផ្អែកលើកិច្ចព្រមព្រៀងការងារ

ខេត្តកំពង់ចាម៖ គោលបំណងពិតប្រាកដនៃការវាយតម្លៃសមិទ្ធកម្មការងាររបស់មន្ត្រី គឺដើម្បីវាស់ស្ទង់សមត្ថភាពការងារជំនាញជាក់ស្តែង និងជាមូលដ្ឋានសម្រាប់ការសម្រេចចិត្តរបស់ប្រធានអង្គភាព ក្នុងការបន្ត ឬបញ្ចប់កិច្ចព្រមព្រៀងការងារដល់មន្ត្រីសម្រាប់ឆ្នាំបន្ទាប់។ នេះជាការលើកឡើងរបស់ ឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ ក្នុងសិក្ខាសាលាផ្សព្វផ្សាយ ស្ដីពីការវាយតម្លៃសមិទ្ធកម្មការងាររបស់មន្ត្រី ផ្អែកលើកិច្ចព្រមព្រៀងការងារ នៅសាលាខេត្តកំពង់ចាម។

ជាក់ស្តែង នៅក្នុងបទបង្ហាញ និងវេទិកាសំណួរចម្លើយក្នុងអង្គសិក្ខាសាលានាថ្ងៃនេះ វាគ្មិនទាំងអស់បានជម្រាបជូនសិក្ខាកាមទាំងអស់ អំពីទស្សនទាន គោលនយោបាយ និងលិខិតបទដ្ឋានរបស់រាជរដ្ឋាភិបាល រួមជាមួយនឹងការចែករំលែកបទពិសោធថ្មីៗ និងធាតុចូលបន្ថែមពីសិក្ខាសាលានេះ ដើម្បីធ្វើឱ្យការអនុវត្តការជ្រើសរើស និងការគ្រប់គ្រងមន្ត្រីផ្អែកលើកិច្ចព្រមព្រៀងការងារ ជាពិសេសការវាយតម្លៃសមិទ្ធកម្មការងាររបស់មន្ត្រី ប្រកបដោយប្រសិទ្ធភាព និងសុក្រឹតភាពខ្ពស់។

ឯកឧត្តមរដ្ឋលេខាធិការបានបញ្ជាក់ថា ក្រោយការវាយតម្លៃ ប្រធានអង្គភាពអាចបន្តកិច្ចព្រមព្រៀងការងារជូនមន្ត្រីបានត្រឹមតែ ១ឆ្នាំម្តងប៉ុណ្ណោះ ប៉ុន្តែអាចបន្តលើសពី ១ឆ្នាំបាន តាមការសម្រេចរបស់ សម្តេចមហាបវរធិបតី នាយករដ្ឋមន្ត្រី។ ទន្ទឹមនឹងនេះ ប្រព័ន្ធគ្រប់គ្រងថ្មីក៏បានគិតគូរដិតដល់ពីការធានាការពារសិទ្ធិ និងអត្ថប្រយោជន៍នានា ដូចជា របបមាតុភាព និងការបំពាក់គ្រឿងឥស្សរិយយសជូនមន្ត្រីមានស្នាដៃផងដែរ។

ដើម្បីធានាឱ្យបាននូវប្រសិទ្ធភាព និងសុក្រឹតភាព ស្របតាមលិខិតដ្ឋានគតិយុត្ត និងសម្រេចឱ្យបានជោគជ័យនូវចក្ខុវិស័យរបស់ សម្តេចធិបតី ឯកឧត្តមបានស្នើដល់តំណាងក្រសួង-ស្ថាប័ន អភិបាលក្រុង-ស្រុក និងប្រធានមន្ទីរនានា ពិសេសមន្ទីរមុខងារសាធារណៈ អប់រំ និងសុខាភិបាល ត្រូវចូលរួមអនុវត្តវិធានការសំខាន់ៗចំនួន៤ ដោយស្មារតីទទួលខុសត្រូវខ្ពស់៖ (១)ត្រូវយកចំណេះដឹងពីសិក្ខាសាលានេះ ទៅផ្សព្វផ្សាយបន្តដល់ប្រធានមណ្ឌលសុខភាព នាយក-នាយិកាសាលាបឋមសិក្សា និងអ្នកពាក់ព័ន្ធនៅក្នុងមូលដ្ឋានរបស់ខ្លួន ដើម្បីធ្វើជាមូលដ្ឋានដ៏សំខាន់ក្នុងការវាយតម្លៃ, (២)ត្រៀមខ្លួនឱ្យបានរួចរាល់ក្នុងការផ្តល់ជំនួយបច្ចេកទេស និងការត្រួតពិនិត្យមើលលើលទ្ធផលនៃការវាយតម្លៃសមិទ្ធកម្មការងាររបស់មន្ត្រី, (៣)រៀបចំការស្នើសុំជ្រើសរើសមន្ត្រីផ្អែកលើកិច្ចព្រមព្រៀងការងារឱ្យបានត្រឹមត្រូវតាមនីតិវិធីនាពេលខាងមុខ និង (៤)ចូលរួមនិងជំរុញឱ្យថ្នាក់ដឹកនាំរដ្ឋបាលថ្នាក់ក្រោមជាតិ ប្រធានអង្គភាព និងមន្ត្រីពាក់ព័ន្ធ ចូលរួមវគ្គបណ្តុះបណ្តាលស្តីពីការជ្រើសរើស និងការគ្រប់គ្រងមន្ត្រីផ្អែកលើកិច្ចព្រមព្រៀងការងារតាមប្រព័ន្ធបច្ចេកវិទ្យាព័ត៌មានដែលរៀបចំដោយសាលាភូមិន្ទរដ្ឋបាល ឱ្យបានគ្រប់ៗគ្នា៕

05/09/2026

អបអរសាទរ! ការប្រកាសដាក់ឱ្យដំណើរការជាផ្លូវការនូវបណ្តាញអគ្គលេខាធិការនៃក្រសួង-ស្ថាប័ន ចំណុះអង្គការនីតិប្រតិបត្តិ «បណ្តាញអគ្គលេខាធិការ» នារសៀលថ្ងៃទី០៤ ខែកញ្ញា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ គឺជាជំហានយុទ្ធសាស្ត្រដ៏សំខាន់ថ្មីមួយ ក្នុងការពន្លឿនការកែទម្រង់រដ្ឋបាលសាធារណៈនៅកម្ពុជា។

អត្ថប្រយោជន៍នៃបណ្តាញអគ្គលេខាធិការ ដែលត្រូវបានប្រកាសជាផ្លូវការ ក្នុងគោលបំណងលើកកម្ពស់ប្រសិទ្ធភាពការងាររដ្ឋបាលសាធារណៈ៖
✅ ពង្រឹងការភ្ជាប់ទំនាក់ទំនងរវាងក្រសួង ស្ថាប័ន
✅ ពង្រឹងយន្តការសម្របសម្រួលអន្តរក្រសួង
✅ បង្កើនការផ្លាស់ប្តូរ និងចែករំលែកបទពិសោធ
✅️ ពង្រឹងការអនុវត្តមុខងារគាំទ្ររបស់ក្រសួង ស្ថាប័ន
✅ អភិវឌ្ឍន៍ និងពង្រឹងសមត្ថភាពរបស់អគ្គលេខាធិការដ្ឋានក្រសួង ស្ថាប័ន
✅️ លើកកម្ពស់ និងពង្រឹងប្រសិទ្ធភាពការងារកែទម្រង់រដ្ឋបាល
✅ បង្កើនការចែករំលែកព័ត៌មានដែលពាក់ព័ន្ធ
✅️ កាត់បន្ថយបញ្ហាប្រឈមដែលមានលក្ខណៈប្រទាក់ក្រឡា
✅ បង្កើតកិច្ចសហការនិងផ្តល់ការគាំទ្រទៅវិញទៅមក
✅ ចូលរួមពង្រឹង និងអនុវត្តអភិក្រម «ជវភាពនៃប្រព័ន្ធតួអង្គតែមួយ»។

ឯកឧត្តម គង់ សុភី៖ កម្ពុជាកំពុងអភិវឌ្ឍ «ប្រព័ន្ធកូនកាត់» ក្នុងមុខងារសាធារណៈ ដើម្បីពង្រឹងគុណាធិបតេយ្យ និងប្រសិទ្ធភាពការងារ...
05/09/2026

ឯកឧត្តម គង់ សុភី៖ កម្ពុជាកំពុងអភិវឌ្ឍ «ប្រព័ន្ធកូនកាត់» ក្នុងមុខងារសាធារណៈ ដើម្បីពង្រឹងគុណាធិបតេយ្យ និងប្រសិទ្ធភាពការងារនៅមូលដ្ឋាន

កំពង់ចាម៖ ក្នុងការអញ្ជើញជាអធិបតីក្នុងពិធីបិទ «សិក្ខាសាលាផ្សព្វផ្សាយ ស្តីពីការវាយតម្លៃសមិទ្ធកម្មការងាររបស់មន្ត្រី ផ្អែកលើកិច្ចព្រមព្រៀងការងារ» នៅសាលាខេត្តកំពង់ចាម ឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ បានសង្កត់ធ្ងន់ថា ជោគជ័យនៃការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈ គឺពឹងផ្អែកទាំងស្រុងលើភាពជាអ្នកដឹកនាំ និងការចូលរួមរបស់ថ្នាក់ដឹកនាំ និងមន្ត្រីជំនាញគ្រប់លំដាប់ថ្នាក់ តាមអភិក្រម «ជវភាពនៃប្រព័ន្ធតួអង្គតែមួយ»។

នៅក្នុងឱកាសនោះ ឯកឧត្តមរដ្ឋលេខាធិការបានលើកឡើងថា រាជរដ្ឋាភិបាលកម្ពុជា ក្រោមការដឹកនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី មិនបានផ្លាស់ប្តូរពីប្រព័ន្ធមុខងារសាធារណៈបច្ចុប្បន្ន ទៅកាន់ប្រព័ន្ធនិយោជន៍តែម្តងនោះទេ ប៉ុន្តែបាននិងកំពុងអភិវឌ្ឍប្រព័ន្ធគំរូថ្មីមួយហៅថា «ប្រព័ន្ធកូនកាត់ (Hybrid Civil Service System)»។ ប្រព័ន្ធថ្មីនេះ គឺជាការរួមបញ្ចូលគ្នានូវចំណុចខ្លាំងរបស់ប្រព័ន្ធទាំងពីរ ដើម្បីឆ្លើយតបទៅនឹងបរិបទនយោបាយ រដ្ឋបាលសាធារណៈ និងការអភិវឌ្ឍរបស់ប្រទេសកម្ពុជា។

ឯកឧត្តមបានបន្ថែមថា "បទពិសោធរបស់យើង មិនត្រឹមតែមានសារៈសំខាន់ សម្រាប់ការកែទម្រង់មុខងារសាធារណៈក្នុងប្រទេសប៉ុណ្ណោះទេ ប៉ុន្តែថែមទាំងអាចរួមចំណែកដល់ការសិក្សាស្រាវជ្រាវជាអន្តរជាតិអំពីគុណាធិបតេយ្យ និងការកែទម្រង់អភិបាលកិច្ច នៅក្នុងប្រទេសកំពុងអភិវឌ្ឍដទៃទៀតផង។"

ផ្អែកលើវិធានការគន្លឹះទី១ ក្នុងការកែលម្អប្រព័ន្ធជ្រើសរើសមន្ត្រី ក្រោមអភិក្រម “ជាប់ដោយមោទនៈ ធ្លាក់ដោយអស់ចិត្ត” និង “រើសឱ្យចំ បំពេញឱ្យត្រូវ រក្សាឱ្យនៅ” រាជរដ្ឋាភិបាលបានទទួលការគាំទ្រ និងជំនឿទុកចិត្តយ៉ាងច្រើនពីសាធារណជន ក្នុងការជ្រើសរើសបានមន្ត្រីផ្អែកលើកិច្ចព្រមព្រៀងការងារ ដែលមានសមត្ថភាព និងជំនាញច្បាស់លាស់ ឆ្លើយតបបានទាន់ពេលវេលាទៅនឹងតម្រូវការជាក់ស្តែងនៅតាមមូលដ្ឋាន។

📢 សេចក្តីជូនដំណឹងស្តីពី អាហារូបករណ៍ថ្នាក់បរិញ្ញាបត្រជាន់ខ្ពស់ទៅសិក្សានៅសាធារណរដ្ឋកូរ៉េសាលាភូមិន្ទរដ្ឋបាល សហការជាមួយទីភ្ន...
05/09/2026

📢 សេចក្តីជូនដំណឹងស្តីពី អាហារូបករណ៍ថ្នាក់បរិញ្ញាបត្រជាន់ខ្ពស់ទៅសិក្សានៅសាធារណរដ្ឋកូរ៉េ

សាលាភូមិន្ទរដ្ឋបាល សហការជាមួយទីភ្នាក់ងារសហប្រតិបត្តិការអន្តរជាតិកូរ៉េ (KOICA) មានកិត្តិយសជម្រាបជូនដល់មន្ត្រីរាជការ គ្រប់អង្គភាពចំណុះក្រសួងមុខងារសាធារណៈ ឱ្យបានជ្រាបថា៖ ឱកាសទទួលអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ រយៈពេល ២ឆ្នាំ ផ្នែកព័ត៌មានវិទ្យា នៅសាកលវិទ្យាល័យកូរ៉េ (ចាប់ផ្តើមពីខែកញ្ញា ឆ្នាំ២០២៧) ចំនួន ២រូប។

លក្ខខណ្ឌជ្រើសរើស៖
✅ ជាមន្ត្រីរាជការស្ថិតក្នុងក្រសួងមុខងារសាធារណៈ
✅ មានសញ្ញាបត្របរិញ្ញាបត្រផ្នែកព័ត៌មានវិទ្យា
✅ មានចំណេះដឹងភាសាអង់គ្លេសច្បាស់លាស់
✅ មានចំណេះដឹងផ្នែកវិស័យសាធារណៈ ជាពិសេសយុទ្ធសាស្ត្រ និងគោលនយោបាយនានា
✅ មានសុខភាពល្អមាំមួន។

🗓 សូមបេក្ខជនដែលមានចំណាប់អារម្មណ៍ រួសរាន់ទាក់ទងមកលេខាធិការដ្ឋាននៃសាលាភូមិន្ទរដ្ឋបាល ឱ្យបានមុនថ្ងៃទី២០ ខែតុលា ឆ្នាំ២០២៦ជាកំហិត។

📞 ព័ត៌មានលម្អិតបន្ថែម សូមទាក់ទងទូរស័ព្ទ៖ 069 573 039 / 090 290 526។

របត់ថ្មី! ក្រសួងមុខងារសាធារណៈ ជំរុញការវាយតម្លៃសមិទ្ធកម្មមន្ត្រីអប់រំ និងសុខាភិបាល ថ្នាក់ក្រោមជាតិ ផ្អែកលើកិច្ចព្រមព្រៀងក...
05/09/2026

របត់ថ្មី! ក្រសួងមុខងារសាធារណៈ ជំរុញការវាយតម្លៃសមិទ្ធកម្មមន្ត្រីអប់រំ និងសុខាភិបាល ថ្នាក់ក្រោមជាតិ ផ្អែកលើកិច្ចព្រមព្រៀងការងារ ដើម្បីបង្កើនប្រសិទ្ធភាពសេវាសាធារណៈ

ខេត្តកំពង់ចាម៖ បន្ទាប់ពីឯកឧត្តម គង់ សុភី រដ្ឋលេខាធិការក្រសួងមុខងារសាធារណៈ និងជាប្រធានក្រុមការងារបច្ចេកទេសកែលម្អប្រព័ន្ធជ្រើសរើសមន្រ្តីនៃគណៈកម្មាធិការជាតិកែទម្រង់រដ្ឋបាលសាធារណៈ (គ.វ.រ.) ប្រកាសបើកសិក្ខាសាលាស្តីពី «ការវាយតម្លៃសមិទ្ធកម្មការងាររបស់មន្ត្រីផ្អែកលើកិច្ចព្រមព្រៀងការងារ» សម្រាប់វិស័យអប់រំ និងសុខាភិបាលនៅរដ្ឋបាលថ្នាក់ក្រោមជាតិ រួចមក អង្គសិក្ខាសាលា បានបន្តរៀបចំឱ្យមានការធ្វើបទបង្ហាញរបស់វាគ្មិន ជាអ្នកជំនាញជាន់ខ្ពស់ និងអ្នកសរសេរគោលនយោបាយកំណែទម្រង់រដ្ឋបាលសាធារណៈ ប្រកបដោយបទពិសោធលើប្រធានបទចំនួន៣។

នៅក្នុងអង្គសិក្ខាសាលានេះ វាគ្មិនជំនាញបានធ្វើបទបង្ហាញលើប្រធានបទយុទ្ធសាស្ត្រចំនួន៣ រួមមាន៖ (១)ការចែករំលែកបទពិសោធគ្រប់គ្រង និងវាយតម្លៃសមិទ្ធកម្ម៖ ផ្ដោតលើការកំណត់សូចនាករគន្លឹះ ឱ្យស្របតាមការងារជាក់ស្តែង ដើម្បីធានាតម្លាភាព និងមិនលំអៀង, (២)ការជ្រើសរើស និងគ្រប់គ្រងមន្ត្រីផ្អែកលើកិច្ចព្រមព្រៀងការងារ៖ ផ្លាស់ប្តូរពីការមើលលើវត្តមាន ឬអតីតភាព មកជាការភ្ជាប់កាតព្វកិច្ចការងារច្បាស់លាស់ ដើម្បីលុបបំបាត់ភាពអសកម្ម និង (៣)ការវាយតម្លៃសមិទ្ធកម្មផ្អែកលើកិច្ចព្រមព្រៀងការងារ៖ ប្រើប្រាស់នីតិវិធី និងឧបករណ៍បច្ចេកទេស ដើម្បីធ្វើជាគ្រឹះផ្លូវការក្នុងការលើកទឹកចិត្ត ឬបណ្តុះបណ្តាលបន្ថែម។

អង្គសិក្ខាសាលាកាន់តែមានភាពរស់រវើក តាមរយៈវេទិកាសំណួរ-ចម្លើយ និងការជជែកដេញដោលយ៉ាងសកម្ម លើបញ្ហាប្រឈមជាក់ស្តែង រួមមាន៖ ភាពបត់បែននៃកិច្ចព្រមព្រៀងតាមមុខជំនាញ, យន្តការដោះស្រាយការមិនចុះសម្រុងលើលទ្ធផលវាយតម្លៃ, ការគ្រប់គ្រងធនធានមនុស្សក្នុងស្ថានភាពលើសឬខ្វះមន្ត្រី និងការបែងចែកបន្ទុកការងារព្រមទាំងអត្ថប្រយោជន៍រវាងមន្ត្រីក្របខ័ណ្ឌ និងមន្ត្រីកិច្ចព្រមព្រៀង។

ជាការឆ្លើយតប ឯកឧត្តម គង់ សុភី រួមជាមួយគណៈវាគ្មិន បានធ្វើការបកស្រាយយ៉ាងក្បោះក្បាយ និងចំគោលដៅ។ ឯកឧត្តមក៏បានសង្កត់ធ្ងន់ថា រាល់ក្តីបារម្ភ និងធាតុចូលដ៏មានតម្លៃទាំងនេះ ជាពិសេសយន្តការប្រើប្រាស់កម្លាំងមន្ត្រីឱ្យមានតុល្យភាព និងការលុបបំបាត់ភាពមិនស៊ីសង្វាក់គ្នារវាងមន្ត្រីទាំងពីរប្រភេទ នឹងត្រូវយកទៅសិក្សា វិភាគ ដើម្បីកែលម្អប្រព័ន្ធអនុវត្តឱ្យកាន់តែមានភាពលម្អិត រលូន និងគ្រប់ជ្រុងជ្រោយទូទាំងប្រទេស ឆ្លើយតបទៅនឹងការចង់បានរបស់ប្រជាពលរដ្ឋលើវិស័យអប់រំ និងសុខាភិបាល៕

Address

ផ្លូវវត្តអង្គតាម៉ិញ ភូមិគោកចំបក់ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ, Cambodia, 12405
Phnom Penh

Website

Alerts

Be the first to know and let us send you an email when ព័ត៌មានមុខងារសាធារណៈ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category