10/04/2026
ព្រឹកថ្ងៃទី១០ ខែមេសា ឆ្នាំ២០២៦ រដ្ឋបាលស្រុកចន្ទ្រា បានរៀបចំកិច្ចប្រជុំបូកសរុបលទ្ធផលការងារប្រចាំខែមេសា និងទិសដៅអនុវត្តបន្តខែឧសភា ឆ្នាំ២០២៦ របស់រដ្ឋបាលស្រុក និងគណៈបញ្ជាការឯកភាពរដ្ឋបាលស្រុកចន្ទ្រា ក្រោមអធិបតីភាពលោក ថន ថាវុទ្ធា អភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុក។
សមាសភាពអញ្ជើញចូលរួមប្រជុំ លោក លោកស្រី អភិបាលរងស្រុក លោកនាយករដ្ឋបាល លោកនាយករងរដ្ឋបាល លោកប្រធានការិយាល័យប្រជាពលរដ្ឋ លោក លោកស្រី ប្រធានការិយាល័យចំណុះរចនាសម្ព័ន្ធរដ្ឋបាលស្រុក លោកមេបញ្ជាការរងផ្នែកសឹករងស្រុក លោកមេបញ្ជាការរងមូលដ្ឋានកងរាជអាវុធហត្ថស្រុក លោកអធិការរងនគរបាលស្រុក លោក លោកស្រីមេឃុំ ស្មៀនឃុំ នាយប៉ុស្ដិ៍នគរបាលរដ្ឋបាលឃុំ ប្រធានមណ្ឌលសុខភាព តំណាងនគរបាល និងយោធាការពារព្រំដែន។
មានប្រសាសន៍ក្នុងកិច្ចប្រជុំ លោកអភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុក ស្នើអង្គប្រជុំយកចិត្តទុកដាក់អនុវត្តការងារដូចខាងក្រោមៈ
១. បន្តចូលរួមអនុវត្តគោលនយោបាយភូមិ ឃុំ មានសុវត្តិភាពទាំង៧ចំណុច ដូចភ្លៀងរលឹម
២. គ្រប់អង្គភាព និងឃុំ ត្រូវរៀបចំផែនការការសន្តិសុខសណ្ដាប់ធ្នាប់ជូនប្រជាពលរដ្ឋក្នុងឪកាសបុណ្យចូលឆ្នាំថ្មី ប្រពៃណីជាតិខ្មែរ
៣.ទាំងកងកម្លាំង និងឃុំសូមជួយផ្សព្វផ្សាយដល់ប្រជាពលរដ្ឋនូវគ្រោះអគ្គីភ័យ
៤. រដ្ឋបាលស្រុក និងឃុំសហការជួយរៀបចំពិធីបញ្ចុះបឋមសីលាសាងសង់អគារសិក្សា និងរបងសាលានៅសាលាបឋមសិក្សាសំរោង និងកងកម្លាំងត្រូវរៀចំផែនការការពារសន្តិសុខសុវត្ថិភាព សម្រាប់ថ្ងៃទី១៣ ខែមេសា ឆ្នាំ២០២៦
៥.ត្រៀមរៀបចំ ពិធីសម្ពោធខ្លោងទ្វារ របង និងសមទ្ធផលនានា នៅវត្តព្រៃខ្លូត ហៅវត្តច្រេស ឃុំច្រេស
៦. បន្តត្រួតពិនិត្យរដ្ឋបាលចំហរតាមទីតាំងសណ្ឋាគារ ផ្ទះសំណាក់ បន្ទប់ជួលក្នុងភូមិសាស្ត្ររដ្ឋបាលស្រុក
៧.បន្តយកចិត្តទុកដាក់បម្រើសេវាជូនប្រជាពលរដ្ឋអោយបានល្អ
៨.សូមអង្គភាព និងរដ្ឋបាលឃុំ សហការជាមួយសាលារៀនធ្វើពលកម្ម សំអាតបរិស្ថាន អនាម័យ នៅតាមអង្គភាព និងដងផ្លូវ។
