រដ្ឋបាលសង្កាត់គោករកា

01/09/2026

01/09/2026

01/09/2026

📍តើប្រជាពលរដ្ឋខ្មែរអាចស្នើសុំផ្តល់អត្តសញ្ញាណបណ្ណសញ្ជាតិខ្មែរដំបូង និងស្នើសុំផ្ដល់អត្តសញ្ញាណបណ្ណសញ្ជាតិខ្មែរទុតិយតា ( បន្តសុពលភាព បាត់បង់ ខូចខាត និងកែតម្រូវ) នៅទីកន្លែងណាខ្លះ ?

📍ចុះប្រសិនបើប្រជាពលរដ្ឋខ្មែរ ដែលបានចំណាកស្រុក តើអាចស្នើសុំផ្ដល់អត្តសញ្ញាណបណ្ណសញ្ជាតិខ្មែរដំបូង និងស្នើសុំផ្ដល់អត្តសញ្ញាណបណ្ណសញ្ជាតិខ្មែរទុតិយតា ( បន្តសុពលភាព បាត់បង់ និងខូចខាត ) នៅទីកន្លែងណាខ្លះ ?

👉 ឯកសារភ្ជាប់សម្រាប់ស្នើសុំអត្តសញ្ញាណបណ្ណសញ្ជាតិខ្មែរដំបូងរួមមាន ៖
- សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត និង
- សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ ។

👉 ឯកសារភ្ជាប់សម្រាប់ស្នើសុំអត្តសញ្ញាណបណ្ណសញ្ជាតិខ្មែរទុតិយតា (ក្នុងករណីអស់សុពលភាព) រួមមាន ៖
- អត្តសញ្ញាណបណ្ណសញ្ជាតិខ្មែរដែលអស់សុពលភាព ឬមានសុពលភាពតិចជាង ១៨០ថ្ងៃ (៦ខែ)
- សៀវភៅស្នាក់នៅ ឬសៀវភៅគ្រួសារ ឬលិខិតបញ្ជាក់ទីលំនៅ ( ក្នុងករណីផ្លាស់ប្តូរលំនៅឋានអចិន្រ្តៃយ៍ថ្មី ) ។

31/08/2026

#សូមជូនជ្រាបជាដំណឹង

#រដ្ឋបាលសង្កាត់គោករកា
#ប្រជាពលរដ្ឋសង្កាត់គោករកា

29/08/2026

នាថ្ងៃសៅរ៍ ទី២៨ ខែសីហា ឆ្នាំ២០២៦ លោក សន ស៊ិន ចៅសង្កាត់គោករកា បានជួបសំណេះសំណាល និងស្តាប់ពីសំណូមពររបស់ប្រជាពលរដ្ឋដែលជួបការខ្វះខាតឯកសារអត្តសញ្ញាណ ដូចជា សំបុត្រកំណើត អត្តសញ្ញាណប័ណ្ណសញ្ជាតិខ្មែរ និងសៀវភៅស្នាក់នៅ។
លោកចៅសង្កាត់បាននឹងបន្តយកចិត្តទុកដាក់ និងជួយសម្របសម្រួលដោះស្រាយបញ្ហាឯកសាររដ្ឋបាលជូនប្រជាពលរដ្ឋ ដើម្បីឱ្យពួកគាត់មានឯកសារគ្រប់គ្រាន់ និងអាចទទួលបានសេវាសាធារណៈ និងអត្ថប្រយោជន៍ផ្សេងៗតាមច្បាប់ និងបទប្បញ្ញត្តិជាធរមាន។

28/08/2026

សេចក្តីជូនដំណឹង

26/08/2026

20/08/2026

សូមជម្រាបជូនសាធារណៈជន និង ប្រជាពលរដ្ឋក្នុងមូលដ្ឋានទាំងអស់មេត្តាជ្រាបថា ដើម្បីលើកកម្ពស់ ប្រសិទ្ធភាពសេវាសាធារណៈ និងទទួលមតិយោបល់ ព្រមទាំង សំណូមពររាល់បញ្ហាប្រឈម ឬការលំបាកនានា ក្នុងមូលដ្ឋាន

សូមបងប្អូនប្រជាពលរដ្ឋទាំងអស់ក្នុងមូលដ្ឋានសង្កាត់គោករកាអញ្ជើញចូលរួមក្នុងក្រុមតេឡេក្រាម ដែលមានឈ្មោះថា "ប្រជាជនសង្កាត់គោករកា" ឲ្យបានគ្រប់ៗគ្នា និងទាញបញ្ចូលនូវសមាជិកក្រុមគ្រួសារ បងប្អូន មិត្តភក្តិ ក្នុងមូលដ្ឋានជាមួយគ្នាឲ្យបានច្រើនកុះករនៅក្នុងក្រុមតេឡេក្រាមនេះ។

សូមប្រជាពលរដ្ឋទាំងអស់ចូលរួម (Join) ក្នុងក្រុមតេឡេក្រាមតាមរយៈ https://t.me/SangkatKorkRoka/3024 ឬក៏ QR code ដូចបានភ្ជាប់ជូនជាមួយនេះ។
សូមអរគុណ

15/08/2026

ថ្ងៃសៅរ៍ទី ១៥ ខែ សីហា ឆ្នាំ២០២៦ លោក សន ស៊ិន ចៅសង្កាត់គោករកា បន្តយកចិត្តទុកដាក់ថែទាំផ្លូវ ដោយបានដាក់គ្រឿងចក្រ ចុះអនុវត្តការងារស្តារប្រឡាយអបផ្លូវ ស្ថិតក្នុង ភូមិស្វាយចេក សង្កាត់គោករកា ខណ្ឌព្រែកព្នៅ រាជធានីភ្នំពេញ។

#គ្មានដក់ទឹកតាមដងផ្លូវអាចប្រើប្រាស់បានយូរអង្វែង។

15/08/2026

ថ្ងៃសៅរ៍ទី ១៥ ខែ សីហា ឆ្នាំ២០២៦
ប្រជាពលរដ្ឋចំនួន ៣គ្រួសារ នៅសហគមន៍អណ្តូង៦ សង្កាត់គោករកា ខណ្ឌព្រែកព្នៅ រាជធានីភ្នំពេញ បានសម្តែងនូវ អំណរគុណយ៉ាងជ្រាលជ្រៅ ជូនចំពោះ លោក សន ស៊ិន ចៅសង្កាត់គោករកា និង លោក អឿន សារ៉ាប់ នាយប៉ុស្តិ៍នគបាលរដ្ឋបាលគោករកា ដែលបានយកចិត្តទុកដាក់ និងជួយសម្របសម្រួលក្នុងការរៀបចំឯកសារដែលខ្វះខាតជូនពួកគាត់ដើម្បីទទួលបាន សៀវភៅស្នាក់នៅ (ក២) សម្រាប់ប្រើប្រាស់ក្នុងជីវភាពរស់នៅប្រចាំថ្ងៃ និងជាមូលដ្ឋានសម្រាប់ការទទួលបានសេវារដ្ឋបាលផ្សេងៗ។