អាជ្ញាធរអគ្គិសនីកម្ពុជា

02/09/2026

ចាប់ពីថ្ងៃទី៣១ ខែសីហា ដល់ថ្ងៃទី២ ខែកញ្ញា ឆ្នាំ២០២៦ មន្ត្រីអាជ្ញាធរអគ្គិសនីកម្ពុជា បានចុះពិនិត្យមធ្យោបាយធ្វើសេវាកម្ម និងការបំពេញកាតព្វកិច្ចតាមលក្ខខណ្ឌអាជ្ញាបណ្ណរបស់ក្រុមហ៊ុនបញ្ជូនអគ្គិសនីសម្រាប់គោលបំណងពិសេស ចំនួន២៖
១.ក្រុមហ៊ុន ខេមបូឌា ផៅវ័រ ទ្រែនមីសិន ឡាញ ធ្វើសេវាកម្មបញ្ជូនអគ្គិសនីសម្រាប់គោលបំណងពិសេស នៅខេត្តបន្ទាយមានជ័យ ខេត្តបាត់ដំបង និងខេត្តសៀមរាប
២.ក្រុមហ៊ុន ខេមបូឌាន ផៅវ័រ ហ្គ្រីត ធ្វើសេវាកម្មបញ្ជូនអគ្គិសនីសម្រាប់គោលបំណងពិសេស ​ពីខេត្ដបាត់ដំបង មករាជធានីភ្នំពេញ។

Telegram Channel: អាជ្ញាធរអគ្គិសនីកម្ពុជា
https://t.me/EACCambodia
គេហទំព័ររបស់អាជ្ញាធរអគ្គិសនីកម្ពុជា
https://www.eac.gov.kh/

29/08/2026

ការចុះពិនិត្យ និងពិគ្រោះយោបល់សាធារណៈលើការកែសម្រួលអាជ្ញាបណ្ណ

កាលពីថ្ងៃទី២៦​ ដល់ថ្ងៃទី២៨ ខែសីហា ឆ្នាំ២០២៦ មន្រ្តីអាជ្ញាធរអគ្គិសនីកម្ពុជា បានចុះពិគ្រោះយោបល់សាធារណៈលើការកែសម្រួលអាជ្ញាបណ្ណដូចខាងក្រោម៖
១.ការប្តូរនាមករណ៍អ្នកកាន់អាជ្ញាបណ្ណពីលោកស្រី​ សាន​ ឈីន​ ទៅជាក្រុមហ៊ុន​ អគ្គិសនី​ កងកេង​ ឯ.ក​ នៅសាលាសង្កាត់រាម ក្រុងកំពង់សោម​ ខេត្តព្រះសីហនុ​ ។
២.ការប្តូរនាមករណ៍អ្នកកាន់អាជ្ញាបណ្ណពីលោក កែ​ គុយហូយ ​ទៅជាក្រុមហ៊ុន​ ខេ​ អឹម​ អ៉ី​ ខមភេនី​ លីមីធីត​ នៅសាលាឃុំស្មោង​ ស្រុកទ្រាំង​ ខេត្តតាកែវ​ ។

សូមជម្រាបជូនសាធារណជនមេត្តាជ្រាបថា រយៈពេលនៃការពិគ្រោះយោបល់សាធារណៈ លើការកែសម្រួលអាជ្ញាបណ្ណខាងលើ នឹងផុតកំណត់នៅថ្ងៃទី១៥ ខែកញ្ញា ឆ្នាំ២០២៦ ។ អាស្រ័យហេតុនេះ សូមសាធារណជនមេត្តាជ្រាបជាព័ត៌មាន ៕

28/08/2026

#ខេត្តកំពង់ធំ កាលពីថ្ងៃទី២៤ ដល់ថ្ងៃទី២៧ ខែសីហា ឆ្នាំ២០២៦៖ ស្របតាមគោលការណ៍របស់អាជ្ញាធរអគ្គិសនីកម្ពុជា ក្នុងគោលបំណងលើកកម្ពស់ការធ្វើសេវាកម្មផ្គត់ផ្គង់អគ្គិសនីឱ្យកាន់តែមានប្រសិទ្ធភាព និងតម្លាភាព រវាងអ្នកផ្គត់ផ្គង់ និងអ្នកប្រើប្រាស់ មន្ត្រីអាជ្ញាធរអគ្គិសនីកម្ពុជា បានសហការជាមួយមន្ទីររ៉ែ និងថាមពលខេត្ត និងលោកមេឃុំចំនួន៤ឃុំ គឺ៖ នៅឃុំជ្រលង ឃុំស្រឡៅ ស្រុកតាំងគោក និងនៅឃុំព្នៅ ឃុំជ្រាប់ ស្រុកសន្ទុក ដោយមានការចូលរួមពីតំណាងអ្នកផ្គត់ផ្គង់អគ្គិសនី លោកមេឃុំ ក្រុមប្រឹក្សាឃុំ មេភូមិ អនុភូមិ និងតំណាងអ្នកប្រើប្រាស់ ។ កិច្ចប្រជុំផ្សព្វផ្សាយនេះផ្តោតទៅលើច្បាប់ បទប្បញ្ញត្តិស្តីពីលក្ខខណ្ឌទូទៅក្នុងការផ្គត់ផ្គង់អគ្គិសនី សេចក្តីសម្រេចនានារបស់អាជ្ញាធរអគ្គិសនីកម្ពុជា អត្ថប្រយោជន៍នៃការប្រើប្រាស់កម្មវិធី EAC App ការកំណត់រយៈពេល និងប្រាក់ថ្លៃភ្ជាប់ចរន្ត-ប្រាក់កក់ថ្មី នីតិវិធីនៃការអនុវត្តគោលនយោបាយផ្តល់អត្រាថ្លៃអនុគ្រោះផ្សេងៗ និងចុះត្រួតពិនិត្យការផ្តល់សេវាកម្មផ្គត់ផ្គង់អគ្គិសនី នៅក្នុងតំបន់ធ្វើសេវាកម្មអគ្គិសនីរបស់សហគ្រាសអគ្គិសនី ទ្រៀល ខូ អិលធីឌី និងសហគ្រាស ត្រឹងសាន ។

27/08/2026

សេចក្ដីជូនដំណឹងរបស់អគ្គិសនីកំពង់ស្ពឺ កាន់អាជ្ញាបណ្ណលេខ ០០១ អ ស្ដីពីការផ្អាកការផ្គត់ផ្គង់ចរន្តអគ្គិសនីជាបណ្ដោះអាសន្ន តាមពេលវេលា និងទីតាំងដូចមានបញ្ជាក់ជូនក្នុងលិខិតខាងក្រោម៖

សេចក្តីជូនដំណឹងស្តីពី ការអនុវត្តការងារជួសជុល ផ្លាស់ប្តូរដំឡើង បរិក្ខារនានា របស់អគ្គិសនីកំពង់ស្ពឺ នៅថ្ងៃទី៣០ ខែសីហា ឆ្នាំ ២០២៦ នៅតំបន់មួយចំនួនទៅតាមពេលវេលា និង ទីកន្លែងដូចសេចក្តីជូន ដំណឹងលម្អិតខាងក្រោម។ ទោះជាមានការខិតខំថែរក្សាមិនឱ្យមានការប៉ះពាល់ដល់ការផ្គត់ផ្គង់ អគ្គិសនីធំដុំ ប៉ុន្តែការផ្គត់ផ្គង់ចរន្តអគ្គិសនី នៅតំបន់ខាងលើអាចនឹងមាន ការរអាក់រអួលខ្លះៗជៀសមិនផុតដែលយើងខ្ញុំស្នើសុំអភ័យទោសទុកជាមុន។
ថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ព.ស ២៥៧០
កំពង់ស្ពឺ, ថ្ងៃទី ២៧ ខែ សីហា ឆ្នាំ២០២៦

27/08/2026

សេចក្ដីជូនដំណឹងរបស់ក្រុមហ៊ុន អគ្គិសនី អ៊ូ ចាន់រ័ត្ន ឯ.ក កាន់អាជ្ញាបណ្ណលេខ ២០១ អ ស្ដីពីការផ្អាកការផ្គត់ផ្គង់ចរន្តអគ្គិសនីជាបណ្ដោះអាសន្ន តាមពេលវេលា និងទីតាំងដូចមានបញ្ជាក់ជូនក្នុងលិខិតខាងក្រោម៖

សេចក្តីជូនដំណឹង
ក្រុមហ៊ុនអគ្គិសនីអ៊ូ ចាន់រ័ត្ន ឯ.ក មានកិត្តិយសសូមជម្រាបជូន ឯកឧតម្ត លោកជំទាវ
អ្នកឧកញ៉ា លោក-លោកស្រី ដែលជាអតិថិជនក្រុមហ៊ុនអគ្គិសនីអ៊ូ ចាន់រ័ត្ន មេត្តាជ្រាបថា៖
ដោយសារក្រុមការងារបច្ចេកទេសរបស់អគ្គិសនីបាត់ដំបង ចុះធ្វើការផ្លាស់ប្តូរបង្គោលអគ្គិសនីលើ បណ្តាញតង់ស្យង់មធ្យម (MV) ។ ដូច្នេះមានការដាច់ចរន្តអគ្គិសនីនៅឃុំតាម៉ឺន ឃុំជ្រោយស្តៅ និងនៅផ្នែកខ្លះនៃឃុំបន្សាយត្រែង ។
១. នៅថ្ងៃសៅរ៍ ទី ២៩ ខែ សីហា ឆ្នាំ២០២៦
ក- ក្នុងចន្លោះម៉ោង ០៨:០០នាទីព្រឹក ដល់ម៉ោង ១២:០០នាទីថ្ងៃត្រង់
សូមអរគុណ!

27/08/2026

នាព្រឹកថ្ងៃទី២៧ ខែសីហា ឆ្នាំ២០២៦ ត្រូវនឹងថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ក្រុមការងារអាជ្ញាធរអគ្គិសនីកម្ពុជា និងអគ្គិសនីកម្ពុជាបានជួបប្រជុំពិភាក្សាអំពីនីតិវិធី ដើម្បីពិនិត្យផ្ទៀងផ្ទាត់ និងវាយតម្លៃលើរបាយការណ៍នៃការខូចខាតហេដ្ឋារចនាសម្ព័ន្ធអគ្គិសនីរបស់អ្នកកាន់អាជ្ញាបណ្ណ និងការបង់ថ្លៃប្រើប្រាស់ថាមពលអគ្គិសនីនៅតាមទីតាំងជំរំជនភៀសសឹក ដែលបណ្ដាលមកពីសង្រ្គាមឈ្លានពានរបស់យោធាថៃ នៅទីស្នាក់ការអាជ្ញាធរអគ្គិសនីកម្ពុជា ។

Telegram Channel: អាជ្ញាធរអគ្គិសនីកម្ពុជា
https://t.me/EACCambodia
គេហទំព័ររបស់អាជ្ញាធរអគ្គិសនីកម្ពុជា
https://www.eac.gov.kh/

27/08/2026

សេចក្ដីជូនដំណឹងរបស់ក្រុមហ៊ុន លីម ម៉ូវ ខូ អិលធីឌី កាន់អាជ្ញាបណ្ណលេខ ០៩៩ អ ស្ដីពីការផ្អាកការផ្គត់ផ្គង់ចរន្តអគ្គិសនីជាបណ្ដោះអាសន្ន តាមពេលវេលា និងទីតាំងដូចមានបញ្ជាក់ជូនក្នុងលិខិតខាងក្រោម៖

សេចក្ដីជូនដំណឹង​ ស្ដីពី​ ការផ្អាកផ្គត់ផ្គង់អគ្គិសនី ជាបណ្ដោះអាសន្ន​ ទៅតាមពេលវេលា និងទីតាំង បញ្ជាក់ដូចខាងក្រោម

26/08/2026

ចាប់ពីថ្ងៃទី២៤ ដល់ថ្ងៃទី២៦ ខែសីហា ឆ្នាំ២០២៦ មន្ត្រីអាជ្ញាធរអគ្គិសនីកម្ពុជាបានចុះពិនិត្យមធ្យោបាយធ្វើសេវាកម្មផលិតអគ្គិសនីដើរដោយថាមពលពន្លឺព្រះអាទិត្យរបស់ក្រុមហ៊ុនចំនួន ២៖ ១) ក្រុមហ៊ុន អេនើហ្គ្រីន ឯ.ក ដែលមានទីតាំងធ្វើសេវាកម្មផលិតអគ្គិសនីនៅឃុំអន្លង់រុន ស្រុកថ្មគោល ខេត្តបាត់ដំបង និង២) ក្រុមហ៊ុន ស្នេថេក វ៉ាយប្រឹន ឯ.ក ដែលមានទីតាំងធ្វើសេវាកម្មផលិតអគ្គិសនីនៅភូមិកណ្តាល ឃុំស្វាយចេក ស្រុករំដួល ខេត្តស្វាយរៀង និងបានចុះពិគ្រោះយោបល់សាធារណៈជាមួយអាជ្ញាធរមូលដ្ឋានលើការកែសម្រួលលើកទី១ លើឯកសារអាជ្ញាបណ្ណផលិតកម្មរបស់ក្រុមហ៊ុនទាំង២។
Telegram Channel: អាជ្ញាធរអគ្គិសនីកម្ពុជា
https://t.me/EACCambodia
គេហទំព័ររបស់អាជ្ញាធរអគ្គិសនីកម្ពុជា
https://www.eac.gov.kh/

26/08/2026

26/08/2026

នៅព្រឹកថ្ងៃពុធ ១៣កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៦ ខែសីហា ឆ្នាំ២០២៦ ឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជា បានអញ្ជើញជាអធិបតីបើកសិក្ខាសាលាពិភាក្សាផ្លាស់ប្តូរយោបល់ និងបទពិសោធន៍ លើប្រធានបទស្តីពី បទប្បញ្ញត្តិ និងមូលដ្ឋានគ្រឹះនៃទីផ្សារឧស្ម័ន LNG និងការផលិតអគ្គិសនីដើរដោយឧស្ម័ននេះ ដែលប្រព្រឹត្តទៅចាប់ពីថ្ងៃទី ២៦-២៨ ខែសីហា ឆ្នាំ២០២៦ នៅសណ្ឋាគារ Raffles Hotel Le Royal Phnom Penh ដែលរៀបចំដោយសមាគមបញ្ញត្តិករជាតិសហរដ្ឋអាមេរិក National Association of Regulatory Utility Commissioners (NARUC) និងមានការចូលរួមពី តំណាងក្រសួងរ៉ែ និងថាមពល តំណាងអាជ្ញាធរអគ្គិសនីកម្ពុជា តំណាងអគ្គិសនីកម្ពុជា វាគ្មិនដែលជាអ្នកជំនាញមកពីសហរដ្ឋអាមេរិក តំណាងស្ថានទូតសហរដ្ឋអាមេរិកប្រចាំកម្ពុជា តំណាងក្រសួងពាណិជ្ជកម្មសហរដ្ឋអាមេរិកតាមរយៈកម្មវិធីអភិវឌ្ឍន៍ច្បាប់ពាណិជ្ជកម្ម (U.S. Department of Commerce, Commercial Law Development Program) និងតំណាងក្រសួងការបរទេសសហរដ្ឋអាមេរិក (តាមរយៈ Online) ។