មូលនិធិជនពិការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា

03/06/2026

ប៉ៃលិន៖ ដោយបានការអនុញ្ញាត និងយកចិត្តទុកដាក់ដ៏ខ្ពង់ខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ ឯកឧត្តម ខុម ផលលឿន ប្រតិភូរាជរដ្ឋាភិបាលទទួលបន្ទុកជានាយកមូលនិធិជនពិការ ដឹកនាំក្រុមការងារចុះពិនិត្យវឌ្ឍនភាពការងារក្នុងការផ្តល់សេវាជូនជនមានពិការភាពរបស់សាខាមូលនិធិជនពិការខេត្តប៉ៃលិន និងនាំយកអំណោយដ៏ថ្លៃថ្លារបស់ឯកឧត្តម ជា សុមេធី រដ្ឋមន្ត្រី និងលោកជំទាវ ជា ផល្គុន រួមមាន៖ ស្បៀងអាហារ គ្រឿងបរិភោគ ឧបភោគ កាបូបសិក្សា ខោអាវ រទេះរុញ និងថវិកាមួយចំនួនជូនសាខាមូលនិធិជនពិការខេត្ត ដើម្បីផ្តល់ជូនជនមានពិការភាពក្រីក្រ ឬជួបការលំបាកនានា ពិសេសអតីតយុទ្ធជន និងនិវត្តន៍ជន ជាជនមានពិការភាព។

ជាមួយគ្នានេះដែរ ឯកឧត្តម បានផ្តាំផ្ញើការសួរសុខទុក្ខនិងនឹករលឹករបស់ឯកឧត្តមរដ្ឋមន្ត្រីនិងលោកជំទាវ ដល់ថ្នាក់ដឹកនាំ និងមន្ត្រីរាជការទាំងអស់ នៃមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តប៉ៃលិន ព្រមទាំងបងប្អូនជនមានពិការគ្រប់ៗរូបទូទាំងខេត្ត។ លើសពីនេះមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្ត និងសាខាមូលនិធិជនពិការខេត្ត ត្រូវនឹងបន្តខិតខំបំពេញការងារផ្តល់សេវា និងតាមដានស្ថានភាពរបស់ជនមានពិការភាព ដើម្បីធានាថាពួកគាត់ទទួលបានសេវាសង្គមកិច្ចសមស្រប៕
……………………………………………
សូមចុច Link ខាងក្រោមដើម្បីទទួលបានព័ត៌មានបន្ថែមទៀត៖
page:
https://www.facebook.com/pwdf.pagelike
Telegram Channel:
https://t.me/pwdf_kh

03/06/2026

02/06/2026

(ត្បូងឃ្មុំ)៖ ដោយទទួលបានការចង្អុលបង្ហាញ និងយកចិត្តទុកដាក់ដ៏ពី លោក ជា សុមេធី រដ្ឋមន្ត្រីក្រសួងសង្គមកិច្ច អត...

02/06/2026

02/06/2026

វីដេអូផ្សព្វផ្សាយស្តីពីសេវានៅក្នុងមជ្ឈមណ្ឌលស្តារលទ្ធភាពពលកម្មកាយសម្បទាខេត្តព្រះសីហនុ។

សូមបងប្អូនជនមានពិការភាព សូមមេត្តាអញ្ជើញទៅមជ្ឈមណ្ឌលស្តារលទ្ធភាពពលកម្មកាយសម្បទាខេត្តព្រះសីហនុ ដែលមានទីតាំង និងលេខទំនាក់ទំនងដូចខាងក្រោម៖
📌ទីតាំង៖ ក្នុងមន្ទីរពេទ្យបង្អែកខេត្តព្រះសីហនុ ភូមិ៤ សង្កាត់៤ ក្រុងព្រះសីហនុ ខេត្តព្រះសីហនុ
https://maps.app.goo.gl/7uWj1af7CtKSzXKG9
☎️លេខទំនាក់ទំនង៖ ០១២ ៥១៤ ០៥៥/ ០៩៧ ៦៦ ០០ ៨១២

30/05/2026

ព្រៃវែង-ស្វាយរៀង៖ ដោយទទួលបានការអនុញ្ញាតដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២៦ ដល់ថ្ងៃទី៣០ ខែឧសភា ឆ្នាំ២០២៦ លោកស្រី ជា កានីន នាយិការងមូលនិធិជនពិការ បានដឹកនាំក្រុមការងារមូលនិធិជនពិការ ចុះប្រគល់ហិបប្រាក់វិភាគទានសប្បុរសធម៌ថ្មី ជូនសាខាម.ជ.ព.ខេត្តព្រៃវែង និងខេត្តស្វាយរៀង ព្រមទាំងធ្វើការពង្រឹងបន្ថែមលើនីតិវិធីនៃការគ្រប់គ្រងហិប ការបង្កើនទំនាក់ទំនងល្អជាមួយម្ចាស់ទីតាំង ធ្វើបច្ចុប្បន្នភាពហិបឆ្នាំ២០២៦ និងបានចុះពិនិត្យទីតាំងដាក់ហិបជាក់ស្ដែងមួយចំនួន។
……………………………………………
សូមចុច Link ខាងក្រោមដើម្បីទទួលបានព័ត៌មានបន្ថែមទៀត៖
page:
https://www.facebook.com/pwdf.pagelike
Telegram Channel:
https://t.me/pwdf_kh

28/05/2026

កំពង់ស្ពឺ៖ ដោយមានការយកចិត្តទុកដាក់ដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ក្រុមការងារផ្តល់សេវាជួសជុលចល័តតាមសហគមន៍របស់មជ្ឈមណ្ឌលស្ដារលទ្ធភាពពលកម្មកាយសម្បទាខេត្តកំពង់ស្ពឺ បានចុះផ្តល់សេវាពិនិត្យ និងជួសជុលឧបករណ៍អវយវៈសិប្បនិម្មិត រណប រទេះរុញ និងគ្រឿងជំនួយការជូនជនមានពិការភាពរស់នៅសង្កាត់ក្សេមក្សាន្ត សង្កាត់ត្រាចទង សង្កាត់ព្រះស្រែ និងសង្កាត់វាលពង់ ក្រុងឧដុង្គម៉ែជ័យ ខេត្តកំពង់ស្ពឺ។ កម្មវិធីចុះជួសជុលតាមសហគមន៍នេះមានការសហការគាំទ្រពីអង្គការ ICRC ។
……………………………………………
សូមចុច Link ខាងក្រោមដើម្បីទទួលបានព័ត៌មានបន្ថែមទៀត៖
page:
https://www.facebook.com/pwdf.pagelike
Telegram Channel:
https://t.me/pwdf_kh

26/05/2026

រាជធានីភ្នំពេញ៖ ថ្ងៃអង្គារ ១០កើត ខែជេស្ឋ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៦ ខែឧសភា ឆ្នាំ២០២៦ ដោយមានការចង្អុលបង្ហាញដ៏ខ្ពង់ខ្ពស់ពីឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងលោកជំទាវ ជា ផល្គុន ឯកឧត្តម ខុម ផលលឿន ប្រតិភូរាជរដ្ឋាភិបាលកម្ពុជាទទួលបន្ទុកជានាយកមូលនិធិជនពិការ ចាត់តាំងឱ្យសាខាមូលនិធិជនពិការខេត្តព្រៃវែង សម្របសម្រួលបញ្ជូនយុវតី ឈ្មោះ អ៊ន សំរ៉ស់ ដែលជាជនមានពិការជើងទាំងសងខាង មកបំពាក់ជើងអវយវៈសប្បនិម្មិតទំនើប នៅមជ្ឈមណ្ឌលស្តារលទ្ធភាពពលកម្មកាយសម្បទាភ្នំពេញ។ ជាមួយគ្នានេះ ឯកឧត្តម ខុម ផលលឿន បានផ្តាំផ្ញើការសាកសួរសុខទុក្ខពីសំណាក់ឯកឧត្តមរដ្ឋមន្ត្រី និងលោកជំទាវ និងពិនិត្យដោយផ្ទាល់លើដំណើរការបំពាក់ជើងអវយវៈសប្បនិម្មិតទំនើបនេះ។

ក្រុមការងារបច្ចេកទេសនៃមជ្ឈមណ្ឌលស្តារលទ្ធភាពពលកម្មកាយសម្បទាភ្នំពេញ នឹងបន្តបង្រៀនយុវតីអោយបានទទួលបានការបង្ហាត់ដើរជាមួយជើងអវយវៈសប្បនិម្មិតទំនើបនេះ និងបញ្ចប់ការបំពាក់ជើងនេះឱ្យត្រឹមត្រូវតាមស្តង់ដារបច្ចេកទេស៕