សំហេង បូរ៉ា - Samheng Bora

សំហេង បូរ៉ា - Samheng Bora H.E. Samheng Bora, Secretary of State, Ministry of Commerce, Royal Government of Cambodia.

For more information, please join on other official accounts:
- Facebook: https://www.facebook.com/samhengbora
- Telegram Channel: https://t.me/samhengbora
- Instagram: https://www.instagram.com/samhengbora
- TikTok: https://www.tiktok.com/

រសជាតិឆ្ងាញ់ល្អឯករបស់កម្ពុជា បានភ្ជាប់ទៅកាន់ទីផ្សារលក់រាយធំបំផុតរបស់សិង្ហបុរី…(សិង្ហបុរី)៖ នារសៀលថ្ងៃពុធ ទី៨ ខែមេសា ឆ្នា...
08/04/2026

រសជាតិឆ្ងាញ់ល្អឯករបស់កម្ពុជា បានភ្ជាប់ទៅកាន់ទីផ្សារលក់រាយធំបំផុតរបស់សិង្ហបុរី
…
(សិង្ហបុរី)៖ នារសៀលថ្ងៃពុធ ទី៨ ខែមេសា ឆ្នាំ២០២៦ នៅប្រទេសសិង្ហបុរី ឯកឧត្តម សំហេង បូរ៉ា រដ្ឋលេខាធិការ និងប្រធានក្រុមការងារជំរុញការនាំចេញ នៃក្រសួងពាណិជ្ជកម្ម បានដឹកនាំរៀបចំកម្មវិធីជំនួបផ្គូផ្គងអាជីវកម្ម (Business Matching) ដោយមានការគាំទ្រពី Singapore Food Agency (SFA)។

កម្មវិធីនេះបានផ្សារភ្ជាប់តំណាងសហព័ន្ធស្វាយចន្ទីកម្ពុជា, តំណាងសហព័ន្ធស្រូវអង្ករកម្ពុជា និងក្រុមហ៊ុនកម្ពុជាចំនួន ៥ រួមមាន៖ Ample Agro Products, One More Company, Misota Group, Khmer Foods Group, និង City Rice Import Export Co., Ltd, ជាមួយក្រុមហ៊ុនលក់រាយធំៗរបស់សិង្ហបុរីចំនួនពីររួមមាន FairPrice Group ដែលមានប្រមាណ ៣៧០ សាខា និង ក្រុមហ៊ុន Cold Storage ដែលមានចំនួន ៨៩ សាខានៅទូទាំងប្រទេសសឹង្ហបុរី ។

នៅក្នុងកិច្ចជំនួបនេះ ភាគីកម្ពុជា និងសិង្ហបុរី បានចែករំលែកទស្សនៈ និងពិភាក្សាយ៉ាងជ្រាលជ្រៅអំពីលក្ខខណ្ឌ ស្តង់ដារ និងតម្រូវការសំខាន់ៗសម្រាប់ការនាំចេញផលិតផលកម្ពុជា ទៅទីផ្សារសិង្ហបុរី ដើម្បីជំរុញសមិទ្ធផលបន្ថែមក្នុងការជំរុញការនាំចេញផលិតផលកម្ពុជា ចូលមកកាន់ទីផ្សារសិង្ហបុរី។

កម្មវិធីនេះក៏បានក្លាយជាវេទិកាដ៏សំខាន់មួយសម្រាប់ការលើកកម្ពស់ផលិតផលនិងបង្ហាញសមត្ថភាពកម្ពុជា លើទីផ្សារអន្តរជាតិ ដោយមានគោលបំណងបង្កើនតម្លៃ ផលិតផល និងបង្កើនឱកាសសហប្រតិបត្តិការ និងការនាំចេញបន្ថែម។ យើងរំពឹងថា កម្មវិធីជំនួបផ្គូផ្គងអាជីវកម្មនេះនឹងនាំឱ្យមានកិច្ចព្រមព្រៀងជាក់លាក់ និងការពង្រីកទីផ្សារសម្រាប់ផលិតផលកម្ពុជាទៅកាន់ទីផ្សារសិង្ហបុរី និងទីផ្សារអន្តរជាតិផ្សេងៗ។
—-
Cambodia’s Finest Flavors Meet Singapore’s Biggest Shelves
…
(Singapore): On the afternoon of 8 April 2026, in Singapore, His Excellency SAMHENG Bora, Secretary of State and Chairman of the Export Promotion Task Force of the Ministry of Commerce, with the support of the Singapore Food Agency (SFA).

The event brought together representatives from Cambodia Cashew Federation and Cambodia Rice Federation and five food manufacturing including Ample Agro Products, One More Company, Misota Group, Khmer Foods Group, City Rice Import Export Co., Ltd, with major Singaporean retailers, FairPrice Group (around 370 outlets nationwide) and Cold Storage (89 outlets, including Giant).

During the event, both sides shared insights and engaged in in-depth discussions on the criteria, standards, and requirements for exporting Cambodian products to Singapore. Cambodian companies received valuable feedback to ensure their products meet international standards, improve quality, and strengthen competitiveness in the region.

The event also served as a key platform to promote and showcase Cambodian products internationally, aiming to increase product value, expand collaboration opportunities, and create sustainable export pathways. This impactful Business Matching is expected to lead to concrete partnership agreements and significantly expand Cambodian exports to Singapore and other international markets.

#ក្រសួងពាណិជ្ជកម្ម

04/04/2026

(ភ្នំពេញ)៖ នារសៀលថ្ងៃសុក្រ ទី៣ ខែមេសា ឆ្នាំ២០២៦ នៅសាលប្រជុំសហភាពសហព័ន្ធយុវជនកម្ពុជារាជធានីភ្នំពេញ ឯកឧត្តម សំហេង បូរ៉ា ប្រធានក្រុមការងារកម្មវិធីសួនមុនីហទ័យ និងពិព័រណ៍នគរសង្ក្រាន្ត និងជាប្រធានអង្គប្រជុំ បានដឹកនាំកិច្ចប្រជុំដើម្បីត្រួតពិនិត្យវឌ្ឍនភាពការងារត្រៀមរៀបចំកម្មវិធីសួនមុនីហទ័យ និងពិព័រណ៍នគរសង្ក្រាន្ត និងកិច្ចប្រជុំជាមួយក្រុមការងារពាក់ព័ន្ធនៃព្រឹត្តិការណ៍នគរសង្ក្រាន្ត។

សួនមុនីហទ័យ និងពិព័រណ៍នគរសង្ក្រាន្ត នឹងពាំនាំមកជូនលោកអ្នកនូវកម្មវិធីអមជាច្រើនផ្សេងៗទៀត ដែលទាក់ទងទៅនឹង ម្ហូបអាហារ ការកម្សាន្ត ការតុបតែង និងសិល្បៈសម្តែងរបស់ខ្មែរជាច្រើនផងដែរ។ ជួបគ្នាឆាប់ៗនេះ!!

📆 រយៈពេល៦ថ្ងៃ ចាប់ពីថ្ងៃទី១៤-១៩ ខែមេសា ឆ្នាំ២០២៦
📍 ទីតាំងស្ថិតនៅ៖ បរិវេណ សួនសងខាង ស្ពាននាគ រាជធានីភ្នំពេញ (វត្តភ្នំ)
☎️ ទំនាក់ទំនងព័ត៌មានសម្រាប់ការជួលស្តង់ 095 323 967 | 097 609 0650

ព្រឹត្តិការណ៍នគរសង្រ្កាន្ត Nokor Sankranta
ព្រឹត្តិការណ៍អង្គរសង្ក្រាន្ត Angkor Sankranta

#នគរសង្ក្រាន្ត #សួនមុនីហទ័យ #ពិព័រណ៍នគរសង្ក្រាន្ត

(ភ្នំពេញ)៖ នារសៀលថ្ងៃពុធ ទី១៨ ខែមីនា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម សំហេង បូរ៉ា រដ្ឋលេខាធិការក្រសួងពាណិជ...
23/03/2026

(ភ្នំពេញ)៖ នារសៀលថ្ងៃពុធ ទី១៨ ខែមីនា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម បានទទួលជួបសម្តែងការគួរសមជាមួយគណៈប្រតិភូសភាពាណិជ្ជកម្មម៉ាឡេស៊ីនៅកម្ពុជា (MBCC) ដឹកនាំដោយ អ្នកឧកញ៉ា Tan Khee Meng ប្រធានសភាពាណិជ្ជកម្មម៉ាឡេស៊ីនៅកម្ពុជា និង លោក Chia Seong Pow តំណាងក្រុមហ៊ុន QL Resources Berhad ដើម្បីពិភាក្សាការងារលើកិច្ចសហប្រតិបត្តិការជំរុញវិស័យកសិ-ឧស្សាហកម្ម និងការពង្រីកទីផ្សារនាំចេញផលិតផលកម្ពុជាទៅកាន់ទីផ្សារតំបន់។

ជំនួបនេះ ក៏មានការអញ្ជើញចូលរួមពី ឯកឧត្តម លោកជំទាវ អនុរដ្ឋលេខាធិការ តំណាងអគ្គនាយកដ្ឋានពាក់ព័ន្ធ និងមន្ត្រីជំនាញនៃក្រសួងពាណិជ្ជកម្មផងដែរ។

ក្នុងឱកាសនោះ តំណាងក្រុមហ៊ុន QL Resources Berhad បានលើកឡើងពីចំណាប់អារម្មណ៍ក្នុងការបង្កើតក្រុមហ៊ុនពាណិជ្ជកម្មនៅកម្ពុជា ដើម្បីប្រមូលទិញ និងនាំចេញពោតក្រៀមពីកម្ពុជាទៅកាន់ទីផ្សារម៉ាឡេស៊ី ព្រមទាំងបង្ហាញពីគោលបំណងក្នុងការវិនិយោគលើកសិដ្ឋានចិញ្ចឹមបសុបក្សីសមាហរណកម្មបែបទំនើប (Integrated Poultry Farming) ដែលនឹងប្រើប្រាស់បច្ចេកវិទ្យាខ្ពស់ស្របតាមស្តង់ដារឧស្សាហកម្ម ដើម្បីពង្រឹងសមត្ថភាពផលិត។

ជាការឆ្លើយតប ឯកឧត្តមរដ្ឋលេខាធិការ បានបង្ហាញពីការគាំទ្រ និងត្រៀមលក្ខណៈជួយសម្របសម្រួល ជូនក្រុមហ៊ុនចំពោះគម្រោងវិនិយោគ និងការបង្កើតក្រុមហ៊ុនពាណិជ្ជកម្មខាងលើ ព្រមទាំងបានជំរុញការផ្សព្វផ្សាយ និងលើកទឹកចិត្តឱ្យភាគីក្រុមហ៊ុនពិនិត្យលទ្ធភាពក្នុងការនាំយកផលិតផលសក្តានុពលរបស់កម្ពុជា ជាពិសេសការជំរុញនាំចេញគ្រាប់ស្វាយចន្ទី ដើម្បីដាក់លក់ក្នុងបណ្តាញទីផ្សារប្រទេសម៉ាឡេស៊ី៕
---
(Phnom Penh): On the afternoon of Wednesday, March 18, 2026, at the Ministry of Commerce, His Excellency SAMHENG Bora, Secretary of State of the Ministry of Commerce, received a courtesy call from a delegation of the Malaysian Business Chamber in Cambodia (MBCC). The delegation was led by Oknha Tan Khee Meng, President of MBCC, and included Mr. Chia Seong Pow, representative of QL Resources Berhad.

The meeting was also attended by Excellencies Under Secretaries of State, representatives from relevant Directorates-General, and technical officials from the Ministry of Commerce.

During the discussion, the representative of QL Resources Berhad expressed strong interest in establishing a trading company in Cambodia to procure and export dried corn to the Malaysian market, and outlined its objective to invest in Modern Integrated Poultry Farming, utilizing high-tech industrial standards to strengthen production capacity.

In response, His Excellency Secretary of State expressed full support and the Ministry's readiness to facilitate the company’s trade and investment projects and the establishment of the trading company, and encouraged and promoted further exploration of Cambodia’s potential products, particularly the export of cashew nuts for distribution in Malaysia’s market.

#ក្រសួងពាណិជ្ជកម្ម

(ភ្នំពេញ)៖ នារសៀលថ្ងៃអង្គារ ទី១៧ ខែមីនា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម សំហេង បូរ៉ា រដ្ឋលេខាធិការក្រសួងពា...
20/03/2026

(ភ្នំពេញ)៖ នារសៀលថ្ងៃអង្គារ ទី១៧ ខែមីនា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម បានអញ្ជើញដឹកនាំកិច្ចប្រជុំត្រៀមចូលរួមរៀបចំព្រឹត្តិការណ៍អបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងប្រព្រឹត្តទៅចាប់ពីថ្ងៃទី១៤-១៩ ខែមេសា ឆ្នាំ២០២៦ នៅរាជធានីភ្នំពេញ ដែលកិច្ចប្រជុំនេះមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញនៃក្រសួងពាណិជ្ជកម្ម ព្រមទាំងលោក លោកស្រីដែលជាក្រុមការងាររៀបចំព្រឹត្តិការណ៍ផងដែរ។

នាឱកាសនោះ ឯកឧត្តមរដ្ឋលេខាធិការ បានមានប្រសាសន៍ថា ក្រសួងពាណិជ្ជកម្មនឹងផ្តល់កិច្ចសហការគាំទ្រសហភាពសហព័ន្ធយុវជនកម្ពុជា (ស.ស.យ.ក) ក្នុងការរៀបព្រឹត្តិការណ៍នេះ តាមរយៈការចូលរួមរៀបចំពិព័រណ៍ពាណិជ្ជកម្មអមព្រឹត្តិការណ៍ខាងលើ ព្រមទាំងចូលរួមរៀបចំស្តង់តាំងបង្ហាញ និងផ្សព្វផ្សាយពី “យុទ្ធនាការផលិតផលជាតិ ” និង “យុទ្ធនាការផលិតផលស្រ្តី ” ផងដែរ។

សូមជម្រាបថា នៅក្នុងកិច្ចប្រជុំខាងលើ ក៏មានការធ្វើបទបង្ហាញពីគម្រោងនៃការរៀបចំព្រឹត្តិការណ៍អបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ពីក្រុមការងារទទួលបន្ទុក ដោយបានរំលេចអំពីទីតាំងនៃការរៀបចំកម្មវិធី គោលបំណងនៃកម្មវិធី ជាពិសេសកម្មវិធីផ្សេងៗនៃព្រឹត្តិការណ៍ខាងលើ៕

#ក្រសួងពាណិជ្ជកម្ម

(ភ្នំពេញ)៖ នាព្រឹកថ្ងៃសុក្រ ទី១៣ ខែមីនា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម សំហេង បូរ៉ា រដ្ឋលេខាធិការក្រសួងពា...
20/03/2026

(ភ្នំពេញ)៖ នាព្រឹកថ្ងៃសុក្រ ទី១៣ ខែមីនា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារជំរុញការនាំចេញ (EPTF) បានទទួលជួបពិភាក្សាការងារជាមួយ លោក SHINICHIRO ISHIKAWA ប្រធានក្រុមហ៊ុន Yamato Printing Group ដែលសម្របសម្រួលដោយក្រុមហ៊ុន Confirel Co., Ltd និងមានការអញ្ជើញចូលរួមពី ថ្នាក់ដឹកនាំ និងមន្ត្រីជំនាញនៃក្រសួងពាណិជ្ជកម្ម ព្រមទាំងលោក សាកេត សុភសីលា តំណាងនៃក្រុមហ៊ុន Confirel ផងដែរ។

ជំនួបនេះ ត្រូវបានរៀបចំឡើងក្នុងគោលបំណងដើម្បីពង្រឹងកិច្ចសហប្រតិបត្តិការសេដ្ឋកិច្ច និងស្វែងរកកាលានុវត្តភាពវិនិយោគថ្មីៗ ដើម្បីតភ្ជាប់បណ្តាញអាជីវកម្ម និងពង្រីកទីផ្សារផលិតផលកម្ពុជាទៅកាន់ប្រទេសជប៉ុន ដោយបានពិភាក្សាលើការជំរុញផលិតផលសម្គាល់ភូមិសាស្ត្រ (GI) និងកសិ-ឧស្សាហកម្ម តាមរយៈការពង្រឹងខ្សែច្រវាក់តម្លៃ និងការបង្កើនតម្លៃបន្ថែមលើផលិតផលម្រេចកំពត និងស្ករត្នោតកំពង់ស្ពឺ សំដៅឆ្លើយតបទៅនឹងតម្រូវការទីផ្សារជប៉ុន និងអន្តរជាតិ។

ទន្ទឹមនឹងនេះ ក៏មានការពិភាក្សាអំពីគំរូជោគជ័យនៃកិច្ចសហការរវាងក្រុមហ៊ុនអន្តរជាតិជាមួយក្រុមហ៊ុនក្នុងស្រុកដូចជា Confirel ក្នុងការនាំយកផលិតផលខ្មែរទៅកាន់ឆាកអន្តរជាតិ ក្នុងគោលដៅលើកកម្ពស់គុណភាពផលិតកម្ម និងស្តង់ដារផលិតផលខ្មែរឱ្យកាន់តែមានឧត្តមភាពប្រកួតប្រជែងខ្ពស់៕
---
(Phnom Penh): On the morning of Friday, 13 March 2026, at the Ministry of Commerce, His Excellency SAMHENG BORA, Secretary of State of the Ministry of Commerce and the Chairman of the Export Promotion Task Force (EPTF), received a courtesy meeting from Mr. SHINICHIRO ISHIKAWA, President of Yamato Printing Group. The session, facilitated by Confirel Co., Ltd, was attended by senior leadership and technical experts from the Ministry of Commerce, alongside Mr. SAKETT Sophaseila, representing Confirel.

The discussions focused on deepening economic ties and identifying strategic investment opportunities to strengthen B2B linkages between Cambodia and Japan by expanding the reach of premium Cambodian products in the Japanese market, specifically targeting Geographical Indication (GI) and agro-industrial goods, as well as exploring mechanisms to enhance value chains and increase value-added production for Kampot Pepper and Kampong Speu Palm Sugar, ensuring these products meet the rigorous quality standards of Japanese and international markets.

The discussions also highlighted successful collaboration models between international firms and local enterprises, such as Confirel, in scaling Cambodian products for the global stage. This partnership approach aims to elevate production quality and align local standards with international requirements, ensuring that 'Made in Cambodia' products maintain a high level of global competitiveness.

#ក្រសួងពាណិជ្ជកម្ម

កម្ពុជា នឹងនាំចេញគ្រាប់ស្វាយចន្ទីសំបក (ប្រភេទ M23) ដែលមានតម្លៃប្រមាណ ៣៥ លានដុល្លារអាមេរិក ក្នុងដំណាក់កាលដំបូង ហើយមានផែនក...
11/03/2026

កម្ពុជា នឹងនាំចេញគ្រាប់ស្វាយចន្ទីសំបក (ប្រភេទ M23) ដែលមានតម្លៃប្រមាណ ៣៥ លានដុល្លារអាមេរិក ក្នុងដំណាក់កាលដំបូង ហើយមានផែនការពង្រីកការនាំចេញឱ្យឈានដល់ប្រមាណ ៤០០ លានដុល្លារអាមេរិក នៅពេលអនាគត
…
(ភ្នំពេញ)៖ នាព្រឹកថ្ងៃពុធ ទី១១ ខែមីនា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាប្រធានក្រុមការងារជំរុញការនាំចេញ (EPTF) បានអនុញ្ញាតជូន លោក Jiang Xiaofei នាយកនៃគណៈកម្មាធិការការងារពង្រីកសហគ្រាសនៅក្រៅប្រទេស នៃវិទ្យាស្ថានចិនសម្រាប់យុទ្ធសាស្រ្តនវានុវត្តន៍ និងអភិវឌ្ឍន៍ (China Institute for Innovation and Development Strategy - CIIDS) ដឹកនាំគណៈប្រតិភូក្រុមហ៊ុន China Bonded Port Group Co., Ltd. និងតំណាងក្រុមហ៊ុន Men Sarun MDR Co., Ltd. ចូលជួបសម្តែងការគួរសម និងពិភាក្សាការងារ។ ជំនួបនេះ ក៏មានការអញ្ជើញចូលរួមពី លោកជំទាវអនុរដ្ឋលេខាធិការ ឯកឧត្តមអគ្គនាយកជំរុញពាណិជ្ជកម្ម និងមន្ត្រីជំនាញក្រសួងពាណិជ្ជកម្មផងដែរ។

ជំនួបនេះត្រូវបានរៀបចំឡើងក្នុងគោលបំណងពង្រឹង និងពង្រីកកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគទ្វេភាគីកម្ពុជា-ចិន ព្រមទាំងស្វែងយល់ពីសក្តានុពលក្នុងការជំរុញការនាំចេញកសិផលកម្ពុជា។ ឯកឧត្តមរដ្ឋលេខាធិការ បានស្វាគមន៍យ៉ាងកក់ក្តៅ និងបានផ្លាស់ប្តូរយោបល់យ៉ាងផុសផុលលើការគាំទ្រដល់ការធ្វើឱ្យប្រសើរឡើងនូវវិស័យកសិ-ឧស្សាហកម្ម និងខ្សែចង្វាក់តម្លៃ ដែលជាចលករជំរុញដល់ការអភិវឌ្ឍសេដ្ឋកិច្ចកម្ពុជាប្រកបដោយចីរភាព។

ក្នុងឱកាសដ៏មានសារៈសំខាន់នេះ ឯកឧត្តមរដ្ឋលេខាធិការ ក៏បានអញ្ជើញជាសាក្សី ក្នុងពិធីចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពី "កិច្ចសន្យាផ្គត់ផ្គង់គ្រាប់ស្វាយចន្ទីកម្ពុជា" រវាងក្រុមហ៊ុន China Bonded Port Group Co., Ltd. និងក្រុមហ៊ុន Men Sarun MDR Co., Ltd.។ តាមរយៈកិច្ចព្រមព្រៀងនេះ កម្ពុជានឹងចាប់ផ្តើមនាំចេញគ្រាប់ស្វាយចន្ទីទាំងសំបក (ប្រភេទ M23) ក្នុងជំហានដំបូងដែលមានទំហំទឹកប្រាក់ប្រមាណ ៣៥លានដុល្លារសហរដ្ឋអាម៉េរិក ដោយភាគីទាំងពីរមានចក្ខុវិស័យយុទ្ធសាស្ត្រក្នុងការជំរុញទំហំនាំចេញបន្ថែមទៀត ដែលរំពឹងថានឹងអាចកើនឡើងដល់សក្តានុពលទឹកប្រាក់ប្រមាណ ៤០០លានដុល្លារសហរដ្ឋអាម៉េរិក នាពេលអនាគត។

គួរបញ្ជាក់ផងដែរថា សមិទ្ធផលនេះ គឺជាលទ្ធផលនៃកិច្ចខិតខំប្រឹងប្រែងសម្របសម្រួល និងផ្គូរផ្គងយ៉ាងសកម្មរបស់ ក្រុមការងារជំរុញការនាំចេញ (EPTF) នៃក្រសួងពាណិជ្ជកម្ម ដែលតែងតែដើរតួនាទីជាតួអង្គស្នូលក្នុងការផ្សារភ្ជាប់ទំនាក់ទំនងរវាងអ្នកនាំចេញកម្ពុជា ជាមួយអ្នកបញ្ជាទិញសក្តានុពលអន្តរជាតិ។ ទន្ទឹមនឹងនេះ កិច្ចសហប្រតិបត្តិការដ៏រឹងមាំរវាងក្រុមហ៊ុនទាំងពីរ មិនត្រឹមតែធានាបាននូវកំណើននៃការនាំចេញស្វាយចន្ទីទៅកាន់ទីផ្សារប្រទេសចិនជាបន្តបន្ទាប់ប៉ុណ្ណោះទេ ប៉ុន្តែថែមទាំងជាសញ្ញាវិជ្ជមានដ៏ធំក្នុងការទាក់ទាញវិនិយោគិនចិន ឱ្យមកបណ្តាក់ទុននៅកម្ពុជា ដើម្បីពង្រីកវិសាលភាពនៃការនាំចេញកសិផលជាតិចូលទៅកាន់ទីផ្សារអន្តរជាតិឱ្យកាន់តែទូលំទូលាយបន្ថែមទៀត។
---
Cambodia will export in-shell cashew nuts (M23 type) worth approximately USD 35 million initially, with plans to expand exports to USD 400 million in the future
…
(Phnom Penh): On the morning of Wednesday, 11 March 2026, at the Ministry of Commerce, His Excellency SAMHENG Bora, Secretary of State and Chairman of the Export Promotion Task Force (EPTF), received a business delegation led by Mr. Jiang Xiaofei, Director of the Overseas Enterprise Expansion Working Committee of the China Institute for Innovation and Development Strategy (CIIDS). The delegation included representatives from China Bonded Port Group Co., Ltd. and Men Sarun MDR Co., Ltd. The meeting was also attended by the Undersecretary of State, the Director General of Trade Promotion, and technical officers of the Ministry.

The meeting aimed to strengthen and expand bilateral economic, trade, and investment cooperation between Cambodia and China, while exploring potential avenues to boost Cambodian agricultural exports. His Excellency Secretary of State extended a warm welcome and engaged in fruitful discussions focused on enhancing the agro-industry sector and its value chains, which serve as key drivers of Cambodia’s sustainable economic development.

Taking this important opportunity, His Excellency the Secretary of State witnessed the signing ceremony of a Memorandum of Understanding (MoU) on the “Supply Contract of Cambodian Cashew Nuts” between China Bonded Port Group Co., Ltd. and Men Sarun MDR Co., Ltd.

Under this agreement, Cambodia will export in-shell cashew nuts (M23 type) worth approximately USD 35 million initially, with plans to expand exports to USD 400 million in the future.

This remarkable milestone is the direct result of the active coordination and dedicated business-matching efforts of the Ministry’s Export Promotion Task Force (EPTF), which consistently serves as a key catalyst in connecting Cambodian exporters with potential international buyers. The robust cooperation between the two companies not only ensures the continued growth of cashew exports to the Chinese market but also sends a strong positive signal to attract more Chinese investors to Cambodia, ultimately paving the way for broader expansion of national agricultural exports into the global market.

#ក្រសួងពាណិជ្ជកម្ម

(កំពង់ធំ) ៖ នារសៀលថ្ងៃទី២ ខែមីនា ឆ្នាំ២០២៦ នៅខេត្តកំពង់ធំ ឯកឧត្តម សំហេង បូរ៉ា រដ្ឋលេខាធិការ និងជាប្រធានក្រុមការងារជំរុញក...
06/03/2026

(កំពង់ធំ) ៖ នារសៀលថ្ងៃទី២ ខែមីនា ឆ្នាំ២០២៦ នៅខេត្តកំពង់ធំ ឯកឧត្តម សំហេង បូរ៉ា រដ្ឋលេខាធិការ និងជាប្រធានក្រុមការងារជំរុញការនាំចេញ នៃក្រសួងពាណិជ្ជកម្ម បានដឹកនាំគណៈប្រតិភូក្រុមហ៊ុន Valency International Group ដែលដឹកនាំដោយ លោក Ranajay Choudhuri ប្រធានអាជីវកម្ម CKN Business Global និង លោក Prashant Maheshwari សមាជិកក្រុមការងារ RCN/CKN ប្រចាំប្រទេសវៀតណាម អញ្ជើញធ្វើទស្សនកិច្ចការងារនៅក្រុមហ៊ុន MIRARTH ក្នុងគោលបំណងស្វែងរកឱកាសធ្វើសហប្រតិបត្តិការសក្តានុពលរវាងក្រុមហ៊ុនទាំងពីរ។

ក្នុងឱកាសនោះ គណៈប្រតិភូទាំងអស់បានធ្វើការសិក្សាស្វែងយល់អំពីដំណើរការផលិត ការគ្រប់គ្រងគុណភាព និងខ្សែច្រវាក់ផលិតកម្មរបស់ក្រុមហ៊ុន MIRARTH ព្រមទាំងស្វែងយល់អំពីសក្តានុពលនៃការកែច្នៃស្វាយចន្ទីនៅកម្ពុជា ផងដែរ។

ជាមួយគ្នានេះ ឯកឧត្តមរដ្ឋលេខាធិការ បានបន្តដឹកនាំគណៈប្រតិភូទាំងអស់ទស្សនាទីតាំងដី ដែលគ្រោងនឹងអភិវឌ្ឍជាគម្រោង តំបន់ឧស្សាហកម្មស្វាយចន្ទី (Cashew Industrial Park) ដើម្បីស្វែងយល់អំពីសក្តានុពល និងលទ្ធភាពនៃកិច្ចសហប្រតិបត្តិការនាពេលខាងមុខ ផងដែរ។

សូមជម្រាបជូនថា នារសៀលថ្ងៃបន្ទាប់ ឯកឧត្តមរដ្ឋលេខាធិការ ក៏បានបន្តដឹកនាំកិច្ចប្រជុំមួយទៀតរវាងក្រុមហ៊ុន Valency International Group និង ក្រុមហ៊ុន Ample Agro Product និង Handcrafted Cashew Stung Treng ដែលជាក្រុមហ៊ុនស្វាយចន្ទីដ៏មានសក្តានុពលនៅកម្ពុជា ដើម្បីសិក្សាអំពីលទ្ធភាពក្នុងធ្វើអាជីវកម្មជាមួយគ្នា និងស្វែងរកឱកាសសហប្រតិបត្តិការនាពេលអនាគត ផងដែរ៕

#ក្រសួងពាណិជ្ជកម្ម

ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម អញ្ជើញជាអធិបតីក្នុងពិធីសម្ពោធ «ពិព័រណ៍ផលិតផលខ្មែរ និងបន្លែផ្លែឈើ លើកទ...
27/02/2026

ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម អញ្ជើញជាអធិបតីក្នុងពិធីសម្ពោធ «ពិព័រណ៍ផលិតផលខ្មែរ និងបន្លែផ្លែឈើ លើកទី១៩» ឆ្នាំ២០២៦ ក្រោមមូលបទ «ជំរុញ និងគាំទ្រផលិតផលជាតិ» នៅខេត្តសៀមរាប..
(សៀមរាប)៖ នារសៀលថ្ងៃព្រហស្បតិ៍ ទី២៦ ខែកុម្ភៈ ឆ្នាំ២០២៦ នៅបរិវេណសួនហាត់ប្រាណមាត់ស្ទឹងសៀមរាប ខេត្តសៀមរាប ឯកឧត្តម សំហេង បូរ៉ា រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់របស់ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានអញ្ជើញជាអធិបតីក្នុងពិធីសម្ពោធ «ពិព័រណ៍ផលិតផលខ្មែរ និងបន្លែផ្លែឈើ លើកទី១៩» ឆ្នាំ២០២៦ ក្រោមមូលបទ «ជំរុញ និងគាំទ្រផលិតផលជាតិ» ដែលរៀបចំឡើងដោយក្រសួងពាណិជ្ជកម្ម និងមានការចូលរួមគាំទ្រពីរដ្ឋបាលខេត្តសៀមរាប និងស្ថាប័នពាក់ព័ន្ធជុំវិញខេត្ត និងមានការអញ្ជើញចូលរួមពី ឯកឧត្តម លោកជំទាវ ជាថ្នាក់ដឹកនាំក្រសួងពាណិជ្ជកម្ម ថ្នាក់ដឹកនាំខេត្តសៀមរាប ឯកឧត្តម លោកជំទាវ លោក លោកស្រីប្រធានមន្ទីរពាណិជ្ជកម្ម តំណាងមន្ទីរ-អង្គភាពជុំវិញខេត្ត បងប្អូនអាជីវករ ផលិតករ តំណាងក្រុមហ៊ុន សហគ្រាស សមាគម និងសិស្សនិស្សិត ជាច្រើនរូប។

ជាកិច្ចចាប់ផ្តើម ឯកឧត្តមរដ្ឋលេខាធិការ បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ថ្នាក់ដឹកនាំ និងមន្ត្រីគ្រប់លំដាប់ថ្នាក់នៃអគ្គនាយកដ្ឋានជំរុញពាណិជ្ជកម្ម និងក្រុមការងារពាក់ព័ន្ធទាំងអស់ក្នុងការចូលរួមរៀបចំព្រឹត្តិការណ៍ពិព័រណ៍ដ៏មានសារៈសំខាន់នេះឡើងបានយ៉ាងល្អប្រសើរ ប្រកបដោយភាពច្នៃប្រឌិត ភាពចម្រុះ និងសម្បូរបែប ក្នុងគោលបំណងជំរុញ លើកកម្ពស់ គាំទ្រ ប្រើប្រាស់ និងបង្ហាញផលិតផលនិងសេវាកម្មសក្តានុពលរបស់កម្ពុជា ព្រមទាំងបង្កើតឱកាសក្នុងការផ្គូរផ្គងរវាងធុរជនក្នុងប្រទេស និងផ្សព្វផ្សាយពីកាលានុវត្តភាពពាណិជ្ជកម្មនៅកម្ពុជា។

ឯកឧត្តមរដ្ឋលេខាធិការ បន្តថា ការរៀបចំព្រឹត្តិការណ៍ពិព័រណ៍នេះ គឺពិតជាមានសារៈសំខាន់ណាស់ក្នុងការចូលរួមលើកកម្ពស់ផលិតជាតិ ឱ្យមានការប្រើប្រាស់កាន់តែច្រើនឡើង ព្រមទាំងបង្កើនការទាក់ទាញភ្ញៀវទេសចរជាតិ និងអន្តរជាតិឱ្យបានស្គាល់កាន់តែច្បាស់ពីផលិតផលខ្មែរ ព្រមទាំងបានផ្តល់ជាវេទិកាសម្រាប់អាជីវករ ពាណិជ្ជករ ប្រតិបត្តិករ សេវាករ អ្នកនាំចេញ-នាំចូល អ្នកដាំដុះបន្លែផ្លែឈើ ម្ចាស់កសិដ្ឋានទាំងអស់ អាចដាក់តាំងបង្ហាញ ផ្សព្វផ្សាយ និងលក់នូវផលិតផលខ្មែរ ផលិតដោយកូនខ្មែរ ប្រកបដោយគុណភាព សោភ័ណភាព និងអនាម័យ ទៅកាន់សាធារណជន ផងដែរ។

ឯកឧត្តមរដ្ឋលេខាធិការ បញ្ជាក់ថា ដើម្បីលើកកម្ពស់ និងជំរុញការគាំទ្រ និងប្រើប្រាស់ផលិតផលជាតិ កាលពីថ្ងៃទី១៤ ខែកុម្ភៈ ឆ្នាំ២០២៦ កន្លងទៅថ្មីៗនេះ ក្រសួងពាណិជ្ជកម្ម បានផ្តួចផ្តើម និងសម្ពោធ “យុទ្ធនាការផលិតផលជាតិ ” ទូទាំងប្រទេស ក្រោមអធិបតីភាពដ៏ខ្ពង់ខ្ពស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ដែលយុទ្ធនាការនេះនឹងប្រព្រឹត្តទៅក្នុងរយៈពេល ១សប្តាហ៍ ក្នុង១ខែ មានរយៈពេលមួយឆ្នាំពេញ ដោយផ្សារទំនើប ម៉ល ម៉ាត និងមីនីម៉ាតនៅទូទាំងរាជធានី-ខេត្ត នឹងចូលរួមរៀបចំតុបតែងធ្នើរដាក់តាំងលក់ផលិតផលជាតិឱ្យកាន់តែមានភាពទាក់ទាញ និងលេចធ្លោផងដែរ។

ឯកឧត្តមរដ្ឋលេខាធិការ បន្ថែមថា ក្នុងនាមជាសេនាធិការរបស់រាជរដ្ឋាភិបាលកម្ពុជា ក្រសួងពាណិជ្ជកម្ម បានបន្តខិតខំប្រឹងប្រែងអនុវត្តនូវតួនាទីភារកិច្ច និងបេសកកម្មរបស់ខ្លួនយ៉ាងយកចិត្តទុកដាក់ ដើម្បីធ្វើឱ្យប្រសើរឡើងនូវបរិយាកាសធុរកិច្ចដល់ធុរជន និងវិនិយោគិននៅកម្ពុជា សំដៅជំរុញកំណើនសេដ្ឋកិច្ចជាតិ ស្របតាមចក្ខុវិស័យកម្ពុជាឆ្នាំ២០៥០ របស់រាជរដ្ឋាភិបាលនីតិកាលទី៧ នៃរដ្ឋសភា។

មុននឹងបញ្ចប់ ឯកឧត្តមរដ្ឋលេខាធិការ បានថ្លែងអំណរគុណចំពោះរដ្ឋបាលខេត្តសៀមរាប និងមន្ទីរពាណិជ្ជកម្មខេត្តសៀមរាប ដែលតែងតែផ្តល់កិច្ចសហប្រតិបត្តិការល្អជាមួយក្រុមការងារក្រសួងពាណិជ្ជកម្ម ក្នុងការរៀបចំព្រឹត្តិការណ៍ពិព័រណ៍ ក៏ដូចជាព្រឹត្តិការណ៍នានាបានយ៉ាងល្អប្រសើរ ព្រមទាំងបានលើកទឹកចិត្តដល់ផលិតករ ពាណិជ្ជករ និងអាជីវករកម្ពុជាទាំងអស់ បន្តខិតខំបង្កើតគំនិតច្នៃប្រឌិតថ្មីៗបន្ថែមទៀត និងរៀបចំទំនិញសម្រាប់តម្រូវការទីផ្សារ ដោយត្រូវពង្រឹងគុណភាព សោភ័ណភាព និងសុវត្ថិភាពផលិតផលសម្រាប់អ្នកប្រើប្រាស់ អនុលោមតាមស្តង់ដារអនាម័យ និងមានតម្លៃសមរម្យ នោះទើបអាចចូលរួមប្រកួតប្រជែងក្នុងទីផ្សារសេរីបាន។

សូមជម្រាបជូនថា ពិព័រណ៍នេះមានក្រុមហ៊ុន សហគ្រាស អាជីវករ ផលិតផលករ សហគមន៍ អ្នកដាំដុះ ចូលរួមចំនួន ៩២ និងមានស្តង់ចំនួន ១១០ស្តង់។ ក្រៅពីដាក់តាំងបង្ហាញបន្លែផ្លែឈើស្រស់ និងផលិតផលកែច្នៃដែលមានគុណភាពខ្ពស់ ក៏នឹងមានរៀបចំកម្មវិធីអមនានា រួមមាន៖ សិក្ខាសាលាស្ដីពី៖ «បរិបទថ្មីនៃការប្រើប្រាស់ផលិតផលជាតិប្រកបដោយចីរភាព», សិក្ខាសាលាផ្សព្វផ្សាយស្ដីពី៖ «ការជំរុញនិងលើកកម្ពស់ផលិតផលកសិ-ពាណិជ្ជកម្ម វិស័យស្វាយចន្ទីនិងម្រេចកម្ពុជា», យុទ្ធនាការលើកកម្ពស់តម្បាញ និងការប្រើប្រាស់ផលិតផលសូត្រកម្ពុជា, កម្មវិធីបង្ហាញអំពីការចម្អិនម្ហូបអាហារខ្មែរ, ព្រមទាំងការសម្តែងសិល្បៈ និងតន្រ្តីស្គរដៃខ្មែរ ផងដែរ៕

ពិព័រណ៍ផលិតផលខ្មែរ និងបន្លែផ្លែឈើ លើកទី១៩ ឆ្នាំ២០២៦
• ទីតាំង៖ បរិវេណសួនហាត់ប្រាណមាត់ស្ទឹងសៀមរាប ខេត្តសៀមរាប
• ផែនទី៖ https://maps.app.goo.gl/3pkY7PrNC73nLphk8
• កាលបរិច្ឆេទ៖ ថ្ងៃទី២៦ ខែកុម្ភៈ ដល់ថ្ងៃទី១ ខែមីនា ឆ្នាំ ២០២៦
• ម៉ោង៖ ១០ព្រឹក ដល់ ៨យប់

#ពិព័រណ៍ផលិតផលខ្មែរ
#ពិព័រណ៍បន្លែផ្លែឈើ
#ពិព័រណ៍ផលិតផលខ្មែរនិងបន្លែផ្លែឈើ

សល់តែ ១ថ្ងៃ ទៀតប៉ុណ្ណោះ!សូមចូលរួមក្នុង «យុទ្ធនាការផលិតផលជាតិ » ទាំងអស់គ្នាដែលនឹងដាក់សម្ពោធនៅថ្ងៃទី១៤-១៥ ខែកុម្ភៈឆ្នាំ២០...
13/02/2026

សល់តែ ១ថ្ងៃ ទៀតប៉ុណ្ណោះ!
សូមចូលរួមក្នុង «យុទ្ធនាការផលិតផលជាតិ » ទាំងអស់គ្នា
ដែលនឹងដាក់សម្ពោធនៅថ្ងៃទី១៤-១៥ ខែកុម្ភៈឆ្នាំ២០២៦ នៅផ្សារទំនើប ជីបម៉ុង ២៧១ មេហ្គាម៉ល រាជធានីភ្នំពេញ។

យើងរួមគ្នាបង្ហាញនូវ ទឹកចិត្តនិងក្តីស្រទ្បាញ់ចំពោះផលិតផលជាតិ ចំពោះកសិករខ្មែរ និងផលិតករខ្មែរ ជាពិសេស ចំពោះជាតិមាតុភូមិរបស់យើង ក្នុងថ្ងៃទិវានៃក្តីស្រទ្បាញ់ ថ្ងៃទី១៤ ខែកម្ភៈ ឆ្នាំ២០២៦ ស្អែកនេះ!

ពិធីសម្ពោធយុទ្ធនាការផលិតផលជាតិ ២០២៦
• ទីតាំង៖ ផ្សារទំនើប ជីបម៉ុង ២៧១ មេហ្គាម៉ល
• ផែនទី៖ https://maps.app.goo.gl/cUzppcQZWbVnUCpD9
• កាលបរិច្ឆេទ៖ ១៤-១៥ កុម្ភៈ ២០២៦
• វេលាម៉ោង៖ ៩ព្រឹក ដល់ ១០យប់

#យុទ្ធនាការផលិតផលជាតិ

«យុទ្ធនាការផលិតផលជាតិ »..សល់តែ ២ថ្ងៃ ទៀតប៉ុណ្ណោះ!សូមចូលរួមរាប់ថយក្រោយទាំងអស់គ្នា សម្រាប់កម្មវិធីសម្ពោធ «យុទ្ធនាការផលិតផ...
12/02/2026

«យុទ្ធនាការផលិតផលជាតិ »..
សល់តែ ២ថ្ងៃ ទៀតប៉ុណ្ណោះ!

សូមចូលរួមរាប់ថយក្រោយទាំងអស់គ្នា សម្រាប់កម្មវិធីសម្ពោធ «យុទ្ធនាការផលិតផលជាតិ » ដែលនឹងប្រព្រឹត្តទៅនៅផ្សារទំនើប ជីបម៉ុង២៧១ មេហ្គាម៉ល រាជធានីភ្នំពេញ។

ក្នុងយុទ្ធនាការនេះ នឹងមានការដាក់តាំងលក់ផលិតផលខ្មែរ គ្រប់ប្រភេទ ដែលកំពុងមានប្រតិបត្តិការនៅលើទីផ្សារ ផ្សារទំនើប ម៉ាត និងមីនីម៉ាតទូទាំងប្រទេស ប្រកបដោយភាពទាក់ទាញ!

ជាការចាប់ផ្តើមយុទ្ធនាការ ក្រសួងពាណិជ្ជកម្មនឹង រៀបចំការដាក់តាំងលក់ផលិតផលក្នុងស្រុកដ៏សម្បូរបែបនៅផ្សារទំនើប ជីបម៉ុង២៧១ មេហ្គាម៉ល ចំនួន ២ថ្ងៃ រួមជាមួយ ការចម្អិនម្អូបខ្មែរដោយប្រើប្រាស់គ្រឿងផ្សំដែលផលិតដោយសហគ្រាសក្នុងស្រុក ផងដែរ។

សូមអញ្ជើញចូលរួមដោយសេរី ដើម្បីចូលរួមគាំទ្រ ប្រើប្រាស់ និងលើកកម្ពស់ផលិតផលខ្មែរ ទាំងអស់គ្នា!
សូមជម្រាបជូនថា “យុទ្ធនាការផលិតផលជាតិ ” រៀបចំឡើងដើម្បីចូលរួមលើកកម្ពស់ ផ្សព្វផ្សាយ និងពង្រីកទីផ្សារផលិតផលជាតិឱ្យបានកាន់តែទូលំទូលាយបន្ថែមទៀត ជូនដល់បងប្អូនប្រជាពលរដ្ឋ ដែលជាអតិថិជន និងអ្នកប្រើប្រាស់ ព្រមទាំងបើកឱកាសបន្ថែមទៀតជូនដល់សិប្បករ-ផលិតករក្នុងស្រុក អាចនាំយកទំនិញរបស់ខ្លួនដែលមានអនុលោមភាព និងចុះបញ្ជី “ច.ប.ផ.” ត្រឹមត្រូវ ក្នុងការបង្កើនការដាក់លក់នៅតាមបណ្តាផ្សារទំនើបនានា ផងដែរ។

ពិធីសម្ពោធយុទ្ធនាការផលិតផលជាតិ ២០២៦
• ទីតាំង៖ ផ្សារទំនើប ជីបម៉ុង ២៧១ មេហ្គាម៉ល
• ផែនទី៖ https://maps.app.goo.gl/cUzppcQZWbVnUCpD9
• កាលបរិច្ឆេទ៖ ១៤-១៥ កុម្ភៈ ២០២៦
• វេលាម៉ោង៖ ៩ព្រឹក ដល់ ១០យប់

#យុទ្ធនាការផលិតផលជាតិ

(ភ្នំពេញ)៖ នាព្រឹកថ្ងៃព្រហស្បតិ៍ ទី៥ ខែកុម្ភៈ ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្ដម សំហេង បូរ៉ា រដ្ឋល...
08/02/2026

(ភ្នំពេញ)៖ នាព្រឹកថ្ងៃព្រហស្បតិ៍ ទី៥ ខែកុម្ភៈ ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ឯកឧត្ដម សំហេង បូរ៉ា រដ្ឋលេខាធិការក្រសួងពាណិជ្ជកម្ម និងជាតំណាងរបស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងពិធីបើកសម្ពោធពិព័រណ៍ «Italian Expo Cambodia 2026»។

ក្នុងឱកាសនោះ ឯកឧត្ដមរដ្ឋលេខាធិការ បានសម្តែងនូវការអបអរសាទរ កោតសសើរ និងវាយតម្លៃខ្ពស់ចំពោះ ក្រុមហ៊ុន Prometeo Group SRL Unipersonale និងគ្រប់តួអង្គពាក់ព័ន្ធទាំងអស់ ដែលបានខិតខំប្រឹងប្រែង និងសហការគ្នាយ៉ាងជិតស្និទ្ធក្នុងការរៀបចំព្រឹត្តិការណ៍ពិព័រណ៍ «Italian Expo Cambodia 2026» ប្រកបដោយវិជ្ជាជីវៈ និងល្អប្រសើរ ដែលពិព័រណ៍នេះមិនត្រឹមតែជាការតាំងពិព័រណ៍ផលិតផល និងសេវាកម្មប៉ុណ្ណោះទេ ប៉ុន្តែក៏ជាវេទិកាមួយដើម្បីផ្សារភ្ជាប់អាជីវកម្ម កសាងភាពជាដៃគូ ការស្វែងរកទីផ្សារ និងការផ្លាស់ប្តូរបច្ចេកវិទ្យា ព្រមទាំងអនុញ្ញាតឱ្យអ្នកទស្សនាទទួលបានផលិតផល សេវាកម្ម និងបច្ចេកវិទ្យាដែលមានគុណភាពខ្ពស់របស់អឺរ៉ុប សម្រាប់ជាការរៀនសូត្រ និងគាំទ្រក្នុងដំណើរការអាជីវកម្មរបស់ខ្លួន។

ជាមួយគ្នានេះ ឯកឧត្ដមរដ្ឋលេខាធិការ បានលើកទឹកចិត្តអ្នកតាំងពិព័រណ៍អ៊ីតាលីឱ្យប្រើប្រាស់វេទិកានេះ ដើម្បីបង្កើតភាពជាដៃជាមួយកម្ពុជា ស្វែងយល់ពីឱកាសសម្រាប់ការផ្គត់ផ្គង់ក្នុងស្រុក ការផលិត និងការចែកចាយ និងពិចារណាលើទស្សនៈវិស័យវិនិយោគរយៈពេលវែង រួមទាំងលើកទឹកចិត្តសហគ្រាសកម្ពុជា ជាពិសេសសហគ្រាសធុនតូច និងមធ្យមប្រើប្រាស់ឱកាសនេះដើម្បីរៀនសូត្របទពិសោធន៍អន្តរជាតិ ស្វែងយល់ពីតម្រូវការទីផ្សារ បច្ចេកវិទ្យាថ្មីៗ និងកសាងភាពជាដៃគូ ដែលអាចជួយគាំទ្រដល់ការធ្វើសមាហរណកម្មរបស់ខ្លួនទៅក្នុងផ្នែកនៃតម្លៃខ្ពស់ក្នុងទីផ្សារ។

សូមជម្រាបថា ព្រឹត្តិការណ៍ពិព័រណ៍ខាងលើរៀបចំឡើងរយៈពេល ៣ថ្ងៃ ចាប់ពីថ្ងៃទី៥-៧ ខែកុម្ភៈ ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ ដែលមានការតាំងបង្ហាញផលិតផលស្ទើរគ្រប់វិស័យដូចជា វិស័យម្ហូបអាហារ ភេសជ្ជៈ គ្រឿងសម្អាង សម្ភារៈផ្ទះបាយ ម៉ាស៊ីនកសិកម្ម គ្រឿងសង្ហារិម បច្ចេកវិទ្យា និងសម្ភារៈផ្គត់ផ្គង់រោងចក្រ ដែលសុទ្ធសឹងជាផលិតផលមានគុណភាពខ្ពស់ និងនាំចូលពីប្រទេសអ៊ីតាលី ដែលប្រមូលផ្ដុំទៅដោយម៉ាកល្បីៗ ប្រមាណ៨០ស្ដង់៕

#ក្រសួងពាណិជ្ជកម្ម

Address

No. 19-61, Confederation De La Russie Boulevard (110)
Phnom Penh
12200

Website

Alerts

Be the first to know and let us send you an email when សំហេង បូរ៉ា - Samheng Bora posts news and promotions. Your email address will not be used for any other purpose, and you can unsubscribe at any time.

Shortcuts

Share

Category