លេខាធិការដ្ឋាន គជអប - NCDDS

លេខាធិការដ្ឋាន គជអប - NCDDS គ.ជ.អ.ប គឺ​ជា​យន្តការ​អន្តរ​ក្រសួង​សម្រាប់​ការលើក​កម្ពស់​ការអភិវឌ្ឍ​តាម​បែប​ប្រជាធិបតេយ្យ​តាមរយៈ​កំណែ​ទម្រង់វិមជ្ឈការ និង វិសហមជ្ឈការ​នៅ​កម្ពុជា។

វគ្គបណ្តុះបណ្តាល និងតម្រង់ទិសការប្រើប្រាស់ប្រព័ន្ធគ្រប់គ្រងផែនការសកម្មភាព និងថវិការបស់ គ.ជ.អ.ប.............................
04/09/2026

វគ្គបណ្តុះបណ្តាល និងតម្រង់ទិសការប្រើប្រាស់ប្រព័ន្ធគ្រប់គ្រងផែនការសកម្មភាព និងថវិការបស់ គ.ជ.អ.ប................................
លេខាធិការដ្ឋាន គ.ជ.អ.ប. (អគារ V)៖ នាថ្ងៃសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែកញ្ញា ឆ្នាំ២០២៦ ឯកឧត្តម ឈុន ប៊ុនណារ៉ា អនុប្រធានលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានដឹកនាំវគ្គបណ្តុះបណ្តាល និងតម្រង់ទិសការប្រើប្រាស់ប្រព័ន្ធគ្រប់គ្រងផែនការសកម្មភាព និងថវិការបស់ គ.ជ.អ.ប. ដោយមានការអញ្ជើញចូលរួមពីឯកឧត្តម លោកជំទាវ លោក លោកស្រី ជាថ្នាក់ដឹកនាំ មន្ត្រី និងទីប្រឹក្សានៃអង្គភាពនានាចំណុះលេខាធិការដ្ឋាន គ.ជ.អ.ប. សរុបចំនួន ២១ រូប (ស្រី ៧ រូប)។

វគ្គបណ្តុះបណ្តាលនេះ រៀបចំឡើងក្នុងគោលបំណងតម្រង់ទិសការប្រើប្រាស់ប្រព័ន្ធគ្រប់គ្រងផែនការសកម្មភាព និងថវិការបស់ គ.ជ.អ.ប. ជូនដល់មន្ត្រីបង្គោលទទួលបន្ទុកប្រព័ន្ធទិន្នន័យ របាយការណ៍ ផែនការសកម្មភាព និងថវិកាប្រចាំឆ្នាំ (NAD) លើការអនុវត្តជាក់ស្តែង ដើម្បីឱ្យដំណើរការអនុវត្ត ផ.ស.ថ. ប្រចាំឆ្នាំ ប្រព្រឹត្តទៅប្រកបដោយប្រសិទ្ធភាព និងទទួលបានជោគជ័យ៕

កិច្ចប្រជុំស្តីពីគំនិតផ្តួចផ្តើមសមាហរណកម្មការងារគណនេយ្យភាពសង្គមទៅក្នុងប្រព័ន្ធរដ្ឋបាលក្រសួង-ស្ថាប័នពាក់ព័ន្ធ----លេខាធិកា...
04/09/2026

កិច្ចប្រជុំស្តីពីគំនិតផ្តួចផ្តើមសមាហរណកម្មការងារគណនេយ្យភាពសង្គមទៅក្នុងប្រព័ន្ធរដ្ឋបាលក្រសួង-ស្ថាប័នពាក់ព័ន្ធ
----
លេខាធិការដ្ឋាន គ.ជ.អ.ប. ៖ នៅថ្ងៃទីសុក្រ ៧រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ត្រូវនឹងថ្ងៃទី០៤ ខែកញ្ញា ឆ្នាំ២០២៦ ឯកឧត្តម ឆឹម សំអ៊ែល ប្រធានអង្គភាពត្រួតពិនិត្យ វាយតម្លៃ និងព័ត៌មាន និងជាប្រធានគ្រប់គ្រងគម្រោងគណនេយ្យភាពសង្គម តំណាងដ៏ខ្ពង់ខ្ពស់ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងប្រធានលេខាធិការដ្ឋាន គ.ជ.អ.ប. បានអញ្ជើញដឹកនាំកិច្ចប្រជុំស្តីពី គំនិតផ្តួចផ្តើមសមាហរណកម្មការងារគណនេយ្យភាពសង្គម ទៅក្នុងប្រព័ន្ធរដ្ឋបាលរបស់ក្រសួង-ស្ថាប័នពាក់ព័ន្ធ។

កិច្ចប្រជុំនេះមានគោលបំណងធានានូវនិរន្តរភាពការងារគណនេយ្យភាពសង្គមថ្នាក់ឃុំ-សង្កាត់ ដើម្បីរួមចំណែកក្នុងការអនុវត្តកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ ដំណាក់កាលទី២ ឱ្យមានប្រសិទ្ធភាព។

ក្នុងឱកាសនេះ ឯកឧត្តម ឆឹម សំអ៊ែល បានថ្លែងអំណរគុណដល់ក្រសួង-ស្ថាប័នពាក់ព័ន្ធ ដែលបានចូលរួមអនុវត្តការងារគណនេយ្យភាពសង្គមប្រកបដោយប្រសិទ្ធភាព គុណភាព តម្លាភាព គណនេយ្យភាព និងបរិយាបន្ន ដើម្បីលើកម្ពស់ការផ្តល់សេវាសាធារណៈ ឱ្យឆ្លើយតបនឹងតម្រូវការ និងសុខុមាលភាពប្រជាពលរដ្ឋក្នុងមូលដ្ឋាន។

ឯកឧត្តម បានគូសបញ្ជាក់ថា ការគិតគូរអំពីនិរន្តរភាពការងារគណនេយ្យភាពសង្គម គឺជាកិច្ចការចាំបាច់ ដែលយើងត្រូវរួមគ្នាផ្តោតការយកចិត្តទុកដាក់ ដើម្បីធានានូវភាពជាម្ចាស់របស់រាជរដ្ឋាភិបាល និងរដ្ឋបាលថ្នាក់ក្រោមជាតិ ក្នុងការផ្តល់សេវាសាធារណៈ និងឆ្លើយតបទៅនឹងបញ្ហា តម្រូវការ និងសំណូមពររបស់ប្រជាពលរដ្ឋ។

ឯកឧត្តម បានបន្ថែមថា ការផ្តោតលើនិរន្តរភាពការងារគណនេយ្យភាពសង្គម មិនត្រឹមតែជាការបន្តអនុវត្តសកម្មភាពក្រោយពេលគម្រោងបញ្ចប់នោះទេ ប៉ុន្តែត្រូវឈានទៅរកការធ្វើស្ថាប័នភាវូបនីយកម្មទៅក្នុងប្រព័ន្ធរដ្ឋបាលថ្នាក់ជាតិ និងថ្នាក់ក្រោមជាតិ ដោយផ្តោតសំខាន់លើ ការពង្រឹងយន្តការដឹកនាំ និងសម្របសម្រួល ការអភិវឌ្ឍសមត្ថភាព ការរៀបចំផែនការសកម្មភាព និងថវិកា ការត្រួតពិនិត្យ និងវាយតម្លៃ ព្រមទាំងការចូលរួមសហការពីក្រសួង-ស្ថាប័នពាក់ព័ន្ធ និងរដ្ឋបាលថ្នាក់ក្រោមជាតិ។

តាមរយៈកិច្ចប្រជុំនេះនឹងផ្តល់ឱកាសឱ្យអ្នកចូលរួមទាំងអស់ ពិភាក្សាដោយបើកចំហ និងកំណត់ជំហានជាក់ស្តែងសម្រាប់ការបន្តការងារ ដោយមានការយល់ព្រមរួមលើកិច្ចការដែលត្រូវផ្ទេរ ដែលត្រូវបន្ត និងដែលត្រូវដាក់បញ្ចូលក្នុងប្រព័ន្ធ និងការទទួលខុសត្រូវរបស់ក្រសួង-ស្ថាប័ននីមួយៗ។ លទ្ធផលនៃការពិភាក្សា នឹងក្លាយជាធាតុចូលដ៏មានសារៈសំខាន់ សម្រាប់ការរៀបចំផែនការសកម្មភាពជាក់លាក់ ដែលឆ្លើយតបទៅនឹងឯកសារស្នូលចំនួនបី ដែលលេខាធិការដ្ឋាន គ.ជ.អ.ប. បាននិងកំពុងរៀបចំ រួមមាន (១). ផែនការចាកចេញនៃការគាំទ្ររបស់ដៃគូអភិវឌ្ឍន៍ (២). យុទ្ធសាស្ត្រស្តីពីនិរន្តរភាពការងារគណនេយ្យភាពសង្គមថ្នាក់ឃុំ-សង្កាត់ និង (៣).ផែនការអនុវត្តការងារគណនេយ្យភាពសង្គម ដំណាក់កាលទី៣ (២០២៦-២០៣០) ដើម្បីឆ្ពោះទៅរកនិរន្តរភាព និងស្ថាប័នភាវូបនីយកម្មការងារគណនេយ្យភាពសង្គមនៅថ្នាក់ឃុំ-សង្កាត់ ឱ្យកាន់តែច្បាស់លាស់ អាចអនុវត្តបាន និងអាចសម្រេចបាន។

ចំណុចគន្លឹះសម្រាប់កិច្ចពិភាក្សាក្នុងដំណើរការស្ថាប័នភាវូបនីកម្ម រួមមាន៤ចំណុចសំខាន់ៗ ដូចជា (១). ការផ្ទេរការទទួលខុសត្រូវលើឧបករណ៍គណនេយ្យភាពសង្គម និងI4Cs (២).ការគិតគូរថវិការបស់ក្រសួងស្ថាប័ន ក្នុងការគាំទ្រគណនេយ្យភាពសង្គម (៣).ការពង្រឹងសមត្ថភាព គាំទ្របច្ចេកទេស និងការរៀនសូត្រចែករំលែកបទពិសោធន៍ និង (៤).ប្រព័ន្ធទិន្នន័យ លទ្ធផលបំពេញការងាររបស់អង្គភាពផ្តល់សេវា និងការតាមដានត្រួតពិនិត្យ។

កិច្ចប្រជុំនេះ មានការអញ្ជើញចូលរួមពីឯកឧត្តម លោក លោកស្រី តំណាងក្រសួងមហាផ្ទៃ ក្រសួងសុខាភិបាល ក្រសួងអប់រំ យុវជន និងកីឡា និងក្រុមការងារគណនេយ្យភាពសង្គមនៃលេខាធិការដ្ឋាន គ.ជ.អ.ប. សរុបចំនួន ១២រូប ក្នុងនោះស្រី ០១រូប៕

វគ្គបណ្តុះបណ្តាលរំលឹកឡើងវិញ ស្តីពីការអនុវត្តគម្រោងសាកល្បងលើការបន្សាំនឹងការប្រែប្រួលអាកាសធាតុ តាមរយៈការងារគណនេយ្យភាពសង្គម...
01/09/2026

វគ្គបណ្តុះបណ្តាលរំលឹកឡើងវិញ ស្តីពីការអនុវត្តគម្រោងសាកល្បងលើការបន្សាំនឹងការប្រែប្រួលអាកាសធាតុ តាមរយៈការងារគណនេយ្យភាពសង្គម
------
ខេត្តបាត់ដំបង៖ ថ្ងៃអង្គារ ៤រោច ខែស្រាពណ៍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១ ខែកញ្ញា ឆ្នាំ២០២៦ លោក ជេដ្ឋ គីមជុង អនុប្រធានអង្គភាពត្រួតពិនិត្យ វាយតម្លៃ និងព័ត៌មាន និងជាប្រធានសម្របសម្រួលគម្រោងគណនេយ្យភាពសង្គម នៃលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញជាអធិបតីភាព បើកវគ្គបណ្តុះបណ្តាលរំលឹកឡើងវិញ ស្តីពីការអនុវត្តគម្រោងសាកល្បងលើការបន្សាំនឹងការប្រែប្រួលអាកាសធាតុ តាមរយៈការងារគណនេយ្យភាពសង្គម ដល់ផ្នែកផ្គត់ផ្គង់នៅក្នុងស្រុកគាស់ក្រឡ ក្នុងខេត្តបាត់ដំបង។
វគ្គបណ្តុះបណ្តាលនេះ រៀបចំឡើងចំនួន ០២ ថ្ងៃ គឺចាប់ពីថ្ងៃទី០១ ដល់ថ្ងៃទី០២ ខែកញ្ញា ឆ្នាំ២០២៦ ដោយមានកិច្ចសហការរវាងលេខាធិការដ្ឋាន គ.ជ.អ.ប. ជាមួយអង្គការស្តារកម្ពុជា ដោយទទួលបានការគាំទ្រពីគម្រោងនើឆ័រ(Nurture) ក្នុងគោលបំណងផ្តល់ការយល់ដឹង អភិវឌ្ឍន៍សមត្ថភាព និងពង្រឹងតួនាទីក្នុងការទទួលខុសត្រូវរបស់សិក្ខាកាមដែលបានចូលរួម ដែលជាតួអង្គផ្នែកផ្គត់ផ្គង់ ក្នុងការអនុវត្តគម្រោងសាកល្បងនេះ ឱ្យកាន់តែមានប្រសិទ្ធភាព និងប្រសិទ្ធផល។
គួរជម្រាបជូនផងដែរថា តាមរយៈការអនុវត្តសាកល្បងលើការបន្សាំនឹងការប្រែប្រួលអាកាសធាតុ តាមរយៈការងារគណនេយ្យភាពសង្គម នៅស្រុកគាស់ក្រឡ គឺធ្វើឡើងក្នុងគោលបំណងដើម្បីឱ្យគ្រួសារកសិករខ្នាតតូច និងសហគមន៍ដែលងាយរងគ្រោះ ព្រមទាំងវិស័យឯកជន អាចទទួលបានអត្ថប្រយោជន៍ តាមរយៈការធ្វើឱ្យប្រសើរឡើងនូវគណនេយ្យភាពសង្គម ការធ្វើផែនការ និងគោលនយោបាយដែលទាក់ទងនឹងការបន្សាំទៅនឹងការប្រែប្រួលអាកាសធាតុ។
វគ្គបណ្តុះបណ្តាលនេះ ក៏មានការអញ្ជើញចូលរួមពីក្រុមការងារនៃលេខាធិការដ្ឋាន គ.ជ.អ.ប. ប្រធានក្រុមប្រឹក្សាស្រុក អភិបាលរងស្រុក សមាជិកក្រុមប្រឹក្សាស្រុកគាស់ក្រឡ តំណាងការិយាល័យច្រកចេញចូលតែមួយ ការិយាល័យប្រជាពលរដ្ឋ ប្រធាន និងសមាជិកក្រុមប្រឹក្សាឃុំ តំណាងការិយាល័យអប់រំស្រុក នាយករងរដ្ឋបាល អនុប្រធានការិយាល័យសង្គមកិច្ច តំណាងគម្រោងនើឆ័រ(Nurture) តំណាងអង្គការស្តារកម្ពុជា និងអ្នកសម្របសម្រួលគណនេយ្យភាពសហគមន៍ សរុប ៤៤ រូប ស្រី ១៥ រូប

ដំណើរទស្សនកិច្ចសិក្សាចែករំលែក និងផ្លាស់ប្តូរបទពិសោធន៍ការងារគណនេយ្យភាពសង្គមនៅខេត្តកំពង់ចាម-----ខេត្តកំពង់ចាម៖ នៅថ្ងៃព្រហស...
27/08/2026

ដំណើរទស្សនកិច្ចសិក្សាចែករំលែក និងផ្លាស់ប្តូរបទពិសោធន៍ការងារគណនេយ្យភាពសង្គមនៅខេត្តកំពង់ចាម
-----
ខេត្តកំពង់ចាម៖ នៅថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦ លេខាធិការដ្ឋាន គ.ជ.អ.ប. សហការជាមួយរដ្ឋបាលខេត្តកំពង់ចាម បានរៀបចំកម្មវិធីដំណើរទស្សនកិច្ចសិក្សាចែករំលែក និងផ្លាស់ប្តូរបទពិសោធន៍ការងារគណនេយ្យភាពសង្គម នៅតាមអង្គភាពផ្តល់សេវានៃក្រុងកំពង់ចាម ខេត្តកំពង់ចាម។ កម្មវិធីនេះមានគោលបំណងចែករំលែកចំណេះដឹង និងបទពិសោធន៍ល្អ ព្រមទាំងជំរុញការអនុវត្តការងារគណនេយ្យភាពសង្គមឱ្យកាន់តែមានប្រសិទ្ធភាព និងនិរន្តរភាព នៅតាមអង្គភាពផ្តល់សេវាសាធារណៈថ្នាក់ក្រោមជាតិ។
ក្នុងឱកាសនេះ គណៈប្រតិភូសរុបចំនួន ១៤២នាក់ តំណាងរដ្ឋបាលខេត្ត ក្រុង ស្រុក ឃុំ សង្កាត់ មណ្ឌលសុខភាព និងសាលាបឋមសិក្សា មកពីខេត្តបាត់ដំបង ពោធិ៍សាត់ ឧត្តរមានជ័យ ប៉ៃលិន និងខេត្តកំពត បានអញ្ជើញចូលរួមទស្សនកិច្ចសិក្សានៅខេត្តកំពង់ចាម ដើម្បីផ្លាស់ប្តូរ និងចែករំលែកបទពិសោធន៍ អំពីការគាំទ្រការអនុវត្តផែនការសកម្មភាពរួមស្តីពីការងារគណនេយ្យភាពសង្គម (JAAP) និងការគិតគូរពីនិរន្តរភាពនៃការអនុវត្តការងារគណនេយ្យភាពសង្គម។

គណៈប្រតិភូបានបែងចែកជា ៣ក្រុម ដើម្បីចុះទស្សនកិច្ចដល់អង្គភាពផ្តល់សេវា រួមមាន រដ្ឋបាលសង្កាត់កំពង់ចាម សាលាបឋមសិក្សាឧត្តរ និងមណ្ឌលសុខភាពវាលវង់ ស្ថិតក្នុងក្រុងកំពង់ចាម ខេត្តកំពង់ចាម។ ការបែងចែកជាក្រុមតាមលក្ខណៈនេះ បានផ្តល់ឱកាសឱ្យតំណាងប្រតិភូនីមួយៗ ទទួលបានបទពិសោធន៍ពិតប្រាកដ និងស៊ីជម្រៅពីការអនុវត្តការងារគណនេយ្យភាពសង្គមជាក់ស្តែងនៅមូលដ្ឋាន។
ក្នុងអំឡុងពេលទស្សនកិច្ច តំណាងប្រតិភូនៃរដ្ឋបាលខេត្ត ក្រុង ស្រុក និងអង្គភាពផ្តល់សេវានីមួយៗ បានធ្វើការចែករំលែក ពិភាក្សា និងពិគ្រោះយោបល់យ៉ាងផុសផុល ដោយផ្តោតលើខ្លឹមសារសំខាន់ៗ ដូចជា បទពិសោធន៍ល្អ និងបញ្ហាប្រឈមនៃការផ្តល់សេវាសាធារណៈតាមរយៈការងារគណនេយ្យភាពសង្គម។ ការពិភាក្សាបានលើកឡើងពីសារៈសំខាន់នៃការធានានិរន្តរភាព ការរៀបចំផែនការសកម្មភាព និងថវិកា ការកៀរគរធនធាន និងការផ្តល់សេវាប្រកបដោយគុណភាពជូនដល់ប្រជាពលរដ្ឋ ដោយគិតគូរពីក្រុមបរិយាបន្ន គ្រួសារក្រីក្រ និងសមភាពយេនឌ័រ។ ជាមួយគ្នានោះ ការពិភាក្សាក៏បានលើកឡើងពីការពង្រឹងសមត្ថភាពផ្នែកឌីជីថលក្នុងការបណ្តុះបណ្តាល និងការទទួលបានការគាំទ្របច្ចេកទេសពីការិយាល័យជំនាញ និងភាគីពាក់ព័ន្ធនានាផងដែរ។

គួរបញ្ជាក់ផងដែរថា ការរៀបចំដំណើរទស្សនកិច្ចសិក្សានេះ គឺជាការបង្ហាញពីភាពជាម្ចាស់ប្រកបដោយការទទួលខុសត្រូវ ក្នុងការជំរុញឱ្យប្រសើរឡើងដល់អង្គភាពផ្តល់សេវាសាធារណៈ តាមរយៈការអនុវត្តការងារគណនេយ្យភាពសង្គមដែលស្របទៅតាមគំនិតផ្ដួចផ្ដើមនៃយុទ្ធសាស្រ្តនិរន្តរភាពការងារគណនេយ្យភាពសង្គមនៅថ្នាក់ឃុំ សង្កាត់៕

កិច្ចប្រជុំពិភាក្សាស្តីពីការរៀបចំ "ផែនការយុទ្ធសាស្ត្រស្តីពីការលើកកម្ពស់ភាពធន់នឹងការប្រែប្រួលអាកាសធាតុ និងហានិភ័យគ្រោះមហន...
27/08/2026

កិច្ចប្រជុំពិភាក្សាស្តីពីការរៀបចំ "ផែនការយុទ្ធសាស្ត្រស្តីពីការលើកកម្ពស់ភាពធន់នឹងការប្រែប្រួលអាកាសធាតុ និងហានិភ័យគ្រោះមហន្តរាយរបស់រដ្ឋបាលថ្នាក់ក្រោមជាតិ" ...........................
លេខាធិការដ្ឋាន គ.ជ.អ.ប. (អគារ V)៖ នៅព្រឹកថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. ជាតំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានដឹកនាំកិច្ចប្រជុំពិភាក្សាស្តីពីការរៀបចំ "ផែនការយុទ្ធសាស្ត្រស្តីពីការលើកកម្ពស់ភាពធន់នឹងការប្រែប្រួលអាកាសធាតុ និងហានិភ័យគ្រោះមហន្តរាយរបស់រដ្ឋបាលថ្នាក់ក្រោមជាតិ" ដោយមានការអញ្ជើញចូលរួមពីសំណាក់ថ្នាក់ដឹកនាំលេខាធិការដ្ឋាន គ.ជ.អ.ប. តំណាងក្រសួងបរិស្ថាន និងគណៈកម្មាធិការជាតិគ្រប់គ្រងគ្រោះមហន្តរាយ ព្រមទាំងក្រុមការងារបច្ចេកទេសពាក់ព័ន្ធ សរុប ៩រូប (ស្រី ៤រូប)។

នាឱកាសនោះ លោក លី ប៊ុនថៃ ទីប្រឹក្សាបច្ចេកទេស បានធ្វើបទបង្ហាញលម្អិតជូនអង្គប្រជុំអំពីដំណើរការនៃការរៀបចំផែនការយុទ្ធសាស្ត្រស្តីពីការលើកកម្ពស់ភាពធន់នឹងការប្រែប្រួលអាកាសធាតុ និងហានិភ័យគ្រោះមហន្តរាយរបស់រដ្ឋបាលថ្នាក់ក្រោមជាតិ។

បន្ទាប់ពីបានស្ដាប់បទបង្ហាញ អង្គប្រជុំបានបន្តធ្វើការពិភាក្សា និងផ្លាស់ប្ដូរយោបល់យ៉ាងផុសផុលលើរបៀបវារៈសំខាន់ៗចំនួន ៣ រួមមាន៖ ១. ការរៀបចំផែនការយុទ្ធសាស្ត្រស្តីពីការលើកកម្ពស់ភាពធន់នឹងការប្រែប្រួលអាកាសធាតុ និងហានិភ័យគ្រោះមហន្តរាយរបស់រដ្ឋបាលថ្នាក់ក្រោមជាតិ ២. តួនាទី និងភារកិច្ចរបស់ក្រុមការងារបច្ចេកទេសអន្តរក្រសួង ៣. ផែនការអនុវត្តបន្ត និងការងារផ្សេងៗ។

វគ្គបណ្តុះបណ្តាល ស្តីពីការពិនិត្យវាយតម្លៃលទ្ធផលការងារដោយអង្គភាពផ្តល់សេវាខ្លួនឯង នៃដំណើរការអនុវត្តការងារគណនេយ្យភាពសង្គម……...
25/08/2026

វគ្គបណ្តុះបណ្តាល ស្តីពីការពិនិត្យវាយតម្លៃលទ្ធផលការងារដោយអង្គភាពផ្តល់សេវាខ្លួនឯង នៃដំណើរការអនុវត្តការងារគណនេយ្យភាពសង្គម
…………….
លេខាធិការដ្ឋាន គ.ជ.អ.ប.៖ ថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ ឯកឧត្តម ឆឹម សំអ៊ែល ប្រធានអង្គភាពត្រួតពិនិត្យ វាយតម្លៃ និងព័ត៌មាន និងជាប្រធានគ្រប់គ្រងគម្រោងគណនេយ្យភាពសង្គម នៃលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានចូលរួមជាអធិបតីក្នុងពិធីបើកវគ្គបណ្តុះបណ្តាល ស្តីពីការពិនិត្យវាយតម្លៃលទ្ធផលការងារដោយអង្គភាពផ្តល់សេវាខ្លួនឯង នៃដំណើរការអនុវត្តការងារគណនេយ្យភាពសង្គមដល់រដ្ឋបាលរាជធានី ខេត្ត រដ្ឋបាលក្រុង ស្រុក ខណ្ឌ និងអង្គភាពផ្តល់សេវានានា (រដ្ឋបាលសង្កាត់ សាលាបឋមសិក្សា និងមណ្ឌលសុខភាព) នៃតំបន់គោលដៅគម្រោងសមាហរណកម្មគណនេយ្យភាពសង្គមទៅក្នុងប្រព័ន្ធរដ្ឋបាលថ្នាក់ជាតិ និងថ្នាក់ក្រោមជាតិ ដំណាក់កាលទី២ តាមរយៈប្រព័ន្ធបញ្ចូនសំឡេង និងរូបភាពពីចម្ងាយ (Zoom)។

វគ្គបណ្តុះបណ្តាលនេះ មានគោលបំណងដើម្បីផ្តល់ចំណេះដឹង អំពីនីតិវិធីអនុវត្ត និងសម្របសម្រួលដំណើរការពិនិត្យវាយតម្លៃលទ្ធផលបំពេញការងារដោយអង្គភាពផ្តល់សេវាខ្លួនឯង ដែលធានាឱ្យអង្គភាពផ្តល់សេវានីមួយៗអាចដឹកនាំ និងសម្របសម្រួលកិច្ចប្រជុំវាយតម្លៃលទ្ធផលការងារដោយខ្លួនឯង និងអាចសម្រេចឱ្យបានទៅតាមក្របខណ្ឌលទ្ធផលរបស់គម្រោង។

ថ្លែងក្នុងសុន្ទរកថាបើកវគ្គបណ្តុះបណ្តាល ឯកឧត្តម ឆឹម សំអ៊ែល បានគូសបញ្ជាក់អំពីវឌ្ឍនភាព បញ្ហាប្រឈម និងទិសដៅបន្តនៃការអនុវត្តការងារគណនេយ្យភាពសង្គម ព្រមទាំងការគិតគូរអំពីនិរន្តរភាពនៃការអនុវត្តការងារគណនេយ្យភាពសង្គមនៅថ្នាក់ឃុំ សង្កាត់ ដែលជាកិច្ចការអាទិភាពរបស់លេខាធិការដ្ឋាន គ.ជ.អ.ប. បាននិងកំពុងផ្តោតការយកចិត្តទុកដាក់ ដើម្បីឱ្យរដ្ឋបាលថ្នាក់ក្រោមជាតិ ជាពិសេសរដ្ឋបាលឃុំ សង្កាត់ និងអង្គភាពផ្តល់សេវាមានភាពជាម្ចាស់ក្នុងការអនុវត្តការងារគណនេយ្យភាពសង្គមបន្ទាប់ការចាកចេញក្នុងការគាំទ្ររបស់ដៃគូអភិវឌ្ឍន៍ និងអង្គការសង្គមស៊ីវិលនាពេលខាងមុខ។

វគ្គបណ្តុះបណ្តាលនេះ មានការអញ្ជើញចូលរួមពី គ្រូបង្គោលលេខាធិការដ្ឋាន គ.ជ.អ.ប. តំណាងរដ្ឋបាលរាជធានី ខេត្តចំនួន១៤ រដ្ឋបាលក្រុង ស្រុក ខណ្ឌចំនួន៧៦ និងអង្គភាពផ្តល់សេវានៃរដ្ឋបាលឃុំ សង្កាត់ចំនួន៦៩០៕

កម្មវិធីបណ្តុះបណ្តាលរំលឹកឡើងវិញ ស្តីពីការអនុវត្តការងារគណនេយ្យភាពសង្គមនៅរដ្ឋបាលរាជធានីភ្នំពេញ------សាលារាជធានីភ្នំពេញ៖ នៅ...
25/08/2026

កម្មវិធីបណ្តុះបណ្តាលរំលឹកឡើងវិញ ស្តីពីការអនុវត្តការងារគណនេយ្យភាពសង្គមនៅរដ្ឋបាលរាជធានីភ្នំពេញ
------
សាលារាជធានីភ្នំពេញ៖ នៅថ្ងៃអង្គារ ១២កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែសីហា ឆ្នាំ២០២៦ លោក ជេដ្ឋ គីមជុង អនុប្រធានអង្គភាពត្រួតពិនិត្យ វាយតម្លៃ និងព័ត៌មាន និងជាប្រធានសម្របសម្រួលគម្រោងគណនេយ្យភាពសង្គម នៃលេខាធិការដ្ឋាន គ.ជ.អ.ប. បានតំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. អញ្ជើញចូលរួមក្នុងកម្មវិធីបណ្តុះបណ្តាលរំលឹកឡើងវិញ ស្តីពីការអនុវត្តការងារគណនេយ្យភាពសង្គម។

វគ្គបណ្តុះបណ្តាលនេះមានរយៈពេលពីរថ្ងៃ ដោយមានគោលបំណងពង្រឹងសមត្ថភាពការងាររបស់មន្ត្រីទទួលបន្ទុកគណនេយ្យភាពសង្គម នៅតាមរដ្ឋបាលខណ្ឌ សង្កាត់ មណ្ឌលសុខភាព និងសាលាបឋមសិក្សា។ វគ្គនេះផ្តោតជាចម្បងទៅលើចំណុចសំខាន់ចំនួនបួន រួមមាន ការបើកទូលាយព័ត៌មាន និងព័ត៌មានថវិកាឱ្យប្រជាពលរដ្ឋអាចចូលដំណើរការបានងាយស្រួល ការលើកទឹកចិត្តឱ្យប្រជាពលរដ្ឋចូលរួមតាមដាន និងត្រួតពិនិត្យការងាររដ្ឋបាល ការពង្រឹងការសម្របសម្រួល និងសមត្ថភាពការងាររបស់មន្ត្រី ព្រមទាំងការប្រមូល និងចងក្រងមេរៀន បទពិសោធន៍ពីការអនុវត្តជាក់ស្តែង ដើម្បីតាមដាន និងវាយតម្លៃការងាររបស់រដ្ឋបាលខណ្ឌនីមួយៗ។

កម្មវិធីនេះមានការចូលរួមពីក្រុមការងារលេខាធិការដ្ឋាន គ.ជ.អ.ប. សាលារាជធានីភ្នំពេញ ក្រុមការងារការិយាល័យគាំទ្រមូលដ្ឋាន នៃទីចាត់ការផែនការ និងវិនិយោគ គណៈអភិបាលខណ្ឌគោលដៅទាំង៦ រួមមាន ខណ្ឌសែនសុខ ខណ្ឌច្បារអំពៅ ខណ្ឌដង្កោ ខណ្ឌព្រែកព្នៅ ខណ្ឌមានជ័យ និងខណ្ឌទួលគោក ព្រមទាំងចៅសង្កាត់ ប្រធានមណ្ឌលសុខភាព នាយក និងនាយិកាសាលាបឋមសិក្សា លោកគ្រូ អ្នកគ្រូ សរុបប្រមាណ ១៤០រូប ក្នុងនោះមានស្ត្រី ៤២រូប៕

កិច្ចប្រជុំស្តាប់របាយការណ៍ស្តីពីសេចក្តីព្រាងច្បាប់ស្តីពីការគ្រប់គ្រងហិរញ្ញវត្ថុ និងទ្រព្យសម្បត្តិរបស់រដ្ឋបាលថ្នាក់ក្រោមជ...
24/08/2026

កិច្ចប្រជុំស្តាប់របាយការណ៍ស្តីពីសេចក្តីព្រាងច្បាប់ស្តីពីការគ្រប់គ្រងហិរញ្ញវត្ថុ និងទ្រព្យសម្បត្តិរបស់រដ្ឋបាលថ្នាក់ក្រោមជាតិ.........................
ទីស្តីការក្រសួងមហាផ្ទៃ ៖ ថ្ងៃចន្ទ ១១កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៤ ខែសីហា ឆ្នាំ២០២៦
ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញចូលរួមកិច្ចប្រជុំស្តាប់របាយការណ៍ស្តីពីសេចក្តីព្រាងច្បាប់ស្តីពីការគ្រប់គ្រងហិរញ្ញវត្ថុ និងទ្រព្យសម្បត្តិរបស់រដ្ឋបាលថ្នាក់ក្រោមជាតិ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។
កិច្ចប្រជុំនេះបានប្រព្រឹត្តទៅនៅសាលប្រជុំសម្តេចក្រឡាហោម ស ខេង (ជាន់ទី៩) នៃទីស្តីការក្រសួងមហាផ្ទៃ ដោយមានការអញ្ជើញចូលរួមពី រដ្ឋលេខាធិការ អនុរដ្ឋលេខាធិការ អគ្គនាយក អគ្គនាយករង និងមន្ត្រីជំនាញបច្ចេកទេសពាក់ព័ន្ធជាច្រើនរូប។

កិច្ចប្រជុំនេះរៀបចំឡើងក្នុងគោលបំណងសំខាន់ៗចំនួន ៣៖
ទី១៖ ត្រួតពិនិត្យ និងតាមដានវឌ្ឍនភាពនៃការរៀបចំសេចក្តីព្រាងច្បាប់ ឱ្យមានភាពស៊ីសង្វាក់គ្នាជាមួយច្បាប់ និងលិខិតបទដ្ឋានគតិយុត្តជាធរមាន។
ទី២៖ ប្រមូលធាតុចូល បទពិសោធ និងអនុសាសន៍ណែនាំបន្ថែមពីថ្នាក់ដឹកនាំជាន់ខ្ពស់ ដើម្បីកែលម្អខ្លឹមសារឱ្យកាន់តែគ្រប់ជ្រុងជ្រោយ។
ទី៣៖ ពង្រឹងយន្តការ និងក្របខ័ណ្ឌគតិយុត្តក្នុងការគ្រប់គ្រងចំណូល ចំណាយ ព្រមទាំងការប្រើប្រាស់ និងចាត់ចែងទ្រព្យសម្បត្តិសាធារណៈរបស់រដ្ឋបាលថ្នាក់ក្រោមជាតិ ឱ្យស្របតាមគោលការណ៍អភិបាលកិច្ចល្អ មានប្រសិទ្ធភាព តម្លាភាព និងគណនេយ្យភាពខ្ពស់។

ការរៀបចំសេចក្តីព្រាងច្បាប់នេះ គឺជាផ្នែកមួយដ៏សំខាន់ក្នុងការបន្តជំរុញកំណែទម្រង់វិមជ្ឈការ និងវិសហមជ្ឈការ ដើម្បីផ្តល់លទ្ធភាព និងស្វ័យភាពកាន់តែទូលំទូលាយដល់រដ្ឋបាលថ្នាក់ក្រោមជាតិ ក្នុងការឆ្លើយតបទៅនឹងតម្រូវការជាក់ស្តែងរបស់ប្រជាពលរដ្ឋនៅមូលដ្ឋាន៕

កិច្ចប្រជុំពិនិត្យមើលលើឯកសារហិរញ្ញវត្ថុ និងលទ្ធកម្ម នៃគម្រោង​រដ្ឋបាលមូលដ្ឋាន និងការប្រែប្រួលអាកាសធាតុ ដំណាក់កាលទី៣ (LGCC...
21/08/2026

កិច្ចប្រជុំពិនិត្យមើលលើឯកសារហិរញ្ញវត្ថុ និងលទ្ធកម្ម នៃគម្រោង​រដ្ឋបាលមូលដ្ឋាន និងការប្រែប្រួលអាកាសធាតុ ដំណាក់កាលទី៣ (LGCC3)
---------
រាជធានីភ្នំពេញ៖ នារព្រឹក ថ្ងៃសុក្រ ៨កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែសីហា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. តំណាងដ៏ខ្ពង់ខ្ពស់ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានដឹកនាំកិច្ចប្រជុំពិគ្រោះយោបល់ លើឯកសារគ្រប់គ្រងហិរញ្ញវត្ថុ និងលទ្ធកម្ម ។

កិច្ចប្រជុំ​នេះរៀបចំឡើងពេញមួយថ្ងៃ ដោយមានការចូលរួមពីក្រុមការងារគម្រោង LGCC3 នៃលេខាធិការដ្ឋាន គ.ជ.អ.ប. ទីប្រឹក្សាបច្ចេកទេស និងភាគីពាក់ព័ន្ធសរុបចំនួន ១៣ រូប​ ក្នុងនោះស្រី​ ៦រូប។

គោលបំណងសំខាន់នៃកិច្ចប្រជុំ៖
- ពិនិត្យ និងពិភាក្សាលើឯកសារគ្រប់គ្រងហិរញ្ញវត្ថុ និងលទ្ធកម្ម ដែលបានរៀបចំឡើងដោយទីប្រឹក្សាបច្ចេកទេស។
- ប្រមូលធាតុចូល មតិយោបល់ និងអនុសាសន៍បន្ថែមពីភាគីពាក់ព័ន្ធ ដើម្បីកែលម្អឯកសារឱ្យមានភាពរលូន សុក្រឹត និងមានប្រសិទ្ធភាពខ្ពស់។
- ធានាថាឯកសារបទដ្ឋានទាំងនេះមានលក្ខណៈគ្រប់ជ្រុងជ្រោយសម្រាប់យកទៅប្រើប្រាស់ក្នុងការអនុវត្តគម្រោង LGCC3 ។

20/08/2026

ផ្សាយផ្ទាល់ៈ ទិវាជាតិអន្តរសាសនាប្រឆាំងការជួញដូរមនុស្ស ២០ សីហា ២០២៦
“គ្រប់សាសនានៅកម្ពុជារួមគា្នបង្ការ ទប់ស្កាត់អំពើជួញដូរមនុស្ស និងឧក្រិដ្ឋកម្មតាមប្រព័ន្ធបច្ចេកវិទ្យា”
រាជធានីភ្នំពេញ ថៃ្ងព្រហស្បត៏ ៧កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី២០ ខែសីហា ឆ្នាំ២០២៦

NATIONAL INTERFAITH DAY AGAINST TRAFFICKING IN PERSONS 20 AUGUST 2026
"MAINTAIN UNITY AMONG ALL RELIGIONS AGAINST HUMAN TRAFFICKING AND CYBERCRIME"
Phnom Penh, 20 August 2026

Address

Located Inside Ministry Of Interior's Compound (Building V), Norodom Boulevard
Phnom Penh
855

Opening Hours

Monday 07:30 - 17:30
Tuesday 07:30 - 17:30
Wednesday 07:30 - 17:30
Thursday 07:30 - 17:30
Friday 07:30 - 17:30

Website

Alerts

Be the first to know and let us send you an email when លេខាធិការដ្ឋាន គជអប - NCDDS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to លេខាធិការដ្ឋាន គជអប - NCDDS:

Shortcuts

Share

Category