មជ្ឈមណ្ឌលជាតិកំចាត់រោគរបេង និងហង់សិន

02/06/2026

ញត្ដិគាំទ្រ ចំពោះចំណាត់ការរបស់រាជរដ្ឋាភិបាលកម្ពុជា ក្នុងការដោះស្រាយបញ្ហាទាមទារដែនសមុទ្រដោយសន្តិវិធី និងស្របតាមច្បាប់អន្តរជាតិ

02/06/2026

សេចក្តីថ្លែងការណ៍របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជាផ្ញើជូនជនរួមជាតិកម្ពុជា ស្ដីពីដំណោះស្រាយរបស់រាជរដ្ឋាភិបាល ពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ។

ថ្ងៃទី២ ខែមិថុនា ឆ្នាំ២០២៦

01/06/2026

អបអរសាទរ​ ខួបទី៧៧ ទិវាកុមារអន្តរជាតិ (១មិថុនា) ក្រោមប្រធានបទ៖ «សន្តិភាព ជាមូលដ្ឋានគ្រឹះនៃការគោរពនិងកិច្ចគាំពារសិទ្ធិកុមារ»

១ មិថុនា ១៩៤៩ ~ ១ មិថុនា ២០២៦

30/05/2026

23/05/2026

កិច្ចប្រជុំពិភាក្សាការងារអំពីផែនការអនុវត្តអនុស្សរណៈនៃការយោគយល់គ្នា (MoU) ស្តីពីកិច្ចសហប្រតិបត្តិការវិស័យសុខាភិបាល រវាងរាជរដ្ឋាភិបាលកម្ពុជា និងរដ្ឋាភិបាលសហរដ្ឋអាមេរិក
- - -
នាព្រឹកថ្ងៃទី២១​ ខែឧសភា ឆ្នាំ២០២៦ នៅមជ្ឈមណ្ឌលជាតិកំចាត់រោគរបេង និងហង់សិន​លោកវេជ្ជបណ្ឌិត​ ហួត​ ចាន់យុដា ប្រធានមជ្ឈមណ្ឌលជាតិ និងសហការី បានទទួលស្វាគមន៍គណៈប្រតិភូពីស្ថានទូតសហរដ្ឋអាមេរិក ដឹកនាំដោយ លោកស្រីវេជ្ជបណ្ឌិត Sara Klucking ប្រធានការិយាល័យជំនួយសុខភាពក្នុងតំបន់ និងជាអ្នកសម្របសម្រួល PEPFAR ប្រចាំតំបន់អាស៊ី និងសហការី ដើម្បីពិភាក្សាការងារអំពីផែនការអនុវត្តអនុស្សរណៈនៃការយោគយល់គ្នា (MoU) ស្តីពីកិច្ចសហប្រតិបត្តិការវិស័យសុខាភិបាល រវាងរាជរដ្ឋាភិបាលកម្ពុជា និងរដ្ឋាភិបាលសហរដ្ឋអាមេរិក។
កិច្ចប្រជុំនេះ បានផ្តោតលើការពង្រឹងកិច្ចសហប្រតិបត្តិការនាពេលអនាគត ក្រោមអនុស្សរណៈថ្មីនេះ ជាពិសេសលើនិរន្តរភាព នៃកម្មវិធីជាតិកំចាត់រោគរបេង​ ការកំណត់អាទិភាពវិនិយោគយុទ្ធសាស្ត្រ កិច្ចសហប្រតិបត្តិការបច្ចេកទេស ប្រព័ន្ធមន្ទីរពិសោធន៍ និងបទអន្តរាគមន៍នានា។
លោកប្រធានមជ្ឈមណ្ឌលជាតិ បានគូសបញ្ជាក់ពីសារៈសំខាន់នៃការធានាឱ្យសកម្មភាពអនុវត្តន៍ទាំងអស់ ស្របតាមអាទិភាពរបស់ក្រសួងសុខាភិបាល និងផែនការយុទ្ធសាស្ត្រជាតិ ដើម្បីធានានិរន្តរភាព ការសម្របសម្រួលប្រកបដោយប្រសិទ្ធភាពសម្រាប់កម្មវិធីកំចាត់រោគរបេងនៅកម្ពុជា។
ភាគីទាំងពីរ បានបញ្ជាក់ជាថ្មីពីការប្តេជ្ញាចិត្តរួម ក្នុងការបន្តកិច្ចសហប្រតិបត្តិការបច្ចេកទេស ការពង្រឹងប្រព័ន្ធ ការគាំទ្រការចូលរួមរបស់សហគមន៍ និងការលើកកម្ពស់ភាពជាដៃគូប្រកបដោយនិរន្តរភាព ដើម្បីឈានកំចាត់រោគរបេងនៅកម្ពុជា។

21/05/2026

សេចក្តីជូនដំណឹង៖
មជ្ឈមណ្ឌលជាតិកំចាត់រោគរបេង និងហង់សិន ជ្រើសរើសមន្រ្តីជាប់កិច្ចសន្យាចូលបម្រើការងារ ដែលមានជំនាញ វេជ្ជបណ្ឌិត ២រូប សម្រាប់បម្រើការងារជាគ្រូពេទ្យព្យាបាលអ្នកជំងឺ នៅក្នុងមន្ទីរពេទ្យ នៃមជ្ឈមណ្ឌលជាតិកំចាត់រោគរបេង និងហង់សិន ដោយចាប់ទទួលពាក្យពីថ្ងៃជូនដំណឹងនេះរហូតដល់ថ្ងៃទី៣០ ខែមិថុនា ឆ្នាំ២០២៦ វេលាម៉ោង ១៧ៈ៣០នាទី រសៀល។