ECCD Cambodia

02/09/2026

កម្មវិធីពិធីបើកវគ្គបំប៉ន់ស្ដីពី កម្មវិធីត្រៀមកុមារចូលរៀនថ្នាក់ទី១ នៃសាលាបឋមសិក្សា
=======
ថ្ងៃពុធ ៥រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២ ខែកកញ្ញា ឆ្នាំ២០២៦ ឯកឧត្តមបណ្ឌិត ប្រាក់ កុសល អគ្គលេខាធិការរងនៃអគ្គលេខាធិការដ្ឋានគណៈកម្មាធិការជាតិគាំពារនិងអភិវឌ្ឍកុមារតូច និងជាប្រធាននាយកដ្ឋាអប់រំកុមារតូច និងលោក លោកស្រីជាថ្នាក់ដឹកនាំនាយកដ្ឋានអប់រំកុមារតូច បានអញ្ជើញជាអធិបតី ក្នុងពិធីបើកវគ្គបំប៉ន់ស្ដីពីកម្មវិធីត្រៀមកុមារចូលរៀនថ្នាក់ទី១ នៃសាលាបឋមសិក្សាដែលមានរយៈពេល ៥ថ្ងៃ ចាប់ពីថ្ងៃទី២-៦ ខែកញ្ញា ឆ្នាំ២០២៦ នៅខេត្តស្ទឹងត្រែង និងខេត្តរតនគិរី ដែលមានសមាសភាពចូលរួមសរុបចំនួន ១៩៣នាក់ ស្រី ១១៦នាក់។ វគ្គបំប៉ននេះ ប្រើប្រាស់ថវិកាគម្រោងកែលម្អការអប់រំកម្រិតមូលដ្ឋាន(BEIP)។

31/08/2026

ក្រុមការងារជំនាញនៃនាយកដ្ឋានអប់រំកុមារតូច សហការរៀបចំកញ្ចប់សម្ភារៈបណ្តុះបណ្តាលកម្មវិធីត្រៀមកុមារចូលរៀនថ្នាក់ទី១នៃសាលាបឋមសិក្សា(៨សប្តាហ៏) នៅខេត្តស្ទឹងត្រែង និងខេត្តរតនគីរី ពីថ្ងៃទី០២-០៦ ខែញ្ញា ឆ្នាំ២០២៦។

27/08/2026

សិក្ខាសាលាតម្រង់ទិសគណៈគ្រប់គ្រងសាលារៀន ស្ដីពី កម្មវិធីត្រៀមកុមារចូលរៀនថ្នាក់ទី១ នៃសាលាបឋមសិក្សា
=======
ក្រចេះ៖ ថ្ងៃព្រហស្បតិ៍ ១៤កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែសីហា ឆ្នាំ២០២៦ ឯកឧត្តមបណ្ឌិត ប្រាក់ កុសល អគ្គលេខាធិការរងនៃអគ្គលេខាធិការដ្ឋានគណៈកម្មាធិការជាតិគាំពារនិងអភិវឌ្ឍកុមារតូច និងជាប្រធាននាយកដ្ឋាអប់រំកុមារតូច បានអញ្ជើញជាអធិបតី ក្នុងពិធីបើកសិក្ខាសាលាតម្រង់ទិសគណៈគ្រប់គ្រងសាលារៀន ស្ដីពីកម្មវិធីត្រៀមកុមារចូលរៀនថ្នាក់ទី១ នៃសាលាបឋមសិក្សា ដែលបានប្រព្រឹត្តទៅនៅមន្ទីរអប់រំ យុវជន និងកីឡាខេត្តក្រចេះ ដែលមានសសមាសភាពចូលរួមជាគណៈជាថ្នាក់ដឹកនាំមន្ទីរ អ្នកទទួលបន្ទុកការងារអប់រំកុមារតូចនៃមន្ទីរ និងស្រុក គណៈគ្រប់គ្រងសាលារៀន និងក្រុមប្រឹក្សាឃុំសង្កាត់ ពាក់ព័ន្ធ នៃខេត្តក្រចេះ ស្ទឹងត្រែង រតនគិរី មណ្ឌលគិរី និងខេត្តព្រះវិហារ សរុបរួមចំនួន ១៥៣នាក់។
សិក្ខាសាលានេះ ប្រើប្រាស់ថវិកាគម្រោងកែលម្អការអប់រំកម្រិតមូលដ្ឋាន(BEIP).

25/08/2026

ព្រឹកថ្ងៃអង្គារ ១២កើត ខែស្រាពណ៌ ឆ្នាំមមី អដ្ឋស័ក ព.ស. ២៥៧០ ត្រូវថ្ងៃទី២៥ ខែសីហា ឆ្នាំ២០២៦ លោកជំទាវបណ្ឌិត គឹម សេដ្ឋានី រដ្ឋលេខាធិការប្រចាំការ ក្រសួងអប់រំ យុវជន និងកីឡា បានអនុញ្ញាតឱ្យលោក Jaekun Rho នាយកប្រតិបត្តិប្រចាំប្រទេសនៃអង្គការឈរុអ៊ូសានសម្រាប់កុមារ ( ChorogUsan for children) លោកបណ្ឌិត Jin Ho LIM ប្រធានមជ្ឍមណ្ឌលភាពជាដៃគូសកលសម្រាប់ការអប់រំ(GPE Center) និងសហការីនៃសាធារណៈរដ្ឋកូរ៉េ បានដឹកនាំប្រតិភូចូលជួបសម្តែងការគួរសម និងពិភាក្សាការងារ។

លោកបណ្ឌិត Jin Ho LIM បានថ្លែងអំណរគុណលោកជំទាវបណ្ឌិតរដ្ឋលេខាធិការប្រចាំការ បានអនុញ្ញាតឱ្យប្រតិភូមានឱកាសបានជួបពិភាក្សាការងារ និងសម្តែងការកោតសរសើរចំពោះការរីកចម្រើនជាបន្តបន្ទាប់នៃសេវាអប់រំកុមារតូចក្រោមភាពជាអ្នកដឹកនាំរបស់លោកជំទាវបណ្ឌិត លើសពីនេះកម្ពុជាក៏បាននាំយកបទពិសោធការអប់រំកុមារតូចចែករំលែកក្នុងកម្រិតតំបន់និងពិភពលោកផងដែរ។

លោកជំទាវបណ្ឌិត បានថ្លែងអំណរគុណលោកបណ្ឌិតប្រធានលេខាធិការដ្ឋាន GPE និងលោកប្រធានអង្គការ ChorogUsan ដែលបានរួមចំណែកជាមួយក្រសួងអប់រំ យុវជន និងកីឡា ក្នុងអនុវត្តគម្រោងនានាកន្លង និងបន្តប្តេជ្ញាចិត្តសិក្សាឱកាសគាំទ្រការលើកកម្ពស់ការអប់រំកុមារតូចនៅកម្ពុជា។ ក្នុងឱកាសនោះលោកជំទាវបណ្ឌិត បាន លើកឡើងពីផលជៈដែលមិនអាចខ្វះបានពីការអប់រំកុមារតូចចំពោះលទ្ធផលវាយតម្លៃសមត្ថភាពកុមារបឋមសិក្សាកម្រិតតំបន់(SEA-PLM)នៅកម្ពុជា បានបង្ហាញយ៉ាងច្បាស់ចំពោះពិន្ទុកុមារទទួលបានការរៀនសូត្រពីកម្រិតមត្តេយ្យសិក្សា ទទួលបានពិន្ទុខ្ពស់ជាងកុមារដែលមិនបានរៀនសូត្រពីកម្រិតមត្តេយ្យសិក្សា។ លោកជំទាវបណ្ឌិត បានសម្តែងការស្វាគមន៍យ៉ាងកក់ក្តៅចំពោះមជ្ឍមណ្ឌលភាពជាដៃគូសកលសម្រាប់ការអប់រំ(GPE Center) និងអង្គការ ChorogUsan បានបន្តរៀបចំគម្រោងដើម្បីលើកកម្ពស់ការអប់រំកុមារតូច ស្របតាមគោលនយោបាយអាទិភាពរបស់រាជរដ្ឋាភិបាលកម្ពជា ឆ្លើយតបនៃកាបង្កើនលទ្ធភាពកុមារតូចទទួលបានសេវាអប់រំ និងតម្រូវការគុណភាពរបស់កុមារបន្តការសិក្សាប្រកបដោយគុណភាពនៅកម្រិតបឋមសិក្សា។

25/08/2026

សេចក្តីជូនដំណឹង ស្តីអំពីក្រសួងអប់រំ យុវជន និងកីឡា

សូមអាន​ព័ត៌មាន​លម្អិត​ និងតាមតំណរលីងសម្រាប់ចូលរួមខាងក្រោមនេះ
👉 https://nokorthomdaily.com.kh/archives/288157

25/08/2026

សេចក្តីជូនដំណឹង ស្តីអំពីក្រសួងអប់រំ យុវជន និងកីឡា

សូមអាន​ព័ត៌មាន​លម្អិត​ និងតាមតំណរលីងសម្រាប់ចូលរួមខាងក្រោមនេះ
👉https://nokorthomdaily.com.kh/archives/287383

22/08/2026

នាំយកអំណោយសម្លៀកបំពាក់ ពីសម្បុរសជន មកជូនកុមារនៅសាលាបឋមសិក្សាទាំង ៦ ក្នុងឃុំព្រែកក្របៅ ស្រុកកងមាស ខេត្តកំពង់ចាម
========
ព្រែកក្របៅ៖ ថ្ងៃសៅរ៍ ៩កើត ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែសីហា ឆ្នាំ២០២៦ ​ឯកឧត្តមបណ្ឌិត ប្រាក់ កុសល អគ្គលេខាធិការរងនៃអគ្គលេខាធិការដ្ឋានគណៈកម្មាធិការជាតិគាំពារនិងអភិវឌ្ឍកុមារតូច និងជាប្រធាននាយកដ្ឋានអប់រំកុមារតូច ឯកឧត្តម ឈូន ប៊ុនឈឿន អគ្គលេខាធិការរងនៃអគ្គលេខាធិការដ្ឋានគណៈកម្មាធិការជាតិគាំពារនិងអភិវឌ្ឍកុមារតូច និងជាអនុប្រធាននាយកដ្ឋានអប់រំកុមារតូច និងសហការី បាននាំយកអំណោយជាសម្លៀកបំពាក់ ដែលទទួលបានពី អង្គការ CHOROGUSAN FOR CHILDREN ទៅជូនសាលាបឋមសិក្សាទាំង ៦ ក្នុងឃុំព្រែកក្របៅ រួមមាន៖
១.សាលាបឋមសិក្សាអណ្ដូងតាអុង
២.សាលាបឋមសិក្សាអណ្ដូងដៃ
៣.សាលាបឋមសិក្សាពាមក្នុង
៤.សាលាបឋមសិក្សាពោធិ៍សាលា
៥.សាលាបឋមសិក្សាព្រែកក្របៅ
៦.សាលាបឋមសិក្សាចំការឪឡឹក
ដោយក្នុងមួយសាលាទទួលបាន ខោ ២កេះ ស្មើនឹង ៣៣០ខោ និងអាវ ១កេះ ស្មើនិង ៨០អាវ
សរុបរួម ខោចំនួន ២ ០០០ខោ និងអាវ ចំនួន ៥០០អាវ។

19/08/2026

ពិធី​ក្រុងពាលីបេីកការដ្ឋានសាងសង់អគារទារកដ្ឋានចំនួន​ ២៣​កន្លែង និង​ អាគារមត្តេយ្យសិក្សាចំនួន​ ១៣​កន្លែង តាមរយៈគម្រោងកែលម្អការអប់រំកម្រិតមូលដ្ឋាន(BEIP) ផ្តោតសំខាន់ និងមានគោលបំណង៖
- ផ្តល់សេវាថែទាំ គាំពារ និងអប់រំកុមារតូចមានគុណភាព ប្រកបដោយសមធម៌ និងបរិយាបន្ន សម្រាប់កុមារតូចគ្រប់រូប សំដៅរួមចំណែកយ៉ាងសំខាន់ក្នុងការផ្តល់នូវមូលដ្ឋានគ្រឹះដ៏រឹងមាំ និងមិនអាចខ្វះបានក្នុងការអភិវឌ្ឍធនធានមនុស្ស។
- ផ្តល់ឱកាស និងលើកកម្ពស់កុមារដែលមានអាយុចាប់ពី ០ឆ្នាំ ដល់ក្រោម ៦ឆ្នាំ ទទួលបានសេវាគាំពារ និងអភិវឌ្ឍសមត្ថភាពពេញលេញ ជា​ពិសេស​កុមារ​តូច​ងាយ​រងគ្រោះ​ និង​ក្រខ្សត់​ ស្រប​តាម​រដ្ឋ​ធម្មនុញ្ញនៃ​ព្រះ​រាជា​ណាចក្រ​កម្ពុជា​ ដើម្បីចូលរៀនឱ្យបានទាន់ពេលវេលា ប្រកបដោយប្រសិទ្ធភាព សមធម៌ និងបរិយាបន្ន។

19/08/2026