អគារសង្គ្រោះបន្ទាន់ជម្ងឺទូទៅ មន្ទីរពេទ្យព្រះកេតុមាលា

22/08/2026

ក្រុមប្រឹក្សា​គណៈ​គ្រូពេទ្យ​ភូមិ​ភាគ​១​ ចេញសេចក្ដីប្រកាសព័ត៌មានពាក់ព័ន្ធលោក ហ៊ាង រតនា ដែលបានបង្ហោះលេីបណ្ដាញសង្គមផ្សព្វផ្សាយបំផ្លើសនូវព័ត៌មានមិនពិត និងចោទប្រកាន់ដោយគ្មានមូលដ្ឋាន ដែលនាំឱ្យប៉ះពាល់ដល់កិត្តិយស និងសេចក្តីថ្លៃថ្នូររបស់បុគ្គល ព្រមទាំងគណៈគ្រូពេទ្យកម្ពុជា។

05/08/2026

28/04/2025

នៅព្រឹកថ្ងៃច័ន្ទ ទី២៨ ខែមេសា ឆ្នាំ២០២៥ នៅអគារសង្គ្រោះជំងឺទូទៅ (Rea-Med) នៃមន្ទីរពេទ្យព្រះកេតុមាលា បានធ្វើបទបង្ហាញ ស្តីអំពី «COPD Chronic Obstructive Pulmonary Disease
» ដោយលោកវេជ្ជ. ម៉ៅ សុខឡេង និង សម្របសម្រួលដោយសាស្រ្តាចារ្យវេជ្ជ. ឆាយ នាង នាយករងមន្ទីរពេទ្យព្រះកេតុមាលា ជូនដល់បុគ្គលិក និង និស្សិត ដែលកំពុងបំរើការងារ និង ចុះកម្មសិក្សាក្នុងអគារ Rea-Med។

10/02/2025

អគារសង្គ្រោះបន្ទាន់ជំងឺទូទៅ នៃមន្ទីរពេទ្យព្រះកេតុមាលា នៅព្រឹកថ្ងៃច័ន្ទ ១៣កើត ខែមាឃ ឆ្នាំរោង ឆស័ក ពុទ្ធសករាជ ២៥៦៨ (ត្រូវនឹងថ្ងៃទី 10-02-2025) អគារមានធ្វើបទបង្ហាញស្ដីអំពី “Oxygen Content FiO2,PAO2,PaO2,O2sat,SaO2,PiO2” ដែលបង្ហាញដោយលោកវេជ្ជបណ្ឌិត សែម ប៊ុនធឿន និង សម្របសម្រួលដោយ ឯកឧត្តមសាស្ត្រាចារ្យ វេជ្ជបណ្ឌិត ឆាយ នាង ។

12/08/2024

នៅព្រឹកថ្ងៃច័ន្ទ ទី១២ ខែសីហា ឆ្នាំ២០២៤ នៅអគារសង្គ្រោះជំងឺទូទៅ (Rea-Med) នៃមន្ទីរពេទ្យព្រះកេតុមាលា បានធ្វើបទបង្ហាញ ស្តីអំពី «Thyroid Crisis » ដោយលោកវេជ្ជ. សែម ប៊ុនធឿន និង សម្របសម្រួលដោយសាស្រ្តាចារ្យវេជ្ជ. ឆាយ នាង នាយករងមន្ទីរពេទ្យព្រះកេតុមាលា ជូនដល់បុគ្គលិក និង សិក្ខាកាម ដែលកំពុងបំរើការងារ និង សិក្សាក្នុងអគារ ។

01/07/2024

នៅព្រឹកថ្ងៃច័ន្ទ ទី១ ខែកក្កដា ឆ្នាំ២០២៤ បន្ទាប់ពីពិធីគោរពទង់ជាតិនៃព្រះរាជាណាចក្រកម្ពុជា នៅអគារសង្គ្រោះជំងឺទូទៅ (Rea-Med) នៃមន្ទីរពេទ្យព្រះកេតុមាលា បានធ្វើបទបង្ហាញ ស្តីអំពី Cushing’s Syndrome ដោយវេជ្ជ. លាង គង់ និង សម្របសម្រួលដោយសាស្រ្តាចារ្យវេជ្ជ. ឆាយ នាង នាយករងមន្ទីរពេទ្យព្រះកេតុមាលា ។

01/04/2024

អាកាសធាតុ កំពុងឡើងកំដៅខ្លាំង ដែលប៉ះពាល់ដល់សុខភាពបងប្អូន ពិសេសបងប្អូនដែលធ្វើការក្រោមកំដៅថ្ងៃ ហើយអ្វីដែលយើងជួបនោះគឺជំងឺ Heat stroke .
ជំងឺហីតស្ត្រូក( heat stroke)
- ជាជំងឺដែលកើតឡើងពីការវាយប្រហារដោយកំដៅ ធ្វើអោយសីតុណ្ហភាពខ្លួនយើងកើនឡើងភ្លាមៗ ពេលដែលយើងនៅក្រោមកំដៅថ្ងៃ រយះពេលយូរ។
- ហីតស្រ្តូក គីខ្លួនយើងកើនកំដៅ ចាប់ពី ៤០ អង្សា សេ 40° C ឬលើសនេះ។
- លក្ខខណ្ឌដែលអាចមានបញ្ហានេះកើតឡើងគឺភាគច្រើននៅរដូវប្រាំង ដែលជារដូវមានកំដៅខ្លាំង ដែលជះឥទ្ធិពលធ្ងន់ធ្ងរ លើជំងឺនេះ ។
- ហីតស្ត្រូក គឺជាជំងឺដែលត្រូវការព្យាបាល ភ្លាមៗពីផ្នែកវេជ្ជសាស្ត្រ និងគ្រូពេទ្យជំនាញ ព្រោះវាអាចបង្ករអោយមានការស្លាប់បានបើសិនមិនមានការព្យាបាល ត្រឹមត្រូវឬទាន់ពេលទេនោះ។
- ការមិនបានព្យាបាល ហឺីតស្រ្តូក វានិងបំផ្លាញសរីរាង្គសំខាន់របស់យើងដូចជា:
១ ខួក្បាល
២ សួត
៣ ថ្លើម
៤ សាច់ដុំ
៥ ប្រព័ន្ធរំលាយអាហារ
៦ ប្រព័ន្ធឈាមរត់.....
- ការពន្យារការព្យាបាល ការខូចខាតសរីរាង្គនេះ កើតឡើងរិតតែធ្ងន់ធ្ងរទៅៗ នាំអោយជាផលវិបាកធ្ងន់ធ្ងរ និងឈានដល់ការស្លាប់បាន។
- យើងចែក ហីតស្ត្រ្តូកនេះជា២ បែប:
១ កត្តាបង្ករពីខ្លួនយើងផ្ទាល់: គឺកើតឡើងដោយបុគ្គលខ្លួនយើង មិនអាចទប់ទល់ ឬសម្របសម្រួល យូរថែមទៀតទៅនឹងការកើនកំដៅ ដោយសារតែការធ្វើការងារ ឬសកម្មភាពណាមួយរយៈពេលយូរ ដូចជាហាត់ប្រាណ ហាត់កីឡា ធ្វើសំណង់ នៅក្រោមកំដៅថ្ងៃខ្លាំង។
២ កត្តាពីខាងក្រៅយើង: ដែករាងកាយមិនអាចសម្របសម្រួលឬឆ្លើយតបបានល្អ ទល់នឹងកំដៅផ្នែកខាងក្រៅ ក្នុងទីកន្លែងណាមួយដែលមានរលកកំដៅខ្លាំង។
- មូលហេតុរួមមាន:
១ ការប៉ះពាល់បរិយាកាសខាងក្រៅ
២ធ្វើការក្នុងកន្លែងឬបន្ទប់ហប់ក្តៅខ្លាំង
៣ ការបាត់បង់ជាតិទឹក
៤ ការបរិភោគជាតិស្រវឹង និង ភេសជ្ជៈផ្អែមខ្លាំង
៥ ការពាក់អាវជិតៗនិងក្រាស់ៗពេក ល។ល
- កត្តាបង្កឱ្យមានហានិភ័យខ្ពស់ មាន:
១ ក្មេងអាយុក្រោម ៤ ឆ្នាំ
២ មនុស្សចាស់លើស៦៥ ឆ្នាំ
៣ កន្លែងខ្វះខាតម៉ាស៊ីនត្រជាក់
៤ ប៉ះពាល់ភ្លាមៗកន្លែងដែលមានអាកាសធាត្តក្តៅខ្លាំង
៥ ការប្រើប្រាស់ថ្នាំមួយចំនួន
៦ អ្នកមានជំងឺមួយចំនួនស្រាប់ សួត បេះដូង ធាត់...
- រោគសញ្ញា :
កំដៅឡើង៤០ អង្សារសេ ឬលើសពីនេះ ស្បែកក្រហម វង្វេងវង្វាន់ ស្មារតី ឡេះឡះ និយាយស្តាប់មិនបាន ដកដង្ហើមញាប់ បេះដូងដើរញាប់ ឈឺក្បាល បែកញើសខ្លាំង
អាចប្រកាច់ និងសន្លប់។
- រោគវិនិច្ឆ័យ និងព្យាបាល:
-ពិនិត្យឈាមរកមើល សូដ្យូម ប៉ូតាស្យូម ហ្គាសក្នុងឈាម.
- ពិនិត្យទឹកនោម ពណ៌ទឹកនោម មុខងារតំរងនោម.
- ពិនិត្យមុខងារសាច់ដុំ
- ថតឆ្លុះ រកមើលការខូចខាតមុខងារសរីរាង្គខាងក្នុង
ការរក្សាទុកជំងឺនៅផ្ទះគីមិនត្រឹមត្រូវទេ ត្រូវបញ្ជូន ឬរកការជួយសង្គ្រោះពីគ្រូពេទ្យជំនាញ។
- ការព្យាបាល
១ បន្ថយ ឬ បញ្ចុះកំដៅអោយមកធម្មតាវិញ ដើម្បីកាត់បន្ថយផលវិបាកផ្សេងៗ។
២ ដាក់អ្នកជំងឺក្នុងកន្លែងដែលត្រជាក់ អាង ពាង បន្ទប់ត្រជាក់ ដែលអាចធ្វើទៅបាន។
៣ រុំឬដណ្តប់ភួយត្រជាក់
៤ ស្អុំទឹកកក
៥ គ្រូពេទ្យអាចអោយថ្នាំមួយចំនួនតាមរោគសញ្ញា។
*សាដាស់តឿននៅផ្ទះ។
១ ហាមហាត់ប្រាណ ឬធ្វើការ ឬ សកម្មភាពផ្សេងៗនៅកន្កែងដែល ក្តៅ ហប់ និងរយៈពេលយូរៗ។
២ ត្រូវពិសារទឹកអោយគ្រប់គ្រាន់
៣ ហាមដើរ ឬ ធ្វើការ ក្រោមអាកាសធាតុកំពុងក្តៅខ្លាំង។
៤ ត្រូវរកការជួយសង្រ្គោះបន្ទាន់បើមានរោគសញ្ញាណាមួយកើតឡើងធ្ងន់ធ្ងរ។

Emergency ward.pkml

21/05/2023

យើងខ្ញុំទាំងអស់គ្នា ជាបុគ្គលិក​ អគារ​សង្គ្រោះ​ជំងឺ​ទូទៅ​ នៃមន្ទីរពេទ្យព្រះកេតុមាលា មានក្ដីរន្ធត់ចិត្ត​ នឹងសោកស្ដាយយ៉ាងខ្លាំង​ ដោយសារបាត់បង់​ ឯកឧត្តមឧត្តមសេនីយ៍ទោ​ វេជ្ជបណ្ឌិត សោម សោភ័ណ នាយករងមន្ទីរពេទ្យព្រះកេតុមាលា ដែលជាថ្នាក់ដឹកនាំដ៏ល្អ មានគុណធម៍ និង ព្រហ្មវិហាធម៌ ។ ឯកឧត្តមបានបន្សល់ទុកនូវអនុស្សាវរីយ៍ជាច្រើនរាប់មិនអស់ មានទាំងកិត្តិយស ស្នាមញញឹម និងភាពរួសរាយរាក់ទាក់ហេីយជាថ្នាក់ដឹកនាំល្អ ហើយទទួលការគោរពស្រលាញ់ ពីបុគ្គលិក​ទាំងអស់។
យើងខ្ញុំពិតជាសោកស្ដាយខ្លាំងណាស់នូវការបាត់បង់ធនធានដ៏សំខាន់ ។ សូមអោយវិញ្ញាណក្ខន្ធ​ ឯកឧត្ដមបានទៅកាន់សុគតិភពកុំបីឃ្លៀងឃ្លាតឡេីយ..​ !!!

27/06/2022

ព្រឹកថ្ងៃទី ២៧ ខែ មិថុនា ឆ្នាំ ២០២២ នៅអគារសង្រ្គោះជំងឺទូទៅ Rea-Med មានបទបង្ហាញស្តីពី Syndrome of inappropriate antidiuretic hormone secretion (SIADH) ដោយវេជ្ជ. ជុំ សុជាតិ និង ក្រោមការសម្របសម្រួល ពីលោកសាស្រ្តាចារ្យវេជ្ជ. ឆាយ នាង ជានាយករងមន្ទីរពេទ្យព្រះកេតុមាលា ។
Sponsored by : Servier Cambodia .