13/08/2026
លោក ឃីន ចំរើន ត្រូវបានថ្នាក់ដឹកនាំគណៈបក្ស និងសមាជិកប្រតិបត្តិខេត្តនៃគណបក្សឯកភាពជាតិខ្មែរ បានបោះឆ្នោតជាប់ជាប្រធានប្រតិបត្តិខេត្តតាកែវ រយៈពេល៤ឆ្នាំហើយ។
លោកឃីន ចំរើនមានចរិកលក្ខណៈថ្លៃថ្នូរ សុភាពរាបសារ ស្ងៀមស្ងាត់ តែច្បាស់លាស់ការងារ គួរឲ្យគោរព និងកោតសរសើរបំផុត។ ក្រោមការដឹកនាំរបស់គាត់ លោកតែងសហការជាមួយក្រុមការងារយ៉ាងស្អិតរមួត និងស្និតស្នាលបំផុត។ លោកបានដឹកនាំក្រុមការងារថ្នាក់ខេត្តតាកែវ ជាមួយលោកសាន ឡៃ លោកជិន ចាវ បង សុឹម សារិន លោកសុះ ហ៊ូន និងថ្នាក់ស្រុកដឹកនាំស្រុកត្រាំកក់ មានលោកណុប សាន លោក រីន សុង ជួយសង្គមនៅស្រុកត្រាំកក់បានច្រើនគួរកត់សម្គាល់ ដូចជា
១ សាងសង់ផ្លូវក្រាលគ្រួសមួយខ្សែ នៅឃុំញ៉ែងញ៉ង
២ ជួសជុលផ្លូវគ្រួសក្រហមមួយខ្សែ នៅភូមិពងទឹក
៣ កសាងផ្លូវចាក់គ្រួស ចូលព្រៃធាតុពងទឹក
៤ កសាងផ្លូវចាក់គ្រួសនៅភូមិប៉ែន
៥ ជួសជុលផ្លូវ ទៅវត្តអង្គសីមាចាស់
៦ ជួសជុលផ្លូវគ្រួសក្រហម នៅភូមិប្រសូតថ្មី
៧ ជួសជុលផ្លូវគ្រួសក្រហម ផ្លូវថ្មកែវ ក្នុងឃុំត្រាំកក់
៨ កសាងផ្លូវមួយខ្សែនៅឃុំតាភេម ខាងលិចវត្តចំប៉ា។ល។ លើសពីនេះ លោកបានដឹកនាំក្រុមការងារខេត្តតាកែវ ជួយការងារមនុស្សធម៌ជាច្រើន នៅឃុំទាំង១៥ នៃស្រុកត្រាំកក់ ខេត្តតាកែវ។
