ការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ

26/08/2026

ដោយទទួលបានការអនុញ្ញាតពីលោក ឧត្តមសេនីយ៍ទោ ស្នងការរង ទទួលផែនការងារសន្តិសុខ និងលោកឧត្តមសេនីយ៍ទោ ស្នងការរង ទទួលជំនួយការដឹកនាំការងារការិយាល័យប្រឆាំងបទល្មើសបច្ចេកវិទ្យា នៅព្រឹកថ្ងៃទី២៦ ខែសីហា ឆ្នាំ២០២៦ លោកវរសេនីយ៍ទោ វណ្ណ ខេមរ៉ា នាយការិយាល័យប្រឆាំងបទល្មើសបច្ចេកវិទ្យា បានដឹកនាំកិច្ចប្រជុំណែនាំការងារ និងជួបសំណះសំណាលជាមួយនិស្សិតថ្នាក់បរិញ្ញាបត្រវិទ្យាសាស្រ្តនគរបាល ជំនាញប្រឆាំងបទល្មើសបច្ចេកវិទ្យា ចំនួន ១៤រូប ដើម្បីចុះកម្មសិក្សា នៅការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ។

16/08/2026

បើក្លាយជាជនរងគ្រោះនៃការឆបោកតាមអនឡាញ តើត្រូវធ្វើអ្វី? 🆘📱

ការទិញទំនិញអនឡាញផ្តល់ភាពងាយស្រួល ប៉ុន្តែត្រូវប្រុងប្រយ័ត្ន! ប្រសិនបើបងប្អូនបានចាញ់បោកជនខិលខូច សូមអនុវត្តតាម ៣ ជំហានបន្ទាន់ ដូចខាងក្រោម៖

១. រក្សាទុកនូវភស្តុតាងទាំងអស់៖ រូប Screenshot នៃសារសន្ទនា (Chat) លេខទូរសព្ទ និងតំណភ្ជាប់ (Link) Page របស់ជនសង្ស័យ វិក្កយបត្រផ្ទេរប្រាក់។

២. ទាក់ទងធនាគារភ្លាមៗ៖ រាយការណ៍ទៅធនាគារដែលលោកអ្នកបានផ្ទេរប្រាក់ចេញ ដើម្បីស្នើសុំបង្កកប្រតិបត្តិការ។

៣. ដាក់ពាក្យបណ្ដឹងទៅអាជ្ញាធរមានសមត្ថកិច្ច៖ ភ្ជាប់មកជាមួយនូវ អត្តសញ្ញាណបណ្ណ ឬលិខិតឆ្លងដែន និងយកភស្តុតាងទាំងអស់ទៅដាក់ពាក្យបណ្ដឹងនៅនាយកដ្ឋានប្រឆាំងបទល្មើសបច្ចេកវិទ្យា។

📢 សារអប់រំសាធារណជន៖ កុំជឿតម្លៃថោកហួសហេតុ កុំប្រញាប់ផ្ទេរប្រាក់តាមការលួងលោម ត្រូវផ្ទៀងផ្ទាត់ប្រភពឱ្យបានច្បាស់លាស់មុនពេលបញ្ជាទិញ។

💡 ចងចាំ៖ គិតមុនចុច ពិនិត្យមុនផ្ទេរ បើមិនចង់ចាញ់បោកគេ សូមពិនិត្យប្រភពឱ្យច្បាស់លាស់។

📢 សូមជួយចែករំលែកព័ត៌មាននេះបន្តទៅកាន់ក្រុមគ្រួសារ និងមិត្តភក្តិ ដើម្បីរួមគ្នាទប់ស្កាត់ការឆបោកតាមប្រព័ន្ធអនឡាញ!

«យើងរួមគ្នាលុបបំបាត់អំពើឆបោកអនឡាញ»

🌐នាយកដ្ឋានប្រឆាំងបទល្មើសបច្ចេកវិទ្យា
🌐 Anti-Cyber Crime Department

07/08/2026

25/07/2026

📄 [សេចក្ដីណែនាំ] -- ឯកសារឧបសម្ព័ន្ធដែលត្រូវរៀបចំ សម្រាប់ដាក់ពាក្យបណ្ដឹង ឬធ្វើសេចក្ដីរាយការណ៍!

ដើម្បីជួយសម្រួល និងធ្វើឱ្យចំណាត់ការស្រាវជ្រាវរបស់សមត្ថកិច្ចអនុវត្តទៅបានឆាប់រហ័ស នាយកដ្ឋានប្រឆាំងបទល្មើសបច្ចេកវិទ្យា សូមជម្រាបជូនបងប្អូនប្រជាពលរដ្ឋអំពី ឯកសារចាំបាច់ ដែលត្រូវភ្ជាប់មកជាមួយពេលមកដាក់ពាក្យបណ្ដឹង៖

១. អត្តសញ្ញាណបណ្ណ ឬលិខិតឆ្លងដែន
(ករណីជនបរទេស មានសញ្ជាតិខ្មែរត្រូវមានព្រះរាជក្រឹត្យផ្តល់សញ្ជាតិ)

២. ដើមបណ្ដឹង
(ករណីមានមេធាវីតំណាង ត្រូវមានលិខិតផ្ទេរសិទ្ធិតំណាងកូនក្ដី និងកាតសម្គាល់មេធាវី)

៣. ដើមបណ្ដឹងជាជនបរទេស
(ត្រូវមានអ្នកបកប្រែអមជាមួយ)

៤. ភស្តុតាងពាក់ព័ន្ធ៖
- ចំនួនទឹកប្រាក់ដែលខាតបង់ (Bank Statement ពីធនាគារ និងប្រតិបត្តិការ Mobile Banking App)
- មធ្យោបាយផ្ទេរប្រាក់ ឬដកប្រាក់
- សារទំនាក់ទំនង រូបភាព និងសំឡេងរបស់ជនសង្ស័យ
- តំណភ្ជាប់ (Link) គណនីរបស់ជនសង្ស័យ។

⚠️ ចំណាំ៖ គ្រប់ឯកសារទាំងអស់ត្រូវផ្តិតស្នាមមេដៃ ដាក់ឈ្មោះដើមបណ្ដឹង និងបញ្ជាក់ខ្លឹមសារភស្តុតាងឱ្យបានច្បាស់លាស់៕

📞 ព័ត៌មានបន្ថែម សូមទំនាក់ទំនង៖ ០២៣ ៧២៦ ៨២២

«យើងរួមគ្នាលុបបំបាត់បទល្មើសបច្ចេកវិទ្យា»

🌐 នាយកដ្ឋានប្រឆាំងបទល្មើសបច្ចេកវិទ្យា
🌐 ACCD

25/07/2026

25/07/2026

ដោយទទួលបានការអនុញ្ញាតពីលោក ឧត្តមសេនីយ៍ទោ ស្នងការរង ទទួលផែនការងារសន្តិសុខ និងលោក ឧត្តមសេនីយ៍ទោ ស្នងការរង ទទួលជំនួយការដឹកនាំការងារការិយាល័យប្រឆាំងបទល្មើសបច្ចេកវិទ្យា នៅរសៀលថ្ងៃទី២៤ ខែកក្កដា ឆ្នាំ២០២៦ លោកវរសេនីយ៍ទោ វណ្ណ ខេមរ៉ា នាយការិយាល័យប្រឆាំងបទល្មើសបច្ចេកវិទ្យា បានដឹកនាំកិច្ចប្រជុំបូកសរុបលទ្ធផលការងារប្រចាំខែកក្កដា និងលើកទិសដៅការងារខែសីហា ឆ្នាំ២០២៦។
ក្នុងឱកាសនោះផងដែរ មន្ត្រីជំនាញនៃការិយាល័យប្រឆាំងបទល្មើសបច្ចេកវិទ្យា ចំនួន ០២រូប ដែលទើបបញ្ចប់វគ្គសិក្សារយៈពេលខ្លីនៅសាធារណៈរដ្ឋប្រជាមានិតចិន ក៏បានធ្វើបទបង្ហាញចែករំលែកចំណេះដឹងថ្មីៗនាពេលនោះ។

សមាសភាពចូលរួមកិច្ចប្រជុំរួមមាន លោកនាយរងការិយាល័យ លោកនាយ-នាយរងផ្នែក និងមន្ត្រីទាំងអស់នៃការិយាល័យប្រឆាំងបទល្មើសបច្ចេកវិទ្យា ។

17/11/2025