29/03/2026
ដើម្បីផ្សព្វផ្សាយអំពីសមិទ្ធផលក្នុងក្របខ័ណ្ឌរួម នៃការកែទម្រង់គន្លឹះរបស់រាជរដ្ឋាភិបាល នីតិកាលទី៧ នៃរដ្ឋសភា ដែលបានអនុវត្តយ៉ាងមុតស្រួចនូវយុទ្ធសាស្ត្របញ្ចកោណ ដំណាក់កាលទី១ នៅក្នុងការពង្រឹងអភិបាលកិច្ច ក្នុងរដ្ឋបាលសាធារណៈ សាលាភូមិន្ទរដ្ឋបាលនៃក្រសួងមុខងារសាធារណៈ នឹងរៀបចំ «វេទិកាកែទម្រង់ស្ដីពី ការលើកកម្ពស់អភិបាលកិច្ចក្នុងរដ្ឋបាលសាធារណៈ» ដែលនឹងប្រព្រឹត្តទៅនាថ្ងៃទី៣ ខែមេសា ឆ្នាំ២០២៦ វេលាម៉ោង ៨:០០នាទីព្រឹក។
វេទិកានេះ នឹងមានការអញ្ជើញចូលរួមពីថ្នាក់ដឹកនាំតំណាងក្រសួង ស្ថាប័ន តំណាងស្ថានទូតប្រចាំនៅកម្ពុជា អង្គការសង្គមស៊ីវិល ដៃគូអភិវឌ្ឍន៍ សាកលវិទ្យាល័យ និងគ្រឹះស្ថានសិក្សានានា ព្រមទាំងសាធារណជនផងដែរ។ សម្រាប់សាធារណជន ដែលមានបំណងចូលរួមដោយផ្ទាល់ អាចដាក់ពាក្យតាមរយៈ QR Code ឬតំណភ្ជាប់ https://forms.gle/jNGkcQmrZcaBJiFp6 ចាប់ពីថ្ងៃផ្សាយដំណឹងនេះរហូតដល់ថ្ងៃទី១ ខែមេសា ឆ្នាំ២០២៦ ត្រឹមម៉ោង១២:០០ថ្ងៃត្រង់។
👉 សូមបញ្ជាក់៖ សាធារណជនដាក់ពាក្យចំនួន ៥០រូបដំបូង ដែលបានបំពេញព័ត៌មានគ្រប់គ្រាន់ និងច្បាស់លាស់ នឹងត្រូវបានជ្រើសរើស ដើម្បីចូលរួមវេទិកាខាងលើដោយផ្ទាល់៕