ដើររកប្រាសាទ-Discover Lost Temple

25/05/2023

24/05/2023

+ទួលយាយតី
_ មានកត់ត្រាក្នុងបញ្ជីបុរាណដ្ឋានរបស់CISARK
_ មិនមានក្នុងបញ្ជីទីទួលបុរាណរបស់ស្រុកឆ្នាំ២០១០
» ជាទួលប្រាសាទបុរាណធ្វើពីឥដ្ឋមួយមានទីតាំងជាប់នឹងស្ទឹងចក្រី ។ ទួលនេះត្រូវទឹកស្ទឹងហូរច្រោះអស់ពាក់កណ្ដាល ។
» សព្វថ្ងៃយើងឃើញមាននូវការសាងសង់សាលាបុណ្យពីលើខឿនប្រាសាទ ។ មានសេសសល់បំណែកថ្មភក់ និងឥដ្ឋតាន់នៅរាយប៉ាយ

» ទីតាំងលើGoogle Map
យាយតី
https://goo.gl/maps/DfnRQtZDxxSS8Vpm9
_ចូលទៅឆាណែលយូធូបរបស់យើង
https://youtube.com/channel/UCl3dY6PXj6EmmiJ8TiIpvbQ

#ទួលយាយតី #ភូមិកគោ #បន្ទាយចក្រី #ព្រះស្ដេច #ប្រាសាទ

07/04/2023

+ ទួលឥដ្ឋ
_មិនមានកត់ត្រាក្នុងបញ្ជីCISARK
_ ទួលនេះ ជាទួលប្រាសាទបុរាណមួយរាងរង្វង់ មានអង្កត់ផ្ចិត ៤៥ម៉ែត្រ មានកសិន្ធុជុំវិញ មានសេសសល់នូវខឿនឥដ្ឋតាន់ ។​​ ទួលនេះដែរ មានទីតាំងនៅក្នុងភូមិរកាកូនសាត់ ភូមិបឹងដោល ស្រុកព្រះស្ដេច ខេត្តព្រៃវែង

05/07/2022

+ទួលថ្ម (Toul Tmor)
_ មិនមានកត់ត្រាក្នុងបញ្ជីបុរាណដ្ឋានរបស់CISARK
_មានក្នុងបញ្ជីទីទួលបុរាណរបស់ស្រុកឆ្នាំ២០១០
» ទួលថ្ម គឺជាទួលបុរាណមួយ មានកសិន្ធុជុំវិញ ដែលមានទីតាំងនៅក្នុង ភូមិតាអូក ឃុំបឹងដោល ស្រុកព្រះស្ដេច ខេត្តព្រៃវែង ។ តាមប្រភពពីម្ចាស់ទួល កាលពីទសវត្សឆ្នាំ ១៩៦០ គេបានមកជីកដីនៅលើទួលនេះដាក់ទូកយកទៅធ្វើទំនប់ទប់ទឹកទន្លេ ហើយព្រមទាំងបានប្រទះឃើញនូវ ស្រូវ អង្កាម សំបកខ្យង ខ្ចៅដែលបានបញ្ចុះកាលពីបុរាណកាល ។
» សព្វថ្ងៃយើងឃើញមាននូវត្បាល់កិនថ្នាំបុរាណធ្វើពីថ្មភក់ចំនួនពីរ ដែលមួយនៅរក្សាទ្រង់ទ្រាយដើម មួយទៀតត្រូវបានគេដំបំបែក ។ ក្រៅពីនេះ យើងឃើញមាននូវ បំណែកកុលាលភាជន៍ជាច្រើននៅរាយប៉ាយលើទួល ។

» ទីតាំងលើGoogle Map
https://goo.gl/maps/ppsgfKHDQyBJbSsb8
_ចូលទៅឆាណែលយូធូបរបស់យើង
https://youtube.com/channel/UCl3dY6PXj6EmmiJ8TiIpvbQ

#ទួលថ្ម #តាអូក #បឹងដោល #ព្រះស្ដេច #ប្រាសាទ

21/03/2022

+ទួលធាតុ (Toul Theat) (ភូមិខ្លាខាំ)
_ មិនមានកត់ត្រាក្នុងបញ្ជីបុរាណដ្ឋាន ( No record in archeological database)
» ទួលធាតុគឺជាទួលប្រាសាទបុរាណមួយ មានកសិន្ធុជុំវិញ ដែលមានទីតាំងនៅក្នុង ភូមិខ្លាខាំ ឃុំសេនារាជឧត្តម ស្រុកព្រះស្ដេច ខេត្តព្រៃវែង ។ តាមប្រភពពីម្ចាស់ទួល ទួលនេះត្រូវបានជនខិលខូចមកលួចជីកគាស់កកាយបំផ្លិចបំផ្លាញរករូបចម្លាក់ និងវត្ថុមានតម្លៃ តាំងពីសម័យសារធារណរដ្ឋប្រជាមានិតកម្ពុជាមកម្ល៉េស ។
» សព្វថ្ងៃយើងឃើញមាននូវកំទេចកំទីឥដ្ឋតាន់ នៅរាយប៉ាយពាសពេញលើទួល ហើយកសិន្ធុដែលព័ទ្ធជុំវិញ ត្រូវបានក្លាយជាវាលស្រែរបស់ប្រជាពលរដ្ឋទៅហើយ ។
» នៅខាងកើតទួលនេះប្រមាណ ៣០០ម៉ែត្រ មានត្រពាំងបុរាណមួយឈ្មោះ ត្រពាំងកប់ប្រហុក ។
» ទីតាំងលើGoogle Map
ទួលធាតុ
https://goo.gl/maps/bTRALuJBg5DafYrU9

_ចូលទៅឆាណែលយូធូបរបស់យើង
https://youtube.com/channel/UCl3dY6PXj6EmmiJ8TiIpvbQ
_ចូលទៅឆាណែលតេលេក្រាមរបស់យើង
https://t.me/+EizKTe-Mh6JlNjE9
#ទួលធាតុ #ខ្លាខាំ #សេនារាជឧត្តម #ព្រះស្ដេច #ប្រាសាទ

19/03/2022

+ទួលអ្នកតា (Toul Nakta)
_ មិនមានកត់ត្រាក្នុងបញ្ជីបុរាណដ្ឋាន ( No record in archeological database)
» ទួលអ្នកតា គឺជាទួលប្រាសាទបុរាណមួយធ្វើពីឥដ្ឋ មានកសិន្ធុជុំវិញ មានទីតាំងស្ថិតនៅក្នុងភូមិត្រស់ ឃុំជៃកំពក ស្រុកព្រះស្ដេច ខេត្តព្រៃវែង ។
» សព្វថ្ងៃយើងឃើញមាននូវកំទេចកំទីឥដ្ឋ និង ថ្មគ្រឹះធ្វើពីថ្មបាយក្រៀម និង បំណែករូបចម្លាក់ធ្វើពីឥដ្ឋ ។
» ទីតាំងលើGoogle Map
ទួលអ្នកតា
https://goo.gl/maps/e1C9puY2N6qBKnM78

_ចូលទៅឆាណែលយូធូបរបស់យើង
https://youtube.com/channel/UCl3dY6PXj6EmmiJ8TiIpvbQ
_ចូលទៅឆាណែលតេលេក្រាមរបស់យើង
https://t.me/+EizKTe-Mh6JlNjE9
#ទួលអ្នកតា #ជៃកំពក #ព្រះស្ដេច #ប្រាសាទ

19/03/2022

+ទួលក្រាំង
» ទួលក្រាំង គឺជាទួលប្រាសាទបុរាណមួយដែល ធ្លាប់គេធ្លាប់ឃើញមានកសិន្ធុជុំវិញ ធ្លាប់មានកំទេចកំទីឥដ្ឋតាន់ (សព្វថ្ងៃត្រូវបានគេចាក់ដីលុប) ។ សព្វថ្ងៃផ្នែកម្ខាងនៃទួលនេះ ត្រូវបានត្រូវបានគេឈូសឆាយក្លាយជាថ្នល់ ។
» កាលដែគេហៅថាទួលក្រាំង គឺពីដើមគេធ្លាប់ប្រទះឃើញក្រាំងថ្ម(សិលាចារឹក) នៅលើទួលនេះ ប៉ុន្តែឥលូវបានបាត់រួចទៅហើយ ។
» ទួលនេះ មានទីតាំងស្ថិតនៅក្នុងភូមិតាង៉ក ឃុំរំចេក ស្រុកព្រះស្ដេច ខេត្តព្រៃវែង ។
» ទីតាំងលើGoogle Map
ទួលក្រាំង
https://goo.gl/maps/ExEeH6xpar3PX86FA

_ចូលទៅឆាណែលយូធូបរបស់យើង
https://youtube.com/channel/UCl3dY6PXj6EmmiJ8TiIpvbQ
_ចូលទៅឆាណែលតេលេក្រាមរបស់យើង
https://t.me/+EizKTe-Mh6JlNjE9
#ទួលក្រាំង #ព្រះស្ដេច #ប្រាសាទ

20/02/2022

+ទួលទេព រឺ ទួលសិរីមាត់ដប់
» ទួលទេព(ទែព) រឺទួលសិរីមាត់ដប់នេះ គឺជាទួលបុរាណមួយដែលមានកសិន្ធុជុំវិញ ផ្នែកកណ្ដាលមានដីពូនខ្ពស់ ជាទីតាំងដែលដើមឡើយធ្លាប់មានតំកល់នូវបដិមាធ្វើពីថ្មភក់មួយអង្គដែលអ្នកស្រុកហៅថា យាយទេព ។ ក៏ប៉ុន្តែ កាលពីសម័យកម្ពុជាប្រជាធិបតេយ្យ រូបនោះត្រូវបានគេវាយបំផ្លាញ ហើយបំណែកសេសសល់ត្រូវបានគេយកទៅទម្លាក់នៅត្រពាំងស្រង៉ែ ដែលនៅខាងជើងទួល ។ សព្វថ្ងៃ ទីនេះត្រូវបានប្រជាជនរៀបចំជាអាស្រម ព្រមទាំងសាលាបុណ្យ និងចេយតិយ ហើយព្រមទាំងតំកល់នូវរូបសំណាក់តាទេព យាយទេពថ្មីធ្វើពីស៊ីម៉ង់ ។ យើងក៏បានប្រទះឃើញនូវបំណែកសេសសល់ពីរូបធ្វើពីថ្មភក់ផងដែរ ។
» ទួលនេះមានទីតាំងស្ថិតនៅក្នុងភូមិពោធិ ឃុំបន្ទាយចក្រី ស្រុកព្រះស្ដេច ខេត្តព្រៃវែង ។
» ទីតាំងលើGoogle Map
ទួលទេព
https://goo.gl/maps/ysAhvvkyj7R6MKrQ6

_ចូលទៅឆាណែលយូធូបរបស់យើង
https://youtube.com/channel/UCl3dY6PXj6EmmiJ8TiIpvbQ
_ចូលទៅឆាណែលតេលេក្រាមរបស់យើង
https://t.me/+EizKTe-Mh6JlNjE9
#ទួលទេពរឺទួលសិរីមាត់ដប់ #បន្ទាយចក្រី #ប្រាសាទ

20/02/2022

+ទួលកំណប់ (ភូមិត្រពាំងប្របុស)
» ទួលកំណប់ គឺជាទីទួលប្រាសាទបុរាណមួយដែលមានកសិន្ធុជុំវិញ ទួលខ្ពស់សង់ផុតទឹក នៅខាងជើងជាប់នឹងអូរកំណប់ ។ ទួលនេះមានសេសសល់នូវដុំឥដ្ឋតាន់ធំៗ ដែលជាវត្ថុធាតុនៃសំណង់ប្រាសាទបុរាណ ។ សព្វថ្ងៃ ត្រូវបានប្រជាពលរដ្ឋសង់ក្រោលគោពីលើ ។ យើងឃើញមាននូវខ្ទមអ្នកតាធ្វើពីស៊ីម៉ង់ដែលត្រូវបានប្រជាពលរៀបឡើងសម្រាប់គោរពបូជា ។
» ទួលកំណប់នេះមានទីតាំងនៅក្នុងភូមិត្រពាំងប្របុស ឃុំសេនារាជឧត្តម ស្រុកព្រះស្ដេច ខេត្តព្រៃវែង ។

» ទីតាំងលើGoogle Map
ទួលកំណប់
https://goo.gl/maps/SVMkxzWcGNgVq7yn6

_ចូលទៅឆាណែលយូធូបរបស់យើង
https://youtube.com/channel/UCl3dY6PXj6EmmiJ8TiIpvbQ
_ចូលទៅឆាណែលតេលេក្រាមរបស់យើង
https://t.me/+EizKTe-Mh6JlNjE9
#ទួលកំណប់ #សេនារាជឧត្តម #ប្រាសាទ

16/01/2022

+វត្តហារ
(រមណីយដ្ឋានលេខ ៣៤៤, លេខIK ៥១, លេខK ៥៧)
» វត្តហារ គឺជាទីតាំងប្រាសាទបុរាណមួយដែលមានទីតាំងនៅក្នុងភូមិហារ ឃុំអង្គររាជ្យ ស្រុកព្រះស្ដេច ខេត្តព្រៃវែង ។
» យោងតាមឯកសាពីCISARK ទីតាំងនេះធ្លាប់បានគេប្រទះឃើញនូវសិលាចារឹក K.៥៧ ដែលចារឡើងក្នុងរាជ្យព្រះបាទ យសោវរ្ម័នទី១ ។ ក្រៅពីនេះ គេឃើញមាននូវ លិង្គព្រះឥសូរមួយ តោថ្មមួយ បំណែកទេវរូបដែលមានសល់ក្បាច់សំពត់ ថ្មចម្លាក់ទ្រខឿន ថ្មបាយក្រៀមជាដើម ។
» ថ្លែងពីព្រះបាទយសោវរ្ម័នទី១(ឆ្នាំ៨៨៩-៩០០នៃគ.ស) ព្រះអង្គគឺជាបុត្ររបស់ព្រះបាទឥន្ទ្រវរ្ម័នទី១ និង ព្រះនាងឥន្ទ្រទេវី ។ ព្រះអង្គជាស្ដេចខ្លាំងពូកែ ជាអ្នកកសាងនូវក្រុងយសោធរបុរៈ ដែលជាក្រុងអង្គរទីមួយ មានទីតាំងត្រង់ភ្នំបាខែង ។ ស្នាព្រះហស្ថ របស់ព្រះអង្គមានដូចជា ប្រាសាទភ្នំបាខែង ប្រាសាទព្រះវិហារ ប្រាសាទភ្នំបូក ប្រាសាទភ្នំក្រោម ប្រាសាទលលៃ និងអាស្រមដែលហៅថា យសោធរាស្រមចំនួន ១០០ ។ ទីតាំងវត្តហារនេះប្រហែលជា ១ ក្នុងចំណោមយសោធរាស្រមទាំង១០០នោះ ។ មួយវិញទៀត ទីតាំងបន្ទាយចក្រី ក៏ប្រហែលជាស្ថិតនៅក្នុងរាជព្រះបាទអង្គនេះដែរ ព្រោះយើងឃើញមាននូវបង្គោលសីមាដែលស្រដៀងគ្នានឹងបង្គោលសីមានៅប្រាសាទព្រះវិហារ ។

» ទីតាំងលើGoogle Map
Angkor Reach Commune
https://goo.gl/maps/PfEwgsdfCEdDVEtdA

_ចូលទៅឆាណែលយូធូបរបស់យើង
https://youtube.com/channel/UCl3dY6PXj6EmmiJ8TiIpvbQ
_ចូលទៅឆាណែលតេលេក្រាមរបស់យើង
https://t.me/+EizKTe-Mh6JlNjE9
#វត្តហារ #ប្រាសាទ #យសោធរាស្រម #យសោវរ្ម័នទី១