អ្នកឧកញ៉ា សុះ កំរ៉ី - Neak Oknha Sos Kamry

20/03/2026

12/03/2026

📣 សេចក្តីជូនដំណឹង ស្តីពីការត្រៀមមើលខ្នើតខែ ដើម្បីកំណត់កាលបរិច្ឆេទចេញបួសរ៉ាម៉ាឌន ឆ្នាំ២០២៦

26/02/2026

#គណៈដឹកនាំជាន់ខ្ពស់នៃសាសនាឥស្លាមកម្ពុជា សូមអំពាវនាវដល់ បងប្អូនសាសនិកឥស្លាមមេត្តាបន្តការចែករំលែកហ្សាកាត់ហ្វិត្រះពីក្រុមគ្រួសារបងប្អូន ដើម្បីចូលរួមកាត់បន្ថយការខ្វះខាត ក្នុងការដំណើរការសកម្មភាពកិច្ចការឥស្លាមរបស់គណៈដឹកនាំជាន់ខ្ពស់នៃសាសនាឥស្លាមកម្ពុជា និងសូមអ៊ីម៉ាំគ្រប់លំដាប់ ថ្នាក់ មេត្តាជួយផ្សព្វផ្សាយ និងចាត់ចែងទទួលហ្សាកាត់ពីសាសនិកឥស្លាមក្នុងមូលដ្ឋាន ដូចបងប្អូនធ្លាប់ចូលរួមឧបត្ថម្ភ គាំទ្រកន្លងមក៖
១- សុំការចែករំលែកចំនួនមួយកន្តាំងនៃហ្សាកាត់ហ្វិត្រះពីក្រុមគ្រួសារបងប្អូនក្នុងខែរ៉ាម៉ាឌន។
២- សុំការចែករំលែកចំនួនមួយភាគប្រាំ(១/៥) នៃហ្សាកាត់កសិផលផ្សេងៗ ដូចជា ស្រូវ ពោត សណ្ដែក ជាដើម នារដូវកាលនៃហ្សាកាត់ដែលកសិផលទាំងនេះគ្រប់នីសោប(កំរិត)នៃហ្សាកាត់។
#បងប្អូនអាចបរិចាគតាមរយៈ KHQR ឬអាចទំនាក់ទំនងតាមរយៈលេខទូរស័ព្ទលេខ 012 58 58 40

12/02/2026

សេចក្តីជូនដំណឹងស្តីពីការត្រៀមមើលខ្នើតខែ ដើម្បីកំណត់កាលបរិច្ឆេទចូលបួសខែរ៉ាម៉ាឌន ឆ្នាំ១៤៤៧ ម.ស / ២០២៦ គ.ស

15/01/2026

គណៈដឹកនាំជាន់ខ្ពស់នៃសាសនាឥស្លាមកម្ពុជា នាថ្ងៃទី១៥ ខែមករា ឆ្នាំ២០២៦ បានបញ្ជូននិស្សិតចំនួន០២នាក់ ទៅបន្តការសិក្សាថ្នាក់បរិញ្ញាបត្រនៅសាកលវិទ្យាល័យ Al-Azhar សាធារណៈរដ្ឋអារ៉ាប់អេហ្ស៊ីប។

26/11/2025

ព័ត៌មានពីទូរទស្សន៍ជាតិកម្ពុជា ៖ ពិធីប្រគល់សញ្ញាបត្របឋមសិក្សាឥស្លាមកម្ពុជា

25/11/2025

អ្នកឧកញ៉ា សុះ កំរ៉ី ជួបពិភាក្សាការងារ ជាមួយលោកជំទាវ អគ្គរដ្ឋទូតសាធារណរដ្ឋអារ៉ាប់អេហ្ស៊ីប
——————-
អ្នកឧកញ៉ា សុះ កំរ៉ី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា នារសៀលថ្ងៃទី២៥ ខែវិច្ឆិកា ឆ្នាំ២០២៥ បានទទួលជួបសម្ដែងការគួរសម និងពិភាក្សាការងារ ជាមួយលោកជំទាវ Hala Youssef Ahmed Ragab ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋអារ៉ាប់អេហ្ស៊ីប ប្រចាំព្រះរាជាណាចក្រកម្ពុជា នៅទីស្នាក់ការគណៈដឹកនាំជាន់ខ្ពស់នៃសាសនាឥស្លាមកម្ពុជា។

នៅក្នុងជំនួបនោះ អ្នកឧកញ៉ា សុះ កំរ៉ី បានសម្តែងការស្វាគមន៍យ៉ាងកក់ក្តៅចំពោះវត្តមានលោកជំទាវអគ្គរដ្ឋទូតមកកាន់ទីស្នាក់គណៈដឹកនាំជាន់ខ្ពស់នៃសាសនាឥស្លាមកម្ពុជានាឳកាសនេះ។ អ្នកឧកញ៉ាចាងហ្វាងបានជម្រាបជូនលោកជំទាវអគ្គរដ្ឋទូតអេហ្ស៉ីបអំពីស្ថានភាពទូទៅរបស់សាសនិកឥស្លាមកម្ពុជាតាំងពីសម័យមុនសង្គ្រាម សម័យប៉ុលពត និងរហូតមកដល់ស្ថានភាពបច្ចុប្បន្ន ដោយអ្នកឧកញ៉ាចាងហ្វាងគូសបញ្ជាក់ថា ជាយូរណាស់មកហើយដែលប្រទេសកម្ពុជានិយាយជារួម និងនិយាយដោយឡែកសម្រាប់សហគមន៍ឥស្លាមកម្ពុជាតែងតែមានទំនាក់ទំនងល្អជាមួយប្រទេសអេហ្ស៉ីប ជាក់ស្តែងមុនពេលរបបកម្ពុជាប្រជាធិបតេយ្យ (ខ្មែរក្រហម) ចូលមកដល់ ថ្នាក់ដឹកនាំខ្មែរឥស្លាមស្ទើរគ្រប់ជំនាន់តែងតែបញ្ជូននិស្សិតទៅបន្តការសិក្សានៅប្រទេសអេហ្ស៊ីប ជាពិសេសនៅសាកលវិទ្យាល័យ Al-Azhar។

អ្នកឧកញ៉ា សុះ កំរ៉ី បានលើកឡើងថ្លែងអំណរគុណចំពោះរដ្ឋាភិបាលអេហ្ស៉ីប ជាពិសេសសាកលវិទ្យាល័យ Al-Azhar ដែលកន្លងមករហូតដល់បច្ចុប្បន្ននេះ តែងតែបានជួយគាំទ្រវិស័យអប់រំឥស្លាមកម្ពុជា ជាពិសេសការផ្តល់អាហារូបករណ៍ដល់និស្សិតខ្មែរឥស្លាមឲ្យទៅបន្តការសិក្សានៅប្រទេសអេហ្ស៉ីបជារៀងរាល់ឆ្នាំ។

ជាការឆ្លើយតប លោកជំទាវ Hala Youssef Ahmed Ragab បញ្ជាក់ថា លោកជំទាវពិតជារីករាយណាស់ដែលបានមកដល់កម្ពុជា និងជួបពិភាក្សាការងារជាមួយអ្នកឧកញ៉ាចាងហ្វាងនាពេលនេះ។ លោកជំទាវបន្ថែមថា លោកជំទាវពិតជាផ្តល់តម្លៃខ្ពស់ចំពោះទំនាក់ទំនងរវាងសហគមន៍ឥស្លាមកម្ពុជា និងអេហ្ស៊ុីប។ ហើយប្រទេសអេហ្សុីបត្រៀមខ្លួនបន្ថែមទំនាក់ទំនង និងកិច្ចសហការឲ្យបានកាន់តែច្រើនជាមួយកម្ពុជា ជាពិសេសលើវិស័យអប់រំ និងវិស័យផ្សេងៗទៀត។ លោកជំទាវលើកឡើងថា មុហ្វតីអេហ្សុីប និងថ្នាក់ដឹកនាំសាកលវិទ្យាល័យ Al-Azhar ផ្តាំផ្ញើនូវការសួរសុខទុក្ខជូនអ្នកឧកញ៉ាចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា និងកោតសរសើរចំពោះនិស្សិតកម្ពុជាដែលទទួលបានអាហាររូបករណ៍សិក្សានៅទីនោះ ថាជានិស្សិតដែលតស៊ូរៀនសូត្រ និងតែងតែជាប់ជានិស្សិតឆ្នើម។

មុននឹងបញ្ចប់ លោកជំទាវអគ្គរដ្ឋទូតអេហ្ស៉ីប បញ្ជាក់ជូនអ្នកឧកញ៉ា សុះ កំរ៉ី ថាសាធារណរដ្ឋអារ៉ាប់អេហ្ស៉ីប រីករាយចំពោះកិច្ចសហការជាមួយកម្ពុជា ហើយនឹងបង្កើនការផ្តល់អាហាររូបករណ៍ដល់និស្សិតខ្មែរឥស្លាមបន្ថែមទៀតឲ្យទៅបន្តកាសិក្សានៅប្រទេសអេហ្ស៊ីប៕

25/11/2025

រូបភាពទាំងមូលនៃពិធីប្រគល់សញ្ញាបត្របឋមសិក្សាឥស្លាមកម្ពុជា សូមចូលទៅកាន់ 👉 https://t.me/HICIRAC2023

25/11/2025

វីដេអូពីទូរទស្សន៍ CNC៖ អ្នកឧកញ៉ា សុះ កំរ៉ី លើកទឹកចិត្តក្មួយៗ និងអបអរសាទរសមិទ្ធិផលវិស័យអប់រំឥស្លាមក្នុងពិធីប្រគល់សញ្ញាបត្របឋមសិក្សាឥស្លាមកម្ពុជាលើកទី៥

24/11/2025

អ្នកឧកញ៉ា សុះ កំរ៉ី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា អញ្ជើញជាអធិបតីក្នុងពិធីប្រគល់សញ្ញាបត្របឋមសិក្សាឥស្លាមកម្ពុជា ជូនដល់សិស្សានុសិស្សជ័យលាភីក្នុងឆ្នាំសិក្សា ២០២៤-២០២៥។

ពិធីនេះប្រារព្វធ្វើឡើងនារសៀលថ្ងៃទី២៤ ខែវិច្ឆិកា ឆ្នាំ២០២៥ នៅសណ្ឋាគារភ្នំពេញ ដោយមានវត្តមានចូលរួមជាគណៈអធិបតីពីសំណាក់ ឯកឧត្តម លោកជំទាវជាសមាជិកព្រឹទ្ធសភា រដ្ឋសភា រដ្ឋលេខាធិការ អនុរដ្ឋលេខាធិការ ឯកឧត្តម លោកជំទាវជាថ្នាក់ដឹកនាំមកពីនាយកដ្ឋានកិច្ចការសាសនាឥស្លាមរដ្ឋសើឡាងរ ប្រទេសម៉ាឡេស៉ី (JAIS) អាជ្ញាធររាជធានីភ្នំពេញ ព្រមទាំងភ្ញៀវកិត្តិយសជាតិ និងអន្តរជាតិជាច្រើនរូបទៀត៕

24/11/2025

📢 គណៈដឹកនាំជាន់ខ្ពស់នៃសាសនាឥស្លាមកម្ពុជា នឹងរៀបចំពិធីប្រគល់សញ្ញាបត្របឋមសិក្សាឥស្លាមកម្ពុជាជូនដល់សិស្សានុសិស្ស នាសម័យប្រឡងថ្ងៃទី២៩ កញ្ញា ២០២៥ នារសៀលថ្ងៃទី២៤ ខែវិច្ឆិកា ឆ្នាំ២០២៥ នេះ។

ពិធីនេះនឹងរៀបចំឡើងនៅសណ្ឋាគារភ្នំពេញ ( Phnom Penh Hotel ) ក្រោមអធិបតីភាពដ៏ខ្ពង់ខ្ពស់ អ្នកឧកញ៉ា សុះ កំរ៉ី ចាងហ្វាងនៃគណៈដឹកនាំជាន់ខ្ពស់នៃសាសនាឥស្លាមកម្ពុជា។

19/11/2025

គណៈដឹកនាំជាន់ខ្ពស់នៃសាសនាឥស្លាមកម្ពុជា នឹងរៀបចំការប្រឡងសញ្ញាបត្រមធ្យមសិក្សាទុតិយភូមិឥស្លាមកម្ពុជា SIJIL TINGGI AGAMA ISLAM KEMBOJA ( STAK) នៅពាក់កណ្តាលខែធ្នូ ឆ្នាំ២០២៥ ខាងមុខ។

👉 វិញ្ញាសារប្រឡងសំណេរ
ចាប់ពីថ្ងៃទី១៥ ដល់ថ្ងៃទី២៥ ខែធ្នូ ឆ្នាំ២០២៤
👉 វិញ្ញាសារប្រឡងផ្ទាល់មាត់
នៅថ្ងៃទី២៦ និង២៧ ខែធ្នូ ឆ្នាំ២០២៥

ការប្រឡងនេះ និងនិងប្រព្រឹត្តទៅនៅមណ្ឌលប្រឡងវិទ្យាស្ថានអាននៀកម៉ះអាល់ឥស្លាមីយ៉ះភ្នំពេញ ស្ថិតនៅក្នុងខណ្ឌឫស្សីកែវ រាជធានីភ្នំពេញ៕