23/04/2026
លោក គៀត សិត្យាឌី បានចុះអនុវត្តការងារសហគមន៍កសិករប្រើប្រាស់ទឹក ប្រព័ន្ធធារាសាស្រ្ត ស្ទឹងជ្រៃបាក់
••••••••••
នៅថ្ងៃព្រហស្បតិ៍ ៧កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៣ ខែមេសា ឆ្នាំ២០២៦ លោក គៀត សិត្យាឌី អនុប្រធានការិយាល័យធារាសាស្រ្តកសិកម្ម នៃមន្ទីរធនធានទឹក និងឧតុនិយម ខេត្តកំពង់ឆ្នាំង បានដឹកនាំក្រុមការងារបច្ចេកទេសរបស់មន្ទីរ ចុះអនុវត្តការងារសហគមន៍កសិករប្រើប្រាស់ទឹក ប្រព័ន្ធធារាសាស្រ្ត ស្ទឹងជ្រៃបាក់ ស្ថិតនៅក្នុងឃុំជ្រៃបាក់ ស្រុករលាប្អៀរ ដោយបានអនុវត្តនូវសកម្មភាពការងារដូចខាងក្រោម៖
១-ប្រជុំពិភាក្សាអំពីវឌ្ឍនភាពការងារ និងការរីកចម្រើនរបស់ ស.ក.ប.ទ.។
២-ពន្យល់ណែនាំដល់គណៈកម្មាធិការ ស.ក.ប.ទ. អំពីការអនុវត្តនូវសកម្មភាពការងារគ្រប់គ្រង និងថែទាំប្រព័ន្ធធារាសាស្រ្ត ស.ក.ប.ទ. ស្ទឹងជ្រៃបាក់។
៣-ពន្យល់ណែនាំដល់គណៈកម្មាធិការ ស.ក.ប.ទ. អំពីការប្រមូលភាគទានប្រើប្រាស់ទឹកពីប្រព័ន្ធធារាសាស្រ្ត សម្រាប់ទ្រទ្រង់ដល់កិច្ចដំណើការរបស់ខ្លួន។
៤-ស្នើសុំឱ្យអាជ្ញាធរមូលដ្ឋានចូលរួមសហការឱ្យបានល្អជាមួយគណៈកម្មាធិការ ស.ក.ប.ទ. ដូចជាការសម្របសម្រួលជាមួយសមាជិក ស.ក.ប.ទ. ក្នុងពេលចុះប្រមូលភាគទានប្រើប្រាស់ប្រព័ន្ធធារាសាស្រ្តនៅពេលដែលមានឧបស័គ្គផ្សេងៗកើតមានឡើង។
៥-ផ្សព្វផ្សាយគោលការណ៍ណែនាំចំនួន៣ របស់ក្រសួងធនធានទឹក និងឧតុនិយម ដល់ ស.ក.ប.ទ. មានដូចជាៈ (១). គោលការណ៍ណែនាំស្តីពីការគ្រប់គ្រងប្រព័ន្ធធារាសាស្ត្រ (២). គោលការណ៍ណែនាំស្តីការអនុវត្តគោល នយោបាយនៃការគ្រប់គ្រង និងអភិវឌ្ឍ ស.ក.ប.ទ. ដោយនិរន្តរភាព និងទី (៣). គោលការណ៍ណែនាំស្តីពីការអនុវត្តសម្រាប់កិច្ចដំណើរការ និងការថែទាំប្រព័ន្ធធារាសាស្ត្រ។
៦-ពិភាក្សាអំពីបញ្ហាប្រឈម ដំណោះស្រាយ និងសំណូមពរផ្សេងៗរបស់គណៈកម្មាធិការ ស.ក.ប.ទ. និងអាជ្ញាធរមូលដ្ឋាន។
៧-ចុះត្រួតពិនិត្យហេដ្ឋារចនាសម្ព័ន្ធប្រព័ន្ធធារាសាស្ត្រ ស.ក.ប.ទ. ស្ទឹងជ្រៃបាក់។
