នាយកដ្ឋានអភិវឌ្ឍន៍ជនជាតិភាគតិច-Department of Ethnic Minority Development, Preh Monivong, Sangkat Beoung Trobeak, Khan Chumkamun, Phnom Penh (2026)

25/05/2026

រាជធានីភ្នំពេញ៖ នៅព្រឹកថ្ងៃចន្ទ ៩កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៥ ខែឧសភា ឆ្នាំ២០២៦ នាយកដ្ឋានអភិវឌ្ឍន៍ជនជាតិភាគតិច បានរៀបចំកិច្ចប្រជុំបូកសរុបវឌ្ឍនភាពការងារប្រចាំខែឧសភា និងលើកទិសដៅការងារខែមិថុនា ឆ្នាំ២០២៦ ក្រោមអធិបតីភាពឯកឧត្តមបណ្ឌិត សួន សេរីរដ្ឋា រដ្ឋលេខាធិការ។ កិច្ចប្រជុំនេះប្រព្រឹត្តទៅតាមរបៀបវារៈ និងបានពិភាក្សាលើការងារបន្តដើម្បីសម្រេចបានតាមផែនការរបស់នាយកដ្ឋាន និងមានការអញ្ជើញចូលរួមពីឯកឧត្តម សុត សឿង អនុរដ្ឋលេខាធិការ លោកស្រី ខៀវ មាលតី អគ្គនាយករងរដ្ឋបាល និងហិរញ្ញវត្ថុ លោកស្រី នួន មុនីចិន្តា ប្រធាននាយកដ្ឋាន លោក លោកស្រីអនុប្រធាននាយកដ្ឋាន ប្រធាន អនុប្រធានការិយាល័យ និងមន្រ្តីរាជការសរុបចំនួន ២៧នាក់ ស្រ្តី ១៣នាក់។

22/05/2026

យុវជនជនជាតិដើមភាគតិច គឺជាអ្នកបន្តវេនក្នុងការដឹកនាំ និងថែរក្សាវប្បធម៌ ប្រពៃណី ទំនៀមទម្លាប់ ឱ្យបានគង់វង្ស និងយូរអង្វែង។

08/05/2026

ខេត្តព្រះវិហារ៖ នៅព្រឹកថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ លោក ងី ផាន្នី អនុប្រធាននាយកដ្ឋាន និងមន្ត្រីបច្ចេកទេសចំនួន ៣រូប នៃនាយកដ្ឋានអភិវឌ្ឍន៍ជនជាតិភាគតិចបានសហការជាមួយមន្ទីរអភិវឌ្ឍន៍ជនបទខេត្តព្រះវិហារ រៀបចំកិច្ចប្រជុំស្តីពីការពង្រឹងតួនាទី ភារកិច្ចគណៈកម្មាធិការសហគមន៍ជនជាតិដើមភាគតិចកួយ នៅភូមិបង្កើនផល ឃុំរមទម ស្រុករវៀង ខេត្តព្រះវិហារ ដែលមានអ្នកចូលរួមសរុបចំនួន១៥នាក់ ស្រី៤នាក់។
ជាលទ្ធផលគណៈកម្មាធិការសហគមន៍ជនជាតិដើមភាគតិចទទួលបានដូចខាងក្រោម៖
- យល់ដឹងកាន់តែច្បាស់អំពីតួនាទី ភារកិច្ច និងរចនាសម្ព័ន្ធគ្រប់គ្រងរបស់សហគមន៍
- កំណត់បានអំពីចំណុចខ្លាំង ចំណុចខ្សោយ និងតម្រូវការរបស់សហគមន៍ខ្លួន។
- ជំរុញការអភិរក្ស និងអភិវឌ្ឍន៍សហគមន៍របស់ខ្លួនឱ្យមានភាពប្រសើរ ដើម្បីឆ្ពោះទៅជាសហគមន៍គំរូនាពេលអនាគត។

07/05/2026

ខេត្តសៀមរាប៖ នៅព្រឹកថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែឧសភា ឆ្នាំ២០២៦ លោក ងី ផាន្នី អនុប្រធាននាយកដ្ឋាន និងមន្ត្រីបច្ចេកទេសចំនួន ៣រូប នៃនាយកដ្ឋានអភិវឌ្ឍន៍ជនជាតិភាគតិចបានសហការជាមួយមន្ទីរអភិវឌ្ឍន៍ជនបទខេត្តសៀមរាប រៀបចំកិច្ចប្រជុំស្តីពីការពង្រឹងតួនាទី ភារកិច្ចគណៈកម្មាធិការសហគមន៍ជនជាតិដើមភាគតិចកួយចំនួន ៥ភូមិ៖ភូមិស្រែណូយ ស្រែសមុទ្រ ភូមិគោកវត្ត ភូមិវត្ត និងភូមិល្វា ឃុំស្រែណូយ ស្រុកវ៉ារិន ខេត្តសៀមរាប នៅសាលាឃុំស្រែណូយ ដែលមានអ្នកចូលរួមសរុបចំនួន២២នាក់ ស្រី៧នាក់។
ជាលទ្ធផលគណៈកម្មាធិការសហគមន៍ជនជាតិដើមភាគតិចទាំង៥សហគមន៍ទទួលបានដូចខាងក្រោម៖
- យល់ដឹងកាន់តែច្បាស់អំពីតួនាទី ភារកិច្ច និងរចនាសម្ព័ន្ធគ្រប់គ្រងរបស់សហគមន៍
- កំណត់បានអំពីចំណុចខ្លាំង ចំណុចខ្សោយ និងតម្រូវការរបស់សហគមន៍ខ្លួន។
- ជំរុញការអភិរក្ស និងអភិវឌ្ឍន៍សហគមន៍របស់ខ្លួនឱ្យមានភាពប្រសើរ ដើម្បីឆ្ពោះទៅជាសហគមន៍គំរូនាពេលអនាគត។

06/05/2026

ខេត្តកំពង់ធំ៖ កាលពីព្រឹកថ្ងៃពុធ ៥រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៦ ខែឧសភា ឆ្នាំ២០២៦ លោក ងី ផាន្នី អនុប្រធាននាយកដ្ឋានអភិវឌ្ឍន៍ជនជាតិភាគតិច អមដោយមន្ត្រីបច្ចេកទេស ចំនួន ៣រូប បានសហការជាមួយមន្ទីរអភិវឌ្ឍន៍ជនបទខេត្តកំពង់ធំ រៀបចំកិច្ចប្រជុំស្តីពី ការពង្រឹងតួនាទី ភារកិច្ចគណៈកម្មាធិការសហគមន៍ជនជាតិដើមភាគតិចកួយ នៅភូមិវាលវែង ឃុំឈូក ស្រុកប្រាសាទសំបូរ ខេត្តកំពង់ធំ ដោយមានការអញ្ជើញចូលរួមពី លោកប្រធានការិយាល័យមន្ទីរអភិវឌ្ឍន៍ជនបទខេត្តកំពង់ធំ លោកមេឃុំឈូក លោកស្រីអនុភូមិវាលវែង គណៈកម្មាធិការនិងចាស់ទុំភូមិជាជនជាតិដើមភាគតិច សរុបចំនួន២៣នាក់ ស្រី១២នាក់។
កិច្ចប្រជុំនេះទទួលបានលទ្ធផលដូចខាងក្រោម៖
- គណៈកម្មាធិការសហគមន៍បានយល់ដឹងកាន់តែច្បាស់អំពីតួនាទី ភារកិច្ច និងរចនាសម្ព័ន្ធគ្រប់គ្រងរបស់សហគមន៍
- គណៈកម្មាធិការសហគមន៍បានបង្ហាញអំពីចំណុចខ្លាំង ចំណុចខ្សោយ និងតម្រូវការរបស់សហគមន៍
- គណៈកម្មាធិការសហគមន៍បានឯកភាព ក្នុងការដាក់កាលវិភាគ សម្រាប់ធ្វើអនាម័យក្នុងសហគមន៍ដើម្បីថែរក្សាបរិស្ថានល្អក្នុងភូមិជាប្រចាំ
- គណៈកម្មាធិការសហគមន៍ជនជាតិដើមភាគតិច បានឯកភាពដើម្បីជំរុញការអភិរក្ស និងអភិវឌ្ឍន៍សហគមន៍របស់ខ្លួនឱ្យប្រសើរ និងអាចឆ្ពោះទៅជាសហគមន៍គំរូនាពេលអនាគត។

29/04/2026

រាជធានីភ្នំពេញ៖ កាលពីថ្ងៃអង្គារ ១២កើត ខែពិសាខ ឆ្នាំមមី អដ្ឋស័ក ពុទ្ធស័ករាជ ២៥៦៩ ត្រូវនឹងថ្ងៃទី២៨ ខែមេសា ឆ្នាំ២០២៦ នាយកដ្ឋានអភិវឌ្ឍន៍ជនជាតិភាគតិច ដឹកនាំដោយលោកស្រី នួន មុនីចិន្តា ប្រធាននាយកដ្ឋាន អមដោយមន្រ្តីជំនាញបច្ចេកទេសចំនួន ១៥រូប បានរៀបចំកិច្ចប្រជុំពិភាក្សា ស្តីពីការរៀបចំទិវាអន្តរជាតិជនជាតិដើមភាគតិចពិភពលោកលើកទី៣២ និងលើកទី២២ នៅកម្ពុជា ជាមួយតំណាងអង្គការដៃគូអភិវឌ្ឍន៍ សរុបចំនួន ២៧នាក់ ស្រ្តី១០នាក់។ ក្នុងកិច្ចប្រជុំនេះបានធ្វើបទបង្ហាញអំពីគ្រោងការណ៍នៃការរៀបចំទិវាអន្តរជាតិជនជាតិដើមភាគតិច ដោយលោកស្រី សេង កុសុមា ប្រធានការិយាល័យ។

ជាលទ្ធផល៖ អ្នកចូលរួមទាំងអស់យល់កាន់តែច្បាស់អំពីផែនការនៃការរៀបចំទិវាអន្តរជាតិជនជាតិដើមភាគតិច ដែលគ្រោងនាពេលខាងមុខ និងបានចូលរួមផ្តល់យោបល់ ធាតុចូល និងលទ្ធភាពក្នុងការសហការ។

28/04/2026

ខេត្តឧត្តរមានជ័យ៖ នៅព្រឹកថ្ងៃអង្គារ ១២កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៨ ខែមេសា ឆ្នាំ២០២៦ ក្រោមកិច្ចសហការរវាងនាយកដ្ឋានអភិវឌ្ឍន៍ជនជាតិភាគតិច និងមន្ទីរអភិវឌ្ឍន៍ជនបទខេត្តឧត្តរមានជ័យ លោក កុយ ណាត អនុប្រធាននាយកដ្ឋាន អមដោយមន្រ្តីបច្ចេកទេសចំនួន ២រូបនៃនាយកដ្ឋានអភិវឌ្ឍន៍ជនជាតិភាគតិច បានរៀបចំសិក្ខាសាលាផ្សព្វផ្សាយគោលនយោបាយជាតិ ស្តីពីការអភិវឌ្ឍជនជាតិដើមភាគតិច នីតិវិធី និងទម្រង់ឯកសារដំណើរការកំណត់អត្ដសញ្ញាណសហគមន៍ជនជាតិដើមភាគតិចដល់ជនជាតិដើមភាគតិច ព្នង នៅភូមិថ្នល់កែង ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ដែលមានការអញ្ជើញចូលរួមពី លោកអនុប្រធាននាយកដ្ឋាន ក្រុមការងារនាយកដ្ឋានអភិវឌ្ឍន៍ជនជាតិភាគតិច លោកអនុប្រធានមន្ទីរ លោកអនុប្រធានការិយាល័យអភិវឌ្ឍន៍ជនបទខេត្ត លោកអភិបាលរងនៃគណៈអភិបាលស្រុកត្រពាំងប្រាសាទ លោកស្រីសមាជិកក្រុមប្រឹក្សាឃុំផ្អាវ លោកមេភូមិ និងបងប្អូនជនជាតិដើមភាគតិចសរុបចំនួន ៧២នាក់ ស្រ្តី៤១នាក់។
កិច្ចប្រជុំនេះប្រព្រឹត្តទៅតាមរបៀបវារៈដែលបានគ្រោងទុក ដោយទទួលបានលទ្ធផលដូចខាងក្រោម៖
- អ្នកចូលរួមបានយកចិត្តទុកដាក់ស្តាប់ និងដឹងអំពីសារសំខាន់នៃការទទួលបានការទទួលស្គាល់អត្តសញ្ញាណជនជាតិដើមភាគតិច ព្រមទាំងយល់អំពីនីតិវិធីនៃដំណើរការកំណត់អត្តសញ្ញាណ និងទម្រង់ឯកសារគាំទ្រដំណើរការកំណត់អត្តសញ្ញាណសហគមន៍ជនជាតិដើមភាគតិចតាមជំហាននីមួយៗ
- អ្នកចូលរួមទាំងអស់បានស្រុះស្រួលឆន្ទៈ និងឯកភាពគាំទ្រក្នុងការបង្កើតសហគមន៍ជនជាតិដើមភាគតិច ព្នង ភូមិថ្នល់កែង និងស្នើដល់ក្រុមការងារជួយសម្របសម្រួលដំណើរការកំណត់អត្តសញ្ញាណសហគមន៍នេះ ឱ្យទទួលបានជោគជ័យ។
- អ្នកចូលរួមបានចូលរួមកំណត់នូវលក្ខណៈសម្បតិ្តរបស់បេក្ខជនដែលស្ម័គ្រចិត្តឈរឈ្មោះជាគណៈកម្មាធិការសហគមន៍
- លើសពីនេះ អ្នកចូលរួមបានយល់ដឹងច្បាស់ពីលក្ខណៈសម្បតិ្តទាំងប្រាំនៃភូមិគំរូ និងការចូលរួមពេញលេញក្នុងចលនាភូមិគំរូ។

13/04/2026

ដោយសេចក្ដីគោរពដ៏ខ្ពង់ខ្ពស់ ពីថ្នាក់ដឹកនាំ និងមន្ត្រីរាជការទាំងអស់ នៃនាយកដ្ឋានអភិវឌ្ឍន៍ជនជាតិភាគតិច សូមគោរពជូនពរជ័យ សិរីមង្គលវិបុលសុខ បវរមហាប្រសើរ ជូនចំពោះ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ និងលោកជំទាវ ព្រមទាំងបុត្រា បុត្រី និងចៅៗ។

13/04/2026

ដោយសេចក្ដីគោរពដ៏ខ្ពង់ខ្ពស់ ពីថ្នាក់ដឹកនាំ និងមន្ត្រីរាជការទាំងអស់ នៃនាយកដ្ឋានអភិវឌ្ឍន៍ជនជាតិភាគតិច។

នាយកដ្ឋានអភិវឌ្ឍន៍ជនជាតិភាគតិច-Department of Ethnic Minority Development

25/05/2026

22/05/2026

08/05/2026

07/05/2026

06/05/2026

29/04/2026

28/04/2026

13/04/2026

13/04/2026

Address

Telephone

Website

Alerts

Contact The Organization

Shortcuts

Share

Category