នាយកដ្ឋានសុខុមាលភាពជនពិការ-Department of Welfare of PWDs

  • Home
  • Cambodia
  • Phnom Penh
  • នាយកដ្ឋានសុខុមាលភាពជនពិការ-Department of Welfare of PWDs

នាយកដ្ឋានសុខុមាលភាពជនពិការ-Department of Welfare of PWDs ដើម្បីធានាកិច្ចការពារ និងលើកកម្ពស់សុខុមាលភាពជនមានពិការភាពប្រកបដោយសមធម៌

វេទិកាការងារស្តីពី«បរិយាបន្នការងារ ៖ ការផ្តល់ឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់ជនមានពិការភាពន...
03/06/2026

វេទិកាការងារស្តីពី«បរិយាបន្នការងារ ៖ ការផ្តល់ឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់ជនមានពិការភាពនៅកម្ពុជា»

កំពង់ចាម៖ ថ្ងៃពុធ ៣រោច ខែជេស្ឋ ឆ្នាំមមី
អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ ដោយទទួលបានការអនុញ្ញាតពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោក ម៉ែន ស្រ៊ីថាវរត្ន ប្រធានរដ្ឋបាលសិទ្ធិជនពិការ តំណាងលោកប្រធាននាយកដ្ឋានសុខុមាលភាពជនពិការ បានចូលរួមជាគណៈអធិបតីក្នុងពិធីបើក និងជាវាគ្មិន ក្នុងវេទិកាការងារស្តីពី«បរិយាបន្នការងារ ៖ ការផ្តល់ឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់ជនមានពិការភាពនៅកម្ពុជា» ដែលមានការអញ្ជើញចូលរួមពី តំណាង ស្ថាប័ន អង្គការ ដៃគូរពាក់ព័ន្ធ ក្រុមហ៊ុន វិស័យឯកជន និងយុវជនមានពិការភាព សរុបប្រមាណចំនួន ៧០នាក់ ដែលសហការរៀបចំដោយ ក្រសួងសង្គមកិច្ច អតីតយុទ្ធជន និងយុវនីតិសម្បទា ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជា (សសយក) មានគាំទ្រថវិកាពី គម្រោងការងារសមរម្យសម្រាប់យុវជនកម្ពុជា ដំណាក់កាលទី៣ (DEY III) និងទីភ្នាក់ងារអភិវឌ្ឍន៍ និងកិច្ចសហប្រតិបត្តិការស្វីស (SDC) តាមរយៈមូលនិធិអង្គការសហប្រជាជាតិដើម្បីកុមារ (UNICEF)។

វេទិកានេះរៀបចំឡើងក្នុងគោលដៅបង្កើតឱ្យមានកន្លែងសម្រាប់ដាក់ពាក្យ និងសម្ភាសការងារ ព្រមទាំងជំរុញក្រុមហ៊ុន រោងចក្រ សហគ្រាស ក្នុងការផ្ដល់ឱកាសការងារ និងរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់កម្មករនិយោជិតដែលមានពិការភាពក្នុងការទទួលបាន និងចូលបម្រើការងារស្របតាមបទបញ្ញត្តិ និងលិខិតបទដ្ឋានគតិយុត្តដែលមានជាធរមាន។

ដំណើរទស្សនកិច្ចសិក្សា មុនកិច្ចប្រជុំគណៈកម្មការប្រឹក្សាភិបាលនៃកម្មវិធី ACCESS2 នៅខេត្ដកំពង់ស្ពឺខេត្ដកំពង់ស្ពឺ៖ នៅថ្ងៃទី២ ...
03/06/2026

ដំណើរទស្សនកិច្ចសិក្សា មុនកិច្ចប្រជុំគណៈកម្មការប្រឹក្សាភិបាលនៃកម្មវិធី ACCESS2 នៅខេត្ដកំពង់ស្ពឺ

ខេត្ដកំពង់ស្ពឺ៖ នៅថ្ងៃទី២ ខែមិថុនាឆ្នាំ២០២៦ ដោយទទួលបានការអនុញ្ញាតដ៏ខ្ពងខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោក សាន់ រតនា ប្រធាននាយកដ្ឋានសុខុមាលភាពជនពិការ បានអញ្ជើញចូលរួមក្នុងកម្មវិធីទស្សនកិច្ចសិក្សារបស់គណៈកម្មការប្រឹក្សាភិបាលនៃកម្មវិធី ACCESS2 ដឹកនាំដោយ ឯកឧត្តម ម៉េត មករា រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអនុប្រធានក្រុមប្រឹក្សាសកម្មភាពជនពិការ និងលោកជំទាវ ហ៊ូ សាមិត្ត រដ្ឋលេខាធិការក្រសួងកិច្ចការនារី ជាសហប្រធាន។

ទស្សនកិច្ចសិក្សានេះមានការចូលរួមពី÷ រដ្ឋលេខាធិការ អគ្គលេខាធិការអគ្គនាយក អគ្គនាយករង អនុប្រធាននាយកដ្ឋាន និងមន្រ្តីជំនាញដែលពាក់ព័ន្ធការងារក្នុងកម្មវិធី ACCESS2 មូលនិធិជនពិការ ក្រសួងកិច្ចការនារី ក្រសួងសុខាភិបាល អភិបាលរងមកពីខេត្តសៀមរាប កំពង់ចាម និងខេត្តរតន:គិរី តំណាងស្ថានទូតអូស្រ្តាលី អង្គការដៃគូរបស់កម្មវិធី ACCESS2 មាន UNICEF, PAfID, CDPO, ICRC, Exceed និងអង្គការតំណាងជនពិការ សរុបចំនួន ៧០នាក់។

សកម្មភាពដំណើរទស្សនកិច្ចសិក្សានេះប្រតិភូបានជួបពិភាក្សានៅសាលាខេត្តអំពីវឌ្ឍនភាពនៃការងារ GBV ទស្សនកិច្ចទៅកាន់មន្ទីរពេទ្យខេត្ត ស្វែងយល់ពីសេវាស្តារអ្នកជំងឺដែលមានបញ្ហាការនិយាយ ស្វែងយល់អំពីខ្សែសង្វាក់នៃសេវាស្តារលទ្ធភាពពលកម្មកាយសម្បទានៅក្នុងមជ្ឈមណ្ឌលស្តារខេត្ត ព្រមជាមួយគ្នានោះប្រតិភូក៏បានចុះជួបជាមួយមេឃុំ ក្រុមប្រឹក្សាឃុំ មន្រ្តីនៃឃុំអូរ ស្រុកភ្នំស្រួច និងឃុំរលាំងចក ស្រុកសំរោងទង ខេត្តកំពង់ស្ពឺ ក៏ដូចជាប្រជុំជាមួយក្រុមប្រឹក្សាឃុំ និង គ.ក.ន.ក និងទស្សនាបន្ទប់ប្រឹក្សាយោបល់ និងឃុំរលាំងចេក អំពីបរិយាបន្នពិការភាព ជាមួយអាជ្ញាធរ គ.ក.ន.ក និងអង្កការតំណាងជនមានពិការភាពនិងក្រុមពិការភាពជួយខ្លួនឯង។

គោលបំណងចម្បងនៃទស្សនកិច្ច÷
- បង្ហាញសមិទ្ធផល បង្ហាញពីវឌ្ឍនភាព និងសមិទ្ធផលជាក់ស្តែង របស់កម្មវិធី ACCESS 2 នៅតំបន់គោលដៅ។
- ការចុះពិនិត្យផ្ទាល់ ផ្តល់ឱកាសជូនថ្នាក់ដឹកនាំជាន់ខ្ពស់ DFAT នឹងតំណាង ASC ពិនិត្យមើលដោយផ្ទាល់នូវការអនុវត្តសកម្មភាពកម្មវិធី។
- ការចូលរួមរបស់អ្នកពាក់ព័ន្ធ បង្កើនកិច្ចសន្ទនារវាងសមាជិកថ្នាក់យុទ្ធសាស្ត្រនិងរដ្ឋាភិបាលខេត្ត អាជ្ញាធរនិងអ្នកទទួលផល។

សម្រាប់ដំណើរទស្សនកិច្ច នេះដេីម្បីបង្កើនការយល់ដឹងកាន់តែច្បាស់អំពី ជោគជ័យនៃការអនុវត្តឆ្នាំទី២ និងឆ្នាំទី៣ បញ្ហាប្រឈម និងពង្រឹងការសម្របសម្រួលរវាងគណ:កម្មការប្រឹក្សាភិបាលថ្នាក់ជាតិ និងអ្នកពាក់ព័ន្ធខេត្ត ហើយក៏ទទួលបានទស្សនាទានច្បាស់លាស់ដើម្បីតម្រង់ទិសយុទ្ធសាស្ត្រ និងការអនុម័តផែនការការងារនាពេលអនាគត៕

ពិធីផ្សព្វផ្សាយ និងប្រកាសដាក់ឱ្យប្រើប្រាស់ជាផ្លូវការនូវគោលការណ៍ណែនាំស្តីពី«ការកំណត់អត្តសញ្ញាណកម្មពិការភាព តាមគំរូសង្គម ...
29/05/2026

ពិធីផ្សព្វផ្សាយ និងប្រកាសដាក់ឱ្យប្រើប្រាស់ជាផ្លូវការនូវគោលការណ៍ណែនាំស្តីពី«ការកំណត់អត្តសញ្ញាណកម្មពិការភាព តាមគំរូសង្គម និងសិទ្ធិជាមូលដ្ឋាន»

ទីស្តីការក្រសួង៖ ថ្ងៃសុក្រ ១៣កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៩ ខែឧសភា ឆ្នាំ២០២៦ ដោយទទួលបានការអនុញ្ញាតដ៏ខ្ពងខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សែម សុខា រដ្ឋលេខាធិការ អញ្ជើញជាអធិបតី ក្នុងពិធីផ្សព្វផ្សាយ និងប្រកាសដាក់ឱ្យប្រើប្រាស់ជាផ្លូវការនូវគោលការណ៍ណែនាំស្តីពី«ការកំណត់អត្តសញ្ញាណកម្មពិការភាព តាមគំរូសង្គម និងសិទ្ធិជាមូលដ្ឋាន» ដែលមានការអញ្ជើញចូលរួមពី ឯកឧត្តម លោកជំទាវ ថា្នក់ដឹកនាំក្រសួងសង្គមកិច្ច តំណាងក្រសួង ស្ថាប័ន ពាក់ព័ន្ធ ឯកឧត្តម លោកជំទាវ អភិបាលរង នៃគណៈអភិបាល រាជធានី ខេត្ត មន្ទីរស.អ.យ. រាជធានី ខេត្ត អង្គការដៃគូ ពាក់ព័ន្ធសរុបប្រមាណចំនួន ១៤០នាក់។

គោលបំណងនៃកម្មវិធីនេះ គឺដើម្បីផ្សព្វផ្សាយ និងប្រកាសដាក់ឱ្យប្រើប្រាស់ជាផ្លូវការនូវគោលការណ៍ណែនាំស្តីពីការកំណត់អត្តសញ្ញាណកម្មពិការភាពតាមគំរូសង្គម និងសិទ្ធិជាមូលដ្ឋានថ្មីដែលបានធ្វើបច្ចុប្បន្នភាព ក្នុងការធានាថាការរៀបចំ និងគ្រប់គ្រងប្រព័ន្ធទិន្នន័យអត្តសញ្ញាណពិការភាព មានបទដ្ឋានរួមមួយ ប្រកបដោយសង្គតិភាព និងប្រសិទ្ធភាព ក្នុងដំណើរការគ្រប់គ្រងប្រព័ន្ធបច្ចេកវិទ្យាគ្រប់គ្រងព័ត៌មានសម្រាប់គ្រប់គ្រងពិការភាព ការកំណត់អត្តសញ្ញាណកម្មពិការភាព និងការផ្តល់បណ្ណសំគាល់ជនពិការភាព ក្នុងការបង្កលក្ខណៈងាយស្រួលដល់ជនមានពិការភាពក្នុងការទទួលបានអត្ថប្រយោជន៍ពីប្រព័ន្ធគាំពារសង្គម និងសេវាសង្គមផ្សេងៗ ប្រកបដោយសមធម៌ និងបរិយាបន្ន ស្របតាមគោលនយោបាយរបស់រាជរដ្ឋាភិបាល។

កម្មវិធីវេទិកាអន្តរជាតិ និងទស្សនកិច្ចសិក្សា រវាងកម្ពុជា និង​សាកល​វិទ្យាល័យជុងវ៉ុន “Haewon Sangsaeng in Action 2026: Camb...
23/05/2026

កម្មវិធីវេទិកាអន្តរជាតិ និងទស្សនកិច្ចសិក្សា រវាងកម្ពុជា និង​សាកល​វិទ្យាល័យជុងវ៉ុន “Haewon Sangsaeng in Action 2026: Cambodia-Jungwon International Forum and Study Visit”

សាធារណរដ្ឋកូរ៉េ៖ ដោយទទួលបានការអនុញ្ញាតដ៏ខ្ពងខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិ​សម្បទា ឯកឧត្តម សរ បូរីរក្ស នាយក​វិទ្យាស្ថាន​ជាតិ​សង្គមកិច្ច អមដំណើរដោយលោក សាន់ រតនា ប្រធាន​នាយកដ្ឋាន​សុខុមាលភាពជនពិការ បានអញ្ជើញចូលរួមកម្មវិធី “Haewon Sangsaeng in Action 2026: Cambodia-Jungwon International Forum and Study Visit” តប​តាមកម្មវិធីគណៈប្រតិភូជាន់ខ្ពស់កម្ពុជាចំនួនប្រមាណ ២០រូប ដឹក​នាំ​ដោយ ឯកឧត្តម សុខ ពុទ្ធិវុធ រដ្ឋលេខាធិការ​ក្រសួង​ប្រៃសណីយ៍​ និងទូរគមនាគមន៍ ដែលមានការអញ្ជើញការចូលរួមពី រដ្ឋលេខាធិការ​ក្រសួងកិច្ចការនារី នាយកវិទ្យាស្ថានជាតិសង្គមកិច្ច អគ្គលេខាធិការ​នៃ​គណៈកម្មាធិការ​ជាតិ​សម្រាប់​ការ​សិក្សា​ពេញ​មួយ​ជីវិត សាកលវិទ្យាធិការ នៃសាកលវិទ្យាល័យភូមិន្ទកសិកម្ម សាកលវិទ្យាធិការ នៃសាកលវិទ្យាល័យពាណិជ្ជសាស្រ្តអេស៊ីលីដា សមាជិកលេខាធិការដ្ឋានខុទ្ទកាល័យនាយករដ្ឋមន្ត្រី និងមន្ត្រី​ជំនាញ​​មកពីក្រសួង ស្ថាប័នរដ្ឋ និងសាកលវិទ្យាល័យជាតិនានា ដែលរៀបចំ​ដោយសាកលវិទ្យាល័យជុងវ៉ុន (Jungwon University) នាថ្ងៃទី១៨ ដល់ ២២ ខែឧសភា ឆ្នាំ២០២៦ នៅខេត្តឈុងឆុងប៊ុកដូ សាធារណរដ្ឋកូរ៉េ។ កម្មវិធីនេះ​មាន​សារៈ​សំខាន់​ក្នុងការភ្ជាប់កិច្ច​សហប្រតិបត្តិការ​ទៅ​នឹង​គម្រោង​អនុវត្ត​ជាក់​ស្តែង ហើយសាកលវិទ្យាល័យជុងវ៉ុន​គ្រោង​នឹង​ដាក់​ស្នើ​គម្រោង “កម្មវិធីសហប្រតិបត្តិការសង្គមស៊ីវិល ឆ្នាំ២០២៧” ទៅ​កាន់​ទីភ្នាក់ងារសហប្រតិបត្តិការអន្តរជាតិកូរ៉េ (KOICA) ដើម្បី​អនុវត្ត​គម្រោង ODA រយៈពេល៣ឆ្នាំ ចាប់ពីឆ្នាំ២០២៧ ជាមួយ​ថវិកា​ប្រមាណ ១.៥ ប៊ីលានវ៉ុន។ គម្រោង​នេះផ្តោត​លើ​វិស័យ​សំខាន់ៗ​ចំនួន៣ រួមមាន៖ ការអប់រំ​បណ្តុះបណ្តាល​បច្ចេកទេស​និងវិជ្ជាជីវៈ (TVET) ការថែទាំមនុស្សចាស់/គាំទ្រ​ជនមានពិការភាព​និង​ការអភិវឌ្ឍជំនាញស្ត្រី ការអប់រំឌីជីថល​និង​ការ​សិក្សា​ពេញ​មួយ​ជីវិត។ ក្នុងនោះ វិទ្យាស្ថានជាតិសង្គមកិច្ច (NISA) បាន​ស្នើកិច្ច​សហប្រតិបត្តិ​ការ​ពាក់​ព័ន្ធ​ការ​បណ្តុះ​បណ្តាល​អ្នក​ថែ​ទាំ​មនុស្សចាស់ អ្នកគាំទ្រជនមានពិការភាព និង​ការ​អភិវឌ្ឍ​គំរូ​សេវាថែទាំក្នុងសហគមន៍ ខណៈ​សាកល​វិទ្យាល័យ​ភូមិន្ទ​កសិកម្ម​បាន​ស្នើ​លើក​កម្ពស់​កិច្ច​សហប្រតិបត្តិការ​ផ្នែក​កសិកម្ម​ឆ្លាត​វៃ (Smart Farm)។ ជាមួយគ្នានេះ សាកលវិទ្យាល័យ​ភូមិន្ទ​ភ្នំពេញ (RUPP) បានស្នើកម្មវិធីសញ្ញាបត្ររួម ការ​បណ្តុះ​បណ្តាល AI និង​ការ​ប្រើប្រាស់​មជ្ឈមណ្ឌល​សហប្រតិបត្តការ​កម្ពុជា-កូរ៉េ (CKCC) ជាមូលដ្ឋានសហការនៅកម្ពុជា ដើម្បី​គាំទ្រ​គម្រោង Chungbuk RISE Project ក្នុង​ការ​ទាក់ទាញ​និស្សិត​អន្តរជាតិ សិក្សា និងបន្តការងារនៅខេត្តឈុងឆុងប៊ុកដូ សាធារណ​រដ្ឋ​កូរ៉េ។

ឆ្លៀតក្នុង​ឱកាសនោះ ភាគីកម្ពុជា-កូរ៉េក៏​បាន​អញ្ជើញ​ចុះ​ហត្ថលេខា លើអនុស្សរណៈនៃការយោគយល់ (MOU) ស្តីពី​ការ​ពង្រឹង​កិច្ច​សហប្រតិបត្តិការលើវិស័យអប់រំ ផ្លាស់ប្តូរព័ត៌មាន និង​ការ​ជំរុញ​ទំនាក់ទំនងរវាងស្ថាប័ននៃភាគីទាំងពីរ ក្រោម​អធិបតីភាព ឯកឧត្តម ឃួន ផុនរតនៈ ឯកអគ្គរាជ​ទូត​កម្ពុជា​ប្រចាំ​សាធារណ​រដ្ឋ​កូរ៉េ។

សិក្ខាសាលាស្តីពី«បរិយាបន្នអប់រំជំនាញវិជ្ជាជីវៈសម្រាប់មន្ត្រីទទួលបន្ទុកអត្តសញ្ញាណកម្មពិការភាពនៅតាមរដ្ឋបាលឃុំសង្កាត់»ខេត្ត...
21/05/2026

សិក្ខាសាលាស្តីពី«បរិយាបន្នអប់រំជំនាញវិជ្ជាជីវៈសម្រាប់មន្ត្រីទទួលបន្ទុកអត្តសញ្ញាណកម្មពិការភាពនៅតាមរដ្ឋបាលឃុំសង្កាត់»

ខេត្តបន្ទាយមានជ័យ៖ ថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦ ដោយទទួលបានការអនុញ្ញាតដ៏ខ្ពងខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទាបានអញ្ជើញចូលរួមជាគណៈអធិបតីក្នុងពិធីបើកសិក្ខាសាលាស្តីពី«បរិយាបន្នអប់រំជំនាញវិជ្ជាជីវៈសម្រាប់មន្ត្រីទទួលបន្ទុកអត្តសញ្ញាណកម្មពិការភាពនៅតាមរដ្ឋបាលឃុំសង្កាត់» ដោយមានការអញ្ជើញចូលរួមពី ឯកឧត្តម លី សុវណ្ណារិទ្ធិ អភិបាលរងនៃគណៈអភិបាលខេត្តបន្ទាយមានជ័យ អនុប្រធាននាយកដ្ឋានសុខុមាលភាពជនពិការ លោកអនុប្រធានប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបន្ទាយមានជ័យ តំណាងមន្ទីរការងារ និងបណ្តុះបណ្តាលវិជ្ជាជីវៈខេត្តបន្ទាយមានជ័យ សាខាទីភ្នាក់ងារជាតិមុខរបរ និងការងារខេត្តបន្ទាយមានជ័យ វិទ្យាស្ថានបណ្តុះបណ្តាលជុំវិញខេត្តបន្ទាយមានជ័យ គ្រូបង្គោលអត្តសញ្ញាណកម្មពិការភាពខេត្តបន្ទាយមានជ័យ តំណាងអង្គការដៃគូ និងជនបង្គោលអត្តសញ្ញាណកម្មពិការភាពឃុំសង្កាត់នៅក្នុងខេត្ត សរុបប្រមាណចំនួន ៨០នាក់ ដែលសហការរៀបចំដោយ ក្រសួងសង្គមកិច្ច អតីតយុទ្ធជន និងយុវនីតិសម្បទា និងក្រសួងការងារ និងបណ្តុះបណ្តាលវិជ្ជាជីវៈ ដោយមានការគាំទ្រថវិកាពី គម្រោងការងារសមរម្យសម្រាប់យុវជនកម្ពុជា ដំណាក់កាលទី៣ (DEY III) និងទីភ្នាក់ងារអភិវឌ្ឍន៍ និងកិច្ចសហប្រតិបត្តិការស្វីស (SDC) តាមរយៈមូលនិធិអង្គការសហប្រជាជាតិដើម្បីកុមារ (UNICEF)។

សិក្ខាសាលានេះរៀបចំឡើងក្នុងគោលបំណងជំរុញការអនុវត្តបរិយាបន្នអប់រំជំនាញវិជ្ជាជីវៈសម្រាប់ជនមានពិការភាព តាមរយៈការកំណត់អត្តសញ្ញាណកម្មពិការភាព ការបណ្តុះបណ្តាលជំនាញវិជ្ជាជីវៈ ការបង្កើនឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួលសម្រាប់ជនមានពិការភាព។

ដំណើរទស្សនកិច្ចរបស់គណៈប្រឹក្សាពិបាលកម្មវិធីមុខរបរ និងការងារសមរម្យសម្រាប់យុវជននៅកម្ពុជា ដំណាក់កាលទី៣ ខេត្តបាត់ដំបង។ខេត្តប...
19/05/2026

ដំណើរទស្សនកិច្ចរបស់គណៈប្រឹក្សាពិបាលកម្មវិធីមុខរបរ និងការងារសមរម្យសម្រាប់យុវជននៅកម្ពុជា ដំណាក់កាលទី៣ ខេត្តបាត់ដំបង។

ខេត្តបាត់ដំបង៖ ថ្ងៃទី១៨-១៩ ខែឧសភា ឆ្នាំ២០២៦ ដោយទទួលបានការអនុញ្ញាតពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោក ម៉ែន ស្រ៊ីថាវរត្ន ប្រធានរដ្ឋបាលសិទ្ធិជនពិការ និងជាសមាជិកក្រុមការងារអនុវត្តកម្មវិធីរួម តំណាងលោកប្រធាននាយកដ្ឋានសុខុមាលភាពជនពិការ និងសមាជិកគណៈប្រឹក្សាភិបាល បានអញ្ជើញចូលរួមដំណើរទស្សនកិច្ចរបស់គណៈប្រឹក្សាពិបាលកម្មវិធីមុខរបរ និងការងារសមរម្យសម្រាប់យុវជននៅកម្ពុជា ដំណាក់កាលទី៣ ខេត្តបាត់ដំបង។

ដំណើរទស្សនកិច្ចនេះ មានគោលបំណងសង្កេតមើលវឌ្ឍនភាពការងារសម្រាប់ពលករចំណាកស្រុកកម្មវិធីទទួលស្គាល់ជំនាញពីមុន (RPL) ទំនាក់ទំនងរវាងកិច្ចគាំពារសង្គមសម្រាប់យុវជនពិការ និងក្រីក្រ និងកម្មវិធី TVET1.5 M អ្នកសិក្សាកម្មវិធី BEEP ព្រមទាំងសហគ្រាសធុនតូច និងមធ្យម ក៏ដូចជានឹងជួយពង្រឹងទំនាក់ទំនង កិច្ចសហការរវាងរាជរដ្ឋាភិបាល អង្គការសហប្រជាជាតិ ដៃគូអភិវឌ្ឍន៍ និងវិស័យឯកជន។

វេទិកាការងារស្តីពី«បរិយាបន្នការងារ ៖ ការផ្តល់ឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់ជនមានពិការភាពន...
13/05/2026

វេទិកាការងារស្តីពី«បរិយាបន្នការងារ ៖ ការផ្តល់ឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់ជនមានពិការភាពនៅកម្ពុជា»

កំពង់ស្ពឺ៖ ថ្ងៃពុធ ១២រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦ ដោយទទួលបានការអនុញ្ញាតពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោក ម៉ែន ស្រ៊ីថាវរត្ន ប្រធានរដ្ឋបាលសិទ្ធិជនពិការ តំណាងលោកប្រធាននាយកដ្ឋានសុខុមាលភាពជនពិការ បានចូលរួមជាគណៈអធិបតីក្នុងពិធីបើក និងជាវាគ្មិន ក្នុងវេទិកាការងារស្តីពី«បរិយាបន្នការងារ ៖ ការផ្តល់ឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់ជនមានពិការភាពនៅកម្ពុជា» ដែលមានការអញ្ជើញចូលរួមពី តំណាង ស្ថាប័ន អង្គការ ដៃគូរពាក់ព័ន្ធ ក្រុមហ៊ុន វិស័យឯកជន និងយុវជនមានពិការភាព សរុបប្រមាណចំនួន ៧០នាក់ ដែលសហការរៀបចំដោយ ក្រសួងសង្គមកិច្ច អតីតយុទ្ធជន និងយុវនីតិសម្បទា ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ សហភាពសហព័ន្ធយុវជនកម្ពុជា (សសយក) មានគាំទ្រថវិកាពី គម្រោងការងារសមរម្យសម្រាប់យុវជនកម្ពុជា ដំណាក់កាលទី៣ (DEY III) និងទីភ្នាក់ងារអភិវឌ្ឍន៍ និងកិច្ចសហប្រតិបត្តិការស្វីស (SDC) តាមរយៈមូលនិធិអង្គការសហប្រជាជាតិដើម្បីកុមារ (UNICEF)។

វេទិកានេះរៀបចំឡើងក្នុងគោលដៅបង្កើតឱ្យមានកន្លែងសម្រាប់ដាក់ពាក្យ និងសម្ភាសការងារ ព្រមទាំងជំរុញក្រុមហ៊ុន រោងចក្រ សហគ្រាស ក្នុងការផ្ដល់ឱកាសការងារ និងរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់កម្មករនិយោជិតដែលមានពិការភាពក្នុងការទទួលបាន និងចូលបម្រើការងារស្របតាមបទបញ្ញត្តិ និងលិខិតបទដ្ឋានគតិយុត្តដែលមានជាធរមាន។

សិក្ខាសាលាស្តីពី«បរិយាបន្នអប់រំជំនាញវិជ្ជាជីវៈសម្រាប់មន្ត្រីទទួលបន្ទុកអត្តសញ្ញាណកម្មពិការភាពនៅតាមរដ្ឋបាលឃុំសង្កាត់»បាត់ដ...
11/05/2026

សិក្ខាសាលាស្តីពី«បរិយាបន្នអប់រំជំនាញវិជ្ជាជីវៈសម្រាប់មន្ត្រីទទួលបន្ទុកអត្តសញ្ញាណកម្មពិការភាពនៅតាមរដ្ឋបាលឃុំសង្កាត់»

បាត់ដំបង៖ ថ្ងៃចន្ទ ១០ រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែឧសភា ឆ្នាំ២០២៦ ដោយទទួលបានការអនុញ្ញាតដ៏ខ្ពងខ្ពស់ពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា ឯកឧត្តម សន សុផល អគ្គនាយក នៃអគ្គនាយកដ្ឋានស្តារសម្បទាបានអញ្ជើញចូលរួមជាគណៈអធិបតីក្នុងពិធីបើកសិក្ខាសាលាស្តីពី«បរិយាបន្នអប់រំជំនាញវិជ្ជាជីវៈសម្រាប់មន្ត្រីទទួលបន្ទុកអត្តសញ្ញាណកម្មពិការភាពនៅតាមរដ្ឋបាលឃុំសង្កាត់» ដោយមានការអញ្ជើញចូលរួមពី លោកជំទាវ កែវ ដាណា អភិបាលរងនៃគណៈអភិបាលខេត្តបាត់ដំបង លោកអគ្គនាយករងនៃអគ្គនាយកដ្ឋានអប់រំបណ្តុះបណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្តុះបណ្តាលវិជ្ជាជីវៈ លោកប្រធាននាយកដ្ឋានសុខុមាលភាពជនពិការ លោកប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តបាត់ដំបង តំណាងមន្ទីរការងារ និងបណ្តុះបណ្តាលវិជ្ជាជីវៈខេត្តបាត់ដំបង សាខាទីភ្នាក់ងារជាតិមុខរបរ និងការងារខេត្តបាត់ដំបង វិទ្យាស្ថានបណ្តុះបណ្តាលជុំវិញខេត្តបាត់ដំបង ទីចាត់ការផែនការ និងវិនិយោគនៃរដ្ឋបាលខេត្តបាត់ដំបង គ្រូបង្គោលអត្តសញ្ញាណកម្មពិការភាពខេត្តបាត់ដំបង តំណាងអង្គការដៃគូ និងជនបង្គោលអត្តសញ្ញាណកម្មពិការភាពឃុំសង្កាត់នៅក្នុងខេត្ត សរុបប្រមាណចំនួន ១២០ នាក់ ដែលសហការរៀបចំដោយ ក្រសួងសង្គមកិច្ច អតីតយុទ្ធជន និងយុវនីតិសម្បទា និងក្រសួងការងារ និងបណ្តុះបណ្តាលវិជ្ជាជីវៈ ដោយមានការគាំទ្រថវិកាពី គម្រោងការងារសមរម្យសម្រាប់យុវជនកម្ពុជា ដំណាក់កាលទី៣ (DEY III) និងទីភ្នាក់ងារអភិវឌ្ឍន៍ និងកិច្ចសហប្រតិបត្តិការស្វីស (SDC) តាមរយៈមូលនិធិអង្គការសហប្រជាជាតិដើម្បីកុមារ (UNICEF)។

សិក្ខាសាលានេះរៀបចំឡើងក្នុងគោលបំណងជំរុញការអនុវត្តបរិយាបន្នអប់រំជំនាញវិជ្ជាជីវៈសម្រាប់ជនមានពិការភាព តាមរយៈការកំណត់អត្តសញ្ញាណកម្មពិការភាព ការបណ្តុះបណ្តាលជំនាញវិជ្ជាជីវៈ ការបង្កើនឱកាសការងារ និងការរៀបចំហេដ្ឋារចនាសម្ព័ន្ធបង្កលក្ខណៈងាយស្រួលសម្រាប់ជនមានពិការភាព។

ក្រសួងសង្គមកិច្ច អតីតយុទ្ធជន និងយុវនីតិសម្បទា ជួបពិភាក្សាការងារជាមួយ សមាគមឧកញ៉ាកម្ពុជា ដើម្បីជំរុញដល់អ្នកវិនិយោគ និយោជក ...
08/05/2026

ក្រសួងសង្គមកិច្ច អតីតយុទ្ធជន និងយុវនីតិសម្បទា ជួបពិភាក្សាការងារជាមួយ សមាគមឧកញ៉ាកម្ពុជា ដើម្បីជំរុញដល់អ្នកវិនិយោគ និយោជក ជាម្ចាស់ក្រុមហ៊ុន វិស័យឯកជន ចូលរួមអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការ

រាជធានីភ្នំពេញ៖ ថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ ដោយទទួលបានការអនុញ្ញាតពី ឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោកជំទាវ លៀង ស្រីម៉ុល រដ្ឋលេខាធិការ​ អញ្ជើញដឹកនាំប្រតិភូ ក្រសួងសង្គមកិច្ច អតីតយុទ្ធជន និងយុវនីតិសម្បទា ជួបពិភាក្សាការងារជាមួយសមាគមឧកញ៉ាកម្ពុជា
ស្តីពីការជំរុញដល់អ្នកវិនិយោគ និយោជក ជាម្ចាស់ក្រុមហ៊ុន វិស័យឯកជន ចូលរួមអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការ ដឹកនាំដោយ អ្នកឧកញ៉ា ទី គឹមស្រ៊ាន សមាជិកក្រុមប្រឹក្សាភិបាល សមាគមឧកញ៉ាកម្ពុជា ដែលមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក នៃអគ្គនាយកដ្ឋានស្តារសម្បទា អគ្គនាយករង លោក ប្រធាននាយកដ្ឋានសុខុមាលភាពជនពិការ ប្រធានរដ្ឋបាលសិទ្ធិជនពិការ និងមន្ត្រីជំនាញសរុបចំនួនប្រមាណ ២០នាក់។

ជួបពិភាក្សាការងារជាមួយសមាគមឧកញ៉ាកម្ពុជា មានគោលបំណង៖
- ជំរុញដល់ (លោកអ្នកឧកញ៉ា, អ្នកឧកញ៉ា, ឧកញ៉ា) ជាម្ចាស់ក្រុមហ៊ុន វិស័យឯកជន ចូលរួមអនុវត្តច្បាប់ស្តីពីកិច្ចការពារ និងលើកកម្ពស់សិទ្ធិជនពិការ។
- លើកទឹកចិត្ត និងជំរុញដល់វិស័យឯកជន ទទួលយកជនមានពិការភាពអោយចូលបម្រើការ ដែលបានកំណត់ក្នុងច្បាប់ និងអនុក្រឹត្យ
- ដោយសមាគមមានសមាជិកជាវិស័យឯកជន ដែលអាចរួចចំណែកសហការជាមួយក្រសួង ក្នុងការគាំទ្រ ផ្សព្វផ្សាយ និងជំរុញវិស័យឯកជនចូលរួមការអនុវត្តច្បាប់ខាងលើ។

កិច្ចប្រជុំបូកសរុបលទ្ធផលការងារប្រចាំត្រីមាសទី១ របស់នាយកដ្ឋានសុខុមាលភាពជនពិការ ឆ្នាំ២០២៦ និងទិសដៅបន្ត។ថ្ងៃព្រហស្បតិ៍ ១៤កើ...
30/04/2026

កិច្ចប្រជុំបូកសរុបលទ្ធផលការងារប្រចាំត្រីមាសទី១ របស់នាយកដ្ឋានសុខុមាលភាពជនពិការ ឆ្នាំ២០២៦ និងទិសដៅបន្ត។

ថ្ងៃព្រហស្បតិ៍ ១៤កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី៣០ ខែមេសា ឆ្នាំ២០២៦ ឯកឧត្តម សែម សុខា រដ្ឋលេខាធិការ អញ្ជើញដឹកនាំកិច្ចប្រជុំបូកសរុបលទ្ធផលការងារប្រចាំត្រីមាសទី១ របស់នាយកដ្ឋានសុខុមាលភាពជនពិការ ឆ្នាំ២០២៦ និងទិសដៅបន្ត។ ដែលមានចូលរួមពី ឯកឧត្តមអនុរដ្ឋលេខាធិការ លោកប្រធានាយកដ្ឋាន លោក លោកស្រី អនុប្រធាននាយកដ្ឋាន ប្រធានមជ្ឈមណ្ឌល ប្រធានការិយាល័យ អនុប្រធានមជ្ឈមណ្ឌល អនុប្រធានការិយាល័យ មន្រ្តី និងមន្ត្រីជាប់កិច្ចសន្យា និងអង្គភាពក្រោមចំណុះនាយកដ្ឋានសរុបប្រមាណ ៣៥នាក់។

Address

Preah Monivong (93)
Phnom Penh
120111

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

+85516559917

Website

Alerts

Be the first to know and let us send you an email when នាយកដ្ឋានសុខុមាលភាពជនពិការ-Department of Welfare of PWDs posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to នាយកដ្ឋានសុខុមាលភាពជនពិការ-Department of Welfare of PWDs:

Shortcuts

Share

Category