មន្ទីរអភិវឌ្ឍន៍ជនបទខេត្តមណ្ឌលគិរី

06/06/2026

❤️🇰🇭❤️

អបអរសាទរខួបលើកទី៣០ ទិវាបរិស្ថានជាតិ និងបរិស្ថានពិភពលោក ៥ មិថុនា ១៩៩៦ - ៥ មិថុនា ២០២៦

05/06/2026

ថ្ងៃសុក្រ ៥រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែមិថុនា ឆ្នាំ២០២៦,June 5, 2026...
លោក ធន សារី ប្រធាន មន្ទីរអភិវឌ្ឍន៍ជនបទខេត្តមណ្ឌលគិរី លោក កឹង ឈាន អនុប្រធានមន្ទីរ និងលោក សួង សំណាង ប្រធានការិយាល័យផ្លូវជនបទ បានចូលរួមក្នុងពិធីត្រួតពិនិត្យវាយតម្លៃប្រគល់ទទួលបញ្ចប់ការសាងសង់ 100% លើគម្រោងសាងសង់ស្ពាន សសរបេតុង ធ្នឹមដែក កម្រាលឈើចំនួន១កន្លែង ប្រវែង ៣៦ម៉ែត្រ ទទឹង ២.៥ម៉ែត្រ និងបើកដាក់ឱ្យដំណើរការប្រើប្រាស់ជាផ្លូវការចាប់ពីពេលនេះតទៅ។
ពិធីបើកឱ្យប្រើប្រាស់ស្ពាននេះជាផ្លូវការ ក៏មានការចូលរួមពី តំណាងក្រុមហ៊ុនដែលជាម្ចាស់ជំនួយ អាជ្ញាធរមូលដ្ឋាន ភូមិ ឃុំ ប្រជាពលរដ្ឋ លោកគ្រូអ្នកគ្រូ និងសិស្សសាលាជាច្រើនរូបទៀត ពិធីនេះបានរៀបចំឡើងនៅភូមិទួល (ក្រុមព្រះ) ឃុំមេម៉ង់ ស្រុកកែវសីមា ខេត្តមណ្ឌលគិរី។

05/06/2026

ថ្ងៃសុក្រ ៥រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៥ ខែមិថុនា ឆ្នាំ២០២៦,June 5, 2026...
លោកស្រី ធា ប៊ុនធឿន អនុប្រធាន មន្ទីរអភិវឌ្ឍន៍ជនបទខេត្តមណ្ឌលគិរី បានចូលរួមក្នុងពិធីប្រកាសមុខតំណែងមេបញ្ជាការ នៃ បញ្ជាការដ្ឋានកងរាជអាវុធហត្ថខេត្តមណ្ឌលគិរី ក្រោមអធិបតីភាពដ៏ខ្ពង់ខ្ពស់ឯកឧត្តម នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ កងរាជអាវុធហត្ថលើផ្ទៃប្រទេស ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម គង់ គឹមនី អភិបាលនៃគណៈអភិបាលខេត្តមណ្ឌលគិរី ដែលពិធីនេះបានប្រព្រឹត្តទៅនៅទីបញ្ជាការដ្ឋានកងរាជអាវុធហត្ថខេត្តមណ្ឌលគិរី។
ក្នុងពិធីប្រកាសនោះដែរ ក៏មានការអញ្ជើញចូលរួមពីសំណាក់ឯកឧត្តម ប្រធានសាលាដំបូងខេត្ត ឯកឧត្តម ព្រះរាជអាជ្ញានៃអយ្យការអមសាលាដំបូងខេត្ត លោក ស្នងការនគរបាលខេត្ត លោក មេបញ្ជាការតំបន់ប្រតិបត្តិការសឹករងមណ្ឌលគិរី លោក មេបញ្ជាការរងកងរាជអាវុធហត្ថលើផ្ទៃប្រទេស លោក មេបញ្ជាការ បញ្ជាការដ្ឋានកងរាជអាវុធហត្ថតាមបណ្តាខេត្ត រួមទាំងថ្នាក់ដឹកនាំមន្ទីរអង្គភាពជុំវិញខេត្ត និងមន្ត្រីពាក់ព័ន្ធជាច្រើនរូបទៀត។
ពិធីប្រកាសមុខតំណែងមេបញ្ជាការ នៃបញ្ជាការដ្ឋានកងរាជអាវុធហត្ថខេត្តមណ្ឌលគិរីនេះគឺ ឧត្តមសេនីយ៍ត្រី ទាវ ចាន់តារា ត្រូវបានប្រកាសឱ្យចូលកាន់តំណែងជាមេបញ្ជាការកងរាជអាវុធហត្ថខេត្តមណ្ឌលគិរី ជំនួស ឧត្តមសេនីយ៍ត្រី ហែម បូណារ៉ែល ៕

05/06/2026

រសៀលថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦,June 4, 2026...
លោក សួង សំណាង ប្រធានការិយាល័យផ្លូវជនបទ និងជាសមភាគីរាជរដ្ឋាភិបាលសហការការងារជាមួយ គម្រោងរេដបូកកែវសីមា (WCS) បានចុះពិនិត្យវឌ្ឍនៈភាពការងារនៅការដ្ឋានកំពុងសាងសង់ទីស្នាក់ការរងស្រែអុី របស់ គម្រោងរេដបូកកែវសីមា។

05/06/2026

នាព្រឹកថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦,June 4, 2026...
លោក សួង សំណាង ប្រធានការិយាល័យផ្លូវជនបទ រួមជាមួយ អាជ្ញាធរមូលដ្ឋាន សហគមន៍ បានចុះពិនិត្យសមិទ្ធផលដែលសម្រេចបាននៃអនុគម្រោងកែលម្អផ្លូវបេតុង និងកៅស៊ូចំនួន២ខ្សែ ក្នុងក្របខ័ណ្ឌគម្រោងពិពិធកម្មកម្ពុជា ស្ថិតនៅឃុំក្រង់តេះ និងឃុំពូជ្រៃ ស្រុកពេជ្រាដា ខេត្តមណ្ឌលគិរី ដឹកនាំក្រុមការងារដោយលោកស្រី សុស វឌ្ឍនា ទីប្រឹក្សាបច្ចេកទេសផ្នែកគាំពារបរិស្ថាននិងសង្គម និងមន្ត្រីមកពីមន្ទីរកសិកម្ម ខេត្តមណ្ឌលគីរី។

05/06/2026

ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦,June 4, 2026...
កញ្ញា អ៊ុក វាសនា ប្រធានការិយាល័យផែនការ និងស្ថិតិ និងកញ្ញា វណ្នី រ៉ាត ប្រធានការិយាល័យអភិវឌ្ឍន៍ជនជាតិភាគតិច បានចុះរៀបចំកិច្ចប្រជុំ ស្តីពីការចុះប្រមូលទិន្នន័យស្ថិតិជនបទ ធ្វើបច្ចុប្បន្នភាពសហគមន៍ជនជាតិដើមភាគតិច និងធ្វើការបញ្ជ្រាបលើការចូលរួមថែរក្សាសមិទ្ធផលនានាដែល មន្ទីរអភិវឌ្ឍន៍ជនបទខេត្តមណ្ឌលគិរី និង ក្រសួងបានផ្តល់ជូន នៅឃុំអបួនលើ ឃុំរយ៉ និងឃុំណងឃីលិក ស្រុកកោះញែក។
កិច្ចប្រជុំនេះដែរ ក៏មានការចូលរួមពី លោក ប្រធានក្រុមប្រឹក្សាឃុំ ជំទប់ទី១ ជំទប់ទី២ សមាជិកក្រុមប្រឹក្សាឃុំ ស្មៀនឃុំ លោក លោកស្រី ប្រធានភូមិ អនុភូមិ សមាជិកភូមិ គណៈកម្មាធិការសហគមន៍ជនជាតិដើមភាគតិច និងតំណាងសហគមន៍ផ្សេងៗទៀត សរុបចំនួន ៧២នាក់ ក្នុងនោះស្រី ១០នាក់ ។

04/06/2026

ថ្ងៃព្រហស្បតិ៍ ៤រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៤ ខែមិថុនា ឆ្នាំ២០២៦,June 4, 2026...
លោក ស៊ន វុត្ថា ប្រធានការិយាល័យអភិវឌ្ឍន៍សេដ្ឋកិច្ចជនបទ បានចូលរួមក្នុងកម្មវិធីសិក្ខាសាលាផ្សព្វផ្សាយគោលនយោបាយស្តីពី ពិការភាព ក្នុងវិស័យទេសចរណ៍ ដោយមានការចូលរួមពីមន្ទីរពាក់ព័ន្ធជុំវិញខេត្ត អាជីវករ សេវាករ ដែលប្រកបមុខរបរលើវិស័យទេសចរណ៍ ក្រោមអធិបតីភាព លោកជំទាវ ហ៊ុន ដានី រដ្ឋលេខា ក្រសួងទេសចរណ៍ Ministry of Tourism, Cambodia ពិធីនេះបានប្រព្រឹត្តទៅនៅសាលប្រជុំមន្ទីរទេសចរណ៍ ខេត្តមណ្ឌលគិរី។

03/06/2026

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦,June 3, 2026...
លោក ធន សារី ប្រធាន មន្ទីរអភិវឌ្ឍន៍ជនបទខេត្តមណ្ឌលគិរី និងសហការីជំនាញ បានអមដំណើរគណៈកម្មការត្រួតពិនិត្យ និងវាយតម្លៃគុណភាព ការងារសាងសង់ ស្តារឡើងវិញ កែលម្អ ជួសជុល ថែទំា និងលើកកម្រិតផ្លូវជនបទនិងសំណង់សិល្បការ្យ (គ.ត.វ) ចុះត្រួតពិនិត្យ និងវាយតម្លៃបញ្ចប់ សុពលភាពសម្រេចបាន១០០% លើការងារផ្លូវថែទំាខួបចំនួន ១ខ្សែ ប្រវែង ១០ ៥០០ម៉ែត្រ ទទឹងខ្នងលើ ៦ម៉ែត្រ កម្រាស់ ២០ស.ម សាងសង់លូមូលមុខពីរ (2x1mx8m)ចំនួន ២កន្លែង និងសាងសង់លូមូល មុខមួយ (1mx8m)ចំនួន ២កន្លែង ស្ថិតនៅក្នុងឃុំពូជ្រៃ ឃុំក្រង់តេះ ស្រុកពេជ្រាដា ខេត្តមណ្ឌលគិរី ជាគម្រោងថែទាំផ្លូវឆ្នាំ២០២៥។

03/06/2026

ថ្ងៃអង្គារ ២រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែមិថុនា ឆ្នាំ២០២៦,June 2, 2026...
លោក សួង សំណាង ប្រធានការិយាល័យផ្លូវជនបទនិងជាសមភាគីរាជរដ្ឋាភិបាលកម្ពុជា សហការការងារជាមួយគម្រោង រ៉េដបូកកែវសីមា និងអាជ្ញាធរ ឃុំ,ភូមិ,សហគមន៍,ក្រុមការងារ WCS, អ្នកពាក់ពន្ធគម្រោង បានចុះត្រួតពិនិត្យ និងវាយតម្លៃការងារគម្រោងរួមមាន:
១.ចុះពិនិត្យការដ្ឋានជួសជុលផ្លូវចំនួន១កំណាត់ខ្សែប្រវែង ១៥០ម៉ែត្រ ទទឹងខ្នងលើ៦ម៉ែត្រ ក្រាលក្រួសក្រហម និងសាងសង់លូមូលមុខមួយ ចំនួន១កន្លែង ទំហំ(100x8m) ស្ថិតនៅភូមស្រែអុី សង្កាត់រមនា ក្រុងសែនមនោរម្យ សម្រេចបានជាលទ្ធផលប្រមាណ៩០%នៃគម្រោង។
២.គម្រោងសាងសង់ស្ពានក្បាលបេតុង ធ្នឹមដែក កម្រាលលើឈើ ចំនួន១កន្លែង ស្ថិតនៅ ភូមិពូកេះ ឃុំមេម៉ង់ ស្រុកកែវសីមា សម្រេចបានជាលទ្ធផលប្រមាណ១០%នៃគម្រោង។
៣.គម្រោងសាងសង់អណ្ដូងបំពាក់សូឡានិងសាងសង់ជើងទម្រស៊ីទែនទឹក ទំហំបណ្តោយ១,៨ម៉ែត្រ ទទឹង១,៨ម៉ែត្រ កម្ពស៣ម៉ែត្រ ចំនួន២កន្លែង ស្ថិតនៅភូមិពូកេះ(ក្រុមត្រាំងកិតនិងក្រុមស្រែអណ្ទុង)ឃុំមេម៉ង់ ស្រុកកែវសីមា សម្រេចបានជាលទ្ធផលប្រមាណ៦០%នៃគម្រោង។
៤.គម្រោងជួសជុលផ្លូវចំនួន ១កំណាត់ខ្សែ ប្រវែង១០០០ម៉ែត្រ ទទឹងខ្នងលើ៥ម៉ែត្រ ក្រាលល្បាយក្រួស និងសាងសង់លូមូលមុខ(80cmx7m) ចំនួន១កន្លែង ស្ថិតនៅភូមិពូង៉ោល ឃុំមេម៉ង់ ស្រុកកែវសីមាសម្រេចបានជាលទ្ធផលប្រមាណ១០%នៃគម្រោង។
៥.គម្រោងសាងសង់អណ្ដូង ចំនួន៥កន្លែង ស្ថិតនៅភូមិពូង៉ោល ឃុំមេម៉ង់ ស្រុកកែវសីមា សម្រេចបានជាលទ្ធផល១០០% ។
៦.គម្រោងសាងសង់រោងប្រជុំសហគមន៍ ចំនួន១កន្លែង មានទំហំបណ្តោយ៨ម៉ែត្រ ទទឹង៦ម៉ែត្រ ស្ថិតនៅភូមិពូញ៉ាវ ឃុំមេម៉ង់ ស្រុកកែវសីមា សម្រេចបានជាលទ្ធផល១០០%។
៧.គម្រោងសាងសង់បង្គុន់អនាម័យ(ជើងក្រោម) ចំនួន១០កន្លែង និងសាងសង់ឡដុតសំរាម(ក្នុងសាលា) ចំនួន១កន្លែង ស្ថិតនៅភូមិពូង៉ោល ឃុំមេម៉ង់ សម្រេចបាន២០%នៃគម្រោង។
៨.បានពិនិត្យការដ្ឋានសាងសង់ស្ពាន(សសរបេតុង ធ្នឹមដែក កម្រាលឈើ) ចំនួន១កន្លែង មានប្រវែង៣៦ម៉ែត្រ ទទឹង២.៥ម៉ែត្រ ស្ថិតនៅភូមិទួល(ក្រុមព្រះ)ឃុំមេម៉ង ស្រុកកែវសីមា ខេត្តមណ្ឌលគិរី ឧបត្តម្ភគំាទ្រថវិកាដោយក្រុមហ៊ុនរេនីសង់(Renaissance Minerals Cambodia Limited) សម្រេចលទ្ធផលបានប្រមាណ៩៩% នៃគម្រោង ។

03/06/2026

ថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦,June 3, 2026...
លោក ធន សារី ប្រធាន មន្ទីរអភិវឌ្ឍន៍ជនបទខេត្តមណ្ឌលគិរី បានអមដំណើរថ្នាក់ដឹកនាំខេត្តប្រារព្ធពិធីបួងសួងសុំសេចក្តីសុខសេចក្ដីចម្រើនជូន មន្ត្រីរាជការគ្រប់លំដាប់ថ្នាក់ ប្រជាពលរដ្ឋ និងវីរៈកងទ័ពជួរមុខដែលកំពុងបំពេញបេសកកម្មការពារជាតិឈរជើងនៅសមរភូមិជួរមុខ ក្រោមអធិបតីភាព ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត និងឯកឧត្តម គង់ គឹមនី អភិបាលនៃគណៈអភិបាលខេត្តមណ្ឌលគិរី ។
ក្នុងពិធីនេះដែរ ក៏មានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត មេបញ្ជាការកងកម្លាំងប្រដាប់អាវុធទាំងបីប្រភេទ ប្រធាន អនុប្រធានមន្ទីរ-អង្គភាពជុំវិញខេត្ត មន្ត្រីរាជការ និងបងប្អូនប្រជាពលរដ្ឋជាច្រើនរូបទៀត ដែលបានប្រព្រឹត្តទៅនៅ បរិវេណរមណីយដ្ឋានភ្នំដោះក្រមុំ ស្ថិតក្នុងក្រុងសែនមនោរម្យ ខេត្តមណ្ឌលគិរី។