មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ

03/09/2026

មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ
—————————————

នៅព្រឹកថ្ងៃទី៣ ខែកញ្ញា ឆ្នាំ២០២៦​ ខណ្ឌរដ្ឋបាលជលផលក្រចេះ បានសហការជាមួយកម្លាំងការិយាល័យប្រឆាំងបទល្មើសសេដ្ឋកិច្ច នៃស្នងការនគរបាលខេត្ត គណៈកម្មការស្រុកដើម្បីទប់ស្កាត់និងបង្ក្រាបខេត្ត ចុះត្រួតពិនិត្យ និងបង្ក្រាបបទល្មើសជលផលនៅចំណុចបឹងរលាច និងតាមទំនាបលិចទឹកក្នុងសង្កាត់រកាកណ្តាល និងឃុំដារ ស្រុកចិត្របុរី ខេត្តក្រចេះ។
បន្ទាប់មកក្រុមមន្រ្តីជំនាញ បានធ្វើការចាក់លែងត្រីចម្រុះទម្ងន់ប្រមាណ ៥០គីឡូក្រាម ចូលទៅក្នុងដែនទឹកធម្មជាតិវិញ។
#មន្ទីរកសិកម្ម

30/08/2026

មន្ទីរកសិកម្ម រុក្ខាប្រមាញ់ និងនេសាទ ខេត្តក្រចេះ
—————————————
នៅព្រឹកថ្ងៃទី២៨ ខែសីហា ឆ្នាំ២០២៦ លោក ទ្រី សុភក្តិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តក្រចេះ បានដឹកនាំកិច្ចប្រជុំបូកសរុបលទ្ធផលការងារកសិកម្ម រុក្ខាប្រមាញ់ និងនេសាទប្រចាំខែសីហា ឆ្នាំ២០២៦ និងលើកទិសដៅអនុវត្តបន្ត ដែលកិច្ចប្រជុំនេះអញ្ជើញចូលរួមពីលោកអនុប្រធានមន្ទីរ លោកនាយខណ្ឌរដ្ឋបាលព្រៃឈើ លោកនាយខណ្ឌរដ្ឋបាលជលផល លោកនាយផ្នែក លោកនាយសង្កាត់ លោក លោកស្រីប្រធាន អនុប្រធានការិយាល័យ និងមន្រ្តីកិច្ចសន្យាទាំងអស់ក្រោមឱវាទមន្ទីរប្រមាណ ៤៥ នាក់ ស្រី ៨ នាក់។
#មន្ទីរកសិកម្ម

30/08/2026

ពិធីលែងកូនត្រី និងត្រីមេពូជចំនួន ២០ម៉ឺនក្បាល ក្រោមប្រធានបទ "រួមគ្នាថែរក្សាធនធានជលផល ដើម្បីអនាគតខ្មែរ" ក្នុងខេត្តក្រចេះ
🐠🐠🐠🐠🐠🐠🐠🐠🐠🐠🐠🐠🐠🐠🐠🐠
ព្រឹកថ្ងៃទី៣០ ខែសីហា ឆ្នាំ២០២៦ ខណ្ឌរដ្ឋបាលជលផលក្រចេះនៃមន្ទីរកសិកម្ម រុក្ចាប្រមាញ់ និងនេសាទខេត្តក្រចេះបានសហការជាមួយក្រុមហ៊ុន GANZBERG ដើម្បីរៀបចំពិធីលែងកូនត្រី និងត្រីមេពូជចំនួន ២០ម៉ឺនក្បាល ចូលក្នុងបឹងរំលាចត្រង់ចំណុចស្ថានីយ៍បូមទឹកភ្លៀង ស្ថិតក្នុងភូមិក្រចេះ សង្កាត់ក្រចេះ ក្រុងក្រចេះ ដើម្បីអបអរសារទរទិវាមច្ឆជាតិ ០១ កក្កដា ក្រោមអធិបតីភាពឯកឧត្តម ដួង ពៅ អភិបាលរងខេត្ត តំណាដ៏ខ្ពង់ខ្ពស់ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ ឯកឧត្តម គាង អ៊ាង សមាជិកក្រុមប្រឹក្សាខេត្ត លោក ទ្រី សុភក្តិ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត លោក លោកស្រីប្រធាន អនុប្រធានមន្ទីរ អង្គភាពជុំវិញខេត្ត កងកម្លាំងទាំងបីប្រភេទ លោកអភិបាលរងក្រុងក្រចេះ ចៅសង្កាត់ លោកគ្រូ អ្នកគ្រូ សិស្សានុសិស្ស ក្រុមយុវជន លោក លោកស្រីតំណាងក្រុមហ៊ុន GANZBERG សហគមន៍នេសាទ និងប្រជាពលរដ្ឋសរុបប្រមាណ ៣៥០នាក់។

21/08/2026

21/08/2026

ក្រសួងធនធានទឹក និងឧតុនិយម សូមជម្រាបជូនដំណឹងដល់សាធារណជន អំពីស្ថានភាពទឹកជំនន់ទន្លេមេគង្គ ក្នុងភូមិសាស្ត្រខេត្តស្ទឹងត្រែង ខេត្តក្រចេះ និងខេត្តកំពង់ចាម ដែលកម្ពស់ទឹកទន្លេមេគង្គ នឹងបន្តហក់ឡើងក្នុងអំឡុងពេល ៣ ទៅ ៤ ថ្ងៃខាងមុខនេះ។

=============
App IOS: https://shorturl.at/cS5je
App Android: https://shorturl.at/biCdy
Facebook: https://www.facebook.com/mowramcambodia/
Website: https://mowram.gov.kh/
Telegram: https://t.me/mowram_advertising
YouTube: https://YouTube.com/
TiKTok: https://www.tiktok.com/

19/08/2026