06/09/2026
កំពង់ធំ៖ ព្រឹកថ្ងៃអាទិត្យ ៩រោច ខែស្រាពណ៍ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី៦ ខែកញ្ញា ឆ្នាំ២០២៦
-------------------------------------------
លោកឧត្តមសេនីយ៍ត្រី មាស យ៉ត មេបញ្ជាការ
កងរាជអាវុធហត្ថខេត្តកំពង់ធំ ដឹកនាំសហការី ក្រុមការងារកងរាជអាវុធហត្ថខេត្ត បានអញ្ជើញចុះសួរសុខទុក្ខ និងសំណេះសំណាល លោក ពលបាលឯក ឌី ដុំ ពលទាហាន កងវរសេនាតូចអន្តរាគមន៍លេខ២៦៤ នៃកងពលតូចអត្តរាគមន៍លេខ៦ ចំណុះកងពលធំលេខ២ ឈរជើងការពារព្រំដែនកម្ពុជា នៅតំបន់ចក់រុន ស្ថិតក្នុងស្រុកត្រពាំងប្រាសាទ ខេត្តឧត្តរមានជ័យ កំពុងតែសម្រាកព្យាបាលជំងឺនៅគេហដ្ឋាន ស្ថិតក្នុងភូមិជាំបឹង ឃុំស្រើង ស្រុកប្រាសាទសំបូរ ខេត្តកំពង់ធំ ។
ឆ្លៀតក្នុងឱកាសនោះដែរ លោក ឧត្តមសេនីយ៍ត្រី មេបញ្ជាការ បាននាំយកនូវ អង្គ ៥០គីឡូក្រាម, មី ០១កេស, ទឹកស៊ីអ៊ីវ ២យួរ ទឹកត្រីចំនួន ២យួរ ទឹករិសុទ្ធចំនួន ២កេស , ព្រមទាំងថវិកា ចំនួន ៤០០,០០០រៀល ឧបត្ថម្ភដល់ លោក ពលបាលឯក ឌី ដុំ ផងដែរ ។
លោកឧត្តមសេនីយ៍ត្រី មេបញ្ជាការ បានជូនពរដល់ លោក ឌី ដុំ ឆាប់ជាសះស្បើយពីជំងឺ នឹងទទួលបាននូវ សុខភាពល្អ កម្លាំងខ្លាំងក្លា ស្មារតីឈ្លាសវៃ មានជ័យជំនះឈ្នះលើខ្មាំងសត្រូវដែលឈ្លានពានប្រទេសកម្ពុជារបស់យើង ។
#បញ្ជាការដ្ឋានកងរាជអាវុធហត្ថហេត្តកំពង់ធំ
#អេងវុទ្ធី
