នាយកដ្ឋានអភិវឌ្ឍន៍ទេសចរណ៍

21/08/2026

សូមទស្សនាការប្រកបរបរត្បាញក្រមា សម្ភារៈប្រើប្រាស់ និងវត្ថុអនុស្សាវរីយ៍របស់អ្នកភូមិអូរគ្រូកែ

#សូមចូលរួមគាំទ្រផលិតផលក្នុងសហគមន៍សំបូរព្រៃគុក

#ពង្រឹងសេដ្ឋកិច្ចក្នុងតំបន់ឱ្យកាន់តែរីកចម្រើន

#លើកស្ទួយវិស័យទេសចរណ៍ក្នុងខេត្តកំពង់ធំ

20/08/2026

ប្លង់ថតរូបដែលភ្ញៀវមិនគួររំលងនៅក្លោងទ្វារ S3 ស្ថិតនៅក្រុមប្រាសាទយាយព័ន្ធ ឬក្រុមខាងត្បូង

#ទស្សនីយភាពរមណីយដ្ឋានប្រាសាទសំបូរព្រៃគុកនារដូវបៃតង

#ចូលរួមផ្សព្វផ្សាយទីតាំងទេសចរណ៍ក្នុងស្រុក

#ចូលរួមផ្សព្វផ្សាយគោលដៅទេសចរណ៍ដើម្បីលើកស្ទួយសេដ្ឋកិច្ចក្នុងសហគមន៍

12/08/2026

សូមស្វាគមន៍ភ្ញៀវទេសចរមកកាន់រមណីយដ្ឋានប្រាសាទសំបូរព្រៃគុក នារដូវកាលបៃតង🌿🌿🌿🌿

#ចូលរួមថែរក្សា អភិរក្ស និងអភិវឌ្ឍន៍រមណីយដ្ឋានប្រាសាទសំបូរព្រៃគុក @

27/07/2026

ផ្កាស្រឡៅនារដូវ​វស្សានៅក្នុង​រមណីយដ្ឋាន​ប្រាសាទសំបូរព្រៃគុក​ កំពុង​បង្អួតសម្រស់​យ៉ាងទាក់ទាញ​ដល់ភ្ញៀវ​ទេសចរ🌿🌿🌿

#រមណីយដ្ឋានប្រាសាទសំបូរព្រៃគុកគឺជាគោលដៅទេសចរណ៍បែបប្រវត្តិសាស្រ្តក្នុងខេត្តកំពង់ធំ
#ទស្សនីយភាពប្រាសាទសំបូរព្រៃគុកនារដូវកាលបៃតង
#ចូលរួមផ្សព្វផ្សាយគោលដៅទស្សនានៅក្នុងតំបន់ប្រាសាទសំបូរព្រៃគុក
#ចូលរួមជម្រុញវិស័យទេសចរណ៍ដើម្បីបង្កើនសេដ្ឋកិច្ចក្នុងសហគមន៍

22/07/2026

17/07/2026

សិក្ខាសាលាបណ្តុះបណ្តាលស្តីអំពី៖ ជំនាញកែច្នៃអាហារ និងភេសជ្ជៈពីផលិតផលកសិកម្មសុវត្ថិភាពក្នុងតំបន់រមណីយដ្ឋានប្រាសាទសំបូរព្រៃគុក

កាលពីថ្ងៃព្រហស្បត្តិ៍ ២កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៦ ខែកក្កដា ឆ្នាំ២០២៦ នាយកដ្ឋានអភិវឌ្ឍន៍ទេសចរណ៍ នៃអាជ្ញាធរជាតិសំបូរព្រៃគុកបានរៀបចំសិក្ខាសាលាបណ្តុះបណ្តាលដោយមានការអញ្ជើញចូលរួមពីអង្គភាពនគរបាលទេសចរណ៍ អង្គភាពនគរបាលការពារបេតិកភណ្ឌ អាជ្ញាធរមូលដ្ឋាន លោកគ្រូ អ្នកគ្រូសាលាបឋមសិក្សាអូរគ្រូកែ ជាយសំពៅ អាត់ស៊ូ សិស្សានុសិស្សវិទ្យាស្ថានបច្ចេកវិទ្យាកំពង់ឈើទាល អ្នកលក់ដូរក្នុងតំបន់ និងដៃគូឯកជន សរុបប្រមាណ ២០០នាក់

សិក្ខាសាលានេះរៀបចំឡើងក្នុងគោលបំណង៖
- ដើម្បីជំរុញឱ្យមានការដាំដុះបន្លែ ផ្លែឈើ និងការលើកតម្លៃផលិតផលកសិកម្មក្នុងស្រុក

-ជួយឱ្យអ្នកស្រុកមានប្រាក់ចំណូល និងការងារបន្ថែម

-បង្កើនផលិតផលវត្ថុអនុស្សាវរីយ៍សម្រាប់ភ្ញៀវទេសចរ

-បង្កើនផលិតផលអាហារប្រកបដោយគុណភាព សុវត្ថិភាព និងអនាម័យ

-លើកទឹកចិត្តអ្នកស្រុកក្នុងការប្រើប្រាស់ជីធម្មជាតិ និងការផលិតជីធម្មជាតិ។

16/07/2026

សិក្ខាសាលាផ្សព្វផ្សាយស្តីអំពី៖ ក្រមសីលធម៌ និងវិជ្ជាជីវៈ អង្គភាពនគរបាលទេសចរណ៍ អង្គភាពនគរបាលការពារបេតិកភណ្ឌ មគ្គុទេសក៍សហគមន៍ និងអ្នកលក់ដូរ

កាលពីថ្ងៃពុធ ១កើត ខែទុតិយាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១៥ ខែកក្កដា ឆ្នាំ២០២៦ នាយកដ្ឋានអភិវឌ្ឍន៍ទេសចរណ៍នៃអាជ្ញាធរជាតិសំបូរព្រៃគុកបានរៀបចំសិក្ខាសាលាដោយមានការអញ្ជើញចូលរួមពីអង្គភាពនគរបាលទេសចរណ៍ អង្គភាពនគរបាលការពារបេតិកភណ្ឌ អាជ្ញាធរមូលដ្ឋាន លោកគ្រូ អ្នកគ្រូ សាលាបឋមសិក្សាអូរគ្រូកែ ជាយសំពៅ អាត់ស៊ូ មគ្គុទេសក៍សហគមន៍ សិស្សានុសិស្សវិទ្យាស្ថានបច្ចេកវិទ្យាកំពង់ឈើទាល អ្នកលក់ដូរក្នុងតំបន់ និងដៃគូឯកជន សរុបប្រមាណ ២០០នាក់

សិក្ខាសាលានេះរៀបចំឡើងក្នុងគោលបំណង៖
- ដើម្បីពង្រឹងសណ្តាប់ធ្នាប់របៀបរៀបរយក្នុងតំបន់ ប្រាសាទសំបូរព្រៃគុកឱ្យកាន់តែប្រសើរ

- លើកតម្លៃបេតិកភណ្ឌវប្បធម៌

- លើកកម្ពស់គុណភាពសេវាកម្មផ្នែកនាំភ្ញៀវនិងបដិសណ្ឋារកិច្ចជូនភ្ញៀវប្រកបដោយភាពពេញចិត្ត

- លើកបង្ហាញឱ្យកាន់តែច្បាស់រវាងកិច្ចបដិបត្តិនៃវិជ្ជាជីវៈរបស់នគរបាលទេសចរណ៍ នគរបាលការពារបេតិកភណ្ឌ និងមគ្គុទ្ទេសក៍សហគមន៍ប្រចាំតំបន់រមណីយដ្ឋានសំបូរព្រៃគុក

- ពង្រឹងនូវក្រមសីលធម៌ក្នុងការលក់ដូរចំណីអាហារ ផលិតផលក្នុងតំបន់ឱ្យមានគុណភាព សុវត្ថិភាព និងតម្លៃសមរម្យសម្រាប់ទាំងភ្ញៀវទេសចរជាតិនិងអន្តរជាតិ។

12/07/2026

សកម្មភាពដឹកនាំនិស្សិតសាកលវិទ្យាល័យបាត់ដំបងទស្សនកិច្ចប្រាសាទសំបូរព្រៃគុក
‐‐----------------------------
កាលពីថ្ងៃសៅរ៍ ១២កើត ខែបឋមាសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១១ ខែកក្កដា ឆ្នាំ២០២៦ ក្រុមការងារនាយកដ្ឋានអភិវឌ្ឍន៍ទេសចរណ៍សហការជាមួយនាយកដ្ឋានបុរាណវិទ្យា និងអភិរក្សបាន
ដឹកនាំនិស្សិតជំនាញអក្សរសាស្ត្រខ្មែរ ឆ្នាំទី៣ ចំនួន ៨៧នាក់ និងគ្រូដឹកនាំចំនួន៤នាក់ នៃមហាវិទ្យាល័យសិល្បៈ មនុស្សសាស្ត្រ និងអប់រំ ទស្សនកិច្ចសិក្សា ស្រាវជ្រាវនៅរមណីយដ្ឋានប្រាសាទសំបូរព្រៃគុក ក្នុងគោលបំណងចូលរួមចំណែកក្នុងការពង្រឹងសមត្ថភាពការសិក្សា បណ្តុះស្មារតីថែរក្សាការពារ និង លើកស្ទួយសម្បត្តិវប្បធម៌ជាតិ ក៏ដូចជាសិក្សាស្វែងយល់ពីប្រវត្តិសាស្ត្រ ស្ថាបត្យកម្មប្រាសាទបុរាណនៅតំបន់ ប្រាសាទសំបូរព្រៃគុក។

#ទស្សនកិច្ចសិក្សាប្រាសាទសំបូរព្រៃគុក

10/07/2026