មន្ទីរបរិស្ថានខេត្តតាកែវ

31/07/2026

អបអរសាទរខួបលើកទី១៩ ទិវាឧទ្យានុរក្សពិភពលោក ៣១ កក្កដា ២០២៦ នឹងសូមអរគុណដល់ឧទ្យានុរក្សទាំងអស់ដែលចូលរួមការពារធនធានធម្មជាតិកម្ពុជាយ៉ាងអង់អាចក្លាហាន។

21/07/2026

17/07/2026

នៅព្រឹកថ្ងៃទី១៧ ខែកក្កដា ឆ្នាំ២០២៦ អគ្គនាយកដ្ឋានតំបន់ការពារធម្មជាតិ និងមន្ទីរបរិស្ថានខេត្ត ដោយមានការឧបត្ថម្ភពីអង្គការអភិរក្សតំបន់ដីសើម និងសត្វស្លាបព្រៃ (WWT) បានរៀបចំកិច្ចប្រជុំស្តីពីការវាយតម្លៃកិច្ចការងារអភិរក្សតំបន់ដីសើម និងដំណើរទស្សនកិច្ចនៅតំបន់ការពារទេសភាពបឹងព្រែកល្ពៅ ភូមិសាស្ត្រខេត្តតាកែវ ក្រោមអធិបតីភាព ឯកឧត្តម ថៃ ចន្ថា អគ្គនាយករង នៃអគ្គនាយកដ្ឋានតំបន់ការពារធម្មជាតិ ក្រសួងបរិស្ថាន តំណាងដ៏ខ្ពង់ខ្ពស់របស់ ឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន និងលោក ងិន ងិនដា អភិបាលរង នៃគណៈអភិបាលខេត្តតាកែវ តំណាងខ្ពង់ខ្ពស់ ឯកឧត្តម វ៉ី សំណាង អភិបាលខេត្តតាកែវ ដោយមានការចូលរួមពី ថ្នាក់ដឹកនាំនាយកដ្ឋានដីសើមទឹកសាប និងសហការី មន្ទីរបរិស្ថានដឹកនាំដោយ លោក ឆយ ម៉ុនលី ប្រធានមន្ទីរបរិស្ថាន និងសហការី តំណាងមន្ទីរកសិកម្ម រុក្ខាប្រមាញ់ និងនេសាទ តំណាងខណ្ឌរដ្ឋបាលជលផល ថ្នាក់ដឹកនាំរដ្ឋបាលស្រុកកោះអណ្តែត តំណាងរដ្ឋបាលស្រុកបូរីជលសារ តំណាងឃុំពាក់ព័ន្ធ មន្ត្រីសម្របសម្រួលនៃអង្គការ Naturelife Cambodia តំណាងអង្គការ FAO និងមន្ត្រីឧទ្យានុរក្សនៃតំបន់ការពារ សរុបប្រមាណ ៥១នាក់ និងបានធ្វើដំណើរទស្សនកិច្ចពិនិត្យវឌ្ឍនភាពការងាររបស់អង្គការ WWT បានអនុវត្តកន្លងមក និងថ្នាក់ដឹកនាំគណៈប្រតិភូបានដាំកូនឈើព្រៃលិចទឹកនៅក្នុងតំបន់ការពារ ដើម្បីបានជាជម្រករបស់សត្វស្លាបព្រៃនៅក្នុងតំបន់នេះផងដែរ។

11/07/2026

ថ្ងៃទី១១ ខែកក្កដា ឆ្នាំ២០២៦ សកម្មភាពមន្ទីរបរិស្ថានខេត្តតាកែវចូលរួមតាំងពិព័រណ៍ និងចែកកូនឈើដោយឥតគិតថ្លៃនាថ្ងៃទី១០-១៣កក្កដា នៅខាងមុខទីស្ដីការក្រសួងបរិស្ថាន។

05/07/2026

យុទ្ធនាការ «ពន្លកបៃតង» 🌱🌿

មន្ទីរបរិស្ថានខេត្តតាកែវ បានរៀបចំកូនឈេី​ ចូលរួម​ពិព័រណ៍ «ពន្លកបៃតង» ឆ្នាំ២០២៦ ចាប់ពីថ្ងៃទី១០ ដល់ថ្ងៃទី១៣ ខែកក្កដា ឆ្នាំ២០២៦ ខាងមុខនេះ នៅបរិវេណខាងមុខទីស្តីការក្រសួងបរិស្ថាន រាជធានីភ្នំពេញ​ និងបានបន្តបណ្តុះ​ ថែទាំកូនឈើ សម្រាប់ចែកជូនសាធារណៈជន ដើម្បីយកទៅដាំនៅតាមទីសាធារណៈ​ សាលារៀន​ និងដាំស្តារព្រៃបង្កើនគម្របបៃតង ក្នុងភូមិសាស្រ្តខេត្តតាកែវ។

01/07/2026

ថ្ងៃទី០១ ខែកក្កដា ឆ្នាំ២០២៦ លោក ហុង ភារៈ អនុប្រធានមន្ទីរបរិស្ថានខេត្ត និង សហការីបានចូលរួមកិច្ចប្រជុំពិគ្រោះយោបល់ជាសាធារណៈ ស្តីពីការអនុវត្តគម្រោង ជាមួយអាជ្ញាធរមូលដ្ឋាន និងប្រជាពលរដ្ឋរស់នៅក្នុងតំបន់គម្រោង សម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង (UIDP) ស្ថិតក្រោមអធិបតីភាព លោក ញ៉ែម ស្រស់ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ដោយមានការចូលរួមពីតំណាងមន្ទីរពាក់ព័ន្ធជុំវិញខេត្ត តំណាងអាជ្ញាធរក្រុងដូនកែវ ចៅសង្កាត់រកាក្នុង ចៅសង្កាត់រកាក្រៅ មេភូមិក្នុងសង្កាត់រកាក្នុង រកាក្រៅ តំណាងប្រជាពលរដ្ឋចំនួន ១០០គ្រួសារ។

29/06/2026

ថ្ងៃទី២៩ ខែមិថុនា ឆ្នាំ២០២៦ សកម្មភាពមន្ត្រីឧទ្យានុរក្ស និងប្រជាពលរដ្ឋចូលរួមកាប់បំផ្លាញរុក្ខជាតិទន្ទ្រាន (បន្លាអូយ៉ាស់) ក្នុងតំបន់ការពារទេសភាពបឹងព្រែកល្ពៅ។

27/06/2026

សកម្មភាពប្រចាំសប្ដាហ៍របស់រដ្ឋបាលក្រុងដូនកែវ សម្អាតអនាម័យបរិស្ថានក្នុងមូលដ្ឋានក្រុងដូនកែវ ខេត្តតាកែវ។

25/06/2026

ជួបគ្នាថ្ងៃទី ១០-១៣ ខែកក្កដា ឆ្នាំ២០២៦ ទីស្ដីការក្រសួងបរិស្ថាន កម្មវិធីចែកកូនឈើដោយឥតគិតថ្លៃ!