មន្ទីរសាធារណការ និងដឹកជញ្ជូន ខេត្តកំពង់ស្ពឺ

05/09/2026

សកម្មភាពការងាររបស់មន្ទីរសាធារណការ និងដឹកជញ្ជូនខេត្តកំពង់ស្ពឺ នាថ្ងៃទី៤ ខែកញ្ញា ឆ្នាំ២០២៦:
- - - - - - - -
***វិស័យសាធារណការ
ក.ការងារថែទាំប្រចាំ
១-បន្តការងារថែទាំប្រចាំកំណាត់ផ្លូវខេត្តលេខ១៤៣ ដោយជួសជុលស្រោចកៅស៊ូ រោយថ្ម ១៩មម
២-បន្តការងារថែទាំប្រចាំកំណាត់ផ្លូវជាតិលេខ៤៤ ដោយស្រោចកៅស៊ូ រោយថ្មលុបសំបុកមាន់
៣-បន្តការងារថែទាំប្រចាំកំណាត់ផ្លូវខេត្តលេខ ១៤២បេ ដោយកៀរសម្រួលផ្លូវដីល្បាយ ថ្មស្រោចទឹក កិនបង្ហាប់

ខ.ការងារថែទាំខួប
១-ការងារស្ថាបនាកំណាត់ផ្លូវខេត្តលេខ១៤៤០ ក្រាលកៅស៊ូ DBST ប្រវែង ២ ៣០០ម ទទឹង ៧ម និងចិញ្ចើម១មសងខាង ចាប់ពីគ.ម០២+៧០០ ដល់គ.ម០៥+០០០ ស្ថិតក្នុងឃុំព្នាយ ស្រុកសំរោងទង
-ការងារចាក់ថ្មម៉ិច((M30)កៀរពង្រាយ

គ.ការងារផ្សេងៗ
១-ការងារជួសជុលផ្លូវខេត្តលេខ ១៣០អា (DBST)ដោយចាក់ថ្មម៉ិច(M30) កៀរកិនបង្ហាប់

04/09/2026

សកម្មភាពអនុវត្តការងារផ្តល់សេវាសាធារណ: នៅមន្ទីរសាធារណការ និងដឹកជញ្ជូនខេត្តកំពង់ស្ពឺ។

04/09/2026

កំពង់ស្ពឺ៖​នៅព្រឹកថ្ងៃសុក្រ​ ៧រោច​ ខែស្រាពណ៍​ ឆ្នាំ​មមី​ អដ្ឋ​ស័ក​ ព.ស.២៥៧០​ ត្រូវ​នឹង​ថ្ងៃ​ទី​៤​ ខែ​កញ្ញា​ ឆ្នាំ​២០២៦

លោក ហុង ចាន់សុខា ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ បានអញ្ជើញ​ចូលរួមក្នុងកិច្ចប្រជុំពិនិត្យ និងពិភាក្សាតាមដានអនុវត្តលើការងារផ្លូវលេខ១៤២ ក្រោមអធិបតីភាព លោ​ក ស្រ៊ុន​ ស្រ៊ន់​ អភិបាលរង​ នៃគណ:អភិបាលខេត្តកំពង់ស្ពឺ​៕

03/09/2026

ទីស្តីការក្រសួង៖ នាព្រឹកថ្ងៃព្រហស្បតិ៍ ៦រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែកញ្ញា ឆ្នាំ២០២៦

លោក ហុង ចាន់សុខា ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ បានអញ្ជើញចូលរួមក្នុងពិធីដាក់ឱ្យដំណើរការជាផ្លូវការ ការស្នើសុំបន្តសុពលភាពត្រួតពិនិត្យលក្ខណៈបច្ចេកទេសយានជំនិះ(ឆៀក) តាមធនាគារដៃគូ ការស្នើសុំវិក្កយបត្រឌីជីថល និងការស្នើសុំអាជ្ញាបណ្ណផ្លូវថ្នល់ តាមរយៈប្រព័ន្ធស្វ័យប្រវត្តិកម្ម ក្រោមអធិបតីភាពដ៍ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូ​ន៕

03/09/2026

សេចក្តីជូនដំណឹង ស្តីពីការដាក់ឱ្យដំណើរការជាផ្លូវការ ការស្នើសុំបន្តសុពលភាពត្រួតពិនិត្យលក្ខណៈបច្ចេកទេសយានជំនិះ (ឆៀក) តាមធនាគារដៃគូ ការស្នើសុំវិក្កយបត្រឌីជីថល និងការស្នើសុំអាជ្ញាបណ្ណផ្លូវថ្នល់ តាមរយៈប្រព័ន្ធស្វ័យប្រវត្តិកម្ម

03/09/2026

នៅរសៀលថ្ងៃទី២ ខែកញ្ញា ឆ្នាំ២០២៦ ការិយាល័យសុវត្ថិភាពចរាចរណ៍ បានចុះអប់រំផ្សព្វផ្សាយច្បាប់ ស្តីពីចរាចរណ៍ផ្លូវគោក នៅទីបញ្ជាការតំបន់ប្រតិបត្តិការសឹករងខេត្តកំពង់ស្ពឺ ក្រោមអធិបតីភាពលោកឧត្តមសេនីយ៍ទោ មាន់ ម៉ាច មេការបញ្ជាការតំបន់ប្រតិបត្តិការសឹករងខេត្ត ដែលមាននាយទាហាន នាយទាហានរង ពលទាហាន ចូលរួមសរុប ចំនួន ១០០នាក់ ស្រី ០៤នាក់ និងបានចែកជូនឯកសារសុវត្ថិភាពចរាចរណ៍ផ្លូវគោកមួយចំនួន ដូចជា÷
- កូនសៀវភៅអ្វីដែលអ្នកបើកបរទោចក្រយានយន្តត្រូវយល់ដឹង
- ខិត្តប័ណ្ណជំនួយស្មារតីច្បាប់ចរាចរណ៍ផ្លូវគោក
- ផ្ទាំងរូបភាពស្លាកសញ្ញាចរាចរណ៍សំខាន់ៗ
- ផ្ទាំងរូបភាពសម្រាប់ថ្មើរជើង
- ផ្ទាំងរូបភាពនៅត្រង់ផ្លូវប្រសព្វ
- ផ្ទាំងរូបភាពការកំណត់ទំហំទ្រុង រថយន្ត និងទំហំផ្ទុកទំនិញរថយន្ត
- មួកសុវត្ថិភាព ចំនួន ១០០មួក។

03/09/2026

សកម្មភាពជួសជុលគ្រឹះផ្លូវ គម្រោងស្ថាបនាផ្លូវកៅស៊ូកំណាត់ផ្លូវលេខ ១៣០A (ផ្លូវលេខ ១២៧ចាស់) ស្ថិតក្នុងឃុំព្រៃញាតិ និងឃុំវាល ស្រុកគងពិសី ខេត្តកំពង់ស្ពឺ អនុវត្តដោយមន្ទីរសាធារណការ និងដឹកជញ្ជូនខេត្តកំពង់ស្ពឺ ក្រោយពេលបើកការដ្ឋានកាលពីថ្ងៃទី២៤ ខែសីហា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់ ឯកឧត្ដមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ។

02/09/2026

នៅព្រឹកថ្ងៃពុធ៥រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែកញ្ញា ឆ្នាំ២០២៦ លោក មាស ម៉ូលី អនុប្រធានមន្ទីរ បានដឹកនាំក្រុមការងារការិយាល័យសណ្តាប់ធ្នាប់សាធារណៈ និងការិយាល័យលូទឹក និងស្ថានីយចម្រោះទឹកកខ្វក់ សហការជាមួយលោក អភិបាលរងស្រុកភ្នំស្រួច មន្រ្តីមូលដ្ឋាន ធ្វើការចុះអនុវត្ដការងារផ្សព្វផ្សាយបន្តផ្សព្វផ្សាយបន្ថែមអំពី សេចក្តីជូនដំណឹងស្តីពី វិធានការគ្រប់គ្រង ការពារ និងទប់ស្កាត់ការរំលោភដីចំណីផ្លូវសាធារណៈ បន្ថែមជូនដល់ប្រជាពលរដ្ឋរស់នៅ និងអាជីវករលក់ដូរ ក្នុងភូមិសាស្ត្រ ឃ៉ំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។

01/09/2026

01/09/2026

**សកម្មភាពការងារកៀរកិនបង្ហាប់ស្រទាប់គ្រឹះសំខាន់ ថ្មម៉ិច(M30)
————————
គម្រោងការងារថែទាំខួបកំណាត់ផ្លូវជាតិលេខ៤៤(R3) ដោយក្រាលកៅស៊ូDBST ប្រវែង ១ ៣៩០ម៉ែត្រ ទទឹង១០ម៉ែត្រ ចិញ្ចើមដីល្បាយថ្ម ១ម៉ែត្រសងខាង និងបរិក្ខារចរាចរណ៍មួយចំនួន ចន្លោះគ.ម០៩+៨០០ ដល់គ.ម ១១+១៩០ ស្ថិតក្នុងឃុំតាំងក្រូច ស្រុកសំរោងទង ខេត្ដកំពង់ស្ពឺ។

👷🏽‍♂️អនុវត្តដោយមន្ទីរសាធារណការ និងដឹកជញ្ជូនខេត្តកំពង់ស្ពឺ។