សេនាធិការ នគរបាលក្រុងច្បារមន

04/11/2022

៚ អធិការដ្ឋាននគរបាលក្រុងច្បារមន
—————————

នារសៀល ថ្ងៃសុក្រ ១១កើត ខែកត្តិក ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០៤ ខែវិច្ឆិកា ឆ្នាំ២០២២
- ក្រោមការដឹកនាំដោយ លោកវរសេនីយ៍ឯក អ៊ូច ហៀង អធិការនគរបាលក្រុងច្បារមន
បានធ្វើការប្រជ៉ំផ្សព្វផ្សាយផែនការពារ ពង្រឹងការរក្សាសន្តិសុខ សណ្ដាប់ធ្នាប់ សុវត្ថិភាពសង្គម ក្នុងឱកាសកិច្ចប្រជ៉ំកំពូលអាស៊ាន និងកិច្ចប្រជ៉ំពាក់ព័ន្ធឆ្នាំ២០២២ ។

24/10/2022

ស្នងការ​ដ្ឋាន​នគរបាលខេត្ដ​កំពង់ស្ពឺ​ សូមថ្កោល​ទោ​ស​យ៉ាងដាច់អហង្ការ ចំពោះ​ជនក្បត់ជាតិ៣ជំនាន់ សម រង្ស៉ី ដែលបន្តប្រមាថយ៉ាងធ្ងន់ធ្ងរបំផុតលើព្រះចេស្តា ព្រះមហាក្សត្រខ្មែរ

#កំពង់ស្ពឺ​ ថៃ្ងទី​ ២៤.១០.២០២២
------------------------
ឧត្ដមសេនីយ៍​ទោ​ សម​ សាមួន​ ស្នងការ​នគរបាលខេ​ត្ដ​កំពង់ស្ពឺ​ និងថ្នាក់ដឹកនាំ គណៈស្នងការ​ ព្រម​ទាំ​ងកងកម្លាំងក្រោមឱវាទទាំងអស់ សូមថ្កោលទោស​យ៉ាងដាច់អហង្ការចំពោះ​ជនក្បត់ជាតិ៣ជំនាន់ សម រង្ស៉ី ដែលបន្តប្រមាថយ៉ាងធ្ងន់ធ្ងរបំផុតលើព្រះចេ​ស្តា ព្រះករុណា ព្រះបាទសម្តេចព្រះនរោត្តម សីហ​មុនី ព្រះមហាក្សត្រនៃព្រះរាជាណាចក្រកម្ពុជា ដែ​លជាទីគោរពដ៏ខ្ពង់ខ្ពស់បំផុតរបស់រាស្រ្តខ្មែរទូ​ទាំ​ង​នគរ ដោយជនក្បត់ជាតិ សម រង្ស៉ី ចោទប្រកាន់​ថា «ព្រះមហាក្សត្រជាជនក្បត់ជាតិ»។

ជនក្បត់ជាតិតជំនាន់រូបនេះបានហៅព្រះនាមព្រះមហាក្សត្រជាទីគោរពសក្ការៈ ចំៗឈ្មោះយ៉ាងដាច់សាច់ និងបាននិយាយពេញៗមាត់ថា «ស្តេចស្រុកខ្មែរគ្មានមនសិការជាតិសូម្បីតែបន្តិច, បន្ទាប់ពី ហ៊ុន សែន ស្តេចស្រុកខ្មែរក្បត់ជាតិ»។ ទណ្ឌិតក្បត់ជាតិរូបនេះថែមទាំងបាន ចោទប្រកាន់ព្រះមហាក្សត្រថាជាជនក្បត់ជាតិ។

ក្នុងនាមកងកម្លាំង យើងខ្ញុំពិតជាមិនអាចទទួលយក​បានជាដាច់ខាត ចំពោះការប្រមាថម្តងហើយម្ត​ង​ទៀ​តរបស់ជនក្បត់ជាតិ រូបនេះទៅលើព្រះមហាក្សត្រ។

យើងខ្ញុំទាំងអស់គ្នាសូមថ្កោលទោសយ៉ាងដាច់អហ​ង្កការជាទីបំផុតចំពោះជនក្បត់ជាតិ ៣ ជំនាន់ សម រង្ស៊ី ដែលថ្លើមពាសមេឃ ហ៊ានប្រមាថដល់អង្គព្រះមហាក្សត្រជាទីគោរពសក្ការៈដ៏ខ្ពង់ខ្ពស់បំផុតនៃប្រជាជាតិខ្មែរ។

ការប្រមាថដោយចោទប្រកាន់ អង្គព្រះមហាក្សត្រនៃព្រះរាជាណាចក្រកម្ពុជាដែលជាព្រះប្រមុខរដ្ឋ និ​ងជារដ្ឋបុរសស្នេហាជាតិ ដ៏ខ្ពង់ខ្ពស់បំផុតរបស់ប្រជាជាតិខ្មែរថា ក្បត់ជាតិគឺជាការប្រមាថដ៏ធ្ងន់ធ្ងរជាទីបំផុ​តដែលមិនអាចអត់អោនឱ្យបានជាដាច់ខាត។

សូមគោរព​ស្នេីសុំចាត់វិធា​ន​កា​រ ច្បាប់ឱ្យបានម៉ឺងម៉ា​ត់ជាទីបំផុតទៅលើជនក្បត់ជាតិ៣ជំនាន់និង រត់​ចោ​លស្រុករូបនេះ ព្រមទាំងបក្សពួកដែល បានចូលរួមចំណែកគាំទ្រចំពោះការប្រមាថអង្គព្រះមហាក្សត្រដោយមិនអាចលើកលែងបានឡើយ។

យើងខ្ញុំសូមប្រកាសជាឱឡារិក គាំទ្រ គោរព និងដ​ង្ហែតាមអង្គព្រះមហាក្សត្រនៃព្រះរាជាណាចក្រកម្ពុ​ជាជានិច្ចពីព្រោះព្រះអង្គ គឺជាឥស្សរជន ស្នេហាជា​តិកំពូល និងជាទីគោរពសក្ការៈដ៏ខ្ពង់ខ្ពស់បំផុតនៃ​យើ​ងខ្ញុំដែលជាប្រជានុរាស្រ្តខ្មែរ។

យើងខ្ញុំទាំងអស់គ្នាសូមប្រកាសគាំទ្រយ៉ាងពេញទំ​ហឹងចំពោះយុទ្ធនាការដែល ប្រកាសដោយស​ម្តេចអគ្គមហាសេនាបតីតេជោ ហ៊ុន សែន ក្នុងការកម្ចាត់​ចោលនយោបាយជ្រុល និយមរបស់ជនក្បត់ជាតិបីជំនាន់ឲ្យអស់ពីកម្ពុជាដើម្បីរក្សា សន្តិភាព ស្ថិរភាព​សង្គម និងសេចក្តីសុខសាន្តរបស់ប្រជាពលរដ្ឋខ្មែរ៕

20/10/2022

02/09/2022

៚ ព្រឹកថ្ងៃសុក្រ ០៧កើត ខែភទ្របទ ឆ្នាំខាល ចត្វាស័ក ព.ស២៥៦៦ ត្រូវនឹងថ្ងៃទី០២ ខែកញ្ញា ឆ្នាំ២០២២ ក្រោមការដឹកនាំដោយ លោកវរសេនីយ៍ឯក អ៊ូច ហៀង អធិការនគរបាលក្រុងច្បារមន បានធ្វើការប្រជ៉ំផ្សព្វផ្សាយផែនការ ការពារសន្តិសុខ សុវត្ថិភាព សណ្ដាប់ធ្នាប់ជូន ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ក្នុងពិធីសម្ពោធដាក់អោយប្រើប្រាស់កីឡាដ្ឋានខេត្តកំពង់ស្ពឺ នាថ្ងៃទី០៦ ខែកញ្ញា ឆ្នាំ២០២២ ។

07/03/2022

៚៚ ទិវានារីអន្តរជាតិ ៨មីនា ៚៚
🔵 នាព្រឹកថ្ងៃចន្ទ ទី០៧ ខែមីនា ឆ្នាំ២០២២ នៅអធិការដ្ឋាននគរបាលក្រុងច្បារមន ក្រោមអធិបតីភាព លោកអធិការនគរបាលក្រុង បានធ្វើការជួបសំណេះសំណាលជាមួយ លោកស្រី អ្នកនាងកញ្ញា ដែលជាមន្រ្តីនគបាលនៃអធិការដ្ឋាននគរបាលក្រុងច្បារមន និងបានប្រគល់ជូននូវវត្ថុុអនុស្សាវរីយ៍ ក្នុងឳកាសទិវានារីអន្តរជាតិ ៨មីនា ។

15/11/2021

#ពិធីគោរព​ទង់ជាតិ​នៃព្រះរាជាណា​ចក្រកម្ពុជា
🔵 នាព្រឹកថៃ្ង​ច័ន្ទ​ ទី១៥ ខែវិច្ឆិកា​ ឆ្នាំ​២០២១
——————————————————

នាព្រឹកថៃ្ង​ច័ន្ទ​១១កើត ខែកត្តិត ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី១៥ ខែវិច្ឆិកា​ ឆ្នាំ​២០២១
លោកវរៈសេនីយ៍ឯក​ អ៊ូច ហៀង​ អធិការនគរបាលក្រុងច្បារមន អញ្ជើញ​ចូលរួម ​ក្នុងពិធី​គោរ​ព​ទង់ជាតិ​ នៃព្រះរាជាណា​ចក្រកម្ពុជា​ ដោយមានសមាសភាពចូលរួមៈ
-លោក​ លោកស្រី​ អធិការរង​
-លោក លោកស្រី នាយ​​-នាយរងផ្នែកជំនាញ
-លោកនាយប៉ុស្តិ៍ទាំ០៥ ​និងមន្ត្រីនគរបាល​ចំណុះ​ផ្នែកជំនាញ

✅ដោយអនុវត្ដ​យ៉ា​​ងខ្ជាប់ខ្ជួន​តាម​វិធានការ​ណែនាំ​ ក្រសួង​សុខាភិបាល​ និងវិធានការ​ ៣ការពារ​ និង៣​កុំ​ ។

08/11/2021

#ពិធីគោរព​ទង់ជាតិ​នៃព្រះរាជាណា​ចក្រកម្ពុជា
🔵 នាព្រឹកថៃ្ង​ច័ន្ទ​ ទី០៨ ខែវិច្ឆិកា​ ឆ្នាំ​២០២១
——————————————————

លោកវរៈសេនីយ៍ឯក​ អ៊ូច ហៀង​ អធិការនគរបាលក្រុងច្បារមន អញ្ជើញ​ចូលរួម ​ក្នុងពិធី​គោរ​ព​ទង់ជាតិ​ នៃព្រះរាជាណា​ចក្រកម្ពុជា​ ដោយមានសមាសភាពចូលរួមៈ
-លោក​/លោកស្រី​ អធិការរង​
-លោក/លោកស្រី នាយ​​-នាយរងផ្នែកជំនាញ
-លោកនាយប៉ុស្តិ៍ទាំ០៥ ​និងមន្ត្រីនគរបាល​ចំណុះ​ផ្នែកជំនាញ

✅ដោយអនុវត្ដ​យ៉ា​​ងខ្ជាប់ខ្ជួន​តាម​វិធានការ​ណែនាំ​ ក្រសួង​សុខាភិបាល​ និងវិធានការ​ ៣ការពារ​ និង៣​កុំ​ ។

03/11/2021

#ការងារអតីតយុទ្ធជន
—————————

-នាព្រឹកថ្ងៃពុធ ១៣រោច ខែអស្សុជ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី០៣ ខែវិច្ឆិកា ឆ្នាំ២០២១ នេះ គណៈកម្មមាធិការសមាគមអតីតយុទ្ធជនកម្ពុជាក្រុងច្បារមន រួមមានៈ
- លោកវរៈសេនីយ៍ត្រី សោម វិនដា អធិការរងទទួលបន្ទុកសេនាធិការ តំណាងលោកវរៈសេនីយ៍ឯក អ៊ូច ហៀង អធិការនគបាលក្រុងច្បារមន ជាប្រធានសមាគមអតីតយុទ្ធជនកម្ពុជាក្រុងច្បារមន
- លោកវរៈសេនីយ៍ត្រី មាស សម្បត្តិ មេបញ្ជាការរងផ្នែកសឹករងក្រុងច្បារមន តំណាងមេបញ្ជាការផ្នែកសឹករងក្រុងច្បារមន ជាអនុប្រធានសមាគមអតីតយុទ្ធជនកម្ពុជាក្រុងច្បារមន
- លោក យន់ សេងហួត ប្រធានការិយាល័សង្គមកិច្ច និងសុខមាលភាពសង្គម ជាអនុប្រធានសមាគមអតីតយុទ្ធជនកម្ពុជាក្រុងច្បារមន

បាននាំយកថវិកាបេឡាមរណៈសង្គ្រោះ និងលិខិតចូលរួមរំលែកមរណៈទុក្ខ ទៅប្រគល់ជូនគ្រួសារសពសមាជិកសមាគមអតីតយុទ្ធជនកម្ពុជានៅគេហដ្ឋានសព ចំនួន ០២គ្រួសារ ដោយ ០១គ្រួសារទទួលបានថវិកាបេឡាមរណៈសង្គ្រោះចំនួន ៤,០០០,០០០៛(បួនលានរៀលគត់) និងលិខិតចូលរួមរំលែកមរណៈទុក្ខ ០១ច្បាប់ ។

01/11/2021

#ពិធី​គោរព​ទង់ជាតិ​
🔵 នាព្រឹកថៃ្ង​ច័ន្ទ​ ទី០១​ ខែវិច្ឆិកា​ ឆ្នាំ​២០២១
——————————————————

លោកវរៈសេនីយ៍ឯក​ អ៊ូច ហៀង​ អធិការនគរបាលក្រុងច្បារមន អញ្ជើញ​ដឹកនាំ ​ក្នុងពិធី​គោរ​ព​ទង់ជាតិ​ នៃព្រះរាជាណា​ចក្រកម្ពុជា​ ដោយមានការ​ចូលរួមពី​ លោក​/លោកស្រី​ អធិការរង​ លោក/លោកស្រីនាយ​​-នាយរងផ្នែកជំនាញ លោកនាយប៉ុស្តិ៍ទាំ០៥ ​និងមន្ត្រីនគរបាល​ចំណុះ​ ដោយអនុវត្ដ​យ៉ា​​ងខ្ជាប់ខ្ជួន​តាម​វិធានការ​ណែនាំ​ ក្រសួង​សុខាភិបាល​ និងវិធានការ​ ៣ការពារ​ និង៣​កុំ​ ។
ឆ្លៀតក្នុងឱកាសនេះដែរ លោកអធិការ បានមានមតិផ្ដាំផ្ញើរក៏ដូចជាទិសដៅសម្រាប់អនុវត្តបន្ត ទៅដល់បណ្ដាផ្នែកជំនាញ ប៉ុស្តិ៍រដ្ឋបាល និងបានសរសើរ លើកទឹកចិត្តដល់កម្លាំងដែលបានសហការគ្នាក្នុងការបំពេញភារៈកិច្ចទាំងយប់ទាំងថ្ងៃ ។

31/10/2021

#អនុវត្តន៍តាមផែនការដូចភ្លៀងរលឹម ដេីម្បីសន្តិសុខ​សុវត្ថិភាព​ ជូនប្រជាពលរដ្ឋ ក្នុងក្រុងច្បារមន
________________

នារាត្រីថៃ្ងទី​៣១ ខែតុលា​ ឆ្នាំ​២០២១​ ក៏ដូចជារៀង​រាល់ថៃ្ង​/យប់ កម្លាំងនគរបាលក្រុងច្បារមន សហការជាមួយកម្លាំងប៉ុស្តិ៍រដ្ឋបាល និងប្រជាការពារ​ អនុវត្ត​តាមបទបញ្ជា​ របស់លោកអធិការនគរបាលក្រុង បានចេញប្រតិ​បត្ដិការ​ ល្បាត ឆែកត្រួតពិនិត្យ ក្នុងភូមិសាស្រ្ដ​ បង្ការ​ បង្រ្កាប​ទប់ស្កាត់​ គ្រប់​សកម្មភាព​ទាំងអស់​ ដើម្បី​ធា​នា​រក្សា​ការពារ​សន្តិសុខ​ សុវត្ថិភាព​ សាធារណៈ​ស​ង្គម​ ជូនប្រជា​ពលរដ្ឋ​ ។

27/10/2021

អធិការដ្ឋាននគរបាលក្រុងច្បារមន
—————————
==> នាព្រឹកថ្ងៃពុធ ០៦រោច ខែអស្សុជ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៧ ខែតុលា ឆ្នាំ២០២១
នៅអធិការដ្ឋាននគរបាលក្រុងច្បារមន ក្រោមការដឹកនាំដោយលោកវរៈសេនីយ៍ឯក អ៊ូច ហៀង អធិការនគរបាលក្រុងច្បារមន និងមានការចូលរួម លោក/លោកស្រីអធិការរង លោកនាយប៉ុស្តិ៍ បានធ្វើការប្រជ៉ំត្រួតពិនិត្យ និងពង្រឹងការងារ បង្ការ ទប់ស្កាត់សកម្មភាពក្មេងទំន្មើង ។
ក្នុងនោះដែរលោកអធិការ បានដាក់ចេញនូវផែនការសម្រាប់អនុវត្តន៍មួយចំនួន និងជំរុញដល់កម្លាំងប្រចាំការនៅអធិការដ្ឋាន និងប៉ុស្តិ៍រដ្ឋបាល ឲ្យខិតខំបន្តសកម្មភាពល្បាតពួនស្ទាក់ ឆែកត្រួតពិនិត្យ ក្នុងភូមិសាស្រ្ត ដើម្បីបង្ការ ទប់ស្កាត់ និងបង្រ្កាបបានទាន់ពេលវេលា ។