រដ្ឋបាលខេត្តព្រះសីហនុ

05/09/2026

រសៀលថ្ងៃទី៥ ខែកញ្ញា ឆ្នាំ២០២៦ ឯកឧត្តម វង្ស ផាណាត ប្រធានក្រុមប្រឹក្សាខេត្ត និងឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញចូលរួមក្នុងពិធីបិទសិក្ខាសាលាផ្សព្វផ្សាយអប់រំស្តីពី «ការលើកកម្ពស់ការយល់ដឹងពីផលប៉ះពាល់នៃការប្រើប្រាស់គ្រឿងញៀន និងច្បាប់ស្តីពីការត្រួតពិនិត្យគ្រឿងញៀនក្នុងវិស័យអន្តរសាសនា» និងប្រគល់វិញ្ញាបនបត្របញ្ជាក់ការសិក្សាជូនថ្នាក់ដឹកនាំអន្តរសាសនានៅខេត្តព្រះសីហនុ ក្រោមអធិបតីភាព ឯកឧត្ដម សាយ សំអាល់ ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងារចុះមូលដ្ឋានខេត្តព្រះសីហនុ។

04/09/2026

សេចក្ដីជូនដំណឹង ស្ដីពីការអញ្ជើញម្ចាស់ក្បាលដីមកទទួលសំណុំឯកសារដីធ្លី ដើម្បីយកទៅបន្តនីតិវិធីបង់ពន្ធ (លើកទី២)

រដ្ឋបាលខេត្តព្រះសីហនុ សូមជម្រាបជូនដំណឹងដល់បងប្អូនប្រជាពលរដ្ឋជាម្ចាស់ក្បាលដី ចំនួន ៦ ៧៨៧ក្បាលដី ដែលបានចូលរួមវាស់វែងចុះបញ្ជីដីធ្លីមានលក្ខណៈជាប្រព័ន្ធ និងមានសាវតារដីប្រភពបានមកពីការ ទិញ-លក់ ឬអំណោយ (ប្រទានកម្ម) ដែលត្រូវជាប់ពន្ធ ស្ថិតនៅក្នុង ភូមិសាស្ត្រ ខេត្តព្រះសីហនុ ឱ្យបានជ្រាបថា៖ កន្លងមក មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តព្រះសីហនុ បានរៀបចំសំណុំឯកសារដីធ្លីរួចរាល់ ដោយមានភ្ជាប់ដីកាបញ្ជូន និងសលាកបត្រ ក្បាលដី អមដោយ និយាមកា ក្បាលដីរួចជាស្រេច ប៉ុន្តែបងប្អូនម្ចាស់ក្បាលដីចំនួន ៦ ៧៨៧ក្បាលដី ខាងលើ មិនទាន់បានអញ្ជើញ មកទទួលយកសំណុំឯកសារដីធ្លីនេះ ដើម្បីយកទៅបន្តនីតិវិធីបង់ពន្ធនៅឡើយ។

ដើម្បីទទួលបានព័ត៌មានបន្ថែម សូមទំនាក់ទំនងក្រុមការងារប្រចាំការ នៃមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តព្រះសីហនុ ដូចមានក្នុងតារាងខាងក្រោម។

03/09/2026

02/09/2026

ព្រឹកថ្ងៃទី២ ខែកញ្ញា ឆ្នាំ២០២៦ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញជាអធិបតីក្នុងពិធីបើកលទ្ធផលប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ១០ សីហា ឆ្នាំ២០២៦។

សូមបញ្ជាក់ថា ការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ នៅខេត្តព្រះសីហនុ មានបេក្ខជនដាក់ពាក្យប្រឡងមានចំនួន២ ៤០១នាក់ ស្រី ១ ២៦៧នាក់ ក្នុងនោះថ្នាក់វិទ្យាសាស្ត្រមាន ២មណ្ឌល និងថ្នាក់វិទ្យាសាស្រ្តសង្គម ៣មណ្ឌល គឺមាន ៥មណ្ឌល ស្មើនឹង ៩៩បន្ទប់។ ចំពោះលទ្ធផល ប្រឡងជាប់និទ្ទេស A មានចំនួន ២៦នាក់ ស្រី ២៤នាក់ និទ្ទេសB សរុប ១៤៨នាក់ ស្រី ៨២នាក់ និទ្ទេសC ៤១៤នាក់ ស្រី ២៥២នាក់ និទ្ទេសD ៧៤១នាក់ ស្រី ៤១៦នាក់
និងនិទ្ទេសE ៧៣៦នាក់ ស្រី ៣៧៩នាក់។

ឯកឧត្តម ម៉ាង ស៊ីណេត អភិបាលខេត្តព្រះមានប្រសាសន៍លើកឡើងថា ទោះបីការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា២០២៥-២០២៦ និទ្ទេសA មានចំនួន ២៦នាក់ មានការថយចុះជាងឆ្នាំ២០២៥ ក៏ដោយ ដែលខុសពីអ្វីដែលយើងចង់បាន និងការរំពឹងទុកនោះ ជាង ៥០ភាគរយ ក៏ប៉ុន្តែនិទ្ទេស B.C.D មានការកើនឡើងជាងឆ្នាំ២០២៥។

01/09/2026

រសៀលថ្ងៃទី១ ខែកញ្ញា ឆ្នាំ២០២៦ ឯកឧត្តម ម៉ាង ស៊ីណេត ប្រធានគណៈមកម្មាធិការសាខាកាកបាទក្រហមកម្ពុជា ខេត្តព្រះសីហនុ អញ្ជើញទទួលអំណោយមនុស្សធម៌លើកទី៤ ពីមន្ត្រីរាជការ បងប្អូនសប្បុរសជនក្នុង និងក្រៅខេត្តព្រះសីហនុ ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា ២០២៦ នៅទីស្នាក់ការសាខាកាកបាទក្រហមកម្ពុជា ខេត្តព្រះសីហនុ ដែលមានទីតាំងស្ថិត នៅសង្កាត់លេខ៣ ក្រុងព្រះសីហនុ។

ក្នុងឱកាសនោះ ឯកឧត្តម ម៉ាង ស៊ីណេត ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ បានថ្លែងអំណរគុណ និងអរគុណចំពោះ ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា សប្បុរសជនគ្រប់មជ្ឈដ្ឋានចូលរួមបរិច្ចាគថវិកា និងសម្ភារៈតាមសទ្ធាជ្រះថ្លាជូនសាខាកាកបាទក្រហមកម្ពុជា ខេត្តព្រះសីហនុ ក្នុងឱកាសខួបលើកទី ១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា ឆ្នាំ២០២៦ ក្រោមប្រធានបទ "បន្តរួមកម្លាំងគ្នា ដើម្បីមនុស្សធម៌" ដើម្បីឱ្យសាខាកាកបាទក្រហមកម្ពុជា ខេត្តព្រះសីហនុ មានធនធានបន្តផ្តល់សេវាកម្មមនុស្សធម៌ ដោះស្រាយប្រឈមនានា ដើម្បីពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ និងងាយរងគ្រោះតាមគោលការណ៍គ្រឹះរបស់ចលនាអន្តរជាតិកាកបាទក្រហម និងអឌ្ឍចន្ទក្រហម។

ឯកឧត្តម ប្រធានគណៈកម្មាធិការកាកបាទក្រហមខេត្តព្រះសីហនុ បានបញ្ជាក់ក្នុងនាមសាខាកាកបាទក្រហមកម្ពុជា ខេត្តព្រះសីហនុ សង្ឃឹមយ៉ាងមុតមាំថា សម្តេច ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី អ្នកនាងកញ្ញា និងសប្បុរសជនពីគ្រប់មជ្ឈដ្ឋាននឹងចូលរួមយ៉ាងច្រើនកុះករជួយឧបត្ថម្ភជាថវិកា សម្ភារៈដល់សាខាកាកបាទក្រហមកម្ពុជា ខេត្តព្រះសីហនុពុំខានឡើយ។ ហើយក្រុមការងាររង់ចាំទទួលមូលនិធិនិងអំណោយមនុស្សធម៌ពីសប្បុរសជនគ្រប់មជ្ឈដ្ឋានរៀងរាល់ម៉ោងធ្វើការនៅទីស្នាក់ការសាខាកាកបាទក្រហមកម្ពុជាខេត្តព្រះសីហនុ។

ជាមួយគ្នានោះដែរ ឯកឧត្តម ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ បានបន្តថា ថវិកា និងសម្ភារៈទាំងនេះ សាខានិងយកទៅបំរើដល់ប្រជាពលរដ្ឋក្រីក្រ ប្រជាពលរដ្ឋងាយរងគ្រោះ ជនចាស់ជរា ក្មេងកំព្រាជាដើម ព្រមទាំងជូនពរដល់សម្តេច ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា និងសប្បុរសជនគ្រប់មជ្ឈដ្ឋានឪ្យមានសុខភាពល្អបរិបូណ៌ កម្លាំងមាំមួន បញ្ញាញាណភ្លឺថ្លា ក្នុងការចូលរួមការងារមនុស្សធម៌ជាមួយសាខាកាកបាទក្រហមកម្ពុជា ខេត្តព្រះសីហនុ ក៏ដូចជាការងារសង្គមនានាផងដែរ។

01/09/2026

ព្រឹកថ្ងៃទី១ ខែកញ្ញា ឆ្នាំ២០២៦ កិច្ចប្រជុំពិនិត្យ កែសម្រួល និងវាយតម្លៃសេចក្តីព្រាងរបាយការណ៍នៅពាក់កណ្តាលអាណត្តិ ស្តីពីការអនុវត្តផែនការអភិវឌ្ឍន៍ខេត្ត ក្រោមអធិបតីភាព លោកជំទាវ យ៉ឹង សុឃឿន សមាជិកក្រុមប្រឹក្សាខេត្ត និងជាអនុប្រធាន គ.ក.ស.ក ខេត្ត

01/09/2026

ខេត្តព្រះសីហនុ៖ ព្រឹកថ្ងៃទី១ ខែកញ្ញា ឆ្នាំ២០២៦ លោក សាមុត សុធារិទ្ធ អភិបាលរងខេត្ត តំណាងដ៏ខ្ពង់ខ្ពស់ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញគោរពវិញ្ញាណក្ខន្ធសពលោក ពេជ្រ ភារី ប្រធានការិយាល័យ នៃមន្ទីរសាធារណការ និងដឹកជញ្ជូនខេត្តព្រះសីហនុ ដែលបានទទួលមរណៈភាពដោយរោគាពាធ ស្ថិតនៅភូមិ៣ សង្កាត់លេខ១ ក្រុងព្រះសីហនុ​។

01/09/2026

នៅថ្ងៃទី៣១ ខែសីហា ឆ្នាំ២០២៦ អនុវត្តតាមការណែនាំរបស់ឯកឧត្តម អភិបាល នៃគណៈអភិបាលខេត្ត កម្លាំងគណៈបញ្ជាការឯកភាពរដ្ឋបាលក្រុងព្រះសីហនុ ដោយមានការសម្របសម្រួលនីតិវិធីពីតំណាងអយ្យការអមសាលាដំបូងខេត្តព្រះសីហនុ បានចុះធ្វើរដ្ឋបាលចំហទីតាំងផ្ទះល្វែង​ចំនួន​ ០៣ទីតាំង(ក្នុងប្លុកតែមួយ)​ បានរកឃើញសម្ភារ និងវត្ថុជាឧបករណ៍អេឡិចត្រូនិចជាប់ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា(Online Scams) ព្រមទាំងរកឃេីញជនបរទេសស្នាក់នៅគ្មានលិខិតឆ្លងដែនត្រឹមត្រូវ​ ស្ថិតនៅភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។

នៅក្នុងកិច្ចប្រតិបត្តិការនេះ កម្លាំងជំនាញបានសម្រេចដកហូតវត្ថុតាងរួមមាន៖
-កុំព្យូទ័រយួរដៃ(Laptop) ចំនួន ០៤គ្រឿង
-ទូរស័ព្ទដៃចំនួន ១១៨គ្រឿង
-អាយផេត(Tablet) ចំនួន​ ០១គ្រឿង

ជាមួយគ្នានោះដែរ សមត្ថកិច្ចបានធ្វើការឃាត់ខ្លួនជនជាតិចិនសរុបចំនួន ១០នាក់​ ស្រី​ ០២នាក់​ ក្នុងនោះ​ អ្នកជាប់ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា"Online Scams"​ ចំនួន​ ០៤នាក់(គ្មានលិខិតឆ្លងដែន​ ០១នាក់)​ និងអ្នកស្នាក់នៅគ្មានលិខិតឆ្លងដែន​ត្រឹមត្រូវ​ចំនួន​ ០៦នាក់​ ស្រី​ ០២នាក់​។

បច្ចុប្បន្ន ជនសង្ស័យទាំង ១០នាក់ រួមជាមួយវត្ថុតាង ត្រូវបានបញ្ជូនទៅកាន់ស្នងការដ្ឋាននគរបាលខេត្តព្រះសីហនុ ដើម្បីបន្តនីតិវិធីសាកសួរ៕

31/08/2026

នៅថ្ងៃទី៣១ ខែសីហា ឆ្នាំ២០២៦ អនុវត្តតាមការណែនាំរបស់ឯកឧត្តម អភិបាល នៃគណៈអភិបាលខេត្ត កម្លាំងគណៈបញ្ជាការឯកភាពរដ្ឋបាលក្រុងព្រះសីហនុ ដោយមានការសម្របសម្រួលនីតិវិធីពីតំណាងអយ្យការអមសាលាដំបូងខេត្តព្រះសីហនុ បានចុះធ្វើរដ្ឋបាលចំហទីតាំងផ្ទះវីឡាមួយកន្លែង បានរកឃើញសម្ភារ និងវត្ថុជាឧបករណ៍អេឡិចត្រូនិចជាប់ពាក់ព័ន្ធបទល្មើសឆបោកតាមប្រព័ន្ធបច្ចេកវិទ្យា(Online Scams) ព្រមទាំងរកឃេីញជនបរទេសស្នាក់នៅគ្មានលិខិតឆ្លងដែនត្រឹមត្រូវ ស្ថិតនៅភូមិ៥ សង្កាត់លេខ៤ ក្រុងព្រះសីហនុ ខេត្តព្រះសីហនុ។

នៅក្នុងកិច្ចប្រតិបត្តិការនេះ កម្លាំងជំនាញបានសម្រេចដកហូតវត្ថុតាងរួមមាន៖
-កុំព្យូទ័រ All-In-One ចំនួន ០៥គ្រឿង
-ទូរស័ព្ទដៃចំនួន ១១០គ្រឿង
-រថយន្តចំនួន ០១គ្រឿង។

ជាមួយគ្នានោះដែរ សមត្ថកិច្ចបានធ្វើការឃាត់ខ្លួនមនុស្សសរុបចំនួន ៣៧នាក់ ស្រី ០២នាក់ ក្នុងនោះ ជនជាតិខ្មែរ ០២នាក់ ស្រី ០១នាក់ ជនជាតិចិន ៣៤នាក់ ស្រី ០១នាក់ (គ្មានលិខិតឆ្លងដែន និងឯកសារពាក់ព័ន្ធត្រឹមត្រូវចំនួន ២៣នាក់ ប្រុស) និងជនជាតិមីយ៉ាន់ម៉ា ០១នាក់ ប្រុស (គ្មានលិខិតឆ្លងដែន និងឯកសារពាក់ព័ន្ធត្រឹមត្រូវ)។

បច្ចុប្បន្ន ជនសង្ស័យទាំង ៣៧នាក់ រួមជាមួយវត្ថុតាង ត្រូវបានបញ្ជូនទៅកាន់ស្នងការដ្ឋាននគរបាលខេត្តព្រះសីហនុ ដើម្បីបន្តនីតិវិធីសាកសួរ៕

31/08/2026

ព្រឹកថ្ងៃទី៣១ ខែសីហា ឆ្នាំ២០២៦ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញចូលរួមពិធីសំណេះសំណាល សួរសុខទុក្ខ និងនាំយកអំណោយដ៏ថ្លៃថ្លារបស់ចៅៗអ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី និងមហាឧបាសក លីន គ្រី ចែកជូនដល់វីរកងទ័ព និងគ្រួសារទ័ព នៅកងពលតូចលេខ ១២៨ ទិសព្រះវិហារ