បេឡាជាតិសន្តិសុខសង្គម

បេឡាជាតិសន្តិសុខសង្គម បេឡាជាតិសន្តិសុខសង្គម - ប.ស.ស.
(578)

១- ការចុះបញ្ជិ្កកា សហគ្រាស និងកម្មករ
២- ការផ្តល់តាវលិក ហានិភ័យការងារ
៣- បានកំពុងអនុវត្តន៍ជំហានទី២ របបថែទាំសុខភាព
៤- បាននឹងកំពុងរៀបចំរបបប្រាក់សោធន
៥- ព័ត៌មានក្រុមប្រឹក្សាភិបាលនៃ ប.ស.ស
៦- ព័ត៌មានគណៈកម្មការ ទប់ស្កាត់ករណីសន្លប់ និងបង្ការគ្រោះថ្នាក់ការងារ( ទ.ស.ប.ក)
៧- ព័ត៌មានក្រុមការងារសុវត្ថិភាពចរាចរណ៍ផ្លូវគោក សម្រាប់គាំពារកម្មករនិយោជិត (ស.ផ.ក)

02/09/2026

📢 ឥឡូវនេះ លោកអ្នកអាចពិនិត្យសុពលភាពប័ណ្ណសមាជិក ប.ស.ស. តាមរយៈ គេហទំព័រថ្មី ប.ស.ស. បានហើយ!

▸ជំហានដំបូង សូមលោកអ្នកចូលទៅកាន់គេហទំព័រ ប.ស.ស. (www.nssf.gov.kh)
▸បន្ទាប់មក សូមចុចលើប៊ូតុង“ពិនិត្យសុពលភាពសមាជិក”
▸វាយបញ្ចូល “លេខអត្តសញ្ញាណ ប.ស.ស. ឬលេខអត្តសញ្ញាណប័ណ្ណសញ្ជាតិខ្មែរ” ឬស្គែន QR Code ដែលមាននៅលើប័ណ្ណ ប.ស.ស. របស់អ្នក រួចចុចលើពាក្យ “ស្វែងរក” នោះប្រព័ន្ធនឹងបង្ហាញថា ប័ណ្ណសមាជិក ប.ស.ស. របស់អ្នកមានសុពលភាព ឬមិនមានសុពលភាពប្រើប្រាស់!

"ប.ស.ស. ជានិមិត្តរូបនៃសុខភាព និងសុភមង្គលគ្រួសារអ្នក!"

📌លក្ខខណ្ឌផ្សេងៗ ត្រូវបានអនុវត្ត!!!
#បសស

សម្រាប់សមាជិក ប.ស.ស. ជាបុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស. ទាំងអស់ អាចបង់ភាគទានមក ប.ស.ស. ចាប់ពីថ្ងៃទី១ ដល...
01/09/2026

សម្រាប់សមាជិក ប.ស.ស. ជាបុគ្គលស្វ័យនិយោជន៍ និងអ្នកក្នុងបន្ទុកសមាជិក ប.ស.ស. ទាំងអស់ អាចបង់ភាគទានមក ប.ស.ស. ចាប់ពីថ្ងៃទី១ ដល់ថ្ងៃទី១៥ នៃរៀងរាល់ខែ តាមរយៈធនាគារដៃគូ ប.ស.ស. ដែលរួមមាន ៖

👉 ធនាគារ អេស៊ីលីដា ភីអិលស៊ី (ACLEDA BANK PLC. )
👉 ធនាគារ វឌ្ឍនៈអាស៊ីចំកាត់ (ABA BANK)
👉 ធនាគារ កាណាឌីយ៉ា ក.អ (CANADIA BANK PLC.)
👉 ធនាគារ ពាណិជ្ជកម្មក្រៅប្រទេស នៃកម្ពុជា (FTB Bank Cambodia)
👉 ធនាគារ ភ្នំពេញ ពាណិជ្ជ (PPCBank)

✍️ ចំណាំ៖ សម្រាប់ការបង់ភាគទាន មក ប.ស.ស. គឺធ្វើឡើងតាមរយៈកម្មវិធីទូរសព្ទដៃ ធនាគារដៃគូ ខាងលើ ឬអញ្ជើញទៅកាន់ធនាគារដៃគូខាងលើដោយផ្ទាល់។

⚠️ សូមប្រយ័ត្ន៖ ចំពោះការបង់ភាគទានតាមរយៈ QR CODE ឬតាមរយៈវិធីផ្សេងៗ ដែលមានឈ្មោះបុគ្គល គឺជាករណីឆបោក សូមបងប្អូនមេត្តាប្រុងប្រយ័ត្នឱ្យបានខ្ពស់ ជៀសវាងខាតបង់ថវិកាផ្ទាល់ខ្លួន។

ℹ️ សម្រាប់ព័ត៌មានបន្ថែម សូមទំនាក់ទំនងមកកាន់លេខ ១២៨៦ ឬតាមរយៈប្រព័ន្ធផ្សព្វផ្សាយបណ្តាញសង្គមរបស់យើង!

លក្ខខណ្ឌផ្សេងៗត្រូវបានអនុវត្ត
#បសស

ឯកឧត្តម ឃុន ចាន់ណារិទ្ធ អញ្ជើញចូលរួមក្នុងកិច្ចប្រជុំដើម្បីពិនិត្យ និងពិភាក្សាលើសេចក្ដីព្រាងអនុក្រឹត្យស្ដីពី “ការចាត់ថ្នា...
31/08/2026

ឯកឧត្តម ឃុន ចាន់ណារិទ្ធ អញ្ជើញចូលរួមក្នុងកិច្ចប្រជុំដើម្បីពិនិត្យ និងពិភាក្សាលើសេចក្ដីព្រាងអនុក្រឹត្យស្ដីពី “ការចាត់ថ្នាក់ ការចាប់ផ្ដើម ការធ្វើប្រតិបត្តិការ និងការបិទអាជីវកម្មរបស់សហគ្រាស ធន់តូច និងមធ្យម”.................
ភ្នំពេញ៖ នារសៀលថ្ងៃទី៣១ ខែសីហា ឆ្នាំ២០២៦នេះ ឯកឧត្តម ឃុន ចាន់ណារិទ្ធ អគ្គនាយករង ប.ស.ស. តំណាង ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញអម ឯកឧត្តមបណ្ឌិត គួច សុមាន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ចូលរួមក្នុងកិច្ចប្រជុំដើម្បីពិនិត្យ និងពិភាក្សាលើសេចក្ដីព្រាងអនុក្រឹត្យស្ដីពី “ការចាត់ថ្នាក់ ការចាប់ផ្ដើម ការធ្វើប្រតិបត្តិការ និងការបិទអាជីវកម្មរបស់សហគ្រាស ធន់តូច និងមធ្យម” ដែលដឹកនាំដោយឯកឧត្តមបណ្ឌិតសភាចារ្យ ជូ វិជិត្ត រដ្ឋលេខាធិការប្រចាំការក្រសួងសេដ្ឋកិច្ច និងហិរញ្ញវត្ថុ ដោយមានការចូលរួមពីតំណាងក្រសួង ស្ថាប័នពាក់ព័ន្ធ សរុបប្រមាណជា ១០០នាក់។

កិច្ចប្រជុំពិភាក្សានេះ ធ្វើឡើងក្នុងគោលដៅប្រមូលមតិយោបល់ពីភាគីពាក់ព័ន្ធទៅលើខ្លឹមសារសេចក្ដីព្រាងអនុក្រឹត្យឱ្យមានភាពគ្រប់ជ្រុងជ្រោយ ដើម្បីផ្ដល់ភាពស្របច្បាប់ និងផ្ដល់ការគាំទ្រ សំដៅចូលរួមជំរុញការអភិវឌ្ឍសហគ្រាសធុនតូច និងមធ្យមឱ្យក្លាយជាមូលដ្ឋានគ្រឹះដ៏រឹងមាំនៃសេដ្ឋកិច្ចជាតិ នៅកម្ពុជាឱ្យកាន់តែមានប្រសិទ្ធភាព។

ជាមួយគ្នានេះ ឯកឧត្តមអគ្គនាយករង ប.ស.ស. បានចូលរួមជាមតិយោបល់ ដើម្បីបំពេញបន្ថែមលើខ្លឹមសារសេចក្តីព្រាងអនុក្រឹត្យ ឱ្យកាន់តែមានភាពច្បាស់លាស់ និងស្របតាមលិខិតបទដ្ឋានគតិយុត្តពាក់ព័ន្ធផ្សេងៗ៕

ម្ចាស់សហគ្រាស ក្រុមហ៊ុន រោងចក្រ និងអ្នកតំណាង ក្នុងខេត្តបាត់ដំបង ទទួលបានការផ្សព្វផ្សាយស្តីពី គោលការណ៍ បទប្បញ្ញត្តិ ច្បាប់...
31/08/2026

ម្ចាស់សហគ្រាស ក្រុមហ៊ុន រោងចក្រ និងអ្នកតំណាង ក្នុងខេត្តបាត់ដំបង ទទួលបានការផ្សព្វផ្សាយស្តីពី គោលការណ៍ បទប្បញ្ញត្តិ ច្បាប់ អត្ថប្រយោជន៍របបសន្តិសុខសង្គម និងប្រព័ន្ធចុះបញ្ជី LACMS
----------------------
(ខេត្តបាត់ដំបង)៖ ដោយទទួលបានការអនុញ្ញាតដ៏ខ្ពង់ខ្ពស់ពីសំណាក់ ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ នៅព្រឹកថ្ងៃទី៣១ ខែសីហា ឆ្នាំ២០២៦នេះ លោក តែម ទិត្យ ប្រធានសាខា ប.ស.ស. ខេត្តបាត់ដំបង បានអញ្ជើញបើកសិក្ខាសាលាផ្សព្វផ្សាយស្តីពី គោលការណ៍ បទប្បញ្ញត្តិ ច្បាប់ អត្ថប្រយោជន៍របបសន្តិសុខសង្គម និងប្រព័ន្ធចុះបញ្ជី LACMS ដល់ម្ចាស់សហគ្រាស ក្រុមហ៊ុន រោងចក្រ និងអ្នកតំណាង ប្រមាណជាង ២០០នាក់ ដែលរៀបចំឡើងនៅសាខា ប.ស.ស. ខេត្តបាត់ដំបង។

ក្នុងឱកាសនោះដែរ លោកប្រធានសាខាខេត្ត បានលើកឡើងថា សិក្ខាសាលាផ្សព្វផ្សាយនេះ ធ្វើឡើងក្នុងគោលបំណងដើម្បីពង្រឹងការអនុវត្តច្បាប់ស្តីពីរបបសន្តិសុខសង្គម និងកិច្ចសហប្រតិបត្តិការរវាង ប.ស.ស. និងតំណាងសហគ្រាស ក្រុមហ៊ុន រោងចក្រ ព្រមទាំងធ្វើបច្ចុប្បន្នភាពអំពីការវិវត្តថ្មីៗនៃរបបសន្តិសុខសង្គម ជាពិសេសការប្រើប្រាស់ប្រព័ន្ធឌីជីថលទំនើប និងការចុះឈ្មោះចូលក្នុងប្រព័ន្ធ LACMS ដែលអាចឱ្យពួកគាត់ទាំងអស់ទទួលបាននូវព័ត៌មានពាក់ព័ន្ធទៅនឹងវិស័យការងារ និងវិស័យសន្តិសុខសង្គម បានឆាប់រហ័ស។

ទន្ទឹមគ្នានេះដែរ លោកប្រធានសាខាខេត្ត បានបញ្ជាក់ថា ម្ចាស់សហគ្រាស ក្រុមហ៊ុន រោងចក្រ ត្រូវចូលរួមបំពេញកាតព្វកិច្ចចុះបញ្ជីសហគ្រាស និងកម្មករនិយោជិត ព្រមទាំងបង់ភាគទានមក ប.ស.ស. ឱ្យបានត្រឹមត្រូវ ព្រោះជាកាតព្វកិច្ចស្របតាមច្បាប់ ដើម្បីធានានូវការការពារផលប្រយោជន៍ និងសិទ្ធិរបស់បងប្អូនកម្មករនិយោជិតរបស់ខ្លួន ប្រសិនបើម្ចាស់សហគ្រាស ក្រុមហ៊ុន រោងចក្រ ខកខានមិនបានចុះបញ្ជីស្របតាមច្បាប់ជាធរមាន នោះសហគ្រាសនឹងត្រូវប្រឈមមុខទទួលខុសត្រូវចំពោះមុខច្បាប់។

ជាមួយគ្នានេះ លោកប្រធានសាខាខេត្ត ក៏បានអំពាវនាវដល់ម្ចាស់សហគ្រាស ក្រុមហ៊ុន រោងចក្រ និងអ្នកតំណាងដែលបានចូលរួមទាំងអស់ ជួយផ្សព្វផ្សាយបន្តនូវចំណេះដឹង និងព័ត៌មានសំខាន់ៗដែលទទួលបាននាពេលនេះ ទៅកាន់បងប្អូនកម្មករនិយោជិតឱ្យបានទូលំទូលាយ ដើម្បីឱ្យពួកគាត់យល់កាន់តែច្បាស់អំពីសិទ្ធិ និងអត្ថប្រយោជន៍ពីរបបសន្ដិសុខសង្គម ជាពិសេសការប្រើប្រាស់ប្រព័ន្ធឌីជីថលថ្មីៗរបស់ ប.ស.ស. ផងដែរ៕

មន្ត្រីរាជការថ្នាក់ក្រោមជាតិ នៃរដ្ឋបាលខេត្តរតនគិរី ចូលរួមក្នុងសិក្ខាសាលាផ្សព្វផ្សាយស្ដីពី “ការអនុវត្តរបបសន្ដិសុខសង្គមផ្ន...
31/08/2026

មន្ត្រីរាជការថ្នាក់ក្រោមជាតិ នៃរដ្ឋបាលខេត្តរតនគិរី ចូលរួមក្នុងសិក្ខាសាលាផ្សព្វផ្សាយស្ដីពី “ការអនុវត្តរបបសន្ដិសុខសង្គមផ្នែកហានិភ័យការងារ និងផ្នែកថែទាំសុខភាពសម្រាប់មន្រ្តីសាធារណៈ” ដើម្បីស្វែងយល់ពីវឌ្ឍនភាព និងអត្ថប្រយោជន៍ផ្សេងៗ របស់ ប.ស.ស.
………………
ខេត្តរតនគិរី៖ នាព្រឹកថ្ងៃទី៣១ ខែសីហា ឆ្នាំ២០២៦នេះ ឯកឧត្តមបណ្ឌិត ហេង សុផាន់ណារិទ្ធ អគ្គនាយករង ប.ស.ស. តំណាង ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជាសហអធិបតីបើកសិក្ខាសាលាផ្សព្វផ្សាយស្ដីពី “ការអនុវត្តរបបសន្ដិសុខសង្គមផ្នែកហានិភ័យការងារ និងផ្នែកថែទាំសុខភាពសម្រាប់មន្ត្រីសាធារណៈ” ជូនដល់ថ្នាក់ដឹកនាំ និងមន្ត្រីរាជការក្រោមឱវាទរដ្ឋបាលខេត្តរតនគិរី សរុបប្រមាណជាង ២០០នាក់ នៅសាខា ប.ស.ស. ខេត្តរតនគិរី។

ឯកឧត្តមបណ្ឌិតអគ្គនាយករង ប.ស.ស. បានលើកឡើងថា បច្ចុប្បន្ននៅក្នុងខេត្តរតនគិរី មានមន្រ្តីរាជការ មន្រ្តីជាប់កិច្ចសន្យា ក្រុមប្រឹក្សាខេត្ត ក្រុង/ស្រុក ឃុំ/សង្កាត់ ប្រធាន/អនុប្រធាន និងសមាជិកភូមិ ប្រធាន/អនុប្រធាន ការិយាល័យប្រជាពលរដ្ឋ អតីតមន្រ្តីរាជការ អតីតយុទ្ធជន បានចុះបញ្ជីជាមួយ ប.ស.ស. សរុបចំនួន ៦ ៨៣០ នាក់ ដោយក្នុងនោះមានមេគ្រួសារចំនួន ១ ៤៣០នាក់ បានយកអ្នកក្នុងបន្ទុករបស់ពួកគាត់ទៅចុះឈ្មោះចូលជាសមាជិក ប.ស.ស. ផ្នែកថែទាំសុខភាពតាមរបបភាគទានដោយស្ម័គ្រចិត្ត ក្នុងនោះមានសហព័ទ្ធចំនួន ៨៩៨នាក់ និងកូនក្នុងបន្ទុកចំនួន ២ ២១០នាក់។

ឯកឧត្តមបណ្ឌិតអគ្គនាយករង បានបន្តទៀតថា មន្រ្តីរាជការ ដែលមានអ្នកក្នុងបន្ទុក រួមមាន ប្តី ឬប្រពន្ធ និងកូន បានចុះបញ្ជីជាសមាជិក ប.ស.ស. រួចរាល់ នឹងទទួលបានការគាំពារផ្នែកថែទាំសុខភាពតាមរបបភាគទានដោយស្ម័គ្រចិត្ត រួមមាន សេវាពិនិត្យ និងព្យាបាល ដោយមិនព្រួយបារម្ភពីបន្ទុកចំណាយច្រើន នៅតាមមន្ទីរពេទ្យជាដៃគូ ប.ស.ស. រួមទាំងអត្ថប្រយោជន៍ផ្សេងៗទៀតពី ប.ស.ស. ផងដែរ។

ក្នុងឱកាសជាមួយគ្នានោះ ឯកឧត្តម ឌុច ចាន់តូ អភិបាលរង នៃគណៈអភិបាលខេត្តរតនគិរី តំណាង ឯកឧត្តម ញ៉ែម សំអឿន អភិបាល នៃគណៈអភិបាលខេត្តរតនគិរី បានសម្តែងនូវការអរគុណដល់ថ្នាក់ដឹកនាំ ប.ស.ស. និងជំរុញដល់អ្នកចូលរួមទាំងអស់ត្រូវនាំសមាជិកគ្រួសារក្នុងបន្ទុករបស់ខ្លួន មកចុះឈ្មោះចូលជាសមាជិក ប.ស.ស. ឱ្យបានគ្រប់ៗគ្នា សំដៅធានាបាននូវអត្ថប្រយោជន៍ និងលើកកម្ពស់សុខុមាលភាពគ្រួសារប្រកបដោយភាពកក់ក្តៅ៕

សេចក្តីជូនដំណឹង ស្តីពី ការលើកថ្ងៃបង់ភាគទាន និងការផ្តល់របាយការណ៍កម្មករនិយោជិតមកកាន់ បេឡាជាតិសន្តិសុខសង្គម (ប.ស.ស.) សម្រាប...
31/08/2026

សេចក្តីជូនដំណឹង ស្តីពី ការលើកថ្ងៃបង់ភាគទាន និងការផ្តល់របាយការណ៍កម្មករនិយោជិតមកកាន់ បេឡាជាតិសន្តិសុខសង្គម (ប.ស.ស.) សម្រាប់ខែសីហា ឆ្នាំ២០២៦

#បសស

មន្ត្រីជំនាញ ប.ស.ស. បន្តចុះផ្សព្វផ្សាយអត្ថប្រយោជន៍របបសន្តិសុខសង្គម ដោយផ្ទាល់ដល់ប្រជាពលរដ្ឋ ដែលចូលរួមស្វែងរកការងារ ក្នុងវ...
29/08/2026

មន្ត្រីជំនាញ ប.ស.ស. បន្តចុះផ្សព្វផ្សាយអត្ថប្រយោជន៍របបសន្តិសុខសង្គម ដោយផ្ទាល់ដល់ប្រជាពលរដ្ឋ ដែលចូលរួមស្វែងរកការងារ ក្នុងវេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ ក្នុងខេត្ត​ពោធិ៍សាត់
————————————
(ពោធិ៍សាត់)៖ ដើម្បីលើកកម្ពស់ការងារក្នុងស្រុក និងផ្តល់ភាពងាយស្រួលដល់បងប្អូនអតីតពលករ និងយុវជនក្នុងការស្វែងរកការងារធ្វើប្រកបដោយស្ថិរភាព បេឡាជាតិសន្តិសុខសង្គម (ប.ស.ស.) និងទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ បានសហការជាមួយសហភាពសហព័ន្ធយុវជនកម្ពុជា (ស.ស.យ.ក.) និងរដ្ឋបាលខេត្តពោធិ៍សាត់ រៀបចំកម្មវិធី "វេទិកាការងារ សន្តិសុខសង្គម និងបណ្តុះបណ្តាលវិជ្ជាជីវៈ" រយៈពេល ២ថ្ងៃ គឺចាប់ពីថ្ងៃសុក្រ ទី២៨ ដល់ថ្ងៃសោរ៍ ទី២៩ ខែសីហា ឆ្នាំ២០២៦ នៅទីតាំងចំនួន២ រួមមាន៖ (១) នៅក្នុងបរិវេណសាលាស្រុកតាលោសែនជ័យ (២) នៅក្នុងបរិវេណសាលាស្រុកបាកាន។

ក្នុងវេទិកានេះដែរ លោក ហៀប ម៉ានិត ប្រធានសាខា ប.ស.ស. ខេត្តពោធិ៍សាត់ បានដឹកនាំក្រុមការងារ ចុះផ្សព្វផ្សាយដោយផ្ទាល់ពីអត្ថប្រយោជន៍របបសន្តិសុខសង្គម រួមមាន៖ ផ្នែកហានិភ័យការងារ ផ្នែកថែទាំសុខភាព និងផ្នែកប្រាក់សោធន រួមទាំងអត្ថប្រយោជន៍ផ្សេងៗរបស់រាជរដ្ឋាភិបាល ដើម្បីពង្រឹងការយល់ដឹងអំពីសិទ្ធិ និងអត្ថប្រយោជន៍ ដែលពួកគាត់អាចទទួលបាន។

គួរឱ្យដឹងផងដែរថា ប.ស.ស. និងទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ នឹងបន្តសហការជាមួយសហភាពសហព័ន្ធយុវជនកម្ពុជា (ស.ស.យ.ក.) និងរដ្ឋបាលខេត្ត ស្រុកនានាផ្សេងទៀត ដើម្បីជួយសម្រួលនាំយកឱកាសការងារ និងអត្ថប្រយោជន៍របបសន្តិសុខសង្គម ជូនដល់បងប្អូនអតីតពលករ និងយុវជនក្នុងការស្វែងការងារធ្វើ។

ដើម្បីទទួលបានព័ត៌មានគ្រប់ជ្រុងជ្រោយ និងការគាំទ្រទាន់ពេលវេលា បងប្អូនអតីតពលករ និងយុវជនដែលកំពុងស្វែងរកការងារ ឬត្រូវការប្រឹក្សាយោបល់ អាចទំនាក់ទំនងមកកាន់លេខ ១២៩៧ (សម្រាប់ផ្នែកការងារ) ឬលេខ ១២៨៦ (សម្រាប់ផ្នែកអត្ថប្រយោជន៍របបសន្តិសុខសង្គម) ឬតាមរយៈបណ្តាញសង្គមផ្លូវការរបស់ ប.ស.ស.៕

ម្ចាស់សហគ្រាស ក្រុមហ៊ុន និងអ្នកតំណាង ក្នុងខេត្តស្វាយរៀង ទទួលបានការផ្សព្វផ្សាយស្តីពី គោលការណ៍ បទប្បញ្ញត្តិ ច្បាប់ និងអត្ថ...
28/08/2026

ម្ចាស់សហគ្រាស ក្រុមហ៊ុន និងអ្នកតំណាង ក្នុងខេត្តស្វាយរៀង ទទួលបានការផ្សព្វផ្សាយស្តីពី គោលការណ៍ បទប្បញ្ញត្តិ ច្បាប់ និងអត្ថប្រយោជន៍របបសន្តិសុខសង្គម និងប្រព័ន្ធចុះបញ្ជី LACMS.........................
(ខេត្តស្វាយរៀង)៖ ដោយទទួលបានការអនុញ្ញាតដ៏ខ្ពង់ខ្ពស់ពីសំណាក់ ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្ដុះបណ្ដាលវិជ្ជាជីវៈ នៅព្រឹកថ្ងៃទី២៨ ខែសីហា ឆ្នាំ២០២៦ លោក ធួង សំណាង ប្រធានសាខា ប.ស.ស. ខេត្តស្វាយរៀង បានអញ្ជើញបើកសិក្ខាសាលាផ្សព្វផ្សាយស្តីពី គោលការណ៍ បទប្បញ្ញត្តិច្បាប់ និងអត្ថប្រយោជន៍របបសន្តិសុខសង្គម និងប្រព័ន្ធចុះបញ្ជី LACMS ដល់ម្ចាស់សហគ្រាស ក្រុមហ៊ុន រោងចក្រ និងអ្នកតំណាងប្រមាណជា ១៥០នាក់ ដែលរៀបចំឡើងនៅសាខា ប.ស.ស. ខេត្តស្វាយរៀង។

ក្នុងឱកាសនោះដែរ លោកប្រធានសាខាខេត្ត បានលើកឡើងថា សិក្ខាសាលាផ្សព្វផ្សាយនេះ ធ្វើឡើងក្នុងគោលបំណងដើម្បីពង្រឹងការអនុវត្តច្បាប់ស្តីពីរបបសន្តិសុខសង្គម និងកិច្ចសហប្រតិបត្តិការរវាង ប.ស.ស. និងតំណាងសហគ្រាស ក្រុមហ៊ុន រោងចក្រ ព្រមទាំងធ្វើបច្ចុប្បន្នភាពអំពីការវិវត្តថ្មីៗនៃរបបសន្តិសុខសង្គម ជាពិសេសការប្រើប្រាស់ប្រព័ន្ធឌីជីថលទំនើប និងការចុះឈ្មោះចូលក្នុងប្រព័ន្ធ LACMS ដែលអាចឱ្យពួកគាត់ទាំងអស់ទទួលបាននូវព័ត៌មានពាក់ព័ន្ធទៅនឹងវិស័យការងារ និងវិស័យសន្តិសុខសង្គម បានឆាប់រហ័ស។

ទន្ទឹមគ្នានេះដែរ លោកប្រធានសាខាខេត្ត បានបញ្ជាក់ថា ម្ចាស់សហគ្រាស ក្រុមហ៊ុន រោងចក្រ ត្រូវចូលរួមបំពេញកាតព្វកិច្ចចុះបញ្ជីសហគ្រាស និងកម្មករនិយោជិត ព្រមទាំងបង់ភាគទានមក ប.ស.ស. ឱ្យបានត្រឹមត្រូវ ព្រោះជាកាតព្វកិច្ចស្របតាមច្បាប់ ដើម្បីធានានូវការការពារផលប្រយោជន៍ និងសិទ្ធិរបស់បងប្អូនកម្មករនិយោជិតរបស់ខ្លួន ប្រសិនបើម្ចាស់សហគ្រាស ក្រុមហ៊ុន រោងចក្រ ខកខានមិនបានចុះបញ្ជីស្របតាមច្បាប់ជាធរមាន នោះសហគ្រាសនឹងត្រូវប្រឈមមុខទទួលខុសត្រូវចំពោះមុខច្បាប់។

ជាមួយគ្នានេះ លោកប្រធានសាខា ក៏បានអំពាវនាវដល់ម្ចាស់សហគ្រាស ក្រុមហ៊ុន រោងចក្រ និងអ្នកតំណាងទាំងអស់ដែលបានចូលរួមនាពេលនេះ ជួយផ្សព្វផ្សាយបន្តនូវចំណេះដឹង និងព័ត៌មានសំខាន់ៗដែលទទួលបានក្នុងសិក្ខាសាលាផ្សព្វផ្សាយនេះ ទៅកាន់បងប្អូនកម្មករនិយោជិតក្នុងសហគ្រាស ក្រុមហ៊ុន រោងចក្រ របស់ខ្លួនឱ្យបានទូលំទូលាយ ដើម្បីឱ្យពួកគាត់បានយល់កាន់តែច្បាស់អំពីសិទ្ធិ និងអត្ថប្រយោជន៍ដែលត្រូវទទួលបានពីរបបសន្ដិសុខសង្គម ជាពិសេសជំរុញឱ្យបងប្អូនកម្មករនិយោជិតរបស់ខ្លួន ចេះប្រើប្រាស់ប្រព័ន្ធឌីជីថលថ្មីៗរបស់ ប.ស.ស. ផងដែរ៕

ឯកឧត្តម ឃុន ចាន់ណារិទ្ធ ដឹកនាំមន្រ្ដីជំនាញចូលរួមវេទិកាស្តីពី “ការគ្របដណ្តប់សុខភាពជាសកល និងការទិញជាយុទ្ធសាស្ត្រ (UHC & St...
27/08/2026

ឯកឧត្តម ឃុន ចាន់ណារិទ្ធ ដឹកនាំមន្រ្ដីជំនាញចូលរួមវេទិកាស្តីពី “ការគ្របដណ្តប់សុខភាពជាសកល និងការទិញជាយុទ្ធសាស្ត្រ (UHC & Strategic Purchasing)”
-----------
(ភ្នំពេញ)៖ នៅព្រឹកថ្ងៃទី២៧ ខែសីហា ឆ្នាំ២០២៦នេះ ឯកឧត្តម ឃុន ចាន់ណារិទ្ធ អគ្គនាយករង ប.ស.ស. តំណាង ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. បានដឹកនាំមន្ត្រីជំនាញចូលរួមវេទិកាស្តីពី ការគ្របដណ្តប់សុខភាពជាសកល និងការទិញជាយុទ្ធសាស្ត្រ (Universal Health Coverage and Strategic Purchasing) នៅសណ្ឋាគារ រ៉សវូដ (Rosewood Hotel) រាជធានីភ្នំពេញ និងមានការចូលរួមពីតំណាងអង្គការសុខភាពពិភពលោក (WHO) អង្គការ GIZ ធនាគារពិភពលោក (World Bank) និងដៃគូអភិវឌ្ឍន៍ សរុបប្រមាណជា ៦០នាក់។

វេទិកានេះរៀបចំឡើងដោយទីភ្នាក់ងារជាតិបញ្ជាក់ចំណាយ ដឹកនាំដោយ ឯកឧត្តម ភក្តី សម្បូរណ៍ អគ្គនាយកទីភ្នាក់ងារជាតិបញ្ជាក់ចំណាយ ក្រោមកិច្ចសហប្រតិបត្តិការជាមួយ សាកលវិទ្យាល័យសេអ៊ូល (Seoul National University) នៃសាធារណរដ្ឋកូរ៉េ និង មូលនិធិកូរ៉េសម្រាប់ការថែទាំសុខភាពអន្តរជាតិ (KOFIH) ក្នុងគោលបំណងដើម្បីចែករំលែកបទពិសោធន៍ និងផ្លាស់ប្តូរចំណេះដឹងលើផ្នែកហិរញ្ញប្បទានសុខភាព (Health Financing) ការទិញជាយុទ្ធសាស្ត្រ (Strategic Purchasing) លើផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា ការវាយតម្លៃបច្ចេកវិទ្យាសុខាភិបាល (HTA) និងការគាំពារហិរញ្ញវត្ថុនៅកម្ពុជា។

ការចូលរួមចែករំលែកបទពិសោធន៍ និងផ្លាស់ប្តូរចំណេះដឹងពីភាគីពាក់ព័ន្ធក្នុងវេទិកានេះ ពិសេសតំណាងក្រសួងសុខាភិបាលមកពីប្រទេសឡាវ ស្រីលង្កា និងឥណ្ឌូណេស៊ី ពិតជាមានសារៈសំខាន់ក្នុងការជំរុញឱ្យការគ្របដណ្តប់សុខភាពជាសកល (UHC) នៅកម្ពុជាសម្រេចបានជោគជ័យ និងមានប្រសិទ្ធភាពខ្ពស់។

ទន្ទឹមជាមួយគ្នានេះ មន្រ្ដីជំនាញ ប.ស.ស. ក៏បានធ្វើបទបង្ហាញ អំពីបច្ចុប្បន្នភាព និងការវិវត្តនៃរបបសន្ដិសុខសង្គម ព្រមទាំងផែនការសកម្មភាពគាំទ្រដល់ការគ្របដណ្តប់សុខភាពជាសកល តាមរយៈការបន្តពង្រីកវិសាលភាពសម្រាប់ជនគោលដៅ និងអភិវឌ្ឍន៍ប្រព័ន្ធសន្តិសុខសង្គមផ្នែកថែទាំសុខភាព ឱ្យកាន់តែមានបរិយាបន្ន និងចីរភាព ដើម្បីឆ្លើយតប និងរួមចំណែកក្នុងការសម្រេចបាននូវគោលដៅគ្របដណ្តប់សុខភាពជាសកលនៅកម្ពុជា របស់រាជរដ្ឋាភិបាលផងដែរ៕

បុគ្គលិកអប់រំ និងនិស្សិតនៃសាកលវិទ្យាល័យពាណិជ្ជសាស្រ្ត អេស៊ីលីដា ចូលរួមសិក្ខាសាលាស្តីពី “ការបញ្ជ្រាបការយល់ដឹង អំពីសិទ្ធិជ...
27/08/2026

បុគ្គលិកអប់រំ និងនិស្សិតនៃសាកលវិទ្យាល័យពាណិជ្ជសាស្រ្ត អេស៊ីលីដា ចូលរួមសិក្ខាសាលាស្តីពី “ការបញ្ជ្រាបការយល់ដឹង អំពីសិទ្ធិជាមូលដ្ឋាននៃរបបសន្តិសុខសង្គម” ដើម្បីស្វែងយល់ពីសិទ្ធិ និងកាតព្វកិច្ចក្នុងការចូលរួមរបបសន្តិសុខសង្គម.....................................
(ភ្នំពេញ)៖ នាព្រឹកថ្ងៃទី២៧ ខែសីហា ឆ្នាំ២០២៦នេះ ឯកឧត្តម ប៉ែន នរៈវុធ អគ្គនាយករង ប.ស.ស. តំណាង ឯកឧត្តម ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. នៃក្រសួងការងារ និងបណ្តុះបណ្តាលវិជ្ជាជីវៈ បានអញ្ជើញជាសហអធិបតីបើកសិក្ខាសាលាស្តីពី “ការបញ្ជ្រាបការយល់ដឹងអំពីសិទ្ធិជាមូលដ្ឋាននៃរបបសន្តិសុខសង្គម” ជូនដល់បុគ្គលិកអប់រំ និងនិស្សិត នៃសាកលវិទ្យាល័យពាណិជ្ជសាស្រ្ត អេស៊ីលីដា ដោយមានអ្នកចូលរួមប្រមាណជា ២០០នាក់។

ក្នុងឱកាសនេះដែរ ឯកឧត្តមអគ្គនាយករង ប.ស.ស. បានបញ្ជាក់ថា បុគ្គលិកអប់រំ និងនិស្សិត ដែលបានចូលរួមក្នុងសិក្ខាសាលាផ្សព្វផ្សាយនេះ និងទទួលបានការយល់ដឹងកាន់តែច្បាស់អំពីអត្ថប្រយោជន៍របបសន្តិសុខសង្គម ផ្នែកហានិភ័យការងារ ផ្នែកថែទាំសុខភាព ផ្នែកប្រាក់សោធន និងស្វែងយល់ពីសិទ្ធិ កាតព្វកិច្ច ក្នុងការចូលរួមរបបសន្តិសុខសង្គមនៅកម្ពុជា ព្រមទាំងវឌ្ឍនភាពថ្មីៗ ជាពិសេសការអនុវត្តគោលនយោបាយថ្មីៗរបស់រាជរដ្ឋាភិបាល ដូចជារបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្ត សម្រាប់បុគ្គលស្វ័យនិយោជន៍ និងអ្នកក្នុងបន្ទុករបស់សមាជិក ប.ស.ស.។

ទន្ទឹមនឹងនេះ ឯកឧត្តមអគ្គនាយករង បានផ្ដាំផ្ញើដល់សិក្ខាកាមទាំងអស់ ឱ្យយកចិត្តទុកដាក់ត្រងត្រាប់ស្ដាប់បទបង្ហាញរបស់មន្ត្រីជំនាញ ប.ស.ស. ដោយស្មារតីទទួលខុសត្រូវខ្ពស់ ព្រមទាំងចូលរួមលើកជាសំណួរ ឬចម្ងល់ផ្សេងៗ ដើម្បីទទួលបានការពន្យល់បន្ថែមឱ្យបានយល់កាន់តែច្បាស់ និងត្រឹមត្រូវ ព្រមទាំងអាចយកចំណេះដឹងទាំងនេះទៅធ្វើការផ្សព្វផ្សាយបន្តប្រកបដោយប្រសិទ្ធភាព។

ជាមួយគ្នានេះដែរ លោកបណ្ឌិត ផុន ណារិន សាកលវិទ្យាធិការ នៃសាកលវិទ្យាល័យពាណិជ្ជសាស្រ្ត អេស៊ីលីដា បានថ្លែងអំណរគុណដល់ថ្នាក់ដឹកនាំ ប.ស.ស. និងបានជំរុញលើកទឹកចិត្តដល់សិក្ខាកាមទាំងអស់ ឱ្យខិតខំយកចិត្តទុកដាក់ស្ដាប់ ក្រេបជញ្ជក់ចំណេះដឹង និងបទពិសោធល្អៗ ដើម្បីជាទុនបន្ថែមក្នុងការអភិវឌ្ឍសមត្ថភាពរបស់ខ្លួនឱ្យកាន់តែប្រសើរឡើង៕

Address

JV44+4V7, Phnom Penh
Khmuonh
12000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Saturday 08:00 - 16:00
Sunday 08:00 - 16:00

Website

Alerts

Be the first to know and let us send you an email when បេឡាជាតិសន្តិសុខសង្គម posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to បេឡាជាតិសន្តិសុខសង្គម:

Shortcuts

Share

Category