03/09/2026
ឯកឧត្តម ហង្ស សុតសំភារ រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាអគ្គលេខាធិការនៃអគ្គលេខាធិការដ្ឋានគណៈស្ថាបត្យករកម្ពុជា បានដឹកនាំកិច្ចប្រជុំពិភាក្សាអំពីកម្មវិធីប្រកួតប្រជែងស្នាដៃស្ថាបត្យកម្មប្រចាំឆ្នាំក្រោមប្រធានបទ "សាលាសំណាក់យើង" (OUR PAVILION) របស់ក្រុមហ៊ុន Y CHHE ។
កម្មវិធីប្រកួតប្រជែងនេះត្រូវបានរៀបចំឡើងក្នុងគោលបំណងជំរុញ និងលើកទឹកចិត្តដល់និស្សិតស្ថាបត្យកម្មឱ្យបញ្ចេញសមត្ថភាព ស្នាដៃ និងបំផុសគំនិតច្នៃប្រឌិតក្នុងការរចនា សាលាសំណាក់បែបប្រពៃណីខ្មែរ ឱ្យក្លាយជាសហគមន៍សម័យទំនើប។ មិនតែប៉ុណ្ណោះកម្មវិធីនេះក៏មានគោលបំណងផ្តល់ឱកាសដល់សិស្ស និស្សិតក្នុងការសិក្សាស្វែងយល់អំពីទំនាក់ទំនងរវាងសំណង់វប្បធម៌ខ្មែរបែបប្រពៃណី និងនវានុវត្តន៍ស្ថាបត្យកម្មបែបសហសម័យផងដែរ។
សមាសភាពចូលរួម៖ លោកជំទាវ នន់ ភានី ទីប្រឹក្សាក្រសួង ដ.ន.ស. ឯកឧត្តម ញ៉ន ស៊ី ឯកឧត្តម ជា ច័ន្ទថែបរ៉ាស ឯកឧត្តម គង់ កុសល អគ្គលេខាធិការរង គ.ស.ក. តំណាងក្រុមហ៊ុន អ៉ី ឆែ តំណាងសមាគមស្ថាបត្យករខ្មែរ និងមន្រ្តីនៃគណៈស្ថាបត្យករកម្ពុជា។
ថ្ងៃទី៣ ខែកញ្ញា ឆ្នាំ២០២៦
#គណៈស្ថាបត្យករកម្ពុជា
