មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកែប

07/08/2026

នៅរសៀលថ្ងៃសុក្រ ៩រោច ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ថ្ងៃទី៧ ខែសីហា ឆ្នាំ២០២៦ មន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តកែប សហការជាមួយសង្កាត់អូរក្រសារ និងភូមិដំណាក់ចំបក់ បានចុះសួរសុខទុក្ខ វីរៈកងទ័ពដែលឈរជើងនៅតាមបន្ទាត់ព្រំដែន ដែលមានទីលំនៅនៅភូមិដំណាក់ចំបក់ សង្កាត់អូរក្រសារ ក្នុងនោះ ក្រុមការងារ បានឧបត្ថម្ភ អង្ករ ២៥គីឡូក្រាម ឃីត១កញ្ចប់ និងថវិកា៣០០.០០០៛។

20/07/2026

ខ្ញុំបាទ និងភរិយា ព្រមទាំងថ្នាក់ដឹកនាំមន្ត្រីរាជការ នៃមន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកែប សូមចូលរួមរំលែកទុក្ខដ៏ក្រៀមក្រំជាមួយ លោកស្រី ព្រំ សុីណាត ព្រមទាំងក្រុមគ្រួសារ ចំពោះមរណភាពរបស់ លោក ហ៊ុន ណេត ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តព្រៃវែង ត្រូវជាឧត្តមស្វាមី ជាទីគោរពស្រលាញ់បំផុត។

05/06/2026

ព្រឹកថ្ងៃទី៥ ខែមិថុនា ឆ្នាំ២០២៦ ថ្នាក់ដឹកនាំមន្ទីរ និងមន្ត្រីរាជការនៃមន្ទីរសង្គមកិច្ច និងសាខាមូលនិធិជាតិជំនួយសង្គមខេត្តកែប បានចូលរួមពិធីបុណ្យខួបគម្រប់៧ថ្ងៃ ឧបាសិកា ឡាយ ងីន ត្រូវជាម្ដាយបង្កើតលោកស្រី នាក់ ច័ន្ទលី នៅភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកែប។

13/05/2026

ព្រឹកថ្ងៃទី១៣ ខែឧសភា ឆ្នាំ២០២៦ មន្ទីរសង្គមកិច្ច សហការជាមួយរដ្ឋបាលខេត្តកែប និងសមាគមអតីតយុទ្ធជននិងនិវត្តជនកម្ពុជាខេត្តកែប បានប្រារព្ធពិធីទិវាអតីតយុទ្ធជននិងនិវត្តន៍ជន ១២ ឧសភា ឆ្នាំ២០២៦ ខួបលើកទី១៩ ក្រោមអធិបតីភាពដ៏ខ្ពង់ខ្ពស់ឯកឧត្តមបណ្ឌិត សោម ពិសិដ្ឋអភិបាល នៃគណៈអភិបាលខេត្តកែប និងជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជាខេត្តកែប ព្រមជាមួយនោះក៏មានការអញ្ជើញចូលរួមពីសំណាក់កងកម្លាំងប្រដាប់អាវុធ ប្រធានមន្ទីរ អង្គភាពជុំវិញខេត្ត មន្ត្រីរាជការនៃមន្ទីរសង្គមកិច្ច សាខាមូលនិធិជាតិជំនួយសង្គម និងសមាជិកសមាគមអតីតយុទ្ធជន និងនិវត្តជនកម្ពុជាខេត្តកែបសរុបប្រមាណ ៣២៣នាក់ ក្នុងនោះសមាជិកសមាគមអតីតយុទ្ធជន និងនិវត្តជន ១៥០នាក់ ក្នុងម្នាក់ៗទទួលបាន ក្រមាពោះគោ១ និងថវិកាចំនួន ៤០.០០០រៀល។

20/04/2026

ទូលព្រះបង្គំជាខ្ញុំ ព្រមទាំងមន្ត្រីរាជការគ្រប់លំដាប់ថ្នាក់ នៃមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តកែប សូមលើកហត្ថប្រណម បួងសួងគុណព្រះរតនត្រ័យ វត្ថុស័ក្តិសិទ្ធិក្នុងលោក ទេវតាថែរក្សាព្រះមហាស្វេតច្ឆត្រ ព្រះវិញ្ញាណក្ខន្ធអតីតព្រះមហាក្សត្រខ្មែរគ្រប់ព្រះអង្គ និងទេវតាឆ្នាំថ្មី សូមប្រោសព្រះរាជទានពរថ្វាយ ព្រះករុណាជាអម្ចាស់ជីវិតលើត្បូង សូមព្រះអង្គឆាប់បានជាសះស្បើយពីព្រះរោគា មានព្រះរាជសុខភាពល្អបរិបូរណ៍ និងមានព្រះរាជកាយពលមាំមួន ដើម្បីគង់ប្រថាប់ជាម្លប់ដ៏សុខដុមថ្កំថ្កើងរុងរឿងដល់ប្រជានុរាស្រ្តខ្មែរតរៀងទៅ។🙏🙏🙏

12/04/2026

ដោយសេចក្ដីគោរពដ៏ខ្ពង់ខ្ពស់🙏🙏

19/02/2026

ព្រឹកថ្ងៃទី១៩ ខែកុម្ភៈ ឆ្នាំ២០២៦ មន្ទីរសង្គមកិច្ច អតីតយុទ្ធជន និងយុវនីតិសម្បទាខេត្តកែប បើកកិច្ចប្រជុំឆ្លងសេចក្ដីព្រាងរបាយការណ៍ ប្រចាំខែកុម្ភៈ និងលើកទិសដៅអនុវត្តការងារបន្ត។

10/02/2026

រសៀលថ្ងៃទី៩ ខែកុម្ភៈ ឆ្នាំ២០២៦ ក្រសួងសង្គមកិច្ច អតីតយុទ្ធជន និងយុវនីតិសម្បទា សហការជាមួយមន្ទីរសង្គមកិច្ចអតីតយុទ្ធជន និងយុវនីតិសម្បទាខេត្តកែប រៀបចំពិធីប្រកាសចូលកាន់​មុខតំណែង​ប្រធាន​មន្ទីរ​សង្គមកិច្ច​ អតីតយុទ្ធជន​ និង​យុវនីតិសម្បទា​ ខេត្ត​កែប​ ក្រោមអធិបតីភាព​ដ៏ខ្ពង់ខ្ពស់​ ឯកឧត្តម​ ជា​ សុមេធី រដ្ឋមន្ត្រី​ក្រសួង​សង្គមកិច្ច​ អតីតយុទ្ធជន​ និង​យុវនីតិសម្បទា​​ ឯកឧត្តម​ អ៊ុក​ ថា​ ប្រធាន​ក្រុម​ប្រឹក្សា​ខេត្ត ឯកឧត្តមបណ្ឌិត​ សោម​ ពិសិដ្ឋ​ អភិបាល​ នៃគណៈអភិបាលនៃគណៈអភិបាលខេត្តកែប កងកម្លាំងទាំង៣ប្រភេទ និងមន្ត្រីរាជការជុំវិញខេត្ត។

09/02/2026