បណ្ឌិត្យសភានគរបាលកម្ពុជា

03/06/2026

សាលាមធ្យមវិជ្ជាជីវៈនគរបាល បានបញ្ចប់វគ្គបណ្តុះបណ្តាលស្តីពីការងារពិធីការ....................................

ដីឥដ្ឋ : នៅថ្ងៃទី៣ ខែមិថុនា ឆ្នាំ២០២៦ សាលាមធ្យមវិជ្ជាជីវៈនគរបាល បានបញ្ចប់វគ្គបណ្តុះបណ្តាលស្តីពីការងារពិធីការ(សម្រាប់វគ្គផ្ទៃក្នុង) ឧទ្ទេសនាមដោយ ឧត្តមសេនីយ៍ទោ ហម សុធានិត គ្រូនគរបាលជាតិ ដោយមានការចូលរួមសិក្សាពីថ្នាក់ដឹកនាំនិងមន្ត្រីសាលាជាច្រើនរូប មានរយៈពេល២ថ្ងៃ គឺចាប់ពីថ្ងៃទី២ខែមិថុនា ដល់ថ្ងៃទី៣ខែមិថុនា ឆ្នាំ២០២៦។

វគ្គសិក្សានេះ រៀបចំឡើងក្នុងគោលបំណងដើម្បីអភិវឌ្ឍសមត្ថភាពជូនដល់ថ្នាក់ដឹកនាំនិងមន្ត្រីសាលាលើការងារពិធីការប្រចាំថ្ងៃ ការងាររៀបចំចាត់ចែងពិធីនានាៗ និងការងារទំនាក់ទំនងឱ្យកាន់តែល្អប្រសើរបន្ថែមទៀត៕
....................................
អត្ថបទនិងរូបថត : សាលាមធ្យមវិជ្ជាជីវៈនគរបាល

03/06/2026

03/06/2026

ពិធីបើកដំណើរការចុះពិនិត្យតាមដាននិងវាយតម្លៃការអនុវត្តគោលការណ៍ប្រឡងប្រណាំង នៅមន្ទីរចាត់ការ.................................................

ដីឥដ្ឋ : នារសៀល ថ្ងៃពុធ ទី៣ ខែមិថុនា ឆ្នាំ២០២៦ ឧត្តមសេនីយ៍ទោ បណ្ឌិត ប៊ុន ភក្តី ប្រធានមន្ទីរចាត់ការ បានទទួលស្វាគមន៍ វរសេនីយ៍ឯក ទុំ សុគន្ធារ៉ូ ប្រធានដេប៉ាតឺម៉ង់ធានាគុណភាពអប់រំផ្ទៃក្នុងនិងក្រុមការងារ ក្នុងពិធីបើកដំណើរការចុះពិនិត្យតាមដាននិងវាយតម្លៃការអនុវត្តគោលការណ៍ប្រឡងប្រណាំង នៅមន្ទីរចាត់ការ ក្នុងការចុះពិនិត្យតាមដាននិងវាយតម្លៃការអនុវត្តគោលការណ៍ប្រឡងប្រណាំងលើការងារគ្រប់គ្រង ការលើកកម្ពស់គុណភាពអប់រំ និងការថែរក្សាបរិស្ថាននៅមន្ទីរចាត់ការ ដោយមានការអញ្ជើញចូលរួមពីប្រធានមន្ទីរចាត់ការ អនុប្រធានមន្ទីរចាត់ការ គ្រូនគរបាលជាតិដែលជួយការងារមន្ទីរចាត់ការ នាយការិយាល័យ និងនាយរងការិយាល័យទាំងអស់នៃមន្ទីរចាត់ការ
ដែលប្រព្រឹត្តទៅនៅបន្ទប់ប្រជុំរតនគិរី (អគារ ឃ-D) នៃបណ្ឌិត្យសភានគរបាលកម្ពុជា។

ការចុះពិនិត្យតាមដាន និងវាយតម្លៃនេះ ធ្វើឡើងក្នុងគោលបំណងរកឱ្យឃើញនូវចំណុចខ្លាំង ចំណុចដែលត្រូវកែលម្អ ដើម្បីដាក់ចេញនូវអនុសាសន៍ ក្នុងទិសដៅលើកកម្ពស់ប្រសិទ្ធភាពនៃការដឹកនាំគ្រប់គ្រង លើកកម្ពស់គុណភាពអប់រំបណ្ដុះបណ្ដាល និងសោភណ្ឌភាពបរិស្ថាន អនាម័យល្អប្រសើរបន្ថែមទៀត៕
.................................................
អត្ថបទនិងរូបថត : មន្ទីរចាត់ការ

03/06/2026

ឯកឧត្តមនាយឧត្តមសេនីយ៍ សាស្ត្រាចារ្យ អញ្ជើញសំណេះសំណាលនិងណែនាំតម្រង់ទិសដល់និស្សិតថ្នាក់សញ្ញាបត្រមធ្យមឯកទេសនគរបាល ជំនាន់ទី១ ដែលត្រូវចុះកម្មសិក្សានៅតាមបណ្តាស្នងការដ្ឋាននគរបាលរាជធានី ខេត្ត.............................

នារសៀលថ្ងៃពុធ ទី៣ ខែមិថុនា ឆ្នាំ២០២៦ ឯកឧត្ដមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញសំណេះសំណាលនិងណែនាំតម្រង់ទិសដល់និស្សិតថ្នាក់សញ្ញាបត្រមធ្យមឯកទេសនគរបាល ជំនាន់ទី១ ដែលត្រូវចុះកម្មសិក្សានៅតាមបណ្តាស្នងការដ្ឋាននគរបាលរាជធានី ខេត្ត នាពេលដ៏ខ្លីខាងមុខ នាសាលសន្និសីទ-ព្រះរាម (អគារប្រពៃណី ក-A)នៃបណ្ឌិត្យសភានគរបាលកម្ពុជា។

គោលបំណង ដើម្បីណែនាំពីការត្រៀមលក្ខណៈចុះកម្មសិក្សារបស់និស្សិតនគរបាលដែលត្រូវចុះកម្មសិក្សានៅតាមបណ្តាស្នងការដ្ឋាននគរបាលរាជធានី ខេត្ត ត្រូវយកចិត្តទុកដាក់អនុវត្ដភារកិច្ចឱ្យអស់ពីសមត្ថភាពនិងចេះកត់ត្រា ចងក្រងរបាយការណ៍សកម្មភាពនានាឱ្យបានត្រឹមត្រូវ ដើម្បីសរសេររបាយការណ៍ចុះកម្មសិក្សាឱ្យបានតាមគោលការណ៍កំណត់។..........................
#បណ្ឌិត្យសភានគរបាលកម្ពុជា
#ឯកមនោសែន

03/06/2026

ឯកឧត្តមនាយឧត្តមសេនីយ៍សាស្ត្រាចារ្យ ឯក មនោសែន អញ្ជើញចូលរួមដឹកនាំកិច្ចប្រជុំពិភាក្សាលើការងារអប់រំបណ្តុះបណ្តាល អភិវឌ្ឍន៍សមត្ថភាពកងកម្លាំងនគរបាលជាតិ .............................

នៅព្រឹកថ្ងៃពុធ ទី៣ ខែមិថុនា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា រួមជាមួយ ឯកឧត្តមនាយឧត្តមសេនីយ៍សាស្ត្រាចារ្យ សេង ផល្លី អគ្គនាយកនៃអគ្គនាយកដ្ឋានធនធានមនុស្ស បានអញ្ជើញចូលរួមដឹកនាំកិច្ចប្រជុំពិភាក្សាលើការងារអប់រំបណ្តុះបណ្តាល អភិវឌ្ឍន៍សមត្ថភាពកងកម្លាំងនគរបាលជាតិ នាបន្ទប់ប្រជុំនៃទីស្តីការក្រសួងមហាផ្ទៃ។..........................
#បណ្ឌិត្យសភានគរបាលកម្ពុជា
#ឯកមនោសែន

03/06/2026

កិច្ចប្រជុំបូកសរុបរបាយការណ៍ប្រចាំខែឧសភា និងលើកទិសដៅការងារបន្តសម្រាប់ខែមិថុនា ឆ្នាំ២០២៦ របស់ក្រុមការងារលេខាធិការដ្ឋានបណ្ឌិត្យសភានគរបាលកម្ពុជានៃគណៈកម្មការរៀបចំសទ្ទានុក្រមបច្ចេកសព្ទក្នុងវិស័យសន្តិសុខនៃក្រសួងមហាផ្ទៃ...............................................

ដីឥដ្ឋ : នាព្រឹក ថ្ងៃពុធ ទី៣ ខែមិថុនា ឆ្នាំ២០២៦ ក្រុមការងារលេខាធិការដ្ឋានរបស់បណ្ឌិត្យសភានគរបាលកម្ពុជានៃគណៈកម្មការរៀបចំសទ្ទានុក្រមបច្ចេកសព្ទក្នុងវិស័យសន្តិសុខនៃក្រសួងមហាផ្ទៃ បានរៀបចំកិច្ចប្រជុំបូកសរុបរបាយការណ៍ប្រចាំខែឧសភា និងលើកទិសដៅការងារបន្តសម្រាប់ខែមិថុនា របស់ក្រុមការងារលេខាធិការដ្ឋាន ដឹកនាំដោយ ឯកឧត្តម ឧត្តមសេនីយ៍ឯក សាស្ត្រាចារ្យជំនួយ ឃឹម សុវណ្ណាវុធ អនុប្រធានអចិន្ត្រៃយ៍ក្រុមការងារ ដោយមានការអញ្ជើញចូលរួមពី ឧត្តមសេនីយ៍ វរសេនីយ៍ អនុសេនីយ៍ ជាថ្នាក់ដឹកនាំនិងសមាជិកនៃ ក្រុមការងារលេខាធិការដ្ឋាន។

កិច្ចប្រជុំនេះ ត្រូវបានធ្វើឡើងក្នុងគោលបំណងដើម្បីត្រួតពិនិត្យនូវលទ្ធផលការងារប្រចាំខែឧសភា និងលើកទិសដៅការងារអនុវត្តបន្តសម្រាប់ខែមិថុនា ឆ្នាំ២០២៦ របស់លេខាធិការដ្ឋាននៃគណៈកម្មការរៀបចំសទ្ទានុក្រមបច្ចេកសព្ទក្នុងវិស័យសន្តិសុខ៕
...............................................
អត្ថបទនិងរូបថត : លេខាធិការដ្ឋាននៃគណៈកម្មការរៀបចំសទ្ទានុក្រមបច្ចេកសព្ទក្នុងវិស័យសន្តិសុខ

03/06/2026

ឯកឧត្ដមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា និងថ្នាក់ដឹកនាំ សាស្ដ្រាចារ្យ គ្រូនគរបាលជាតិ មន្ត្រីនគរបាលជាតិ ព្រមទាំងនិស្សិត សិក្ខាកាម និងសិស្សនគរបាល-ពន្ធនាគារទាំងអស់ បានផ្ញើសារលិខិតរំលែកមរណទុក្ខ ជូនចំពោះ ឧត្តមសេនីយ៍ទោ ទង សុខា នាយករងវិទ្យាស្ថានក្រោយបរិញ្ញាបត្រនៃបណ្ឌិត្យសភានគរបាលកម្ពុជា ចំពោះមរណភាព ឧបាសិកា លាង ស្រ៊ន ដែលត្រូវជាម្តាយបង្កើតឧត្តមសេនីយ៍ទោ ដែលបានទទួលមរណភាពកាលពីរសៀលថ្ងៃអង្គារ ទី២ ខែមិថុនា ឆ្នាំ២០២៦ ក្នុងជន្មាយុ៩០ឆ្នាំ ដោយជរាពាធ។

03/06/2026

កិច្ចប្រជុំផ្សព្វផ្សាយលិខិតបង្គាប់ការប្រកាសសមាសភាពគណៈកម្មការនិងអនុគណៈកម្មការប្រឡងបញ្ចប់វគ្គសិក្សាថ្នាក់បរិញ្ញាបត្រជាន់ខ្ពស់វិទ្យាសាស្ត្រនគរបាល ជំនាន់ទី១២។
……………………………………………
ដីឥដ្ឋ : នៅព្រឹក ថ្ងៃទី២ ខែមិថុនា ឆ្នាំ២០២៦ វិទ្យាស្ថានក្រោយបរិញ្ញាបត្រ បានរៀបចំកិច្ចប្រជុំផ្សព្វផ្សាយ លិខិតបង្គាប់ការប្រកាសសមាសភាពគណៈកម្មការនិងអនុគណៈកម្មការប្រឡងបញ្ចប់វគ្គសិក្សា ក្រោមអធិបតីយភាព ឯកឧត្តមឧត្តមសេនីយ៍ឯក បណ្ឌិត អេង គឹមសាន និងមានការអញ្ជើញចូលរួមពី លោកនាយក នាយករង នាយការិយាល័យ តំណាងដេប៉ាតឺម៉ង់ធានាគុណភាពអប់រំផ្ទៃក្នុង និងតំណាងកិច្ចការនិស្សិត។
កិច្ចប្រជុំនេះ រៀបចំឡើងក្នុងគោលបំណងផ្សព្វផ្សាយឱ្យសមាជិកគណៈកម្មការនិងអនុគណៈកម្មការទាំងអស់ បានទទួលព័ត៌មាននិងអនុវត្តភារកិច្ចរបស់ខ្លួនឱ្យមានប្រសិទ្ធភាពខ្ពស់ក្នុងដំណើរការរៀបចំមុនការប្រឡង អំឡុងពេលប្រឡង និងក្រោយពេលប្រឡងបញ្ចប់វគ្គសិក្សារបស់និស្សិតថ្នាក់បរិញ្ញាបត្រជាន់ខ្ពស់វិទ្យាសាស្ត្រនគរបាល ជំនាន់ទី១២។
……………………………………………
អត្ថបទនិងរូបភាព : វិទ្យាស្ថានក្រោយបរិញ្ញាបត្រ

03/06/2026

02/06/2026

ដំណើរការវគ្គបណ្តុះបណ្តាលស្តីពីការងារពិធីការ នៅសាលាមធ្យមវិជ្ជាជីវៈនគរបាល....................................

ដីឥដ្ឋ : នៅថ្ងៃទី២ ខែមិថុនា ឆ្នាំ២០២៦ សាលាមធ្យមវិជ្ជាជីវៈនគរបាល បានរៀបចំដំណើរការវគ្គបណ្តុះបណ្តាលស្តីពីការងារពិធីការ(សម្រាប់វគ្គផ្ទៃក្នុង) ឧទ្ទេសនាមដោយ ឧត្តមសេនីយ៍ទោ ហម សុធានិត គ្រូនគរបាលជាតិ ដោយមានការចូលរួមសិក្សាពីថ្នាក់ដឹកនាំនិងមន្ត្រីសាលាជាច្រើនរូបវគ្គសិក្សានេះ មានរយៈពេល២ថ្ងៃ គឺចាប់ពីថ្ងៃទី២ខែមិថុនា ដល់ថ្ងៃទី៣ខែមិថុនា ឆ្នាំ២០២៦។

វគ្គសិក្សានេះ រៀបចំឡើងក្នុងគោលបំណងដើម្បីអភិវឌ្ឍសមត្ថភាពជូនដល់ថ្នាក់ដឹកនាំនិងមន្ត្រីសាលាលើការងារពិធីការប្រចាំថ្ងៃ ការងាររៀបចំចាត់ចែងពិធីនានាៗ និងការងារទំនាក់ទំនងឱ្យកាន់តែល្អប្រសើរបន្ថែមទៀត៕
....................................
អត្ថបទនិងរូបថត : សាលាមធ្យមវិជ្ជាជីវៈនគរបាល