ពុទ្ធិកបឋមសិក្សាវត្តព្រែកស្ដី

21/04/2025

សេចក្ដីប្រគេន-ជូនដំណឹងស្ដីពី «ការជ្រើសរើសសមណសិស្ស-សិស្សឱ្យចូលរៀនឆ្នាំ២០២៥-២០២៦»
គណៈគ្រប់គ្រងសាលាពុទ្ធិកបឋមសិក្សាព្រែកស្ដី ដែលស្ថិតនៅភូមិព្រែកស្ដី សង្កាត់ព្រែកស្ដី ក្រុងសំពៅពូន ខេត្តកណ្ដាល សូមប្រគេន និងជូនដំណឹង ដល់សមណសិស្សសិស្ស ជាពិសេសព្រះគ្រូចៅអធិការវត្តទាំងអស់ មេត្តាឱ្យបានជ្រាបថា សាលាពុទ្ធិកបឋមព្រែកស្ដី នឹងចាប់ផ្តើមទទួលសមណសិស្ស-សិស្ស ឱ្យចុះឈ្មោះចូលរៀន ចាប់ពីថ្ងៃប្រគេន និងជូនដំណឹងនេះតទៅ រហូតដល់ ថ្ងៃអាទិត្យ ៨កើត ខែពិសាខ ឆ្នាំម្សាញ់ សប្ដស័ក ព.ស.២៥៦៨ ត្រូវនឹងថ្ងៃទី៤ ខែឧសភា ឆ្នាំ២០២៥ ជាកំណត់។
សាមីខ្លួនត្រូវបំពេញនិងភ្ជាប់មកជាមួយនូវ៖
១.ពាក្យសុំចុះឈ្មោះចូលរៀន (១ច្បាប់)
២.ប្រវត្តិរូបសង្ខេប (១ច្បាប់)
៣.រូបថតផ្ទៃស ៤X៦ និង ៣x៤ ថតឃ្លុំចីវរ (ចំនួន៤សន្លឹក)
៤.សំបុត្របញ្ជាក់កំណើត ថតចម្លង (១ច្បាប់)
អាស្រ័យដូចបានប្រគេន នឹងជូនដំណឹង សូមសមណសិស្ស ដែលមានបំណងចង់បន្តការសិក្សា សូមរួសរាន់មកទទួលពាក្យ មុនពេលផុតកំណត់។
បញ្ជាក់ៈ សមណសិស្ស សិស្ស អាចស្នាក់នៅរៀនផ្ទាល់ក៏បាន និមន្តវិលត្រឡប់ទៅវត្តវិញក៏បាន។

02/07/2024

14/08/2023

គ្រូចូលរួមត្រេកអរផង ខិតខំបន្តទៀត។

28/07/2023

ពិតប្រាកដហើយ

#កំពូលអ្នកមាន #លើកទឹកចិត្ត

26/07/2023

នឹកកាលទៅរៀននៅវត្តខែលជ័យ ខេត្តកំពង់ចាម កាលពី១០ឆ្នាំមុន។

28/05/2023

- ពិធីបុណ្យបុណ្យចម្រើនព្រះជន្មាយុ ប្រគេនចំពោះ ព្រះគ្រូបញ្ញានុរ័ក្ខមុនី ឡេង ប៊ុនលាង ព្រះចៅអធិការវត្តព្រែកស្ដី ។
- ខ្ញុំព្រះករុណា អាត្មាភាព ខ្ញុំបាទ យើងខ្ញុំ ជាព្រះសង្ឃ គណៈកម្មការ អាចារ្យ មេវេន និងពុទ្ធបរិស័ទ វត្តព្រែកស្ដី ភូមិព្រែកស្ដី សង្កាត់ព្រែកស្ដី ក្រុងសំពៅពូន ខេត្តកណ្ដាល សូមថ្វាយប្រគេន ចំពោះសម្ដេចព្រះសង្ឃរាជ ព្រះមន្រ្តីសង្ឃគ្រប់ឋានានុក្រម និងព្រះថេរានុថេរៈ គ្រប់ៗព្រះអង្គ និងសូមចម្រើនពរ ចំពោះ សម្ដេច ទ្រង់ ឯកឧត្តម លោកឧកញ៉ា លោកជំទាវ លោក លោកស្រី អ្នកនាងកញ្ញា និងពុទ្ធបរិស័ទជិតឆ្ងាយ និមន្តនិងអញ្ជើញ ចូលរួមជាភ្ញៀវកិត្តិយសក្នុងកម្មវិធីបុណ្យចម្រើនព្រះជន្ម និងស្រោចស្រពសុគន្ធវារី ប្រគេនព្រះគ្រូចៅអធិការ និងពិធីបុណ្យគម្រប់ខួបព្រះសពព្រះគ្រូ និប្បកត្ថេរោ គៀត កយ អតីតព្រះចៅអធិការ សូមអនុមោទនាត្រេកអរនូវមហាកុសលតាមកម្លាំងសទ្ធាជ្រះថ្លារៀងៗខ្លួន។
កម្មវិធីបុណ្យ
ថ្ងៃ សៅរ៍ ១៥កើត ខែ ជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ០៣ ខែ មិថុនា ឆ្នាំ ២០២៣
កម្មវិធីពេលព្រឹក
វេលាម៉ោង ៧:០០នាទីព្រឹក ប្រគេនយាគូចំពោះព្រះសង្ឃ
វេលាម៉ោង ៨:០០នាទីព្រឹក ពុទ្ធបរិស័ទពិសារភោជនាហារ
វេលាម៉ោង ៩:០០នាទីព្រឹក បូជាប្រទីបថ្វាយព្រះរតនត្រ័យ និងបង្សុកូល ប្រគេនព្រះសពអតីតព្រះគ្រូចៅអធិការ
វេលាម៉ោង ១០:០០នាទីព្រឹក សម្ដេច ព្រះឧត្តមមុនី ជា សំអាង និងសហការី យាង និងនិមន្តមកដល់
វេលាម៉ោង ១០:៣០នាទីព្រឹក ធ្វើបទនមស្ការ ព្រះរតនត្រ័យ សមាទានសីល និងវេរភត្តាហារប្រគេនព្រះសង្ឃ
កម្មវិធីពេលល្ងាច
វេលាម៉ោង ១:០០នាទីថ្ងៃត្រង់ ជួបជុំពុទ្ធបរិស័ទជិតឆ្ងាយលើសាលាធម្មសភា
វេលាម៉ោង ១:៣០នាទីថ្ងៃត្រង់ ធ្វើបទនមស្ការ ព្រះរតនត្រ័យ សមាទានសីល និងចម្រើនព្រះបរិត្ត
វេលាម៉ោង ២:០០នាទីថ្ងៃត្រង់ ព្រះសង្ឃ គណៈកម្មការ អាចារ្យ ពុទ្ធបរិស័ទ សិស្សានុសិស្ស ទទួលបដិសណ្ឋារកិច្ច សម្ដេច ព្រះពុទ្ធជ័យមុនីបណ្ឌិត ឃឹម សន ព្រះមេគណរាជធានីភ្នំពេញ
វេលាម៉ោង ២:៣០នាទីថ្ងៃត្រង់ ឯកឧត្តមសាស្ត្រាចារ្យ ឈាង រ៉ា និងលោកជំទាវ
វេលាម៉ោង ៣:០០នាទីថ្ងៃត្រង់ និមន្តសម្ដេចទាំងពីរព្រះអង្គ ជយន្តោ ជូន ឯកឧត្តមសាស្រ្ដាចារ្យ ឈាង រ៉ា និងលោកជំទាវ
វេលាម៉ោង ៣:៣០នាទីថ្ងៃរសៀល យាង សម្ដេចព្រះពុទ្ធជ័យមុនី ឃឹម សន ព្រះមេគណរាជធានីភ្នំពេញ និង សម្ដេចព្រះឧត្តមមុនី ជា សំអាង ព្រះមេគណខេត្តកណ្ដាល ប្រគេនប្រកាសនីយបត្រ និងត្រា ព្រមទាំងអញ្ជើញ ឯកឧត្តម ឈាង រ៉ា និងលោកជំទាវ ស្រោចស្រងសុគន្ធវារីប្រគេន ព្រះគ្រូបញ្ញានុរ័ក្ខមុនី ឡេង ប៊ុនលាង ព្រះចៅអធិការ
វេលាម៉ោង ៤:០០នាទីថ្ងៃល្ងាច យាងសម្ដេច ព្រះពុទ្ធជ័យមុនី ឃឹម សន និងសម្ដេចព្រះឧត្តមមុនី ជា សំអាង សម្ដែងព្រះធម៌ទេសនា បុច្ឆា វិសជ្ជនា គ្រែពីរ
វេលាម៉ោង ៥:០០នាទីថ្ងៃល្ងាច ឧទ្ទិសមហាកុសល ប្រគេន វិបាកសន្ធិវិញ្ញាណព្រះសព គណៈកម្មការ អាចារ្យ ពុទ្ធបរិស័ទ គ្រប់ៗជំនាន់ រួចផ្សាយបុណ្យកុសលដល់សព្វសត្វទាំងពួង ជាកិច្ចបង្ហើយបុណ្យ
សូមអរព្រះគុណ និងអរគុណ

ទីតាំងវត្តព្រែកស្ដី ភូមិព្រែកស្ដី សង្កាត់ព្រែកស្ដី ក្រុងសំពៅពូន ខេត្តកណ្ដាល