25/07/2025
ខ្ញុំសង្ឃឹមថាពិភពលោកនឹងបានស្តាប់នៅសម្លេងដ៏តិចតួចមួយនេះ, នេះគឺជាសម្លេងដែលឈឺចាប់ពីប្រទេសកម្ពុជាដែលជាប្រទេសកំពុងត្រូវបានប្រទេសថៃរំលោភបំពាន ហើយត្រូវបានថៃលាបពណ៌ថាជាអ្នកចាប់ផ្តើមសង្គ្រាម។
១. ប្រទេសថៃបានប្រាប់ពិភពលោកថាកម្ពុជាគឺជាអ្នកចាប់ផ្តើមផ្ទុះអាវុធមុន ទាំងដែលការពិតគឺខាងថៃទេដែលជាអ្នកចាប់ផ្តើម ហើយមិនត្រឹមតែប៉ុណ្ណោះខាងថៃនេះក៏បានលាបពណ៌កម្ពុជានៅក្នុងប្រទេសរបស់ខ្លួនក៏ដូចជាពិភពលោក នេះគឺជាអំពើដ៏អាក្រក់មួយ ដែលបានធ្វើឲ្យប្រជាជនកម្ពុជាឈឺចាប់យ៉ាងខ្លាំង ដោយសារតែត្រូវបានគេរំលោភបំពាន ហើយត្រូវបានអ្នកធ្វើបាបលាបពណ៌បន្ថែមដោយសារតែគេជាប្រទេសធំជាង មានលុយនិង អំណាចធំជាងនៅលើឆាកអន្តរជាតិ។ ប៉ុន្តែពួកយើងជឿថាការពិតវាមិនស្ថិតនៅលើលុយ និងអំណាចទេវាស្ថិតនៅលើភាពស្មោះត្រង់។ ក្នុងការមើលមនុស្ស ដើម្បីដឹងថាមនុស្សនោះល្អ មិនល្អគឺគេមិនមើលទៅលើសម្តីទេ គឺគេមើលទៅលើទង្វើរដែលមនុស្សនោះបានធ្វើ ចំពោះប្រទេសក៏ដូចគ្នា។
ខាងថៃបាននិយាយប្រាប់ពិភពលោកថាខ្លួនឯងល្អ ស្រឡាញ់សន្តិភាព ប៉ុន្តែយើងទៅមើលទង្វើររបស់ថៃវិញ:
1. ខាងថៃបានចូលមកបាញ់ទាហ៊ានកម្ពុជាស្លាប់ម្នាក់
2. កម្ពុជាបានបបួលថៃឡើងទៅកាត់ក្តីនៅICJ ប៉ុន្តែថៃមិនព្រម
3. ខាងថៃបានបិទព្រំប្រទល់ដោយឯកតោភាគី
4. ខាងថៃបានគំរាម ផ្តាច់ភ្លើងនិងInternetដែលកំពុងផ្គង់ផ្កង់មកប្រទេសកម្ពុជា
5. ប៉ុន្មានថ្ងៃមុនបន្តិច មានប្រជាជនថៃម្នាក់បានវាយ កងកំលាំងកម្ពុជាហើយរត់បាត់
6. មុនពេលការវាយប្រហារគ្នាចាប់ផ្តើម ប្រទេសថៃបានបណ្តេញទូតកម្ពុជាចេញពីប្រទេស ហើយកោះហៅទូតរបស់ខ្លួនចូលប្រទេសវិញ
ខ្ញុំចង់សួរថាតើទង្វើរទាំងអស់នោះគឺជាអ្វី? នោះឬគឺជាទង្វើរដែលមនុស្សល្អ ឬមនុស្សដែលស្រឡាញ់សន្តិភាពគេធ្វើ? ប្រទេសកម្ពុជាគឺជាប្រទេសចំណាស់ធ្លាប់ឆ្លងកាត់ការលំបាក និងការជិះជាន់មកច្រើនហើយ ពួកយើងគ្រាន់តែចង់បានសន្តិភាពប៉ុណ្ណោះ ពួកយើងជាប្រទេសតូច ប្រជាជនតិច តើធ្វើដូចម្តេចទៅហ៊ានលុកលុយជាមួយថៃដែលជាប្រទេសធំ ប្រជាជនច្រើននោះទៅ។ នេះគឺជាសារសម្លេងដ៏ឈឺចាប់មួយដែលសរសរដោយប្រជាជនកម្ពុជាដែលស្លូតត្រង់ម្នាក់ គ្មានអ្វីក្រៅពីចង់បង្ហាញការពិតដល់ពិភពលោកឲ្យបានឃើញ និងជួយរកយុត្តិធម៌ប៉ុណ្ណោះទេ កុំជឿពាក្យខ្ញុំអ្វី ប៉ុន្តែសូមទៅមើលការពិតចុះ
