សហភាពសហព័ន្ធយុវជនកម្ពុជាខេត្តកំពត UYFC-Kampot Province

05/06/2026

តស់! រួមគ្នាបរិច្ចាគជូនមូលនិធិគន្ធបុប្ផាកម្ពុជាដើម្បីកុមារទាំងអស់កម្ពុជា។
===
សូមចូលរួមបរិច្ចាគ ក្នុងយុទ្ធនាការ ១ម៉ឺនរៀល ១ម៉ឺននាក់ ឆ្នាំ២០២៦ របស់មូលនិធិគន្ធបុប្ផាកម្ពុជា ដឹកនាំ ដែលដោយលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រធានកិត្តិយសមូលនិធិគន្ធបុប្ផាកម្ពុជា ទាំងអស់ គ្នា ក្នុងស្មារតី “ខ្មែរជួយខ្មែរ”។

ភាពញញឹមរបស់កុមារ ជាអនាគតដ៏ភ្លឺស្វាងរបស់កម្ពុជា !

សូមចូលរួមបរិច្ចាគតាមរយៈតំណនេះ ៖
https://epayment.acledabank.com.kh/wRx1Z4Gzqzi8zMDq/pay

លេខទំនាក់ទំនង ៖
📞០៦១ ៧០១ ១១១
📞០១០ ៥៤៣ ៦៦៦

03/06/2026

នាព្រឹកថ្ងៃពុធ ៣រោច ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦

ក្រុមគ្រួសារសហភាពសហព័ន្ធយុវជនកម្ពុជា ស្រុកទឹកឈូ បានអញ្ជើចូលរួមអបអរសាទរក្នុងពិធីប្រកាស និងចែកវិញ្ញាបនបត្រសម្គាល់ម្ចាស់អចលនវត្ថុ (ប្លង់រឹង) ជូនដល់បងប្អូនប្រជាពលរដ្ឋជាម្ចាស់អចលនទ្រព្យ មកពីឃុំចំនួន២ នៃស្រុកទឹកឈូ ខេត្តកំពត ក្រោមអធិបតីភាពឯកឧត្តមបណ្ឌិត ម៉ៅ ធនិន អភិបាល នៃគណៈអភិបាលខេត្តកំពត ស្ថិតនៅបរិវណវត្តសុខមនោរម្យ ក្នុងភូមិដំណាក់ហ្លួង ឃុំព្រៃថ្នង ស្រុកទឹកឈូ ខេត្តកំពត ។

ការប្រកាសចែកវិញ្ញាបនបត្រសម្គាល់ម្ចាស់អចលនវត្ថុនាពេលនេះ គឺធ្វើឡើងសម្រាប់ភូមិចំនួន ៧ រួមមាន៖ ភូមិព្រៃថ្នង ភូមិចក្រីទីង និងភូមិដំណាក់ហ្លួង ស្ថិតក្នុងឃុំព្រៃថ្នង ព្រមទាំងភូមិគោចិនលែងភូមិត្រពាំងច្រាប ភូមិត្រសេកកោង និងភូមិថ្មី ស្ថិតក្នុងឃុំថ្មី ដោយមានក្បាលដីសរុបចំនួន ១៣,១៣១ ក្បាលដី ត្រូវបានប្រគល់ជូនទៅដល់ដៃប្រជាពលរដ្ឋផ្ទាល់ ដែលស្មើនឹង ៧,៨៦៦ គ្រួសារ៕

03/06/2026

សហភាពសហព័ន្ធយុវជនកម្ពុជា ខេត្តកំពត សូមគាំទ្រយ៉ាងពេញទំហឹង ចំពោះការសម្រេចចិត្តដ៏ម៉ឺងម៉ាត់ និងចំណាត់ការដ៏ជាក់លាក់ របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ស្តីពី “ដំណោះស្រាយរបស់រាជរដ្ឋាភិបាល ពាក់ព័ន្ធនឹងការទាមទារដែនសមុទ្រត្រួតស៊ីគ្នាជាមួយប្រទេសថៃ”។

ការសម្រេចចិត្តដ៏ម៉ឺងម៉ាត់ និងចំណាត់ការដ៏ជាក់លាក់របស់រាជរដ្ឋាភិបាល ក្នុងការដោះស្រាយបញ្ហាតំបន់សមុទ្រត្រួតស៊ីគ្នាដោយសន្តិវិធី និងផ្អែកតាមគោលការណ៍ច្បាប់អន្តរជាតិ តាមរយៈយន្តការផ្សះផ្សាដោយបង្ខំ និងក្រោមអនុសញ្ញាសហប្រជាជាតិស្តីពីនីតិសមុទ្រ (UNCLOS) គឺជាដំណោះស្រាយផ្សះផ្សាដ៏ត្រឹមត្រូវបំផុត ដោយអ្នកជំនាញផ្សះផ្សាអន្តរជាតិ ដែលនឹងផ្តល់ភាពយុត្តិធម៌សម្រាប់ប្រទេសទាំងពីរ ដោយរក្សាបាននូវអធិបតេយ្យភាពជាតិ បូរណភាពទឹកដី និងកសាងបាននូវព្រំដែនមិត្តភាព សន្តិភាព កិច្ចសហប្រតិបត្តិការ ការគោរពគ្នាទៅវិញទៅមក និងការអភិវឌ្ឍ។

02/06/2026

នារសៀលថ្ងៃទី១ ខែមិថុនា ឆ្នាំ២០២៦ ស.ស.យ.ក. ខេត្តកំពតសហការជាមួយរដ្ឋបាលខេត្ត និងមន្ទីរទេសចរណ៍ខេត្ត បានរៀបចំព្រឹត្តិការណ៍មរតកផ្លែឈើ និងនំចំណីខេត្តកំពត ក្រោមប្រធានបទ៖ «រស់ជាតិកំពត កិត្យានុភាពទេសចរណ៍បៃតង» ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត ម៉ៅ ធនិន អភិបាល នៃគណៈអភិបាលខេត្តកំពត ព្រមទាំងមានការចូលរួមពីសំណាក់មន្រ្តីរាជការ សិស្ស និស្សិត និងបងប្អូនប្រជាពលរដ្ឋយ៉ាងច្រើនកុះករ ស្ថិតនៅសួនច្បារ(ទល់មុខវិថីអាហារ)។

ព្រឹត្តិការណ៍នេះធ្វើឡើងក្នុងគោលបំណង៖ ១.លើកកម្ពស់គុណតម្លៃផល្លានុផលប្រកបដោយភាពល្បីល្បាញ និងរស់ជាតិឆ្ងាញ់ពិសារនំចំណីកំពត ២.ជំរុញការផ្សព្វផ្សាយកិត្តិនាមផ្លែឈើ និងនំចំណីកំពតឲ្យកាន់តែទូលំទូលាយ ៣.ចូលរួមក្នុងសកម្មភាពកំពតជាគោលដៅទេសចរណ៍ដ៏ទាក់ទាញ ៤.ជួយសហគមន៍លក់ផលិតផលបានតម្លៃល្អ និងដោយផ្ទាល់ដល់ភ្ញៀវទេសចរ ៥.ជំរុញលើកទឹកចិត្តដល់កសិករ អាជីវករក្នុងការដាំដុះកាន់តែប្រសើរឡើង។

30/05/2026

យុវជន និងព្រះពុទ្ធសាសនា

នាព្រឹក​ថ្ងៃទី​៣០​ ខែឧសភា​ ឆ្នាំ​២០២៦ ស.ស.យ.ក. ស្រុក​កំពង់ត្រាច​ បាន​រៀបចំ​កម្មវិធី​ "​ព្រះពុទ្ធសាសនា​ផ្សារភ្ជាប់​ការអប់រំ​ និង​យុវជន"​ ក្រោម​អធិបតីភាព​ ឯកឧត្តម​ មឿង​ គង្គា​ ប្រធាន​សហភាព​សហព័ន្ធ​យុវជន​កម្ពុជា​ខេត្ត​កំពត​ និង​ព្រះ​មន្រ្តីសង្ឃ​នៃ​ព្រះ​អនុគណស្រុក​កំពង់ត្រាច​ នៅ​វិទ្យាល័យ​ សម្តេច​ ហ៊ុន​ សែន​ អង្គសុរភី​ ដោយមាន​សមាសភាព​ចូលរួមមាន​ ក្រុម​ការងារ​ ស.ស.យ.ក​. ខេត្ត​ ស.ស.យ.ក​ .ស្រុក​ លោកប្រធាន​ការិយាល័យ​សង្គម​កិច្ច​ និង​សុខមាលភាពសង្គម​ លោកនាយក​ នាយករង​ លោកគ្រូ​ អ្នកគ្រូ​ ក្រុម​យុវជន​ ស.ស.យ.ក​ .ជា​សិស្ស​ប្រចាំសាលា​ យុវជន​កាកបាទក្រហម​ យុវជន​កាយរឹទ្ធិ​ និង​សិស្សានុសិស្ស​ សរុបរួម​ចំនួន​ ១,១៧៥​នាក់។

29/05/2026

ក្មួយប្រុសស្រីកំព្រាទាំងបីនាក់ ដែលជួបការលំបាកខ្លាំងគ្មានទីពឹងនៅភូមិអន្លង់គគីរ ឃុំកណ្តោល ស្រុកទឹកឈូត្រូវបានក្រុមការងារយុវជន និងអាជ្ញាធរនាំយកថវិកា និងសម្ភារៈមួយចំនួនចុះជួយសម្រួលបានខ្លះហើយ

លោក អំ តារា អនុប្រធានប្រចាំការសហភាពសហព័ន្ធយុវជនកម្ពុជាស្រុក តំណាងលោក អ៉ឹម ច័ន្ទសោធន អភិបាល នៃគណៈអភិបាលស្រុក និងជាប្រធានសហភាពសហព័ន្ធយុវជនកម្ពុជា ស្រុកទឹកឈូ បានដឹកនាំក្រុមការងារ ស.ស.យ.ក.ស្រុក និងអាជ្ញាធរឃុំ បាននាំយកថវិកាចំនួន២៥០,០០០រៀល(ម្ភៃប្រាំម៉ឺនរៀលគត់) ព្រមទាំងអង្ករ៥០គីឡូក្រាម ធុងចម្រុះទឹក០១ ចង្ក្រាន្ត០១ សម្ភារៈឆ្នាំងចានមួយចំនួនធំ ទឹកត្រី០១ឡូជូនដល់ក្មួយស្រី ក្មួយប្រុសរស់នៅជាមួយតែ៣នាក់ ក្រោយឳពុកម្តាយបានលែងលះគ្នាជាយូរមកហើយ ក្រោយបានលែងលះគ្នាជាច្រើនឆ្នាំ ម្តាយរបស់គាត់ទាំង៣បានទទួលអនិច្ចកម្មតាំងពីឆ្នាំ២០២៤ ធ្វើឲ្យពួកគាត់រស់នៅជាមួយបងប្អូនទាំង៣នាក់នេះ ជាមួយកូនខ្ទមដ៏លំបាកស្ថិតក្នុងអនលង់គគីរ ឃុំកណ្តោល ស្រុកទឹកឈូ ខេត្តកំពត។

បច្ចុប្បន្ន ក្មួយប្រុសស្រីទាំង០៣នាក់ជាសិស្សនៅវិទ្យាល័យហ៊ុន សែនត្រសេកកោង ខណៈបងស្រីធំជាសិស្សថ្នាក់ទី១១ តែងតែចេញពីសាលាទៅផ្ទះដាំស្ល ទុកឲ្យប្អូនៗ០២នាក់រៀនគួរនៅសាលាបន្តពីម៉ោងរដ្ឋ៕

28/05/2026

28/05/2026

សូមចូលរួមរំលែកទុក្ខដល់ក្រុមគ្រួសាររបស់ លោក តុល ស៊ីផាត អនុប្រធាន ស.ស.យ.ក.ឃុំថ្មី ដែលបាត់បង់លោកឳពុកជាទីស្រឡាញ់

នាព្រឹកថ្ងៃទី២៨ ខែឧសភា ឆ្នាំ២០២៦ លោក អំ តារា អនុប្រធានប្រចាំការសហភាពសហព័ន្ធយុវជនកម្ពុជា ស្រុក តំណាង លោក អ៉ឹម ច័ន្ទសោធន អភិបាល នៃគណៈអភិបាលស្រុក និងជាប្រធានសហភាពសហព័ន្ធយុវជនកម្ពុជា ស្រុកទឹកឈូ បានដឹកនាំក្រុមការងារ ស.ស.យ.ក.ស្រុក ចូលរួមរំលែកទុក្ខ និងបាននាំយកថវិកាចំនួន ៥៥០,០០០ម៉ឺន(ហាសិបប្រាំម៉ឺនរៀលគត់) ដែលជាការចូលរួមរបស់លោកប្រធាន និងក្រុមគ្រួសារស.ស.យ.ក.ស្រុក ព្រមទាំងអង្ករ៦០គីឡូក្រាម ទឹកសុទ្ធចំនួន២កេស ចូលរួមបុណ្យសព លោក តា តុល ឈន ដែលត្រូវជាឳពុកបង្កើតរបស់លោក តុល ស៊ីផាត អនុប្រធានស.ស.យ.ក.ឃុំថ្មី ស្ថិតក្នុងភូមិថ្មី ឃុំថ្មី ស្រុកទឹកឈូ ខេត្តកំពត។